Өзекті мәселелер

  • 23.05.19

    Ерсіннің жұмыссыз жүргеніне  біраз уақыт болды. Қырықтың қыр­қасына шыққан жігіттің  қызметінен кеткеніне үш жыл. Сонан бері үш балан­ың тамағы, киім-кешегі, жұмыссыз күйеудің бабын табу Алуаға оңай емес. Мектепте жұмыс ауыр. Күні бойы тыным көрмейді. Ерінің үйде бос жатысы мұғалім келіншектің жүйкесіне  тиеді.

    - Тым болмаса есік алдынағы бау-бақшаға қара. Малға жем-шөп беріп, өріске шы...

    Толығырақ...
  • 23.05.19

    Ағылшын әдебиеті тарихында роман жанрының негізін қалаушылардың бірі, тұңғыш романист жазушы, публицист, көрнекті прозаик Даниэль Дефоның «Робинзон Крузо» атты атақты шығармасын бес жастағы баладан бастап, белі бүгілген қартқа дейін білетіні анық. Тіпті, автордың атынан гөрі Робинзон Крузоның есімі әлемге әйгілі болған көркем образ екендігі де даусыз. Бұл – әрине, автордың ...

    Толығырақ...
  • 23.05.19

    Қазақ елі діни татулықт­ың үлгісі екені жаһанға мәлім. Бірлігінің бекемдігі де көп ұлттың басын біріктіріп тұрған шаңыр­ағының тыныштығынан көрі­ніп тұр. Елбасының сарабдал саясаты мен мемлекет үшін құндылығы  жоғары, саяси маңызы зор стратегияларының нәтижесінде біз осындай мәртебеге иеміз.

    ...
    Толығырақ...
  • 23.05.19

    Несібелі   МУСЛИМОВА:

    Тағдыр – жазмыш. Жазмышты жолынан жаңылдырып, пешенесін­  өзі  жазған пенде жоқ. Бір сәт күліп отырып көңіл босату,­ жылап отырып  жігерлі  кейіпке ену, шарасыздықтан  шаршап  немесе­ амалдың   жоқтығынан  жанар­ын  солдыру – бір  тағдыр иесіне­  ауырлық­. Сынақ  өзінің жеңім­пазын  таңдайды. Және сол жолда­ күресу үшін  кейіпкеріне  күш-жігер ...

    Толығырақ...
  • 23.05.19

    (Соңы. Басы газеттің 14 наурыздағы  №10, 18 сәуірдегі №15 сандарында)

    Менде тек ғана жұмыс тауып, жан бағатын тіршілік жасаудан басқа жол қалмады. Ал бала ше? Уақытша балалар үйіне өткізсем бе деген ой келді. Бірақ мен қайтып аламын дегенше, біреу асырап алса қайтемін деген күдік тағы бар. Осындай ой шырмауында жүргенімде ұялы телефон...

    Толығырақ...
Бейсенбі, 26 Шілде 2012

СОҢҒЫ МИНУТ СИНДРОМЫ PDF Print Email
Жаңалықтар - Сергек
27.07.2012 10:37

Отандық футбол өрге баспай тұр. Бұған келісуден басқа амал жоқ. Кәріқұрлықтың қарамағына кіргенімізге талай жыл болды. Бірақ тәжірибе жинақтаудан әрі асқан жоқпыз. Бір таңғаларлығы, отандық футболшыларға үнемі сәтсіздік жетпей жатады. Ұлттық құрама ойыншылары азулы деген қарсыластармен де терезесі тең өнер көрсетіп, соңғы минуттарда жүрісінен жаңылады. Бұған талай куә болдық.

Арысын айтпағанда, соңғы Еуропа біріншілігіне іріктеу сынында түріктермен тоқсан минут тең ойнап, төреші белгілеген қосымша минутта гол жіберіп алдық. Әрине, бұл кездесудің біз үшін маңызы жоқ болатын. Дегенмен, түріктерді «тобықтан шалуға» шама жететін аңғардық, бірақ мақсатқа қол жеткен жоқ. Жалпы, соңғы минутқа шыдас беру отандық футболда үлкен мәселе болып тұр. Күні кешегі «Шахтер» мен «Ордабасының» қылығына қараптан-қарап күйінесің. Өкініштен өзек өртене жаздады. Амал не, «доп - домалақ» дедік.

 

Апта бұрын Либерец қаласында «Шахтер» алаң қожайынынан бір гол айырмашылығымен ұтылған. Қарымта кездесуде Жамбыл Көкеевтің голымен қос матчтағы есепті теңестірді. Екінші кездесуде кеншілердің ірі есеппен ұтатын мүмкіндігі болған. Бірақ қонақтар қақпашысы Бичиктен қарағандылықтар айласын асыра алмады. Сонымен ойын қосымша таймға жалғасты. 15 минуттық екі таймда қос команда да бір саусақтарын бүгіп ойнады. Алайда «соңғы минут синдромы» бұл кездесуде де тіркелді. Қарбалас сәтті ұтымды пайдаланған Блажек қонақтарды келесі кезеңге алып шықты.

Биыл тұңғыш рет Еуропа Лигасында бақ сынап жатқан шымкенттік «Ордабасы» тағы бір азулы Норвегияның «Русенборг» командасынан сырт алаңда бір ұпай еншілеген-ді. Норвегиялық команданы азулы дейтініміз, соңғы жылдарға дейін өз елінде қарсылас шыдатпаған. Еуро бәсекелерінде топтық кезеңге дейін тосылмай өнер көрсете алады. Тіпті бір кездері ¼ финалға дейін барған. Бір сөзбен айтқанда, тәжірибелі ұжым. Сырт алаңдағы 2:2 нәтижесі шымкенттіктерге үлкен мүмкіндік болған. Алматының орталық стадионында ине шаншар жер болмады. Ордабасылықтар «ә» дегеннен ойын тізгінін өз қолдарына алды. Тіпті бірінші болып есеп ашты. Дегенмен, екінші таймда қонақтардан көз жазып қалған алаң қожайындары бір гол жіберіп алды. Бұл нәтиже жерлестеріміздің келесі кезеңге шығуына мүмкіндік беретін. Алайда қорғанысқа ерте жамбастап жатып алған алаң қожайындары соңғы минутта гол жіберіп алды. Тағы бір күрсіндік. Соңғы минутқа шыдас бере алмауымыздың себебі не де? Бұл жауабы жоқ сауал болып тұр.

Жабырқаған көңілді ақтөбеліктер көтерді. «Ақтөбе» соңғы үмітіміз болатын. Молдовалық «Милсамиден» алғашқы ойында 4:2 есебімен ұтылған-ды. Қарымта кездесуде ақтөбеліктер 3:0 есебімен жеңіп, келесі кезеңге жолдама алды. Енді ақтөбеліктерге сәттілік жолдас болып, топтық кезеңге дейін тосылмай жетсе деген тілек бар.

Тәжімұрат ӘЛЖАНОВ

 


Күнтізбе

< Шілде 2012 >
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 27 28 29
30 31          

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары