Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

    ...
    Толығырақ...
  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып. ...

    Толығырақ...
Жұма, 26 Мамыр 2017

Жыл соңына дейін 120 жылыжай ашылады PDF Print Email
Жаңалықтар - Халық-хабар
26.05.2017 18:01

Мемлекет басшысы кешегі өз Жолдауында «Аграрлық сектор – экономиканың жаңа негізгі тетігіне айналуы тиіс» деген болатын. Бұл ретте ауылшаруашылық өнімдерін өндірумен қатар, экспорттық әлеуетті арттыру басты назарда тұр. Жаңадан қабылданған бағдарлама агроөнеркәсіптік кешенін дамытудың 2017-2021 жылдарға арналған жоспары шеңберінде маңызды үш мәселені қамтиды. Біріншіден, ұсақ және орта шаруашылықтарды ауыл шаруашылығы кооперциясына тарту. Екіншіден, ішкі нарықты молайту және отандық өнімнің экспорттық әлеуетін кеңейту. Үшіншіден, мемлекеттік қаржылық қолдау шараларын тиімді пайдалану. Көрсетілген негізгі міндеттер аясында Қызылорда облысында нендей жұмыстар атқарылуда? Ауыл шаруашылығы саласында қандай тың жаңалықтар бар?

Бұл туралы өңірлік коммуникациялар қызметінде Қызылорда облысы ауыл шаруашылығы басқармасының басшысы Бақыт Жаханов айтты.

Ағымдағы жылы жеке және қосалқы шаруашылықтардың бірігуімен барлығы 18 ауыл шаруашылығы кооперативтерін құруды ұйымдастыру жоспарланды. Құрылған кооперативтерді қаржыландыру «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы» аясында биылғы жылы бөлінген 1 765 млн теңге және «Ауыл шаруашылығын қаржылай қолдау қоры» арқылы биылғы жылы бөлінетін 1 896,4 млн теңге қаржы есебінен жүзеге асырылады,- деді ол.

Сонымен қатар «Ауыл шаруашылығын қаржылай қолдау қоры» АҚ Қызылорда облысындағы филиалы арқылы 15 кооператив 933,5 млн теңге қаржыға 5649 бас мүйізді ірі қара сатып алған.

Екінші міндет бойынша, ішкі нарықты молайтуға және экспорттық әлеуетті арттыруға бірқатар жұмыстар атқарылған. Атап айтқанда, өткен жылы 2017-2020 жылдарға арналған облыстың агроөнеркәсіп кешенін дамытудың Агрокартасы әзірленген. Осы жоба көлемінде Қармақшыдағы «Ақтөбе и К» ЖШС нарықта сұранысы жоғары «таром-хошими» сортын биыл 100 гектар аумаққа егіп, 60 тонна ақ күрішті экспорттау жоспарлану екен. Сонымен бірге Ресейден күріштің жаңа сорттарын әкеліп, оны орналастыру сынды жұмыстар істелуде дейді басқарма басшысы. Биыл 100 тонна сиыр етін, 25 тонна қой етін экспортқа шығару межеленіп отыр.

Өздеріңізге белгілі, Қызылорда қаласында бітпей қалған 120 жылыжай кешені бар. Оған себеп, техникалық қателіктер мен мердігер компанияның уақытылы жұмыс істемегендігі. Бүгінгі күні осы жылыжайдың жұмысын әрі қарай жалғастыруға инвесторлар тартып, келісімшартқа отырдық. Биыл тиісті жұмыстарды бастады, бұйырса, жыл соңына дейін 100 пайыз іске қосылмақ,- деді басқарма басшысы Бақыт Дүйсенұлы.

Ағымдағы жылы облыс бойынша 168,7 мың гектарға егіс егу жоспарланған. Оның ішінде дәнді дақылдар 84,5 мың га, майлы дақылдар 7,4 мың га, малазықтық дақылдар 60,1 га, картоп, көкөніс, бақша 16,7 мың гектарды құрайды. Негізгі дақыл күріш көлемі – 78,4 мың гектар. Соңғы мәліметтерге (24.05.2017) сүйенсек, 81973 га күріш егіліп, 74780 га суға бастырылған. Мал шаруашылығы бойынша 2017 жылдың 1 мамырында 307,2 мың бас мүйізді ірі қара, 762,9 мың бас қой мен ешкі, 118,5 мың бас жылқы, 43,0 мың бас түйе, 2,8 бас шошқа және 86,1 мың бас құс өсірілу үстінде.

«Халық» газетінің кешегі нөмірінде «Кім кімді алдап жүр?» тақырыбында мақала жарық көрген болатын. Онда «Дәмді» әлеуметтік азық-түлік дүкендеріндегі картоп бағасының қымбаттығы жөнінде қозғалды. Осы мәселеге қатысты басқарма басшысы жауап берді.

Былтырғы жылы көршілес Өзбекстанда картоптың өнімділігі өте төмен деңгейде болды. Осыған байланысты елімізден жуа да, картоп та Өзбекстанға экспортталған болатын. Мұның салдарынан баға қымбаттап кетті. «Дәмді» әлеуметтік дүкендеріндегі бағаға байланысты тоқталсам, картоптың келісі 100 теңгеден сатылуда. Бұған дейін сатушылар өздері пайда көру мақсатында азық-түлік тауарларының бағасын өсіріп сатқан. Одан кейін ол қызметкерлерді дереу жұмыстан шығардық. Сіз көтеріп отырған мәселені алдағы уақытта толық бақылауға аламыз,- деді облыстық ауыл шаруашылығы басқармасының басшысы Бақыт Жаханов.

Қозы  Көрпеш  Жасаралұлы

 


Күнтізбе

< Мамыр 2017 >
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары