Өзекті мәселелер

  • 17.10.19

    Қазақстан Республикасының Президенті Қасым-Жомарт Тоқаев Қазақстан халқына «Сындарлы қоғамдық­ диалог – Қазақстанның тұрақтылығы мен өркендеуінің негізі» атты алғашқы Жолдауын жариялаған­ы баршамызға белгілі. Сарапшылардың басым­  бөлігі бұл Жолдауға Қазақстан Республикасының Тұңғыш Президенті Н.Ә.Назарбаев айқындап берген саясаттың жалғасы деп баға беруде. Мұны еліміздің негізгі саяси бағыты с...

    Толығырақ...
  • 17.10.19

    Әнуар Дәуленбаев – 2016 жылдың наурыз айынан бастап №8 Төретам сайлау округі бойынша облыстық мәслихат депутаты. Өзінің сайлауалды бағдарламасында Байқоңыр қаласы мен Қармақшы ауданындағы кәсіптік білім беретін оқу орындарының базасын нығайтуға күш салатындығы туралы­  айтқан еді. Айтылған уәде бойынша мектепті жаңадан бітірген, тәжірибесі жоқ және жұмысқа орналаса алмай жүрген жастарды...

    Толығырақ...
  • 17.10.19

    Таңмен таласып, жұртпен жағаласып, кезекті күнімізді қарбаласпен бастап жатырмы­з. Бәрі де бір мақсатты күйттеп, бағыт алып барады. Біреуі жеке көлігімен, енді біреуі қоғамдық көлікпен кетпекші. Қолсағатыма қарасам, сабақтың басталуына­ небәрі 10-15 минутқа­ жетер-жетпес уақыт бар екен. Таксимен жеделд­етіп жетпек ниет­пен, тұрақта тұрған көліктің артқы есігін ашып, отыра кеттім. Тәуелсіздік да...

    Толығырақ...
  • 17.10.19

    «Сыбырлағанды да Құдай есітпей ме?» деген. Несіне жасырамыз, осыдан бірнеше жыл бұрынғы Қармақшының халін дүйім жұрт біледі. Экономикасы баяу, кәсіптің көзі жоқ, алға жылжиын десе халықта ынта болмаған еді. Мұндайда елдің есін жинайтын көреген басшы керек. Жұрттың да тілегені табылғандай, әуелі Жаратқанның, содан соң білікті басшылардың арқасында Қармақшы ауданында динамикалық өсу қарқы...

    Толығырақ...
  • 16.10.19

    Тәуелсіздік күні қарсаңында «Шіркейлі» арнасындағы көпірдің ашылу салтанаты өтеді... «7-20-25» бағдарламасы бойынша тұрғын үйлер халық игілігіне пайдалануға беріледі... Жыл басынан бері сәулет-құрылыс саласындағы заңнама талаптарын бұзған тұлғаларға 16 млн 822 мың теңге айыппұл салынған... 2019-2021 жылдары газдандыру жұмыстарына 22 млрд теңге қаржы бөлінеді...

    ...
    Толығырақ...
Сейсенбі, 06 Ақпан 2018

Басты бағыт - кәсіпкерлік PDF Print Email
Жаңалықтар - Халық-хабар
06.02.2018 16:09

Кәсіпкерліктің көкжиегін кеңейту, жұртшылықты бизнеске баулу, жеке іс бастағандарға мемлекет ұсынған бағдарламаларға сүйене отырып қолдау көрсету қармақшылықтардың басты мақсатына айналып отыр. Бұдан былай «көпшілікке балық ұсынылмайды, қайта балықты аулайтын қармақ берілмек». Мұндай байыпты бастама турасында өңірлік коммуникация қызметінде өткен брифингте Қармақшы ауданының әкімі Сұлтан Мақашов мәлімдеді. «Біз басты басымдықты кәсіпкерлік саласына беріп отырмыз» деді ол өз сөзінде.

Ауданда кәсіпкерлікті қолдауға бағытталған мемлекеттік бағдарламаларды жүзеге асыруға тұрақты негізде жұмыстар жүргізіліп, жаңа жұмыс орындарын ашуға, кәсіпкерлік субъектілерінің жұмыс істеуіне жағдай жасалды. Атап айтқанда, несие алушыларға бизнес-жоспарлар әзірленіп, кәсіпкерлерге консалтингтік және басқа да көмектер көрсетілді. Осы жұмыстардың нәтижесінде аудан кәсіпкерлерінің несиеге қолжетімділігі артты. Былтыр қаржы ұйымдары тарапынан 330 жобаға 1 миллиард 93 миллион теңге жеңілдетілген несие берілді, - деді аудан әкімі.

Ауыл шаруашылығы саласына келгенде қармақшылық диқандардың еселі еңбегі жайлы айтпау мүмкін емес. Аудан еңбеккерлерінің ала жаздай төккен тері ақталып, күріштің әр гектарынан орта есеппен 59,6 центнерден өнім алынды. Қамбаға 84 543 тоннадан астам Сыр маржаны құйылды. Бұл – еліміз егемендік алған жылдардың ішіндегі ең жоғарғы көрсеткіш.

Агроөнеркәсіп кешенін дамыту бағдарламасы негізінде бірқатар ілкімді істер атқарылуда. Аудан бойынша 14 кооператив құрылып, оның алғашқы 7-еуінің құрамына ауылдағы жұмыссыз және өзін-өзі жұмыспен қамтыған 234 азамат мүше болған. Олар кәсібін дөңгелете түсу үшін «Ауылшаруашылығын қаржылай қолдау қоры» арқылы 601 миллион теңге несие рәсімдеп, ет, сүт бағытындағы мүйізді ірі қара сатып алып, кәсібіне белсене кіріскен.

Аудан әкімі Сұлтан Ысқақұлынан аудандағы қылмыстық ахуалды сұрадық. «Аудан бойынша қылмыстардың ашылу деңгейі қандай?» деген сауалға «Қылмыс деңгейі 2016 жылғы деңгеймен бірдей болды. 269 қылмыс тіркелді. Жалпы, ауыр қылмыстар, көшеде жасалатын қылмыстар төмендеген. Ұрлық қылмысы 19-ға өскен» деді С.Мақашов. Қазіргі таңда Жосалы кентінде 2, Төретам кентінде 1, Ақай ауылдық округінен 1 учаскелік полиция пункттерін сатып алуға облыстық бюджеттен 36 миллион теңге қаржы бөлініп, 4 учаскелік полиция пункттері ашылған. Бұл – құқық қорғау саласында жұмыс істеп жүрген тәртіп сақшыларының жұмысын одан әрі тиімді ете түседі деген сөз.

Әкім халықты әлеуметтік қолдауға көбірек көңіл бөлініп жатқанын жеткізді.

Ж.Қойшыбекова

 


Жастар жанды дауыста ән шырқады PDF Print Email
Жаңалықтар - Халық-хабар
06.02.2018 16:06

Өткен сенбіде А.Тоқмағамбетов атындағы қалалық мәдениет үйінде «Мереке» вокалды аспапты ансамблінің «Сырдария-Жырдария» атты концерті өтті. Қызылорда қаласының 200 жылдық мерейтойына арналған ән кеші Сыр бойы сазгерлерінің шығармашылығына арналып, орындаушылар жанды дауыста ән шырқады. Концертте К.Дүйсекеев, Ж.Сейдоллаұлы, Ғ.Дауылбаева, С.Ұлықпанов, Б.Батпанов, Т.Нағашыбаев, P.Тайманов, К.Өтепов секілді көптеген қызылордалық сазгерлердің әндері орындалды.

Сонымен қатар, конақ ретінде шақырылған композиторларға тосыннан сұрақтар қойылып, өнер өкілдерінің жан сарайын ашуға талпыныс жасалды. Кеш барысында талантты музыкант Б.Батпанов өзінің «Жыл құстары» атты әнін тыңдармандардың сұранысы бойынша орындап, көрермендердің қошеметіне бөленді. 10 жылдан астам теміржол саласында еңбек ететін сазгер музыкада ешқандай шекара жоқ екенін айтып өтті. Сондай-ақ, ол өнерге деген махаббаттың көрінісін ән арқылы білдіруді мұрат тұтатынын, шынайы өнерге деген халықтың көзқарасы жоғары болатынын жеткізді.

- Осындай шаралардың қолға алынуы жастарға, өнер қуған жеткіншектерге шабыт сыйлайды әрі Сыр өңіріндегі композиторлардың жаңа бір тынысын ашады деп ойлаймын. Сондықтан, осы мазмұндас шаралар көп болса екен деген тілегім бар. Ұйымдастырушыларға алғысым ерекше, - дейді Б.Батпанов.

Концертте сонымен қатар «Мереке-думан» халықтық әзіл-сықақ театры да бой көрсетті. Әртістер Жанар Болатбекованың «Нағашы мен жиен», Серік Төлеповтың «Оралман мен молда» атты интермедиясын көрсетіп, көрерменге көтеріңкі көңіл күй сыйлады. Мерекелік кештің жоғары деңгейде өтуіне Ұлбосын Мәнтаева, Әзімхан Төлегенов, Айгерім Өмірбек секілді жас әншілер атсалысты.

«Елбасының «Болашаққа бағдар: рухани жаңғыру» бағдарламалық мақаласы аясында ұйымдастырылған концерттің мақсаты – әрбір азаматтың өз туған тарихы және ән-күйіне деген құрметін арттыру, сонымен бірге аймақтардағы мәдени өмірге қолдау білдіру» дейді ұйымдастырушылар.

Ерсін  ШАМШАДИН,

Қорқыт ата атындағы ҚМУ-дың

4-курс студенті

 


Күнтізбе

< Ақпан 2018 >
      1 2 3 4
5 7 8 9 10 11
12 13 14 15 16 17 18
19 20 21 22 23 24 25
26 27 28        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары