Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

    ...
    Толығырақ...
  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып. ...

    Толығырақ...
Жұма, 21 Қараша 2014

Сырдариялықтар сахнаны билеп-төстеген күн PDF Print Email
Жаңалықтар - Халық-хабар
21.11.2014 16:24

Кеше сырдариялықтардың өнер керуені «Арнасын ән кернеген – Сырдария» атты концерттік бағдарламасын қала тұрғындарына ұсынды. Аудан өнерпаздары таңдай қақтырарлықтай таланттарымен көпшіліктің жүрегіне жол таба білді. Нұрғиса Тілендиевтің «Әлқиссасымен» түрілген сахна шымылдығы ән-жырдың көшінен қалыспай жүрген жандардың жұлдызын жаққандай болды. Қалтай Мұхамеджанов, Әбділда Тәжібаев, Хусейн Әмір-Темір, Рамазан Тайманов, Жеңіс Ысқақова, оның ар жағында Сәбира Майқанова шыққан ауданның өнер десе делебесі қозатынын айтпаса да түсінікті. Бұл ауданнан әлі де болса, талай талант түлеп ұшқалы тұр. Анау-мынау әншінің даусы жете бермейтін «Әлия» әнін нақышына келтіріп орындаған Құралай Мейрамбекқызы солардың бірі болмақ. Оннан енді ғана асқан оның жоғары ноталардың өзін емін-еркін алғанын музыкадан мықты хабары жоқ көрермен де көкейімен сезді. Одан бөлек, жанұялық «Сәдуақасовтар» ансамблі де бүтіндей бір шаңырақтың ғана емес, бүкіл бір ауданның абыройын асқақтатты. Ретро әндерге арналған «Сағындырған әндер-ай» бөліміндегі сахна көрінісі әр әннің әрін келтірді.

Ен даласының тамыры егістікпен жайқалған аудан ҚР Еңбек Ері Абзал Ералиевпен мақтанады. Күріштен тау тұрғызған оларға рекорд жаңарту шыбықтың басын сындырғанмен бірдей болып қалды. Биылғы «Алтын күзде» ауыл шаруашылығы бойынша «үздік аудан» атанған Сырдарияның өнер додасында да өз мақтаныштары жетерлік. 100-ден аса рөлді сомдаған Сырдың мақтанышы Сәбира Майқанова Сырдарияның топырағына аунап-қунаған. Сол сахна саңлағының 100 жылдық мерейтойына орай жергілікті сазгер Ермекбай Әлкеновтың «Сәбира апай» әні хормен шырқалды.

Көптің қолын еріксіз соқтырған концерт соңында облыс әкімінің ықылас гүлі табысталды.

Г.Есімова

 


Күнтізбе

< Қараша 2014 >
          1 2
3 4 5 6 7 8 9
10 11 12 13 14 15 16
17 18 19 20 22 23
24 25 26 27 28 29 30

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары