Өзекті мәселелер

  • 17.10.19

    Қазақстан Республикасының Президенті Қасым-Жомарт Тоқаев Қазақстан халқына «Сындарлы қоғамдық­ диалог – Қазақстанның тұрақтылығы мен өркендеуінің негізі» атты алғашқы Жолдауын жариялаған­ы баршамызға белгілі. Сарапшылардың басым­  бөлігі бұл Жолдауға Қазақстан Республикасының Тұңғыш Президенті Н.Ә.Назарбаев айқындап берген саясаттың жалғасы деп баға беруде. Мұны еліміздің негізгі саяси бағыты с...

    Толығырақ...
  • 17.10.19

    Әнуар Дәуленбаев – 2016 жылдың наурыз айынан бастап №8 Төретам сайлау округі бойынша облыстық мәслихат депутаты. Өзінің сайлауалды бағдарламасында Байқоңыр қаласы мен Қармақшы ауданындағы кәсіптік білім беретін оқу орындарының базасын нығайтуға күш салатындығы туралы­  айтқан еді. Айтылған уәде бойынша мектепті жаңадан бітірген, тәжірибесі жоқ және жұмысқа орналаса алмай жүрген жастарды...

    Толығырақ...
  • 17.10.19

    Таңмен таласып, жұртпен жағаласып, кезекті күнімізді қарбаласпен бастап жатырмы­з. Бәрі де бір мақсатты күйттеп, бағыт алып барады. Біреуі жеке көлігімен, енді біреуі қоғамдық көлікпен кетпекші. Қолсағатыма қарасам, сабақтың басталуына­ небәрі 10-15 минутқа­ жетер-жетпес уақыт бар екен. Таксимен жеделд­етіп жетпек ниет­пен, тұрақта тұрған көліктің артқы есігін ашып, отыра кеттім. Тәуелсіздік да...

    Толығырақ...
  • 17.10.19

    «Сыбырлағанды да Құдай есітпей ме?» деген. Несіне жасырамыз, осыдан бірнеше жыл бұрынғы Қармақшының халін дүйім жұрт біледі. Экономикасы баяу, кәсіптің көзі жоқ, алға жылжиын десе халықта ынта болмаған еді. Мұндайда елдің есін жинайтын көреген басшы керек. Жұрттың да тілегені табылғандай, әуелі Жаратқанның, содан соң білікті басшылардың арқасында Қармақшы ауданында динамикалық өсу қарқы...

    Толығырақ...
  • 16.10.19

    Тәуелсіздік күні қарсаңында «Шіркейлі» арнасындағы көпірдің ашылу салтанаты өтеді... «7-20-25» бағдарламасы бойынша тұрғын үйлер халық игілігіне пайдалануға беріледі... Жыл басынан бері сәулет-құрылыс саласындағы заңнама талаптарын бұзған тұлғаларға 16 млн 822 мың теңге айыппұл салынған... 2019-2021 жылдары газдандыру жұмыстарына 22 млрд теңге қаржы бөлінеді...

    ...
    Толығырақ...
Сейсенбі, 25 Қараша 2014

Сыр жастары Үндеу қабылдады PDF Print Email
Жаңалықтар - Халық-хабар
25.11.2014 17:42

Бүгін Қызылордада «Мәңгілік ел жастары – батыл қадаммен ерен еңбекке» атты облыс жастарының дәстүрлі форумы өтті. Алдымен форум қонақтары мен делегаттары талантты жастардың инновациялық жобалар жәрмеңкесін тамашалады. Көрмеге жастар өздерінің ойлап тапқан тың туындыларын әкелді.

Форумды ашқан облыс әкімі Қырымбек Көшербаев  жастарды құттықтай келе, олардың бастамасын құптауға әрқашан дайын екендігін айтты.

– Сіздердің ұсыныстарыңызды ескере отырып, өңірімізде жастар саясатын дамыту бойынша 2014-2015 жылдарға арналған «Жол картасын» қабылдадық. Ендігі кезекте, жастар кәсіпкерлігін дамытудың облыстық Жол картасын қабылдау жоспарлануда. Облысымызда 2 жылда «Алтын белгі» иелерінің саны 2 есеге артты. 54 мектеп оқушысы Президенттік, халықаралық, республикалық олимпиадалардың жүлдегерлері атанды. Елбасының бастамасымен жүзеге асырылып жатқан «Жасыл Ел» және жастар құрылыс жасақтары сарбаздарының саны да 2 есеге өсіп отыр. Бұның барлығы - өңірімізде мемлекеттік жастар саясатын жетілдіру мақсатында атқарылып жатырған жұмыстардың жемісі, - деді облыс әкімі Қ.Көшербаев.

Форум аясында облыс көлемінде мемлекеттік жастар саясатын жүзеге асыруда белсенділік танытып жүрген үздік қоғамдық ұйымдар, әріптестік байланыс орнатуға үлесін қосқан әкімдіктер мен оқу орындары  облыс әкімінің алғыс хаттарымен марапатталды.

Сондай-ақ, жастар Елбасымен бірге жаңа белестерге ұмтылуға шақырған Үндеу қабылдады.

Қызылорда облысы әкімінің баспасөз қызметі

 


Жасотандықтардың жасампаз жұмысы PDF Print Email
Жаңалықтар - Халық-хабар
25.11.2014 17:24

Бүгін «Нұр Отан» партиясы «Жас Отан» Жастар қанаты облыстық филиалының кезекті VІІІ есеп беру конференциясы өтті. Жиынға облыс әкімі Қ.Көшербаев қатысты.

Конференцияда «Жас Отан» Жастар қанатының атқарып жатқан жұмыстары сараланды. Бұл ұйым жастардың мүддесін қорғауды мақсат санайды. Олардың әлеуметтік мәселелерін басты назарда ұстайды.

Жолдауда ел жастарының алдына айқын мақсат-міндеттер қойылып, өскелең ұрпаққа үлкен жауапкершілік жүктеліп отыр. Жастарды қолдау бағытында жасалған жұмыстарға тоқталсақ.

«Дипломмен ауылға» бағдарламасы жас мамандардың ауылдық жерлерге барып тұрақты қызмет жасауына мол мүмкіндік беретін ТМД елдеріндегі теңдесіз жобаға айналды. Елбасының шешімімен «Болашақ» бағдарламасы қабылданды. 20 жылда әлемнің 33 елінде білім алған «болашақтық» 6015 жас бүгінде әртүрлі салаларда қызмет етіп жүр. Қазір 3 мыңға жуық стипендиат шетелде білім алуда. Айта кету керек, республикалық «Мәңгілік ел жастары - индустрияға» жобасы нәтижесінде өңіріміздің 358 түлегі жоғары оқу орындарында, 420 түлегі техникалық және кәсіптік білім беру мекемелерінде грант негізінде білім алуда. Соның ішінде қызылордалықтардың үлесі басым. Мәселен, республика бойынша ЖОО-на бөлінген 1050 грант иегерінің 34 пайызы, кәсіптік және техникалық оқу орындарына қаралған 1000 гранттың 42 пайызы біздің облыс жастар үлесінде. Сондай-ақ, «Жастар тәжірибесі», «Бизнестің жол картасы», «Жұмыспен қамту», «Қолжетімді баспана» бағдарламалары арқылы мыңдаған жастар әлеуметтік қолдау алып, қоғамда өз орындарын табуда. Аймақта мемлекеттік жастар саясатын жүзеге асыру мақсатында облыстық бюджеттен өткен жылы 199 миллион теңге бөлінсе, биыл 307 миллион теңге қаржы қаралды.

- Бұл құрғақ цифрлар ғана емес, әрбір көрсеткіштің артында Мемлекет басшысының қамқорлығы мен орасан еңбек жатыр. Сондықтан, Елбасының айналасына топтасып, Жалпыұлттық идеямыз – Мәңгілік Елді басты бағдар етіп, тәуелсіздігіміздің даму даңғылы - Нұрлы Жолда аянбай еңбек етуіміз қажет, - деді облыс әкімі Қ.Көшербаев.

Жастар облыс әкіміне сауалдар қойып, тұшымды жауап алды.

Қызылорда облысы әкімінің баспасөз қызметі

 


Аймақ басшысы Қытай делегациясын қабылдады PDF Print Email
Жаңалықтар - Халық-хабар
25.11.2014 12:44

Бүгін Қызылорда облысының әкімі Қырымбек Көшербаев Қытайдан келген халықаралық «Сани Груп» компаниясының өкілдерін қабылдады. Бұл компания облыстағы құрылыс және мұнай-газ саласына қызмет көрсетуге инвестиция салмақ.

Компания бас директорының орынбасары Ли Цзяньхуа Қазақстан мен Қытай елі арасындағы достық және экономикалық қарым-қатынастың жылдан-жылға нығайып келе жатқанын айтты. Қызылорда облысында құрылыс индустриясы мен құрылыс материалдарын өндіруді дамытуды көздеп отыр. Соның бастамасы ретінде аймақта цемент шығару зауытын салуды жоспарлап отырғандықтарын жеткізді. Компанияның бұл салада тәжірибесі мол. Атап айтқанда, Индонезияда ауқымды индустриалдық аймақты осы кәсіпорын салған. Бүгінде сол елдің тәжірибесін біздің аймақта қолданбақ.

Аймақ басшысы Қызылорданың әлеуметтік-экономикалық жағдайымен таныстыра келіп, Елбасы шағын және орта бизнестің дамуына жан-жақты қолдау көрсетіп жатқанын айтты. Аймақтың потенциалдық мүмкіндігін кеңінен пайдалана отырып, отандық және шетелдік инвестицияны өндіріске, ауыл шаруашылығы мен тұрғын үй-коммуналдық шаруашылыққа, құрылыс саласына тарту керектігін, сондай-ақ, бүгінде осы салаларда Қытай елінің технологиялары бізде жоғары сұранысқа ие болып отырғанын атап өтті.

Екі жақты кездесу барысында тараптар өз ойларын ортаға салып, пікір алмасты. Алдағы жоспарлар жайлы айта келіп, достық қарым-қатынастың дами беруі өз нәтижесін береді деп сенім білдірді.

Қызылорда облысы әкімінің баспасөз қызметі

 


Күнтізбе

< Қараша 2014 >
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 26 27 28 29 30

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары