Өзекті мәселелер

  • 22.08.19

    Елімізде дәрінің көмегімен өмір сүретін азаматтар аз емес. Олардың дәрілік препаратсыз қауқары жоқ. Антибиотикке тәуелді науқасқа кім қарайды? Ақысыз берілетін дәрі-дәрмектерді кімдер, қайдан және қалай ала алады?

    ...
    Толығырақ...
  • 22.08.19

    Халық «Елін сүйген ер болар» дейді. «Ер жігіт ел үшін туады, ел үшін өледі» дейді тағы  да.

    Иә, ел намысы үшін ерлік­ке бара алар азаматтарды кебен­ек ішінде танып-білу аса маңызды.

    Кебенек – сыртқы киім. Оны көбіне-көп жорықта, аңшылықта киеді. Демек, бұл киімді кез келген адам кие алады. Олай болса, «Ерді кебене­к ішінде  таны» деген – ер жігітті киіміне қарап емес, жан дүниес...

    Толығырақ...
  • 22.08.19

    ТЫНДЫРЫМДЫ   ІС – НӘТИЖЕЛІ   КӨРСЕТКІШ

    Қаланың экономикалық тұрғыда дамып­, қалыптасуында стратегиялық міндет жүйелі түрде өз-өзін айқындап отырады. Шаһардың болашағына байлан­ысты әр жоспар, әр бағыт өзіндік құнымен маңызды. Осындай іргелі істерді атқару барысында Қызылорда қаласының әкімі Нұрлыбек Нәлібаевтың іскерлік һәм басшылық міндеті ж...

    Толығырақ...
  • 22.08.19

    Өткен бейсенбіде облыстық кәсіпкерлік және туризм басқармасының қолдауымен, өңірлік коммуникациялар қызметінің ұйымдастыруымен БАҚ өкілдері Шиелі ауданына баспасөз турына барды. Жолай біз бағыт алған өңірдегі баратын нысандардың тізімі қолымызға тиді. Риза болғанымыз, бір-біріне ұқсамайтын бес қызмет түрін жандандырып отырған шағын кәсіп иелерімен таныстық. Оның ішінде ауқымды жерді алм...

    Толығырақ...
  • 22.08.19

    192   ШАҚЫРЫМ  ЖОЛ  ЖӨНДЕЛЕДІ

    Елдегі көлік саласы маңызды рөлге ие. Оған сауда-экономикалық бағыттағы тауарлардың көліктің қай түрімен болсын тасымалдануы дәлел. Одан өзге аймақтар үшін республикалық, облыстық және аудандық маңызы бар жол­дардың  өзектілігі  жоғары.  Өткен  жылы осындай жолдар мен көшелерді дамыту­ға республикалық бюджеттен 1...

    Толығырақ...
Тамыз 2017

Мүмкіндігі шектеулі азаматтар өз кәсібін ашқысы келеді PDF Print Email
Жаңалықтар - Халық-хабар
03.08.2017 09:18

Қызылордадағы оңалту орталығында емделіп жатқан мүмкіндігі шектеулі азаматтар уақыттарын бос өткізбей, кәсіппен айналысудың қыр-сырын меңгергісі келеді. Аталмыш азаматтардың өтінішін ескере келе Кәсіпкерлер палатасы Орталықта «Бизнес-кеңесші» оқыту курсын өткізді.

«Екі күндік қысқа мерзімді курста кәсіпкерлік ұғымы жөнінде түсінік беріліп, бизнесті қалай бастауға болатындығы, бизнес-жоспар жасау ерекшеліктері туралы мәліметтер берілді. Қатысушылар курста өте белсенді болды. Сауалдардың басым бөлігі мемлекеттік бағдарламаларға қатысты. Әсіресе, «Бизнестің жол картасы - 2020» бағдарламасының екінші бағыты: инновациялық гранттарды алу жолдарына ерекше қызығушылық танытты», - дейді Кәсіпкерлер палатасының бизнес-тренері Мәдина Қасымжан.

Шара барысында курсқа қатысушыларға «Нәтижелі жұмыспен қамту және жаппай кәсіпкерлікті дамыту – 2017-2021» бағдарламасы бойынша несие алушы үміткерлерге, кепілге қойылатын мүліктерге қойылатын талаптар таныстырылды.

Курсқа қатысқан 25 азаматқа сертификаттар табыс етілді.

Айта кету керек, жыл басынан бері «Бизнес-кеңесші» оқыту курсы бойынша 1259 азамат кәсіпкерлік саласына қатысты біліктілігін жетілдірді.

Қызылорда облысы

кәсіпкерлер палатасының баспасөз қызметі

 


Иранға ашылған есік PDF Print Email
Жаңалықтар - Халық-хабар
01.08.2017 16:21

Биыл Париж қаласында өткен Халықаралық эпизоотиялық бюросы Бас Ассамблеясының 85-сессиясында Қызылорда облысын аусыл ауруы бойынша вакцина қолданылатын таза аймақ қатарына енгізді. Бұл дегеніміз – өңір үшін үлкен жетістік. Өйткені Елбасы жүктеген міндеттерді жүйелі түрде жүзеге асыруға мүмкіндік молая түсті. Қолда бар қорды есептей отырып, енді экспорттық әлеуетті арттыруға тиісті шаралардың алғашқы легі де атқарыла бастағандай. Осы жылы ҚР Ауыл шаруашылығы министрлігі біздің аймаққа 25 тонна қой еті мен 100 тонна сиыр етін сыртқы нарыққа шығаруды тапсырған. Десе де, аймақта халықаралық стандарттарға сәйкес келетін ет комбинатының болмауы өнімдерді шетел асыруға қолбайлау болып отыр. Сондықтан аймақтағы іргелі шаруашылықтың бірі «Сыр маржаны» ЖШС мен Иран Ислам Республикасының «Inchen Broon Cooperative, Inc» компаниясы келісімге келіп, бұған дейін түйіні тарқатылмай келе жатқан мәселені шешу жолдарын қарастыруда. Қазіргі таңда ет комбинатының жоба-сметалық құжаттары дайындалу үстінде.

85 миллионнан аса халқы бар Парсы мемлекетінде қой етіне сұраныс жоғары. Биылдың өзінде ирандық компания 10-15 мың бас тірілей қозы және күз айларында ірі қара малын импорттауды межелеп отыр. Осы мақсатта қала іргесіндегі Абай елді мекенінен «Экспорттық карантиндік алаң» ұйымдастырылған. Онда сыртқа тасымалданатын малдар толықтай тексеруден өтеді.

Елбасы биылғы жолдауында «аграрлық сектор экономиканың жаңа драйверіне айналуы тиіс» деген болатын. Сонымен қатар ішкі нарықты зерттей отырып, экспорттық әлеуетті 40 пайызға арттыру жоспарланған еді. Бұйырса, Иран мемлекетіне алғашқы лекте Жаңақорған ауданындағы «Нұрболат» ШҚ-нан тірідей 800 бас қозыны жібереміз. Кез келген ел тауарды қабылдаған кезде сақтық танытады. Біз бұл мәселелерді де бір жолға қойдық, - дейді Қызылорда облыстық ауыл шаруашылығы басқармасы басшысының міндетін атқарушы Пірмұхаммед Сыздықов.

Тағы бір айта кетерлігі, әзірше Қазақстаннан тірілей қойларды тасымалдауға рұқсат алған жалғыз «Inchen Broon Cooperative, Inc» компаниясы болып отыр. Аталмыш компанияның бас директоры Али Сагеди Қызылорда қаласынан өз өкілеттілігін ашуды жоспарлаған. Егер жоспар сәтті жүзеге асатын болса, Иранға экспортталатын ауылшаруашылық жануарлары біздің облыс арқылы тасымалданбақ. Бұл Сыр өңіріне серпіліс әкелері сөзсіз.

Қозы  Көрпеш  Жасаралұлы

 



<< Бірінші < Алдыңғы 1 2 3 4 Келесі > Соңы >>

Күнтізбе

< Тамыз 2017 >
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары