Өзекті мәселелер

  • 19.04.18

    ӨМІР   СОҚПАҒЫ...

    Жол – экономиканың күретамыры, тіршілік ізі. Қала ішіне қамшының өрі­міндей таралатын сол жолдардың  қазіргі  жағдайы  қандай?

    Көктем бастала салысымен Қызылорданың орталық көшелері ғана емес, шетаймақ жолдарына да жан біте­тіні бар. Қазіргі күні қала бо­йынша ұзындығы 619 шақырымды құрайтын 766 көше бар. Оның 503,2 ...

    Толығырақ...
  • 19.04.18

    Жақында үйге туыстарымыз келіп, кішкентай бүл­діршіндермен оңаша қалып, бала да болса әңгімеге тарттым. Сөйтіп «Кімге еліктейсіңдер?»  деп  сауал  тастадым. Сонда 8 жастағы інім «Бэтмен», «Өрмекші адам», «Халк», «Темір адам», «Флеш» секілді шетел мульт­фильмдерінің басты кейіпкерлерін тізбектей жөнелді. Арасында бірде-бір қазақ батырл­арының есімі жоқ. Онысымен қоймай, сол кейіпке­рлердің өзіне...

    Толығырақ...
  • 19.04.18

    «Менің байқауымша, сұлу әйелді ит қаппайды. Олай болса­, сұлулықты ит те сезеді». Жазушылық жылнамасында әйел, ана тақырыбына ең көп қалам сілтеген талантты жазушы Ғабит Мүсірепов осылай депті. Иә, сұлулықты кім жақсы­ көрмейді, сұлулық кімге билік жүргізбеген десеңізші? Бота көзді, шие ерінді, үріп ауызға салғандай сұлу! Қыздардың осы сипаты қазір бар ма? Әрине, бар. Бірақ көзін линза арқылы қ...

    Толығырақ...
  • 19.04.18

    Қаржы және қоғам

    - Бұрын бәрін кадр шешкен деседі. Осы рас па, әлде өзгенің бе өсегі?

    - Иә, қазір қоғам емес кешегі, қаржы бәрін шешеді... Қысқартады, кеседі. Өшіреді, өседі... Қаржысы жоқ қасқаның маңдайда соры бес елі.

    - Сонда кадр ешнәрсе шешпей ме?

    - Жоқ, ол да аз-маз шешеді. Қаржың болса қалтаңда,...

    Толығырақ...
  • 19.04.18

    МЫҚ  ШЕГЕ  ҚАЙДА?

    Профессор  Темірбек

    ҚОЖАКЕЕВ  рухына Толығырақ...

Дүйсенбі, 24 Қараша 2014

Тағайындау PDF Print Email
Жаңалықтар - Халық-хабар
25.11.2014 11:15

Артур Нығметов «Нұр Отан» партиясының Қоғамдық Саясат Институты директорының штаттан тыс кеңесшісі қызметіне тағайындалды. Институттың жобалау істері бойынша тәуелсіз кеңестер беру енді Нығметовтың негізгі міндеттеріне кіреді.

Артур Нығметов — публицист, саясаттанушы. Батыс Қазақстан мемлекеттік университетін тәмамдаған, Мәскеу саяси зерттеулер мектебінің түлегі. Швециядағы SIPU International (Стокгольм, 2008) мемлекет және жергілікті басқару институты мен Конрад Аденауэр Қорында (Берлин, 2012) сынақтан өткен. 2008- 2012 жылдар аралығында қазақстандық және шетелдік БАҚ-тарда журналист және редактор қызметтерін атқарған. «Назарбаев Орталығында» бас сарапшы болған. Соғыс және бейбітшілік тақырыптарындағы IWPR Британ Институты басылымында, Ресейлік экстремал журналистика бағытындағы «Оазис» Интернет-журналында, «Новая газета - Казахстан» газетінде, «Астана» журналында мақалалары жарық көрген. Жыл сайынғы «Халық қалаулысы» сыйлығының "Үздік публицист" номинациясы бойынша 2012 жылдың лауреаты. 2014 жылдан бері «Smart Advice» коммуникациялық тобының басқарушы серіктесі.

 


ҚАЗАЛЫЛЫҚТАР ЕЛБАСЫ ЖОЛДАУЫН ҚОЛДАЙДЫ PDF Print Email
Жаңалықтар - Халық-хабар
25.11.2014 09:30

Елбасының Жолдауында Жаңа Экономикалық Саясат инфрақұрылым Жоспары 5 жылға есептелген және еліміздің үдемелі индустриялы- инновациялық дамуы жөніндегі мемлекеттік бағдарламасының екінші 5 жылдығымен тұспа тұс келіп отыр. Сондықтан, бұл құжаттың міндеттері ауқымды болмақ. Осыған орай, кешегі жиын барысында аудан активі Жолдаудың  басым бағыттары мен негізгі міндеттері бойынша пікір бөлісті.

Бүгінгі жиынға облыстық, аудандық мәслихат депутаттары, кент, қала, ауылдық округ әкімдері, құқық қорғау органдары, жергілікті және аумақтық атқарушы орган басшылары, ардагерлер мен жастар, үкіметтік емес ұйымдары және БАҚ өкілдері қатысты.

- Біз Елбасымыз Нұрсұлтан Әбішұлы Назарбаевтың сыңдарлы саясатының арқасында тағдырдың талай сындарлы сәттерінен өтіп, тәуелсіздік жолында нық қадамдар жасадық. Аз жыл аясында қазақ елін жер жаһанға танытқан Елбасы келер жылы Қазақ хандығының 550 жылдығын атап өту жөнінде тапсырма беріп, оның тұжырымдамасы бекітілді. Арнайы Үкіметтік комиссия құрылып, жер-жерде өтетін іс-шаралар нақтыланды. Сонымен бірге, 2015 жыл – Қазақстан халқы Ассамблеясы жылы деп жарияланды. Тәуелсіз еліміз барлық ұлт пен ұлыстың бейбітшілік ордасына айналып, толеранттылықтың ерекше үлгісін жасай білді. Ұлт Көшбасшысы Нұрсұлтан Әбішұлы Назарбаевтың қайраткерлігі арқасында Қазақстанда этносаралық жанжал мен қоғамның бөлінуіне жол берілген жоқ. Сондай-ақ, ендігі жылдың еншісінде Ата заң – Конституциямыздың 20 жылдығы мен Ұлы Жеңістің 70 жылдығы да ауқымды түрде аталып өтілмек. Бұл шаралар барлығымыз үшін маңызды. Біз – бірлігінен шашау шықпаған, ынтымағы берік, тату тірлігі жарасқан, әрдайым Елбасының назарынан шықпаған Қазалы халқы Мемлекет басшысының «Мәңгілік Ел» болу жолындағы жасампаз істеріне әрдайым қолдау білдіреміз! Түйіндеп айтқанда, Президенттің биылғы Жолдауындағы жаңа бастамаларды іске асыру жолында баршамыз күш-жігерімізді аямай, қолымыздан келгенше еңбек ету – азаматтық парызымыз. Сондықтан, Жолдауда көрсетілген міндеттерді жүзеге асыруда баршаңыз жұдырықтай жұмылып, белсенділікпен, бірлесіп ауданның қоғамдық-саяси тұрақтылығын сақтауға атсалысады деп сенемін және Отанымыз – Қазақстанның дамуы, оның Мәңгілік ел болуы жолында аянбай еңбек етуге шақырамын. Мемлекет басшысы айтқандай: «Біз Жалпыұлттық идеямыз - Мәңгілік Елді басты» бағдар етіп, тәуелсіздігіміздің даму даңғылын Нұрлы Жолға айналдырдық. Қажырлы еңбекті қажет ететін, келешегі кемел Нұрлы жолда бірлігімізді бекемдеп, аянбай тер төгуіміз керек. Mәңгілік Ел - елдің біріктіруші күші, ешқашан таусылмас қуат көзі». Әрбір идеядан еліміздің жарқын болашағы жолында тың жобалар жүзеге асырылатынына сенім мол. Мәңгілік Ел идеясын одан әрі дамытуды, Нұрлы жол жаңа экономикалық саясатын ұсынған биылғы Жолдау еліміздің жарқын болашағына жол сілтейді. Онда айтылған әрбір бағыт-бағдар мен міндеттердің ел өмірі үшін маңызы зор. Сондықтан, Ұлт көшбасшысы идеясының аясына бірігіп, ол жүктеген тарихи міндеттерді жұмыла жүзеге асыруымыз қажет. Өйткені, Жолдау бәрімізге үлкен міндеттер жүктеп отыр. Сол себептен, баршаңызды Жаңа Экономикалық Саясатты белсенді жүзеге асыруға шақырамын, - деді аудан әкімі Бахыт Жаханов.

Одан әрі облыстық мәслихат депутаты, Қазалы аудандық туберкулезге қарсы күрес диспансерінің бас дәрігері Құлпыбай Ысқақ, аудандық мәслихат хатшысы Бөріқұлақов Талайлы, аудандық ардагерлер кеңесінің төрағасы Бекбанов Оразғали, Қазақстан Халқы облыстық Ассамблеясының мүшесі, «Апаттар медицинасы» АҚ Қазалы филиалы теміржол ауруханасының мейіркеші Елена Андреадига, аудандық кәсіпкерлер кеңесінің мүшесі, «Қазақстан» сауда үйінің меңгерушісі Асқарова Шәкизада, №204 орта мектептің директоры Жолтаев Болат, аудан жастары атынан «Жастарды қолдау орталығы» Қазалы аудандық бөлімінің басшысы Ахметов Олжас сөз алып, Елбасы Жолдауын бірауыздан қолдайтындықтарын білдірді.

Қазалы ауданы әкімінің баспасөз қызметі

 


Елдік пен бірлік жолында PDF Print Email
Жаңалықтар - Халық-хабар
25.11.2014 09:27

«Жаңа саяси жүйеде мәслихаттар қызметінің табиғаты өзгереді. Олар атқарушы билікке қосалқы болмайды, азаматтық қоғам сұраныстарын алға жетелеуді қамтамасыз ететін биліктің дербес органы болады». Елбасымыздың осынау лебізі депутаттардың қоғамдағы алар орны, үлес салмағының маңызын паш етіп тұрғандай.

Қазалы аудандық мәслихаты мен оның органдарының жұмысы ел болашағына бағытталған шын мәніндегі демократиялық сипатты иеленді. Ондағы сессияларда, тұрақты комиссиялар отырыстарында келелі мәселелер талқыланып, маңызды шешімдер қаралады. Халық қалаулыларына жұртшылықтың құрметпен қарайтыны да сондықтан болар. Бұған жуырда өткен аудандық мәслихаттарының форумында тағы да көзіміз жетті.

Форум Мемлекеттік гимн орындалуымен басталды. Жаныңа өршіл сезім құятын әуен көкке шарықтағанда көпшілік қосыла толқыды. Тәуелсіздік аталатын қасиетті ұғымды қастер тұтуды, бабалар аманатына адалдықты мирастағандай өзгеше сезімге бөлендік. Аудандық мәслихат хатшысы Талайлы Бөріқұлақов өзінің баяндамасында аудандық мәслихаттың құрылуы, қалыптасу кезеңіне, осы аралықтағы 5 шақырылымда атқарылған істерге, халықтың сенімі, үмітін ақтаудағы ерен еңбегіне, тәуелсіздігіміздің даму даңғылы – «Нұрлы жолда» бекем бірлігімізбен кемел келешекке батыл қадам міндеті қойылғанын мұның өз елімізде жүргізіліп жатқан индустриалды-инновациялық даму, әлеуметтік реформалар, білім мен мәдениетті қолдауға бағытталғанына, халық пен билікті бір мақсат, бір мүддеге жұмылдыратынына, жарқын болашақ, жасампаз тірлікке жол ашатын басты құжат екендігіне кеңінен тоқталды.

Келесі сәтте форум қонақтары қызықты оқиғаға куәгер болды. Мәслихат тарихынан сыр шертетін «Елдік пен бірлік жолында» атты кітаптың тұсаукесер таныстырылымы жұртшылыққа жағымды әсер қалдырды.

Құттықтау сөзінде аудан әкімі Бақыт Жаханов депутаттардың елдің мүддесіне, ынтымақ-бірлігіне қомақты үлес қосып жүргендеріне ризашылық танытты. Бір топ халық қалаулыларына марапаттар тапсырды. Облыстық мәслихат депутаты, «Рза» АҚ-ның президенті Самұрат Имандосов, еңбек ардагері қатарынан төрт шақырылымға депутат атанған Кеңесбай Әлиасқаров ақ тілегін білдірді.

Шара соңында форумға қатысушылар облыстың барлық деңгейдегі мәслихат депутаттарына арнап «Қазақстан – 2050» стратегиясы мен Елбасы Жолдауында алға қойған міндеттерді жүзеге асырып, қазақ елін «Мәңгілік елге» айналдыру үшін аянбай қызмет етуге шақырған Үндеу қабылдады.

Жұмабек Табынбаев,

Қазалы ауданы

 


Үкіметаралық комиссия отырысында Байқоңыр мәселесі талқыланды PDF Print Email
Жаңалықтар - Халық-хабар
25.11.2014 09:19

Кеше Байқоңыр қаласында "Байқоңыр" кешеніне қатысты Қазақстан-Ресей үкіметаралық комиссиясының отырысы өтті. Оған ҚР Премьер-Министрінің бірінші орынбасары Бақытжан Сағынтаев, Ресей Үкіметі төрағасының орынбасары Дмитрий Рогозин, Қызылорда облысының әкімі Қырымбек Көшербаев қатысты.

Комиссия отырысында тараптар Байқоңыр қаласы мен Ақай, Төретам елді мекендерін дамыту, ондағы әлеуметтік саланы жандандыру, «Байқоңыр» кешенін бірлесіп пайдалану бойынша «Жол картасының» орындалу барысын талқылады. Айта кетейік, осы жиында «Протон-М» зымыран тасымалдағышының ұшуын азайту мәселесі сөз етілді. Бастысы, Байқоңыр қаласында Қазақстанның экологиялық кодексі қолданылатын болды. Сондай-ақ, жұлдызды қалашықтағы 6 қазақстандық мектеп өзіміздің білім беру стандартына көшеді.

– Байқоңырда тұратын 70 мыңнан астам халықтың 65 пайызы - қазақстандық азаматтар. Білім беру, денсаулық сақтау салаларында мәселелер болды. Осы жиын барысында оң шешім табуға қол жеткіздік. Енді ортақ жоба әзірлеп, желтоқсан айында өтетін екі ел президенттерінің басқосуында тиісті шешім қабылданатын болды, - деді ҚР Премьер-Министрінің бірінші орынбасары Б.Сағынтаев.

Басқосуда «Бәйтерек» ғарыш зымыран кешенінің бірлескен жобасы талқыланып, Байқоңыр кешені бойынша Қазақстан-Ресей үкіметаралық комиссиясы туралы ережеге қол қойылды. Тараптар «Байқоңыр» космодромынан зымырандарды ұшыру барысында апаттар орын алған жағдайда өзара әрекет ету мәселелеріне, жер телімдерін қолдану және Байқоңыр қаласының статусына қатысты халықаралық келісімдерге қол қою туралы мәмілеге келді. Кездесу нәтижесінде тараптар Қазақстан мен Ресей ғарыш саласында ынтымақтастықты әрі де тереңдете түсуге ынталы екенін атап өтті.

Қызылорда облысы әкімінің баспасөз қызметі

 


Мейман мінбері PDF Print Email
Мейман мінбері - Мейман мінбері
24.11.2014 14:56

Пікірлеріңізді осында қалдырыңыздар!

 


Күнтізбе

< Қараша 2014 >
          1 2
3 4 5 6 7 8 9
10 11 12 13 14 15 16
17 18 19 20 21 22 23
25 26 27 28 29 30

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары