Оқырманнан хат

Келіп кету есептегіші

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін2821
mod_vvisit_counterКеше2604
mod_vvisit_counterОсы аптада10102
mod_vvisit_counterӨткен аптада15900
mod_vvisit_counterОсы айда26002
mod_vvisit_counterӨткен айда70043
mod_vvisit_counterБәрі4150732


Өзекті мәселелер

  • 14.11.19

    Ішкі істер министрінің орынба­сары Алексей Калайчиди аттестациядан кейін лауазы­мы­нан  босаған полиция басшы­лары туралы айтты, - деп хабарлайды ҚазАқпарат.

    – Аттестация екі кезеңнен тұрды. Біріншісі – дайындық барысы. Яғни, лауазымдағы азаматтың  кәсіби  дағдысы зерттелді. Біз бұған  дейінгі полиция басшыларын аттестаттаудың оқ ату, дене дайындығын, заңды білу деңгейін тексеру сек...

    Толығырақ...
  • 14.11.19

    Бізде мынадай тенденция бар ғой. Әкімдер мемлекеттік мекемелерге барса,­ сондағы қызметкерлер тайлы-таяғымен иіліп төсек, жайылып жастық бола қалатын. Тіпті, бұл дәстүрге айналып кеткені қашан?! Ал әкім мекеме­ге ескертусіз келсе, жағдай қалай болар еді? Мұндай «қызықты» апта  басында  көрдік.

    ...
    Толығырақ...
  • 14.11.19

    «Отан қорғап, сарбаз сапына қосылады» деп үкілі үміт артып отырған­ бөріктілердің арасында әскери борышын өтеуден қашып жүргендер бар. «Қашқындарда­н» бөлек, республиканың түкпір-түкпіріне немесе өзге мемле­кеттерге жұмыс істеуге барып, нақты мекенжайсыз, хат-хабарсыз кететіндерге де дауа болмай отыр. Осыған­ байланысты әскерге шақырылушыларды жергілікті әскери­ басқару органдарына шақы...

    Толығырақ...
  • 14.11.19

    Мәдениет ауылдық округі тіректі елді мекенге айналғалы бұл өңірдің тірлігі де алға басты. Ауыл әлеуетінің артуына бұрын жергілікті шаруашылықтар қолғабыс ететін. Қазір кәсіпкерлікті қолдауға бағытталған мемлекеттік бағдарламаларды тиімді пайдаланған ауыл тұрғындары да табысқа кенелуде. Кейбір жандар жеке табысы артқан сайын әлі де бола берсе екен дейді. Ал  бұл  елді  мекендегі  шаруашы...

    Толығырақ...
  • 14.11.19

    Өткен жылы мемлекеттік «Нәтижелі жұмыспен қамту және жаппай кәсіпкерлікті дамыту» бағдарлама­сына қатысып, «Атамекен» кәсіпкерлер палатасының қолдауымен «Бастау Бизнес» курсынд­а білімін жетілдірген Қармақшы ауданына қарасты Ақай ауылының жас кәсіпкері Қосым Жұмағалиевтің  есімі  бүгінде ауылдастарына жақсы­  таныс.

    ...
    Толығырақ...
Бейсенбі, 06 Қараша 2014

КЕЛЕСІ ПРЕЗИДЕНТ КІМ БОЛАДЫ? PDF Print Email
Жаңалықтар - Саясат
06.11.2014 12:07

Жылдар жылжыған сайын алты алашты ел билігі алаңдатуда. 2016 жылдың желтоқсанында қазіргі президент Н.Назарбаевтің шартты мер­зімі аяқталған соң, кімді ақ киізге көтеріп «хан» сайлаймыз? Тақ, тізгін кімге бұйырады? Бұқа­раны беймаза еткен сауал­ға «Рейтинг кз» зерт­теу агенттігі жауап іздеді. Ақорданың айналасында жүрген, саясат сахнасында элита саналатұғын тұлғалардың мүм­кіндігін зерделеді.

Сайтқа сілтеме жасаған Ұлт.кз порталының мәліметінше, қыркүйек­тің 12-сі мен 20-сы аралығында жүргізілген сараптамалық сауалнамаға саяса­т һәм экономиканың жілігін шағып, ма­йын ішкен 28 респондент қатысқан. Келесі президенттің кандидатурасы 9 факторға негіз­делген. Мұнда мұрагер­лік билік әлдеқашан жойылғанына қарамастан «Презид­ент Назарбаевтың сенімі» деген­ критерий көш бастайды. Одан соң үміт­керлер «ішкі күш­тердің және сыртқы ли­дерлер­дің қолдауы», «саяс­и, экономикалық әсері» сынды нұсқалар бойынша анықталған. Сонымен көрсет­кіш көшбасында кімдер тұр?

Тізгін тартар тізімді Ахметжан Есімов пен Кәрім Мәсімов бастайды. Алматының әкімі «Президент сенімі» критерийі бойынша алда. Әйтпесе, дағдарыс жағдайында әлін көрсете ал­мағ­ан, базарының басы­нан бұлт арылмаған Есімов жылы орнынан жылжымай әліге дейін отырар ма еді? Ал «үйсіз әкімнің» үзеңгілесінің «сыртқы күштің қолдауы» нұсқасы бойынша мысы басым. “Мұртты министр” критерийдің қай-қайсысынан да кем түспейді не­гізі. Президенттің сенімі болмаса, ол Үкімет билі­гін қайта қолға алар ма еді? Оны мықты стратег ретінде де ел жақсы таниды. Бірақ қалың бұқараның хандықты «жатқа» беріп қарап отыруы екіталай.

Келесі орындар – Нұр­тай Әбіқаев пен Қа­сым-Жомарт Тоқаевтың еншісінде. Одан кейінгі тізім «көсемнің» туыс­тары Тимур  Құлыбаев пен Дариға Назарбаеваға тиесі­лі. Ал Астананың экс-әкімі  Иманғали Тас­мағам­бетовтің  мүмкін­дігі біраз төмендеген. Қазіргі Қорғаныс  министрі  бар-жоғы жетінші орынға жайғасқан.

Президенттікке бастайтын баспалдақтың келесі­ теппесінде Әділ­бек Жақсыбеков, Нұрлан Нығматулин, Болат Өтемұратов, Бақытжан Сағынтаев, Өмірзақ Шө­кеев, Әсет Исекешев, Мұрат Тәжин, Бауыржан Байбек, Самат Әбіш, т.б. тұлғалар тұр. Болжамның соңын «жолы болмағандар» тобы түйіндейді. Олар - Ақордадан алас­татылған Серік Ахметов пен Аслан Мусин.

Елбасы биліктен бас тартарын ашып айтқан жоқ. Ал біздікі не дауры­ғу? Әйтеуір, «ұл көрмеген уалап, қой көрмеген қуалап өлтіріптінің» кері келмесе игі.

ТАМШЫ

 


ЗЕҢГІР КӨККЕ КӨТЕРІЛЕТІН 70 ЗЫМЫРАН ЖЕТІСТІРЕ МЕ? PDF Print Email
Жаңалықтар - Саясат
06.11.2014 12:04

«Өзіңнен зор шықса, екі көзің сонда шығады». Көгімізді билеген  көршілеріміз біздің көз жасымызға қарайын деп отырған жоқ. Енді Ресей 2020 жылға дейін Байқоңыр ғарыш айлағынан 70 мәрте зымыран ұшыруды жоспарлап отыр. Айналдырған алты жылдың ішінде 70 зымыран «төбемізді тесер» болса, ары қарай ойлана беріңіз. Ал олар гептилмен ұшатын ракеталардан «Ангара» кешені тапсырылғанда ғана бас тартпақ. Бұл туралы «Роскосмос»-тың басшысы О.Остапенко Байқоңырда «Южный» ғарыш орталығы мамандарымен кездесуде мәлімдеген.

Ресей ғарыш мекемесі басшысының айтуынша, Байқоңыр ғарыш айлағындағы ұшырылым­дар­дың қарқыны гептилді зымырандарды ұшыруды қысқарту тенденциясына байланысты бәсеңдеп отыр. Бірақ, «Протон» зымырандарынан бас тарту ойымыз жоқ»,- дей­ді О.Остапенко. Оның ойынша, зиянды отынмен ұшатын зымыраннан «Ангара» комплексі енгізілгенде ғана бас тартуға болады. Ол Қазақстанмен арадағы келіссөздер барысында ғарыш айлағының келешек қызметі туралы жиі талқылана­тынын  айтады.

«Талқыға салынады» дегені – бос әурешілік. Байқоңыр төңірегіндегі байыпты мәселелер күн тәртібінен түспей келеді. Бірақ, нәтиже жоқ. 2007 жылы қыркүйек айында Жезқазған қаласынан 40 шақырым жерге «Протон» құлағаны елдің есінен кете қойған жоқ. Оған  сол жылы Үкімет аз-маз бас қатырған сыңай танытып, мәселені «майшаммен» қарағандай болғ­ан. 2006 жылғы  шіл­деде Қармақшы  ауданы Көмек­баев ауылының тұсына ресейл­ік «Днепр» зымыраны құлап, ондаған тонна гептил мен амил төгіл­ген еді. Алдың­ғы жылғы «Байқоңырдағы» зымыран апаты тағы бар.

Биліктегілер бас болып, проблемаға нүкте қоя алмай отырғанда, бер жағындағылардың үлгісіз тон пішуінің жөні жоқ. Жыл құрғатпай жаудырып жатқан уға шыдас беріп отырған қызылордалықтардың жаны сірі. Айта-айта қазір бұл мәселенің де «қадірі» кеткендей. Байқоңыр «боданда» тұрғанда гептилден көз ашуымыз екіталай. «ҚазҒарыш» агенттінің төрағасы Т.Мұсабаевтың «Известия» бысылымына берген сұхбаты да ел арасында біраз  дау тудырып еді. Онда ол Байқоңырдың Ресей құрамында мәңгілік қалуын қалайтынын айтқан. Мәселе­нің нақ басында жүруге тиісті ел ағаларының аузынан шыққан сөзі осы болса, келешектен үміт күткеніміздің өзі күлкілі. «Адамнан сұрағанша, Алла­дан сұра» деген. Тыныс­ы тарылған жұрт жоғарыдан үміт үзіп, амалсыз Алладан медет сұрайды да.

Керім  ТАУАР

P.S. «Тіл алмасқа сөз айтсаң, адам таппас жауап айтар»­. Әйтпесе, Байқоңырдың жоғын жоқтап, оның болаша­ғы үшін билікке арыз айтып, барын салып жүргенде­р бар. Қарабайыр халық бұғып, Ресей сұғып әлек. Өз жерімізде өзіміз бас көтеріп, билік айта алмайтында­й халде тұрмыз. Ресей 2050 жылға дейін Байқоңы­рды жалға­ алды. Не істеймін десе – өз еркі. Енді 2020 жылға дейін зеңгір көкке 70 зымыран көтерілетін болса, жетіскен­  екенбіз.

 


ҚАРЫЗ күліп келіп, жылап қайтпасын... PDF Print Email
Жаңалықтар - Саясат
06.11.2014 12:02

Көк бөрінің ұрпағы сыртқы жүнін қампайтқанымен, қарызы бастан асады. ҚР Ұлттық банкінің есептеуі бойынша 2014 жылдың 30 маусымында елдің сыртқы қарызы 155,5 млрд. долларды құрады. «Оның 10,6 млрд. доллары банк секторына тиесілі. Ал 5,8 млрд. доллар - Ұлттық банк пен ел үкіметінің еншісінде. Қалған қарыздар түрлі корпорациялар мен коммерциялық емес ұйымдардың атында»,- делінген Ұлттық банк мәлімдемесінде. Бұл өткен жылмен салыстырғанда сыртқы қарыз көлемі 4,1 млрд. долларға артқандығын аңғар­тады. Сонымен, кімге қанша қарызбыз?

Бізді жарылқап отырған бірінші Нидерланды мемле­кеті. Басымызда оларға 37,6 млрд. доллар берешегіміз бар. Ал Ұлыбритания 25,1 млрд. долларын шекарадан айырқалпақтыларға асырған. Аспанасты елінің де бізден 15,9 млрд. АҚШ доллар алашағы бар. Төртінші орында «Ақ үйге» 11,3 млрд. доллар, француздарға  9,3 млрд. доллар, ал теріскейлік көрші Ресейге 4,9 млрд. доллар­ қарызбыз.

Ұлттық банктің мәлімдемесі бойынша, сырттан сауға сұрауға кіріптар бірінші банктер көрінеді. Олардың ағымдағы айдың екінші жартысындағы жатқа қарызы 108,1 млн. долларға өскен.

Бәтуасыз басқосулар, пайдасыз форумдар, іске алғы­сыз ассамблеялар, жүлдесі үш жүздің баласына бұйырматын байрақты бәсекелерді ұйымдастырудан арыл­масақ, қарызымыздың қарымын қойнауымыздағы қазынамыз­ да қайтара алмас.

Сыртқы қарыз бен сыртқа қашқан қаржыға шектеу қойылмаса, 1998 жылғы Оңтүстік Кореяны қыспа­ғына алған дағдарыстың бізді айналып өтпесіне кім кепіл?

АЛДАСПАН

 


Күнтізбе

< Қараша 2014 >
          1 2
3 4 5 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары