Оқырманнан хат

Келіп кету есептегіші

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін1432
mod_vvisit_counterКеше2391
mod_vvisit_counterОсы аптада10210
mod_vvisit_counterӨткен аптада20558
mod_vvisit_counterОсы айда56163
mod_vvisit_counterӨткен айда48193
mod_vvisit_counterБәрі3703240


Өзекті мәселелер

  • 18.04.19

    Түрме рейтингі – кез келген елдің әлеуметтік-экономикалық әлеуетін танытат­ын көрсеткіштің бірі. Бұл ретте­ Қазақстан қылмыстық заңнаманы ізгілендіру саясатын іске асыра отырып, жыл сайын бас бостандығынан айыруға байланысты емес жазалардың баламалы­ шараларын қолдану саласын кеңейтуде­. Соның нәтижесінде бұл түрме зерт­теулерін қадағалаудың халықаралық орталығы­ның (ICPS) жалпыәлемдік рейтингі...

    Толығырақ...
  • 18.04.19

    «Бала анадан туғанда екі түрлі мінезбен туады; біреуі – ішсем, жесем, ұйықтасам деп тұрады. Бұлар – тәннің құ­мары... Екіншісі – білсем екен, көрсем екен, үйренсем екен деп талпынып, көзі көрген, құлағы естігеннің  бәрін  сұрап  тыншымау. Бұл – жан құмары...»

    Абай  Құнанбаевтың

    «Жетінші  қара...

    Толығырақ...
  • 18.04.19

    Дана қазақ «Көп жа­саған білмейді, көпті көр­ген біледі» дейді. Көп жасамадық, көпті көрмедік. Айтпақшы, «менің білге­німді өзгенің білмеуі керек» деп ақпаратты қыз­ғанатындар бар екен. Бар емес, олардың қатары қалың көрінеді. Әрине, әңгімеміз пайдалы ақпараттар мен мәліметтер турас­ында ғана. Әйтпесе, оқырман мен тыңдарманды адастыратын ақпараттың әрдайым жасырынып жүрген...

    Толығырақ...
  • 18.04.19

    Бала кезімнен әкеме жақын болып­ өстім. Таң атқаннан кеш батқан­ға дейін ізінен бір елі қалмайтын едім. Әкем жаны жайсаң, түрі сұсты, балаларына қамқоршы, мен үшін асқар таудай биік шың дер едім. Бізге қаладан «балала­рыма» деп базарлық­тың түр-түрін әкелетін. Осыдан әкемнің даладай дарқан көңілін  байқауға  болады.

    ...
    Толығырақ...
  • 18.04.19

    Осыдан екі жыл бұрынғы ақпаратты айтайық. Ең алғаш естігенде есеңгіреп қалдық. Елімізде 2017 жылы 110 мың адам жоғары оқу орнын бітірген. Тек олардың мамандық бойынша жұмысқа орналасқандар саны – 7-ақ пайыз. Мұны мәжіліс депутаты Мұрат Бақтиярұлы баяндад­ы. Бұл ретте бітіруші түлектердің қалғаны қайда деген заңды сауал туын­дайт­ыны рас. Мәжіліс депутаты «КТК» арнасына берген сұхбатында жастарғ...

    Толығырақ...
Дүйсенбі, 09 Сәуір 2018

«АҚМЕШІТ» ФОЛЬКЛОРЛЫҚ АНСАМБЛІ ЛОНДОН ТӨРІНДЕ ӨНЕР КӨРСЕТТІ PDF Print Email
Жаңалықтар - Халық-хабар
10.04.2018 10:57

«Ақмешіт» фольклорлық ансамблі Лондонда өткен Наурыз тойына қатысты. Мерекелік шара 2018 жылдың 7 сәуірінде «Victoria Embankment Gardens» саябағында ұйымдастырылды.

Шара Қазақстанның Ұлыбританиядағы елшілігінің ұйымдастыруымен өтті.

Шараға Қазақстан Республикасының Ұлыбритания және Солтүстік Ирландия Құрама Корольдігіндегі Төтенше және Өкілетті Елшісі Ерлан Ыдырысов қатысып, мерекемен құттықтады.

Сыр елінен арнайы барған өнерпаздар лондондықтар үшін екі бірдей концерт қойып, өнерлерін паш етті.

"Ақмешіт" ансамблінің концерттік бағдарламасы көрермендерді түрлі жанрдағы музыкалық шығармалармен сусындатты. Ансамбль өнерпаздары Дәулеткерейдің "Көрұғлы", Ықыластың "Жезкиік", халық күйі "Ел айрылған" сынды шығармалар мен әлемдік классикалық туындыларды орындаса, ұжымның жеке орындаушылары жыр-термеден шашу шашты.

"Өнерпаздарымыздың бірегей өнері арқылы біз ұлттық өнерді дәріптейміз", - деп атап өтті филармония директоры Талғат Мақашев.

"Ақмешіт" фольклорлық ансамблі Сыр бойының төлтума өнерін, қазақ ұлттық фольклорын насихаттау мақсатында 2009 жылы облыстық филармония жанынан құрылды. 1972 жылы ашылған облыстық филармонияда 7 шығармашылық ұжым жұмыс істейді, оның бірі - "Ақмешіт" ансамблі.

Ансамбль репертуарында 100-ден астам қазақ күйлері мен заманауи өңделген шығармалар бар.

"Ақмешіт» фольклорлық ансамблінің құрамында 12 өнерпаз бар. Олар республикалық, халықаралық конкурстар мен фестивальдерде жеңімпаз атанып жүр.

Атап өту керек, соңғы жылдары облыс басшылығының қолдауымен ансамбль өнерпаздары Өзбекстан, Ресей, Түркия және елдеріне гастрольдік сапарларда болды.

Облыс әкімінің баспасөз қызметі

 


Кәсіпкерге зияны тиген тұлғалар жазалана ма? PDF Print Email
Жаңалықтар - Халық-хабар
10.04.2018 09:57

Мемлекеттік сатып алу процесіне қатысқан кез келген кәсіпкер жұмысын істеп, көрсетілген қызметіне қарай ақысын алуды ғана ойлайды. Алайда «Арал-су құрылысы» ЖШС үшін бұл іс үлкен проблемаға айналды.

Бәрін басынан бастасақ. Қызылорда облысының статистика департаменті өткен жылы Арал ауданындағы статистика басқармасының ғимаратын қайта жаңғырту үшін мемлекеттік сатып алу конкурсын жариялаған болатын. Конкурсты «Арал-су құрылысы» ЖШС жеңіп алып, 23 мамырда қызметті орындауға бағытталған 16 млн 913 мың теңгеге келісімшартқа қол қояды.

Статистика департаментінің тапсырысы бойынша кәсіпкер тапсырысты 31 шілдеге дейін аяқтауы тиіс болған және аяқтаған да. Алайда тапсырыс беруші көрсетілген қызметті қабылдау барысында кәсіпкерге жоба-сметалық құжаттамада көрсетілмеген тапсырмаларды да жүктеген. Нақтырақ айтқанда, әжетхана салу, ғимаратты қоршау, асфальт төсеу секілді тапсырыс берушімен мемлекеттік сатып алу веб-порталында орналастырылған ақпаратта, келісімшартта, локальдық смета мен техникалық сипаттамада көрсетілмеген жұмыстар. Өз кезегінде кәсіпкер бұл жұмыстарды орындаудан бас тартады.

Дау осы жерде басталып, облыстық статистика департаменті «Арал-су құрылысы» ЖШС-ін сотқа беріп, соттан мемлекеттік сатып алу аясында жасалған келісімшартты бір жақты бұзуды, кәсіпкерді жосықсыз деп тануды және 394 512 теңге тұрақсыздық айыппұлын салуды сұрайды.

Кәсіпкер соттың алғашқы инстанциясында ұтылып қалады. Қызылорда облысының мамандандырылған ауданаралық экономикалық соты облыстық статистика департаментінің талабын ішінара қанағаттандырып, келісімшартты бұзып, кәсіпкерге тұрақсыздық айыппұлын салады.

Соттан ұтылған кәсіпкер Палатадан көмек сұрап келген еді. Кәсіпкерлер палатасы істің мән-жайын зерделеп, облыстық мамандандырылған экономикалық сотына апелляция береді.

«Біз Қызылода облыстық сотының азаматтық істер жөніндегі сот алқасында кәсіпкердің құқығы мен заңды мүддесін білдірдік. Нәтижесінде, бірінші саты сотының шешімі өзгертіліп, шешімнің келісімшартты бұзу жайлы бөлігі бойынша жаңа шешім қабылданды.Облыстық статистика департаментінің екі жақты жасалған келісі шартты бұзу жайлы талабы қанағаттандырусыз қалдырылып, кәсіпкер өзіне тиесілі 5 млн теңгеден аса қаражатын ала алды», - дейді Кәсіпкерлер палатасының сарапшысы Аида Қаюпова.

Нәтижесінде кәсіпкер сотта жеңіп, бүгінде жұмысын жалғастыруда.

Ал Кәсіпкерлер палатасы өз тарапынан облыстық статистика департаментін – кәсіпкердің қызметіне кедергі келтіріп, заңсыз әрекеттерге жол бергені үшін ҚР Мемлекеттік қызмет істері және сыбайлас жемқорлыққа қарсы күрес жөніндегі Агенттіктің Қызылорда облысы бойынша департаментіне мәселесін қарап, тиісті шара қолдануға ұсыныс берді.

Қызылорда облысы

кәсіпкерлер палатасының баспасөз қызметі

 


Игілігі мол жоба PDF Print Email
Жаңалықтар - Халық-хабар
09.04.2018 14:10

Әлем балаларды бөліп-жармайды. Ал жасөспірімдер арасындағы қылмыс жасағандарын бала құқығын қорғай отырып тәртіпке шақыратын мамандар жұмыс істейді. Бұл үшін БҰҰ-ның Балалар қоры (ЮНИСЕФ) бүгінге дейін жүйелі жұмыс атқарып келгені белгілі. Соның бірі – «Балалар үшін әділ сот төрелігі жүйесін нығайтумен олардың құқықтарын қорғау» атты 2014-2018 жылдар аралығындағы Еуропалық Одақ пен ЮНИСЕФ-тің бірлескен бағдарламасы аясындағы пилоттық жоба. Байыпты бастаманың басты мақсаты – қылмыс жасауға дайын балалармен жұмыс істеудің балама түрлерін табу және кейін оларды сауықтыру мен қоғамға қосу.

Өткен аптада БАҚ өкілдері пилоттық жобаның Қызылорда қаласында жүзеге асырылу барысымен танысты. Жобаға әкімдік, үкіметтік емес ұйымдардың, әлеуметтік қызметкерлердің, психолог пен қауіп тобындағы балаларды оңалту мен әлеуметтендіру мектептері бірлесе атсалысуда. Қызылордадағы жұмысты «Сыр ұландары» үкіметтік емес ұйымы жүзеге асырған. Ата-аналар «Сыр ұландарына» келген балаларының психолог мамандарымен жүздесіп, пікір алмасқаннан кейін өзгергенін айтты.

- Баламды әрдайым қадағалап отыратынмын. Ол бос уақытында үйде компьютер ойнаумен, өзге де қызықты нәрселермен шұғылданғанын біліп жүрдім. Бір күні балам үйге досын алып келді. Біздің үйге қонды. Сонда оның ата-анасы танымайтын біреудің үйіне қалай қонуға жіберетініне таңғалдым. Одан кейін, Алланың сынағы шығар, балам өзге балалармен төбелесіп, арты өкінішке ұрындырды. Ата-аналар баласына жауапкершілікпен қараса екен. Осы «Сыр ұландары» орталығына келгеннен кейін баламның мінезі ашық, жарқын бола түсті. Түрлі қоғамдық жұмыстарға белсене араласып, жетістіктерге жетіп жүр. Осындағы барлық қызметкерге алғыс айтамын, - дейді аты-жөнін атамауды өтінген ана.

Ал аталмыш орталыққа келіп жүрген балалар болса, осында келіп өздерін жан-жақты дамытқанын айтты. Жас өркендердің талабы таудай, арманы асқақ. Бірі кәсіпкер, енді бірі еліміздің атын асқақтатар олимпиада чемпионы болуды армандайды. «Мұнда уақыт өте қызықты өтеді, бізбен жұмыс істейтін мамандар да туысымыздай болып кеткен. Алайда орталықтағы кабинеттің көлемі тар. Оншақты бала келсе, орын болмай қалады» деп қынжылды балалардың біреуі.

«Сыр ұландары» ҚҚ атқарушы директоры Сәуле Әбілдаеваның ақпаратына сүйенсек, орталық жылына 5,481 миллион теңге жұмсайды. Бағдарлама бойынша 2015 және 2017 жылдары 64 кәмелеттік жасқа толмаған бала әлеуметтік-психологиялық көмек алыпты. Оның ішінде 52-сі бағдарламаны ойдағыдай аяқтаса, 10-ы бас тартқан.

Қылмыс жасаған балалармен облыстық кәмелетке толмағандардың істері жөніндегі мамандандырылған ауданаралық соты жұмыс істейді. Мекемеде балаларға арналған арнайы бөлме жасақталған. Мұнда түрлі кітаптар мен ойыншықтар тұр. Ал төменгі қабаттағы кабинетте жәбірленуші арнайы қондырғы арқылы полиция қызметкерлеріне жауап береді. Бұл өз кезегінде қылмыскерді көрмей, жеке қалып, өзіне психологиялық жағымды ахуал туғызуға көмектеседі екен. Облыстық кәмелетке толмағандардың істері жөніндегі мамандандырылған ауданаралық сотының мәліметінше, 2016 жылы 35 қылмыстық іс, 583 талап-арыз, 15 азаматтық іс және 252 әкімшілік құқықбұзушылық істері түскен. 2017 жылы бұл көрсеткіш артқан. 47 қылмыстық іс, 728 талап-арыз, 213 әкімшілік іс түскен. Ал биылғы үш айдың өзінде 13 қылмыстық іс, 171 талап-арыз, 113 әкімшілік іс тіркеліпті. Сәйкесінше, заң алдында жауапқа тартылып, сотталғандар саны жыл санап көбейіпті. 2016 жылы – 23, 2017 жылы 30, ал 2018 жылдың үш айында 3 кәмелетке толмаған балалар сотталған. Олардың көбі 2017 жылы «Абайсыздан қазаға ұшырату», «Сексуалдық сипаттағы зорлық-зомбылық әрекеттері», «Денсаулыққа қасақана ауыр зиян келтіру», «Қаруды заңсыз жасау», «Жарылғыш заттар мен жарылыс құрылғыларын жымқыру не қорқытып алу» қылмыстық істері бойынша сотталған. Ал 2016 жылы мұндай санат бойынша жасөспірімдер қылмыс жасамаған.

Ж.Қойшыбекова

 


Күнтізбе

< Сәуір 2018 >
            1
2 3 4 5 6 7 8
10 11 12 13 14 15
16 17 18 19 20 21 22
23 24 25 26 27 28 29
30            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары