Өзекті мәселелер

  • 21.11.19

     

    Ерлан  ЕСТЕК,

    қазақ күресінен ұлттық құраманың бас бапкері:

    Толығырақ...

  • 21.11.19

    «Заманның  қожасы  да,  тұтқасы  да – жастар!». 1921 жылы «Жас Алаш» газетінің алғашқы нөмірі осы ұранмен жарыққа шықты. Тарих бетінде «Жас Алаш» көтерген үндеу алтын әріппен жазылды. Ел жастарының жанында жатталып қалды. Осы басылымда Ғани Мұратбаев тұңғыш редакт­орлық қызмет атқарған еді. Жалпы, Ғани туралы айтылатын, жазыла­тын дүние көп. Тым қысқа ғұмырында тындырымды тірлік жасап­  кеткені...

    Толығырақ...
  • 21.11.19

    «Шыдамның да шегі бар». «Қызылорда жылу электр орталығы» МКК мен «Су жүйесі» МКК басшылығы осылай дейді. Сұрауы бар су мен қытымыр қыста жан сақтайтын жылудың ақысына келгенде тұрғындар таршылық танытатын­ көрінеді. Олар ай сайын емес, жыл сайын қордаланға­н қарыздарын жеке тұрғындар мен меке­мелерге ескертуден шаршаған. Жылдың басында жылуға­ қарыз көлемі 200 миллион теңгеге жеткен. Ал...

    Толығырақ...
  • 21.11.19

    Аграрлық өңірдің әлеуетін арттыруға бағытталған жұмыстар бүгінде өз жемісін беруде. Кеше ғана ауыл шаруашылығы саласында көштің басында тұрған Жалағаш ауданымен қалай мақтансақ та жарасады. Аллаға шүкір, ауыл еңбеккерлері Жер-Ананың берген ырзық-несібесін ысырап қылмай, Сырдың басты дақылынан тау тұрғызуда белсенділік танытуда.

    ...
    Толығырақ...
  • 21.11.19

    Қазақстандық медицина  саласын  жаңа деңгейге көтеруге бағытталған жобалардың  бірі – «Денсаулық» бағдарламасы. Үш жылдан бері жүзеге асырылып келе жатқан бұл бағдарламаның да мәреге жетуіне аз қалды. Қызылорда облысында аталмыш бағдарлама аясында ауқымды жұмыстар атқарылды.

    ...
    Толығырақ...
Қыркүйек 2019

ИІРКӨЛ АУЫЛЫНДА МЕШІТ АШЫЛДЫ PDF Print Email
Жаңалықтар - Халық-хабар
01.10.2019 09:50

Қармақшы ауданы Иіркөл ауылдық округінде мешіт ашылды.

Мешіттің салтанатты ашылу рәсімінде ҚМДБ-ның Қызылорда облысы бойынша Өкіл имамы Болатбек Ұласқанұлы, аудан әкімінің орынбасары Еркебұлан Қайырбекұлы құттықтау сөз сөйледі.

Елімізге белгілі теолог, исламтанушы, «Сарыағаш-медресе» колледжінің директоры Абдіғаппар Сманов мешіттің ашылуына арнайы қатысып, ақсақалдармен бірге лентасын қиды.

Мешіт жамағаты мен ауылдастардың күш біріктіруімен «Алланың жердегі үйі» ойдағыдайаяқталып, жамағатқа есігін айқара ашып отыр. Ғибадат үйіне Оспан молда есімі берілді.

 

Қармақшы ауданы әкімінің баспасөз қызметі

 


КӨЛБАЙДЫҢ ИГІ БАСТАМАСЫ PDF Print Email
Жаңалықтар - Халық-хабар
30.09.2019 16:45

Кезінде тарлан спортшы атанып, кейін аудан көлеміндегі басшылық қызметтің талай баспалдағынан өткен Көлбай Данабайдың есімі Арал жұртшылығына жақсы мәлім. Қашанда бойынан ұлтық рухы жалындап тұратын Көлбай Соңғыбайұлы бұл жолы да игі ісімен ерекшеленді. Көлбайдың бастамасы әрі демеушілігімен №260 орта мектепте өткен «Ертегімен ертеңіме сенемін» атты әдеби-танымдық іс-шара өскелең ұрпақты халық даналығына, қазақ халқының рухани асыл мұрасына деген сүйіспеншілікке, патриотизмге тәрбиелеу, елдік пен ерлік рухын, намысшылдық, қайсарлық сынды қасиеттерге баулуды көздеген болатын. Өзінің құттықтау сөзінде мектеп директоры А.Сауяев шараның маңыздылығы мен мақсатына тоқталып, оқушыларға сәттілік тіледі.

Шараға 2-сынып оқушылары арасынан 11 талапкер қатысты. Жазғы демалыс кезінде оқыған халық ертегілерінің мазмұнын көпшілікке баяндаған «Ертегі сиқыры», «Өзім сүйіп оқитын ертегі» атты тақырыптық кезеңдер бойынша бақтарын сынады. Тағылымды шарада кішкентай сайысушылар ертегі кейіпкерлерін ата-аналарымен бірге сахналық көріністер арқылы сомдаса, кейбірі ертегі желісін бейнеролик арқылы жеткізді.

Жарыс нәтижесінде 2 «а» сынып оқушысы Айша Жалғасова жеңіске жетіп, бас жүлдеге тігілген «марқа қозыны» иемденді. Ерекше белсенділігімен көзге түскен 2 «ә» сыныбының оқушысы Нұрәли Ермекбай бағалы сыйлықпен марапатталса, өзге қатысушыларға  ынталандыру сыйлығы тапсырылды.

Шара соңында сайыстың ұйымдастырушысы әрі демеушісі Көлбай Данабай қатысушыларға ризашылығын білдіріп, аталмыш бастама алдағы уақытта жалғасын табатынын жеткізді.

Жұмабек  ТАБЫНБАЕВ,

Арал  қаласы

 


Облыстың бас агрономы Қармақшыда болды PDF Print Email
Жаңалықтар - Халық-хабар
30.09.2019 12:00

Қызылорда облысы ауыл шаруашылығы басқармасының басшысы Қамбарбек Мүбараков Қармақшы ауданында жұмыс сапарымен болып, шаруашылықтарды аралап, орақ науқанының барысымен танысты.

Сапар барысында бірге болған болған аудан әкiмi Мұса Қалдарбековдиқандардың жұмысына оң бағасын берiп, егiн жинау науқанын белгiленген мерзiмде аяқтау үшiн жұмыс қарқынын төмендетпеуге кеңес бердi.

Биылғы жылы «Тұрмағамбет» ЖШС шаруашылығы  2700  гектарға , «Жаңажол» ЖШС 3050 гектарға, «Достық Жер» МК ЖШС 2392 гектарға егіс көлемін орналастырған.

Танап басындағылар осы күнi өнiмнiң көп бөлiгiн, 70 пайызға жуығын бастыруға кiрiстi. Ауа райы оң қабақ танытса, диқандар жауапты науқанды алдағы 10 күннiң iшiнде аяқтамақшы.

Биылғы жылдың жаңалығы 40 гектар жерге соя дақылы тәжірибе ретінде егілді.

«Тұрмағамбет» ЖШС Алматы қаласынан сояның ерте пісетін «Жансая» сортының 2 тонна І-репродукциялы тұқымыналдырып, 20 гектар жерге облыстық Ы.Жахаев атындағы Қазақ Күріш Ғылыми Зерттеу Институтымен бірлесіп өсіруде.

Сонымен бірге, «Жаңажол» ЖШС 20 гектар жерге егістік жерді суармай бұрын күріш егілген алқапқа ерте егу арқылы жоғары өнім жинау технологиясын қолданып, соя өсіруге тәжірибе жасауда. Әзірге 2 шаруашылықта да шығымы жақсы.

Келесі жылы шаруашылықтарда сояның  егіс көлемін 500 гектарға дейін ұлғайтуды жоспарлап отыр.

Сондай-ақ, Қызылорда облысы ауыл шаруашылығы басқармасының басшысы Қамбарбек Амангелдіұлы Дауылкөл ауылдық округіндегі сүт өңдеу цехының жұмыс барысымен танысты.

Ағымдағы жылы «Тұрмағамбет» ЖШС қолдауымен ашылған сүт өнімдерін шығарумен айналысатын цех жергілікті шаруалардан сүт алып оны қайта өңдеп, айраннан бастап қаймақ, сүзбе мен өзге де сүт өнімдерін шығарумен айналысады.

Жаңа өндіріспен шұғылдануды ниет еткен шаруа қожалық жетекшісі ауданды ғана емес, өңірімізді сапалы сүт өнімдерімен қамтуды көздеп отыр.

 


СЕНБІЛІК ЖҰМЫСТАРЫ ЖОҒАРЫ ДЕҢГЕЙДЕ ҰЙЫМДАСТЫРЫЛДЫ PDF Print Email
Жаңалықтар - Халық-хабар
30.09.2019 11:45

Сенбі күні аудан көлемінде санитарлық тазалық, көркейту-көгалдандырудың 2 айлығына байланысты Жосалы кенті мен барлық ауылдық округтерде сенбілік жұмыстары ұйымдастырылды.

Сенбілік жұмыстары барысында көшелердегі күл-қоқыстар тазартылып, шөп шабу жұмыстары жүргізілді.

Сенбілікте арнайы көліктер қоқыстарды аудан сыртына шығарды. Сондай-ақ, «Этносаябақта», кенттегі «Ардагерлер аллеясы» мен «Жастар саябақтарында» кәсіпорын ұжымдары кент әкімшілігімен бірлесе отырып саябақтар ішін тазартты.

Туған жерге деген сүйіспеншілігі мол аудан тұрғындары өз қолдарымен қағаз-қалдықтарды тазалап, қызу түрде жұмыстар атқарды. Қай кезде де болмасын ең бірінші өз ортаңа тазалықпен қарауадамдықтың басты қасиеті екендігі белгілі.

Жалпы, аудандағықызу түрдегі қыруар еңбектер көшелердің шырайына шырай қоса түскендей.

Соның ішінде, аудан әкімі аппараты, кент әкімі аппараты, ауылдық округтерде сенбілік қызу түрде ұйымдастырылды.

Алдағы уақытта да санитарлық тазалық жұмыстары жалғасын табатын болады.

 

Қармақшы ауданы әкімінің баспасөз қызметі

 


ДІНИ КЕЛІСІМ – БІРЛІК ПЕН ТҰРАҚТЫЛЫҚ КЕПІЛІ PDF Print Email
Жаңалықтар - Халық-хабар
30.09.2019 11:30

Жосалы кентіндегі Ш.Төлепова атындағы аудандық мәдениет үйінде аудан әкімдігінің қолдауымен «Дін саласындағы тұрақтылықты қамтамасыз ету мақсатында іс-шаралар өткізу» атты әлеуметтік жобасы аясында «Діни келісім – бірлік пен тұрақтылық кепілі»атты аудандық ғылыми-танымдық конференция өтті.

Конференцияны аудан әкімінің орынбасары Еркебұлан Меңлібаевжүргізіп отырды.

Конференцияға ҚР Дін мәселелері жөніндегі республикалық ақпараттық-түсіндіру тобының мүшесі, дінтанушы, «KAZISLAM» ақпараттық-ағартушылық порталының редакторы Тұрар Әбуов, облыстық «Дін мәселелерін зерттеу орталығының» директоры  Бақытжан Камаловқатысып, тақырыптық баяндамалар жасады.

Шара соңында дін саласындағы мемлекеттік саясатты насихаттауда үлесін қосып жүрген бірқатар азаматтар аудан әкімінің «Алғыс хатымен» марапатталып, естелік кітаптар табысталды.

 

Қармақшы ауданы әкімінің баспасөз қызметі

 


АРДАГЕРЛЕР ВОЛЕЙБОЛДАН САЙЫСТЫ PDF Print Email
Жаңалықтар - Халық-хабар
30.09.2019 11:15

«Мұз айдыны» спорт кешенінде волейболдан ардагерлер арасында «Қорқыт баба» кубогына арналған халықаралық турнирдің ашылу салтанаты өтті. Сайысқа Ресей, Өзбекстан мемлекеттері мен Алматы, Шымкент, Байқоңыр қалаларынан және Түркістан, Жамбыл облыстары мен Сыр елінен 7 команда, 55 жастан жоғары 100-ге жуық ардагер қатысуда.

Сондай-ақ, жарыстың құрметті қонақтары ҚР генерал-лейтенанты Шардарбаев Аманкелді Смағұлұлы, Қазақ ұлттық аграрлық университетінің ректоры Есполов Тлектес Исабайұлы арнайы келді.

Турнирдің ашылу салтанатына Қызылорда облысының әкімі Қуанышбек Досмайылұлы қатысып, сайысқа қатысушыларға сәттілік тіледі.

Айта кетейік, Қызылорда облысында Қорқыт Атаны әлемдік деңгейде танытуға байланысты көптеген шаралар атқарылуда. 2006 жылдан бері «ТҮРКСОЙ» Халықаралық ұйымымен бірлесіп түркітілдес елдердің халықаралық «Қорқыт және Ұлы Дала сазы» фольклорлық-музыкалық өнер фестивалін өткізу дәстүрге айналды. Жақында ғана бесінші рет ұйымдастырылды. Қармақшы ауданындағы Қорқыт Ата кесенесі Елбасы тапсырмасымен 2015 жылы қайта жаңғыртылып, «Қорқыт Ата зиярат ету орталығы» қоса салынды, кешен  «ЭКСПО-2017» бүкіләлемдік көрмесі нысандарының бірі ретінде танылып, сан мыңдаған туристер келді.

«Өңіріміз үшін де, еліміз үшін де ең маңыздысы - 2018 жылы 28 қарашада Маврикий Республикасында өткен ЮНЕСКО-ның 13-сессиясында Қорқыт Ата рухани мұралары Біріккен Ұлттар Ұйымы жанындағы ЮНЕСКО-ның ғаламдық материалдық емес мұралар тізіміне енді.  Бұл жұмыстардың жүзеге асуында облысты алты жылдан аса абыроймен басқарған мемлекет және қоғам қайраткері Қырымбек Елеуұлы Көшербаевтың үлесі зор екенін айтуымыз керек.Міне, бүгін Сыр өңірінде түрлі салада қызмет еткен ардагерлер арасында алғаш рет жарыс ұйымдастырылып отыр. Бұл жарыс аға буынның жастарға көрсеткен үлгісі әрі бұқаралық спортты дамытудың ерекше тәсілі деп түсінеміз»,-деді аймақ басшысы.

Турнирдің ашылу салтанаты концерттік бағдарламамен жалғасты.

 

Облыс әкімінің баспасөз қызметі

 


АЛИМЕНТ– ПАРЫЗ ЕМЕС, ҚАРЫЗ PDF Print Email
Жаңалықтар - Халық-хабар
30.09.2019 11:00

Бүгінгі күні кәмелетке толмаған балалардың құқықтарын қорғау, оның ішінде алименттің толық және уақытылы төленуін қамтамасыз ету қоғамымыздың өзекті мәселелерінің біріне айналды.

Осы орайда, аудан әкімдігінің мәжіліс залында Арал аудандық прокуратурасының ұйымдастыруымен «АЛИМЕНТ - ПАРЫЗ ЕМЕС, ҚАРЫЗ» тақырыбында ведомствоаралық мәжіліс өткізілді.

Аудан әкімдігінің қолдауымен өткен мәжіліске аудан әкімінің орынбасары Р.Өтешов, аудан прокуроры А.Тәженов және жергілікті атқарушы, құқық қорғау, сот орындаушылар, уәкілетті мемлекеттік органдар, ірі кәсіпорындар мен коммерциялық ұйымдар өкілдері мен қоғамдық бірлестіктер және бұқаралық ақпарат құралдары қатысты.

Мәжілістің күн тәртібінде ағымдағы жылдың 9 айында алимент қарыздарын өндіру бағытында атқарылған жұмыстардың жай-күйі қаралды.

Жиын барысында аталған мәселе бойынша ең алдымен Арал ауданы прокуратурасының аға прокуроры А.Жанесенова хабарлама жасап, түрлі себептермен баласына алимент төлеуден жалтарып жүргендерге арнайы заң болса да, діни өкілдер әкенің балаға берешегі қарыз емес, парыз екенін түсіндіріп дабыл қақса да, өзегін жарып шыққан ұрпағына көмектесуден бас тартушылардың азаймай тұрғанын тілге тиек етті. Нақты санмен айтар болсақ, қазіргі таңда аудан көлемінде алимент өндіру санатында 656 балаға қатысты 524 атқарушылық құжат орындалуда. Соның ішінде, 342 атқарушылық құжат мерзімді және ішінара орындалуда, оның 38-і қиындық туғызатын борышкерлер болса, ал 34-сі – қасақана жалтарып жүргендер, оның 22-сіне іздеу жарияланған, ал 24 борышкер әкімшілік жауапкершілікке тартылған. Баяндамашының айтуынша, бүгінгі күні аудандағы алимент өндіру бойынша берешек қарыз 53 млнтеңгені құрап отыр.

Одан әрі күн тәртібіндегі өзекті мәселе бойынша жеке сот орындаушы Г.Қаражанова сөз алып, алимент өндіру санатындағы құжаттардың орындалу барысында туындайтын қиыншылықтар жөнін баяндап өтті. Осы ретте, аудан көлеміндегі мемлекеттік мекемелерде қызмет атқаратын борышкерлердің алимент аударымдары жөніндегі мәліметтерін уақытылы сот орындаушыларға жолданып тұруы қажет екенін атап өтті.

Мұнан соң, кәсіпқой медиатор Ә.Жалғасбаев сөз алып, аудандағы кәсіпқой медиаторлардың ықпалымен шешім тапқан мәселелерді баяндап өтті. Атап айтсақ, жыл басынан бері аудандық сотқа некені бұзуға өтініш білдірген 73 азаматтық іс қаралса, соның 33-і медиаторлардың араласуымен бітімге келіп, іс жүргізу тоқтатылған. Мұнан өзге, кәсіби медиатор Ә.Жалғасбаевтың араласуымен бір алимент өндірушінің өтінішіне сәйкес, атқарушылық құжат бойынша қалыптасқан қарыз борышкердің өзінің атындағы пәтерін сату арқылы толықтай өтелуіне қол жеткізілген.

Мәжіліс соңында аудан прокуроры баяндамашылардың хабарламаларын назарға ала отырып, аталған жұмыстарды әлі де жандандыра түсу керектігін тапсырды. Сонымен қатар, жиынды қорытындылай келе алименттің толық және уақытылы төленуін қамтамасыз ету мақсатында бірқатар нақты ұсыныстарын ортаға салды.

 

Арал ауданы ішкі саясат бөлімі

 


ҚЫЗЫЛОРДАДА ЕҢБЕК КҮНІ МЕРЕКЕСІ АТАЛЫП ӨТТІ PDF Print Email
Жаңалықтар - Халық-хабар
27.09.2019 14:17

Еңбек күніне арналған еңбек сабақтастығы форумының салтанатты ашылуына Қызылорда облысының әкімі Қуанышбек Ысқақов қатысты. Айта кетейік, ҚР Тұңғыш Президенті – Елбасы Н.Ә.Назарбаевтың 2013 жылғы қарашадағы жарлығымен бекітілген «Еңбек күні» мерекесі биыл алтыншы рет аталып өтілуде.

«Өз кәсібінің берекесін көріп, атадан балаға мирас етіп отырған көптеген еңбек әулеттерін облыс қана емес республика көлемінде таныта білдік. Жанын сала еңбек етіп, өзінің табысын маңдай терімен тауып отырған адамды қалайша құрметтемеске?! Ол - құрылысшы не сылақшы бола ма, ол жазушы не өнер адамы бола ма, ол - басшы немесе ұстаз бола ма, маңдай терімен жұмыс істей білуі қажет. Мемлекет басшысы Қасым-Жомарт Кемелұлы Тоқаев әр сөзінде масылдық пиғылға жол бермеу туралы айтып келеді. Осы тұрғыда, біз үшін маңдай терін төгіп, тәрбиелеп-өсірген ата-анамыздың еңбегін ақтап, ұрпағымызды еңбекке тәрбиелей білсек, туған жеріміздің дамуына қосқан бір үлесіміз болмақ»,-деді аймақ басшысы.

Берекелі бірлік пен тынымсыз тірліктің арқасында аймақтан 102 Социалистік Еңбек Ері шыққаны белгілі. Олардың есімдері облыс тарихында мәңгі қалады.

«Ақ күріштің атасы» атанған Ыбырай Жақаев, ел байлығын еселеген Шырынкүл Қазанбаева, Сәлима Жұмабекова, Ұлбала Алтайбаева, Жадыра Таспамбетова, Зәкира Ержанова секілді ақжаулықты аналар – өскелең ұрпаққа үлгі-өнеге. Еңбек Ерлерінің бүгінгі жалғасындай Абзал Ералиев, Юрий Пя сияқты жерлестеріміз - Тәуелсіз Қазақстанның Еңбек Ерлері.

«Ырыс бар жерде – ынтымақ бар. Ал, ынтымақ бар жерде – береке, бірлік бар. Сондықтан, жастар, еңбек ете біліңіздер. Бәріміз де жұмысты қарапайым еңбектен бастадық. Бос жүрмей, адал еңбек етсеңіздер – болашағыңыз жарқын, туған елімізді нығайтуға қосар үлесіңіз мол болмақ»,-деді Қ.Ысқақов.

Еңбек адамдарын танытып, дәрежесін көтеруді, ең үздік отбасылық және өндірістік дәстүрлерді анықтап, жастарды кәсіби еңбекке баулуға арналған форумда салалар бойынша еңбек әулеттері марапатталды.

Денсаулық сақтау саласы бойынша - Қызылорда қаласынан Бодықовтар әулеті. Бұл әулеттің жалпы еңбек өтілі 670 жылды құрайды. Бүгінгі таңда медицина саласын әртүрлі мамандық бойынша меңгерген әулеттің 28 мүшесі осы салада қызмет атқарып келеді.

Білім саласы бойынша - Арал ауданынан Қонаровтар әулеті. Ұстаздар әулетінің жалпы еңбек өтілі - 508 жыл. Ғибратты ғұмырын білім беруге арнаған атадан тараған ұрпақ бүгінде білім саласының шамын жағып, атакәсібін үлкен жауапкершілікпен атқаруда. Әулет бойынша 17 адам осы салада қызмет атқарып, бала тәрбиесіне атсалысуда.

Мәдениет саласы бойынша - Қармақшы ауданынан Смайыловтар әулеті. Өнерлі әулеттің жалпы еңбек өтілі 75 жылды құрайды. Әулеттен 4 адам өңіріміздің мәдениеті мен өнерін дамытуға сүбелі үлесін қосуда.

Ішкі істер саласы бойынша - сырдариялық Бексейтовтер әулеті. Әулеттің жалпы еңбек өтілі 40 жылды құрап отыр. Ел тыныштығын күзетіп, темірдей тәртіпке бас иген саланың қыр-сырын меңгерген сарбаздар қатарында осы отбасынан қазіргі таңда 4 адам жемісті қызмет атқарып келеді.

Теміржол саласы бойынша – қазалылық Орынбаевтар әулеті. Теміржол саласында жоғары жауапкершілікпен қызмет атқарған әулеттің жалпы еңбек өтілі - 145 жыл. Бұл әулеттің 6 адамы - теміржолшы.

Өндіріс саласы бойынша – шиелілік Нұрымбетовтер әулеті. Ғылым мен техника саласының дарабоз майталмандары атанған әулеттің жалпы еңбек өтілі - 96 жыл. Әулеттің 8 адамы өндірістік сала бойынша қызмет атқаруда.

Егін шаруашылығы саласы бойынша - Жалағаш ауданынан Дүйсенғазиевтер әулеті. Атакәсібін әулетінің берекесіне айналдырған отбасының жалпы еңбек өтілі - 147 жыл. Әулеттің 5 адамы - диқаншы.

Мал шаруашылығы бойынша - Шиелі ауданынан Байденовтер әулеті. Мал шаруашылығын дамытқан әулеттің жалпы еңбек өтілі 50 жылды құрап отыр. Атакәсіпті ұрпақтан-ұрпаққа жалғастыру жолында әулеттің 3 адамы еңбек етуде.

«Былтыр біз облысымызды алты жылдан астам уақыт абыроймен басқарған Қырымбек Елеуұлы Көшербаевтың бастамасымен жаппай кәсіпкерлікті дамытудың үшжылдығын жарияладық. Өз кәсібімді ашам, бизнесімді дамытам деген азаматтарға бар жағдай жасалды. Соның нәтижесінде, 2018 жылы аймағымыз кәсіпкерлікті дамытуға ең қолайлы үздік аймақ аталып, «Алтын сапа» сыйлығын иеленді. Сыр өңірі қандай жетістікке қол жеткізсе де, қандай биіктен көрінсе де, ол мына отырған өздеріңіз секілді еңбексүйгіш азаматтарымыздың еңбегінің жемісі деуге әбден болады»,-деп атап өтті аймақ басшысы.

Сонымен қатар, облыстық кәсіподақ ұйымдары арасында өткен «Еңбек жолы» байқауының «Үздік маман» номинациясымен №6 Қызылорда қалалық емханасының  дәрігері Абсатова Гүлжан Төреханқызы, «Еңбек жолы» байқауының «Үздік тәлімгер» номинациясымен Арал қалалық №14 мектеп-лицейінің мұғалімі Қонарова Жанна Құспанғалиқызы марапатталды.

Іс-шара сырбойылық өнерпаздардың концертімен жалғасты.

 

Облыс әкімінің баспасөз қызметі

 


ЖАС КӘСІПКЕРЛЕР ФОРУМЫ ӨТТІ PDF Print Email
Жаңалықтар - Халық-хабар
27.09.2019 09:40

Қызылорда облысының әкімі Қуанышбек Ысқақов Қармақшы ауданына жұмыс сапарымен барды. «Ауылдық елдімекендердің жас кәсіпкерлері» форумына қатысып, ІІІ Интернационал ауылыныңәлеуметтік-экономикалық даму барысымен танысты.

Кәсіпкерлік саласында жетістікке жеткен өңір жастарымен кездесіп, жастар арасында кәсіпкерліктің дамуына қолдау көрсету мақсатында облыс әкімі Қуанышбек Ысқақовтың төрағалығымен «Ауылдық елдімекендердің жас кәсіпкерлері» форумы өтті.

«Басты мақсатымыз - Мемлекет басшысының тапсырмаларын жүйелі орындау. Алдымен ауызбіршілікті, татулықты сақтау керекпіз. Өйткені ынтымақ болмай, ешқандай іс өнбейді. Екінші - өңірімізді индустрияландыру. Жаңа кәсіптер, өндіріс орындарын ашу, жер астының пайдалы қазбаларын дұрыс пайдалана білу, табиғаттың мүмкіндіктерін тиімді қолдану, инвестиция тартып, өнеркәсіпті нығайту қажет. Тиісінше кәсіпкерлікті дамыту арқылы жаңа жұмыс орындары құрылатын болады. Осы бағытта өңіріміздің барлық аудандарын аралап, атқарылып жатқан жұмыстармен, халықтың тұрмыс-тіршілігімен таныстым. Қазіргі таңда жұмыссыздықты азайту, бизнесті қолдау, инвестицияны дамыту мақсатында мемлекеттік бағдарламалар жүзеге асырылуда. Біздің облыста бұл салада біршама жұмыстар атқарылып, оң көрсеткіштер көрсетіп келеді. Осыған орай, 2018 жылы Қырымбек Елеуұлы Елбасының қолынан бизнесті жүргізуге жағдай жасаған ең үздік аймақ номинациясы бойынша Алтын сапа марапатын алғанын білесіздер»,-деді аймақ басшысы.

Шараға жергілікті 18-29 жас аралығында жас кәсіпкерлер, кәсіпкерлік саласындағы мемлекеттік мекемелер, қаржы ұйымдары, өңірлік кәсіпкерлер палатасы қатысты.

Іс-шара барысында мәдени шаралар ұйымдастырылып, қатысушыларға мемлекеттік және өңірлік бағдарламалар аясында несие және мемлекеттік грант алу жолдары түсіндірілді. Сонымен қатар, спикерлер кәсіпті қалай жүргізу керек, оны дамытудың жолдары, табысты кәсіпкер болудың құпиясы, жеке ісін бастағысы келген жастарға қарастырылған мүмкіндіктер туралы баяндама жасады.

Сондай-ақ, өз ісін ашқан жастардың шығарған өнімдерінің көрмесі ұйымдастырылды. Шара соңында аймақтың жас кәсіпкерлері облыс әкімінің Құрмет грамотасы және алғыс хаттарымен, естелік сыйлықтармен марапатталды.

Қармақшы ауданына жұмыс сапары аясында аймақ басшысы ІІІ Интернационал ауылында атқарылып жатқан жұмыстармен танысты.

ІІІ Интернационал ауылының халық саны – 2444 адам, отбасы саны – 475. Ауылдағы №108 орта мектепте 452 бала білім алуда, 62 мұғалім, 30 қызметкер жұмыс істейді.

«Бизнестің жол картасы 2020» бизнесті қолдау мен дамытудың бірыңғай бағдарламасы шеңберінде «Бизнес Кеңесші» жобасы бойынша 7 адам оқу курстарынан өтті.

Облыс әкімінің баспасөз қызметі

 


СЫБАЙЛАС ЖЕМҚОРЛЫҚТЫҢ АЛДЫН АЛУ БОЙЫНША КЕЗДЕСУ ӨТТІ PDF Print Email
Жаңалықтар - Халық-хабар
27.09.2019 09:30

Кеше аудан әкімі М.Оразбаевтың төрағалығымен және аудандық мәслихат және «Нұр Отан» партиясының аудандық филиалы, орталық атқарушы органдардың аумақтық басқармаларының басшылары, дербес бөлім басшылары, қала, кент, ауылдық округ әкімдері, құқық қорғау органы, мекеме, кәсіпорын басшылары, мектеп, балабақша ұжымдарының қатысуымен сыбайлас жемқорлықтың алдын алу бойынша кездесу өткізілді.

Жемқорлыққа қарсы күресті күшейту мәселесін талдауға бағытталған басқосуда аудан басшысы өңірімізде сыбайлас жемқорлыққа қарсы профилактикалық шаралар тұрақты жүргізіліп келе жатқанын, бұл мәселе бірінші кезекте өзінің қатаң бақылауында екендігін атап өтті. Одан әрі Қазақстан Республикасы сыбайлас жемқорлыққа қарсы іс-қимыл Агенттігінің Қызылорда облысы бойынша департаменті батыс аймағы бойынша Арал, Қазалы ауданаралық басқармасының басшысы болып жаңадан тағайындалған Әліпбаев Ерболат Әзімжанұлын таныстырды.

Басқосу барысында қазіргі таңда әлемнің барлық елдерінде сыбайлас жемқорлықтың алдын алу мен оны болдырмау жолдарын қарастыру мәселесі өзекті екендігін айта келе, еліміздегі сыбайлас жемқорлықтың ахуалын анықтау мақсатында Transparensy International Kazakhstanүкіметтік емес халықаралық ұйымының биылғы есебі Қазақстан үшін ерекше болатындығын ескертті.

Айта кетсек, «Transparency International» - бүкіл әлем бойынша сыбайлас жемқорлықпен күрестің және жемқорлық деңгейін зерттейтін үкіметтік емес халықаралық ұйым. Transparency International халықаралық қозғалысы Бүкіләлемдік банктің бұрынғы директоры Петер Айгеннің бастамасымен 1993 жылы Берлинде басталған. Қазіргі уақытта әлемдегі 100-ге жуық елде ұйымның бөлімшелері жұмыс істейді.

Одан әрі кездесудің басты тақырыбы аясында аудан әкімі аппаратының мемлекеттік-құқықтық жұмыстар бөлімінің басшысы Б.Ізмағамбетов аудан бойынша сыбайлас жемқорлыққа қарсы іс-қимылдың жағдайы туралы баяндама жасады. Белгілі болғандай, жемқорлықпен күрес бағытындағы шаралар жоспар бойынша өз деңгейінде өткізілуде.

Сонымен қатар, аталған Transparensy International Kazakhstan ұйымымен Қазақстандағы сыбайлас жемқорлықтың ахуалына жүргізген зерттеу нәтижелерінің негізінде аудан бойынша сыбайлас жемқорлыққа апаратын жағымсыз факторларды болдырмау және жою мақсатындағы шаралардың жол картасы әзірленген, алдағы уақытта сол бағытта жұмыстар жасау жоспарланып отыр.

Бұл бағыттағы жұмыстардың білім саласы бойынша атқарылу барысын аудандық білім бөлімінің басшысы С.Жанназарова тарқатып өтті. Атап айтсақ, мектеп қабырғасындағы оқушылардың қоғам дертіне қарсы тұру иммунитетін қалыптастыру бағытында түрлі шаралар үздіксіз жүзеге асырылуда. Соның ішінде, ерекше айта кетер тұсы мектеп ортасында жемқорлыққа қарсы мәдениетті қалыптастыру мақсатында ауданның 44 орта мектебінде «Адал ұрпақ» ерікті мектеп клубтары құрылып, сыбайлас жемқорлыққа қарсы түрлі іс-шаралар өткізіліп келеді. Қазіргі таңда ауданда 2400 клуб мүшесі бар.

Расында, «Адал ұрпақ» еріктілер клубтары оқушыларды отансүйгіштікке тәрбиелеуде, олардың бойында жемқорлыққа төзбеушілікті қалыптастыруда маңызды рөл атқаруда.

Жиын барысында денсаулық сақтау саласында сыбайлас жемқорлыққа қарсы атқарылған жұмыстар жайы да  сөз болды.

Осылайша маңызды салалар бойынша атқарылған жұмыстар нәтижесімен танысқан ҚР сыбайлас жемқорлыққа қарсы іс-қимыл Агенттігінің Қызылорда облысы бойынша департаменті батыс аймағы бойынша Арал, Қазалы ауданаралық басқармасының басшысы Е.Әліпбаев аудан бойынша қолға алынған қадамдарға оң бағасын бере отырып, елімізді өркендету жолында сыбайлас жомқорлық әрекеттерін болдырмау, алдын алу бағытында аянбай, бірлесе қызмет атқаруға шақырды.

Аудан әкімінің баспасөз қызметі

 



<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Қыркүйек 2019 >
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары