Өзекті мәселелер

  • 13.06.19

    Ежелден халық педагогикасы ұрпақ тәрбиесінің қайнар көзі болып келді және бұл бағытта жас ұрпақтың болашағына берік байлам жасалды. Әсіресе, дарабоз қарттарымыздың даналық ойы, салиқалы сөз саптау үлгісі, өмір белес­терінен  көрген-білгенін, ғибратты әңгімелерін  тәрбие құралына айнал­дырып, одан жақсылыққа ұмтылу, ынтымақ­қа ықылас қою, бауырмалдық қасиетк­е бет бұру секілді тағылымның түрлі ө...

    Толығырақ...
  • 13.06.19

    Бүгінде басы ауырып, балтыры сыздамайтын пенде жоқ. Сырқаттанған адамның алдымен жедел жәрдемнің көмегіне жүгінетіні белгілі. Дәрігердің ауырған жерін тәптіштеп сұраса, көпшіліктің дертінен айыққандай күй кешетіні тағы бар. Алайда «103» қызметкерлерінің әр күні сын сағатқа толы. Көбісі ем-дом жасауға дайын арашашы жандардың сан түрлі жағдай мен оқиғаны бастан кешетінінен бейхабар. Бұған...

    Толығырақ...
  • 13.06.19

    Тоқсаныншы  жылдардығы тоқырау көптің есінде ғой. Жоспарлы экономикадан нарықт­ық экононмикаға бет бұрып, жаңа белесті бағын­дыруға бой түзедік. Бұқара бұған бірден үйрене қойған жоқ. Әркім «балапан басына, тұрымтай тұсына» кетті. Ал отба­сы ошақ қасында болған әйелдер ала  дорбасын асынып, көшеге шықты. Сауда-сат­тықпен айналысты. Ал еркек­ кіндіктің кейбірі көше кезіп кетсе, енді бірі арақ-ша...

    Толығырақ...
  • 13.06.19

    «Бірінші байлық – денсаулық». «Қазалы арнаулы әлеуметтік қызметтер орталығы» мемлекеттік мекемесінің есігінен аттаған бойда осы аталы сөз ойға оралды. Жоқ, басқаша ойлап­ қалмаңыз. Ауладағы самал желмен­ тербелген әсем гүлдер, жайқалған саялы талдар, жеміс ағаштары, сүйкімді иісі танауды қытықтаған балғын жоңышқа, жүйектерді қуалап, сылдырай аққан тіршілік нәрі, баршасы мұнда шаруасына мығым ие...

    Толығырақ...
  • 13.06.19

    Әдетте, футболда көбінесе шабуылшылар­ға аса мән береді. Алайда­ команданың жеңуіне қақпашылардың үлесі зор екенін бірі білсе, бірі білмес. Үздік қақпашы найзағайдай жылдам реакц­иясымен, болаттай төзімді жүйкесімен және де дұрыс позиция таңдай білетін ақылымен командасына сеп­ті­гін тигізеді. Әсіресе, ойын тағдыры шешіле­тін «пенальти» секілді шиеленісті ойын кезін­де­ қақпасын голдан қор­ғап,...

    Толығырақ...
Дүйсенбі, 05 Наурыз 2018

Қала әкімі ұстаздар қауымын 8 наурыз мерекесімен құттықтады PDF Print Email
Жаңалықтар - Халық-хабар
06.03.2018 09:14

Кеше Қызылорда қаласының әкімі Нұрлыбек Нәлібаев 8 наурыз – Халықаралық әйелдер күні мерекесіне орай ұстаздар қауымын құттықтады.

Мерекелік шараға қала мектептерінен 300-ге жуық ұстаздар және білім саласының ардагерлері қатыстырылды.

Ұстаздарды құттықтау барысында қала әкімі Н.Нәлібаев: «Бүгінгі қоғамда нәзік жандылар сан түрлі саланың қыр-сырын меңгерген.

Әсіресе, білім саласында ұлағаттылықтың ұлы жолын таңдаған ұстаздар қауымында – нәзік жандылардың алар орны ерекше.

Бұл сөзімнің бір ғана дәлелі, қазіргі таңда қала мектептерінде 6 мыңнан астам ұстаздар қызмет етсе, солардың 90 пайызын нәзік жандылар құрайды.

Бұл дегеніміз - әйел-ұстаздардың еліміздің ең басты байлығы адами капиталын дамыту жолында, яғни өскелең ұрпаққа білім беру жолындағы белсенділігі, беделі мен мәртебесінің көрінісі.

Расында, болашақ ұрпақтың бойына саналы білім нұрын құйып жүретін, жауапты да ұлағатты еңбек иелері - ұстаздар қауымының қашанда орны бөлек, тұғыры биік.

Тәуелсіз еліміздегі бейбіт тірліктің, мызғымас бірліктің, жарқын болашаққа деген сенімнің, ізгілік пен мейірімділіктің ұйытқысы да Өздеріңіз, аяулы арулар!» - дей келе, нәзік жандылардың қоғамдағы мәртебесі мен маңызына тереңірек тоқталды.

Шара барысында қала әкімі 20 ардагер ұстазға арнайы әзірленген сыйлықтар мен гүл шоқтарын табыстап, білім саласында еңбегімен еленген 10 мұғалімді түрлі номинациялармен марапаттаса, 101 мұғалім қалалық білім бөлімінің грамоталарымен марапатталды.

Сонымен қатар, Сыр елінің бірқатар атпал азаматтары ҚР «Атамекен» ұлттық кәсіпкерлер палатасы, Ақпараттық-комунникациялық технологиялар, білім беру және инновация комитетінің Төрағасы Әбенов Мұрат Абдуламитұлы, ҚР Парламент мәжілісінің депутаты Шиповских Геннадий Геннадиевич, ауыр Атлетикадан Әлем және Олимпиада Чемпионы Илья Ильин сахнада орнатылған арнайы экран арқылы, ұстаздар қауымына деген жүрекжарды тілектерін жолдады.

Салтанатты жиын барысында жергілікті өнерпаздар барша қатысушыларға мерекелік көңіл күй сыйлап, аяулы жандарға әсем әндерін арнады.

Қатысушылардың барлығына қала әкімінің атынан гүл шоқтары табысталды.

Қала әкімінің баспасөз қызметі

 


ҚЫЗЫЛОРДА ОБЛЫСЫНЫҢ 2020 ЖЫЛҒА ДЕЙІНГІ ДАМУ СТРАТЕГИЯСЫН ЖҮЗЕГЕ АСЫРУ МӘСЕЛЕЛЕРІ ТАЛҚЫЛАНДЫ PDF Print Email
Жаңалықтар - Халық-хабар
05.03.2018 14:27

Аталмыш стратегия 2013 жылы бекітілген болатын. Ресей ғылым академиясының академигі Абел Аганбегян мен Ресей президенті жанындағы Ресей халық шаруашылығы және мемлекеттік қызмет академиясы ғылыми кеңесінің мүшесі Сергей Календжян Стратегияны әзірлеген Қазақстан-Ресей бірлескен жұмыс тобының отырысына қатысты. Шараға облыс әкімі Қырымбек Көшербаев, облыс әкімінің орынбасарлары, мемлекеттік органдардың басшылары қатысты.

Облыс әкімдігінде Қызылорда облысының 2020 жылға дейінгі әлеуметтік-экономикалық даму стратегиясын жүзеге асыру мәселелері талқыланды. Онда қатысушылар жоспарды іске асыру мәселелерін және жүзеге асырудың одан арғы қадамдары туралы ойларын ортаға салды.Естеріңізге сала кетейік, 2013 жылдың желтоқсанында Ресей ғылым академиясының академигі Абел Аганбегян жетекшілік жасаған қазақстандық және ресейлік ғалымдар мен мамандардың қатысуымен әзірленген Қызылорда облысының 2020 жылға дейінгі әлеуметтік-экономикалық даму стратегиясы қабылданған болатын.

Стратегияны жүзеге асырудың аралық нәтижелері екі жыл сайын қорытындыланып отырады. 2016 жылы Абел Аганбегян өңірге келіп, «Қызылорда айтарлықтай өзгерді, дегенмен әлі де көп жұмыс істелуі керек және болашаққа деген үміт бар», - деп  өңірдің дамуына оң баға берген болатын.

Кездесуді ашқан облыс әкімі Қырымбек Көшербаев аймақтың даму қарқынын көрсететін барлық макроэкономикалық көрсеткіштер бойынша оң динамикаға қол жеткізгенін атап өтті. Соңғы 5 жылда мұнай өндірісінің 2 есеге төмендеуіне байланысты облыс 2017 жылы тек бір ғана көрсеткіш - өнеркәсіптік өндіріс көлемі бойынша оң векторға қол жеткізе алмады.

«2013 жылы Даму стратегиясын қабылдаған кезде біздің алдымызға қойған  басты міндет экономиканы индустрияландыру арқылы әртараптандыру болатын. Соңғы бес жыл ішінде облысымызда 50-ден астам өнеркәсіп нысан іске қосылса, оның 16-сы - ірі және орта кәсіпорын. Нәтижесінде, өңдеуші секторда осы кезең ішінде өндірілген өнім көлемі 65 пайызға артса, шикізаттық емес сектордың экспорт көлемі тек соңғы жылдың өзінде 60 пайызға өсті»,- деді облыс әкімі.

Сондай-ақ, аймақ басшысы өңірдегі кәсіпкерлікті дамытудың маңыздылығын атап өтті.

«Экономиканың әлемдік турбуленттілігінің сабақтарын ескере отырып, біз болашақтың шағын және орта бизнесте екеніне әрдайым көз жеткізудеміз. Оның үстіне, біздің алдымызда 90 мыңға дерлік өзін өнімсіз жұмыспен қамтығандарды рәсімдеу міндеті тұр. Осыған байланысты біз 2018 жылды «Жаппай кәсіпкерлікті дамыту жылы» етіп жариялау туралы шешім қабылдадық »,- деді Қырымбек Көшербаев.

Облыс әкімінің орынбасалары мен мемлекеттік органдардың басшылары өңір экономикасының негізгі жетістіктері мен проблемалары туралы айтып берді.

Өз кезегінде, академик Аганбегян аймақтың әлеуметтік-экономикалық даму қарқынын жоғары бағалады.

«Соңғы 5 жыл ішінде өте ауқымды жұмыс жүргізілді. Біз бірнеше стратегия жасақтауға қатыстық. Олардың ешқайсысы сіздердікіндей табысты жүзеге асырылған жоқ»,-деді Абел Аганбегян.

Абел Аганбегян аймақ басшылығы экономиканы әртараптандыруда дұрыс шешім қабылдағанын атап өтті.

«Ең маңыздысы, осы орайда өндеу өнеркәсібіне басымдық берілді»,- деді Аганбегян.

«Қызылорда күнде өзгеріп жатыр. Мұны біз әр келген сайын байқап отырмыз. Ең бастысы, осымен тоқтап қалмай, басты салаларды дамыту бойынша жұмыс істеді»,- деді академик.

Қызылорда облысына жұмыс сапары барысында Абел Аганбегян мен Сергей Календжян Қызылорда қаласы мен Шиелі ауданындағы бірқатар өндірістік және әлеуметтік нысандарды аралап, Сырдарияның сол жағалауында бой көтеріп жатқан жаңа қаланың құрылысы мен кәсіпкерлікті қолдау орталығының жұмысымен танысты.

Облыс әкімінің баспасөз қызметі

 

 


Күнтізбе

< Наурыз 2018 >
      1 2 3 4
6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары