Өзекті мәселелер

  • 23.05.19

    Ерсіннің жұмыссыз жүргеніне  біраз уақыт болды. Қырықтың қыр­қасына шыққан жігіттің  қызметінен кеткеніне үш жыл. Сонан бері үш балан­ың тамағы, киім-кешегі, жұмыссыз күйеудің бабын табу Алуаға оңай емес. Мектепте жұмыс ауыр. Күні бойы тыным көрмейді. Ерінің үйде бос жатысы мұғалім келіншектің жүйкесіне  тиеді.

    - Тым болмаса есік алдынағы бау-бақшаға қара. Малға жем-шөп беріп, өріске шы...

    Толығырақ...
  • 23.05.19

    Ағылшын әдебиеті тарихында роман жанрының негізін қалаушылардың бірі, тұңғыш романист жазушы, публицист, көрнекті прозаик Даниэль Дефоның «Робинзон Крузо» атты атақты шығармасын бес жастағы баладан бастап, белі бүгілген қартқа дейін білетіні анық. Тіпті, автордың атынан гөрі Робинзон Крузоның есімі әлемге әйгілі болған көркем образ екендігі де даусыз. Бұл – әрине, автордың ...

    Толығырақ...
  • 23.05.19

    Қазақ елі діни татулықт­ың үлгісі екені жаһанға мәлім. Бірлігінің бекемдігі де көп ұлттың басын біріктіріп тұрған шаңыр­ағының тыныштығынан көрі­ніп тұр. Елбасының сарабдал саясаты мен мемлекет үшін құндылығы  жоғары, саяси маңызы зор стратегияларының нәтижесінде біз осындай мәртебеге иеміз.

    ...
    Толығырақ...
  • 23.05.19

    Несібелі   МУСЛИМОВА:

    Тағдыр – жазмыш. Жазмышты жолынан жаңылдырып, пешенесін­  өзі  жазған пенде жоқ. Бір сәт күліп отырып көңіл босату,­ жылап отырып  жігерлі  кейіпке ену, шарасыздықтан  шаршап  немесе­ амалдың   жоқтығынан  жанар­ын  солдыру – бір  тағдыр иесіне­  ауырлық­. Сынақ  өзінің жеңім­пазын  таңдайды. Және сол жолда­ күресу үшін  кейіпкеріне  күш-жігер ...

    Толығырақ...
  • 23.05.19

    (Соңы. Басы газеттің 14 наурыздағы  №10, 18 сәуірдегі №15 сандарында)

    Менде тек ғана жұмыс тауып, жан бағатын тіршілік жасаудан басқа жол қалмады. Ал бала ше? Уақытша балалар үйіне өткізсем бе деген ой келді. Бірақ мен қайтып аламын дегенше, біреу асырап алса қайтемін деген күдік тағы бар. Осындай ой шырмауында жүргенімде ұялы телефон...

    Толығырақ...
Сейсенбі, 03 Шілде 2012

ТЕПЛОВОЗДЫҢ АСТЫНА ТҮСІП... PDF Print Email
Жаңалықтар - Халық-хабар
03.07.2012 16:36

Арал ауданының Сексеуіл қыстағында 53 жастағы әйел тепловоздың астына түсіп, ажал құшты. Бұл туралы еліміздің төтенше жағдайлар министр­лігінің баспасөз қызметі ақпарат таратты. Қайғылы жағ­дайды аталмыш ведомство марқұмның абайсыздығынан орын алды деп отыр.

 


«ҚАЗАҚТЕЛЕКОМ» ДА ҚАРАП ҚАЛМАДЫ PDF Print Email
Жаңалықтар - Халық-хабар
03.07.2012 16:34

Мереке  мезіреті

ҚР Президентінің 1998 жылғы 20 қаңтардағы Жарлығына және 2011 жылғы 20 қазандағы Жарғысының қосымшасына орай, 28 маусым Байланыс және ақпарат қызметкерлері күні болып белгіленгені белгілі. Соған байланысты Қызылорда облыстық телеко­ммуникация дирекциясы (ҚОДТ) да кәсіби мерекесін атап өтті. Алдымен дирекцияның бас дирек­торы Сәдібек Балтабайұлы аймақтағы жетекші басылымдардың бас редакторларын қабылдап, сала жұмысымен қысқаша таныстырып өтті. ҚОДТ қызметі телекоммуникация жүйесі жұмысының сапасын жақсартуға, абоненттердің ұсыныстарына барынша жағдай жасауға, ID TV, ID Pone, ID NET сияқты жаңа қызмет түрлерін енгізу арқылы көрсетілетін қыз­меттердің көлемін ұлғайтуға бағытталғанын жеткізді. Баспасөз бен байланыс саласы қызметкерлерінің ортақ  атап  өтіліп отырған төл мерекесімен құт­тық­тап, сый-сияпат жасады.

Одан әрі кәсіби мерекеге орай салтанатты жиын өтті. «Мен шын көңіліммен Сіздердің жігерлі еңбектеріңізге алғысымды білдіре отырып, «Қазақтелеком» алдағы уақытта да Қазақстанда байланыс саласын­ дамытуды және жетілдіруді қамтамасыз етіп, байланыс операторларының ішінде алдыңғы орында нық тұратындығын үлкен сеніммен айтқым келеді»­, - деді С.Балтабайұлы әріптестерін құттықтау сөзінде. Шара барысында байланыс саласында жеткен жетістіктері үшін дирекцияның ең үздік қызмет­керлері марапатталды. ҚР Көлік және коммуника­циялар министрлігінің бұйрығына сәйкес «Құрметті байланысшы» атағы ТЖПжДҚ бастығы Асия Айсаеваға берілді. Ал, телекоммуникация желілер­ін дамыту цехының бастығы Сейіт Бозшаев пен сату орталығының маманы Мира Шойтимова «Қазақтелеком» АҚ Басқарма төрағасының «Құрмет грамотасын» иеленді.

Келесі кезекте облыс әкімінің орынбасары Е.Уәйіс байланысшыларды төл мерекемен құт­тықтап, телекоммуникация саласын дамытуға сіңірген еңбегі, қосқан үлесі үшін бірқатар азаматтарды облыс әкімінің Құрмет грамотасы және алғыс хатымен марапаттады. Олардың қатарында Жакебай Бекжанов, Юрий Драчев, Абай Ысқақ, Сембай Көшқұлов, Гүлшат Қошқаровалар бар. Сондай-ақ, бір топ қызметкерлер ҚОДТ Бас директорының алғыс­ хатына ие болды. Салтанатты жиын жас байланысшылар әзірлеген мерекелік концертке ұласты.

 


«ДАМУ-КӨМЕК» БАҒДАРЛАМАСЫ АЯСЫНДАҒЫ ДЕМЕУШIЛIК КӨМЕК PDF Print Email
Жаңалықтар - Халық-хабар
03.07.2012 16:32

Мүмкіндігі шектеулі жандардың жағ­дайын жақсарту еліміздегі әлеуметтік саясаттың басты бағыттарының бірі болып табылады. Тағдыр тәлкегімен «мүгедек» атанған жандардың арасында қайсар мінезі мен өр рухы арқылы қиындықты еңсеріп жүргендері де жетерлік. Осындай санаттағы жандарды қолдау мақсатында «Даму» кәсіпкерлікті дамы­ту Қоры «Даму-Көмек» атты мүгедек-кәсіпкерлерді қолдау бағдарламасын әзір­леп, іске асырып келеді. Нақты айтқанда, «Даму-Көмек» бағдарламасы бойынша кембағал жандарға жеке кәсіп ашуға мүмкіндік жасайды. Қор қаржылай көмек көрсетпейді. Есесіне, ынталыларды бизнестің қыр-сырына баулып, оларға демеушілер тауып береді.

Жақында Қызылорда облысы бойынша «Даму» кәсіпкерлікті дамыту қоры» АҚ аймақтық филиалы аталмыш бағдарлама аясында 5 мүгедек-кәсіпкерге демеушілік көмек көрсетті. Солардың бірі - Бауыржан Жұбатқанұлы, 1971 жылы туылған, 2-топтағы көз мүгедегі, Қызылорда қаласының тұр­ғыны, отбасында 4 бала тәрбиелеп отыр. Ағаш ұстасы болып 7 жыл жұмыс жасаған, бірақ денсаулығына байланысты қазір үйде. Қолынан ағаш бұйымдарын жасау келгендік­тен, «Даму»  қорына осы кәсіппен айналысуға қажетті құрал-сайман алып беру туралы өтінішімен келген болатын. Бауыржан өз өтінішінде лобзик, дрель, болгарка, ара алып беруді сұраған. Ал, Жандос Бимағанбетов 1987 жылы туылған, 3-топтағы тіл-құлағы бойынша мүгедегі болып табылады. Арал қаласында 2005 жылдан бастап жеке шаш­тараздық кәсіппен айналысып келеді. Келесі­сі - 1982 жылғы Айман Бисено­ва, 1-топтағы мүгедек. Арал қаласында азық-түлік дүкенін ашып, отбасымен айна­лысуда. Сол дүкен жанынан компьютерлік қызметтер көрсету үшін «Даму» қорына өтініш жазға­н болатын. Мамыр айында ол «Даму» қоры  мен «Құс Жолы»  қайырым­дылық  қо­рының бірлесіп жүзеге асырып жатқ­ан «Жұл­дыздарға қара» жобасы бойынша 100 000 теңге көлеміндегі өз жобасын ұсын­ған болатын. Жоба аймақтық комиссия­дан өтіп, бүгінде Алматы қаласында «Құс Жолы» қайырым­дылық қорының комиссия отырысымен мақұл­данды. Сондай-ақ, Бек­тұрсын Ақбергенов (1977 жылы туылған, 2-топтағы мүгедек­) Жалағаш ауданы Шәменов ауылында компьютерлік қызмет көрсет­кісі келеді. Ауылда мұғалімдерге, тұрғын­дарға реферат, ксерокөшірме, буклеттер шығару арқылы бір кәсіппен шұғылданбақ ойы бар. Ал, 1- топ мүгедегі, 27 жастағы Мөлдір Абдра­манова өзінің екі аяғының жансыз болғанына­ қарама­стан, кәсіпкерлік қызметпен айна­лысып келеді. Ол өзінің денсаулық жағ­дайына ыңғайлы кәсіпті таңдап, 2010 жылдан бастап үйінен комьютерлік қызмет көрсетуді бастаған.

Демеушілік көмектің арқасында 5 мүм­кіндігі шектеулі жан өз өтініштері бойынша қажетті құрал-жабдықтарын алды. Игі істерге ниеті ашық, жомарт жүректі жеке кәсіпкер Шамсудин Курбановқа филиал ұжымы алғысын­ білдіріп, алғыс хатын табыстады.

- Тағдыр тауқыметін арқалай жүрсе де өзгелермен терезесі тең дәрежеде өмір сүруге­ талпынған осындай жандарға көрсетілетін көмек жалғасын таба бермек. Ал жаңа құралдар арқылы табысы молайып, тұрмысы түзелуі­не септігі тиіп жатса, мақсатымыздың орындалғаны, - дейді «Даму» қорының Қызыл­орда филиалы директоры Ж.Матаев.

Сонымен қатар, 29 маусым күні «Даму» қорының Қызылорда филиалымен 35 мүм­кіндігі шектеулі жандардан көмек көрсету туралы өтініштері қабылданып, соның ішінде 25 мүмкіндігі шектеулі жанға қаржылай көмек көрсетілді.

 


Күнтізбе

< Шілде 2012 >
            1
2 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары