Өзекті мәселелер

  • 21.03.19

    «Бір қозы туса, бір түп жусан артық шығады». Осы тәмсілге сүйеніп, бала басын көбейткенді жөн санайтын қазақ елінде көпбалалы отбасылар саны 400 мыңға жақындайды. Оларға мемлекет тарапынан арнайы жәрдемақылар тағайындалып, жеңілдіктер қарастырылған. Алайда нарықтың қос бүйірден қысып тұрған шағында мардымсыз қаражат бастан башпайға дейін жетпейтіні үнемі айтылып келеді. Соның салдары еліміздің ...

    Толығырақ...
  • 21.03.19

    Үкіметтен басталған ауыс-түйіс жергілікті билікке де жеткен секілді. Ескерте кететін жайт, Қызылорда қалалық әкімдігінде «ат ауыстыру» жиі-жиі болып тұрады. Тіпті, «бір жарым ай ғана басшылық қызметте отырып, өзге салаға кете салу да оп-оңай ма?» деп қалдық. Енді заңды сауал туындап отыр. Жергілікті билікте кадр тапшылығы бар ма? Егер бұлай болмаса, қала әкімі Нұрлыбек Нәлібаев бөлі...

    Толығырақ...
  • 21.03.19

    Арық адамнан гөрі артық салмағы бар адамның мұңы басым. Ал ол әйел болса, тіпті, белгілі жайт. Қыс көрпесін түргеннен қыз біткен қысыла бастайды. Қызылды-жасылды киімге сай сымбатты қалайды. Әйел затының әу бастағы сұлулыққа құштарлығы дәл осы сәтте сынға түседі. Арығудың жолында диета ұстайды, фитнес клубқа барады. Алайда  салмақтан арылу үшін  денсаулықты бәйгеге тігу дұрыс па? «Тұмар...

    Толығырақ...
  • 21.03.19

    «Болар бала он бесінде баспын» десе, басқасының отызында не дейтінін баршамыз білетін шығармыз. Даналардың «ақыл жастан шығады» деуі тегіннен-тегін емес. Дарынды балалардың көптігінен еліміздің болашағын көруге болатындай. Кешегі Мағжандар жастарға сенім артқанда сенімге селкеу түсірмейтіндердің барын білді емес пе? Үдеден шыға алмай, беті қызарақтағандарды Терек төрелер қамшымен ұрып, ...

    Толығырақ...
  • 21.03.19

    Кемпір-шал осылай күйбеңдеп жатқанда Иванов бастаған жырындықор атаймандар жұп жазбастан кер даланың шаңын бұрқыратып барып, қалың жыңғыл жынысына кіріп жоқ болды. Бұл алап оңаша. Иванов тұрақтандырған бәрінің бөксе басар ұясы. Бастары аң-құс тегіс семіретін күзге қарай бір-бірімен хабарласып, осы бекетте тоғысып тұрады. Бұрынғының адамдары аң-құсты қақпанмен, тұзақпен аулайтын. Беріде орыстар ...

    Толығырақ...
Сенбі, 03 Наурыз 2018

СЫРДАРИЯ ӨЗЕНІНДЕ МҰЗ АЙДЫҢ ОРТАСЫНДА ЖҮРЕДІ ДЕП КҮТІЛУДЕ PDF Print Email
Жаңалықтар - Халық-хабар
03.03.2018 16:02

Әзірге қала және елді мекендерде су тасу қаупі жоқ. Су тасу қаупі бақылауда, бұл туралы өңірлік коммуникацилар қызметінде өткен баспасөз конференциясында ҚР Қоршаған орта және су ресурстарын пайдалануды реттеу және қорғау жөніндегі Арал-Сырдария бассейндік инспекциясының басшысы Әділхан Қарлыханов мәлімдеді.

Әділхан Қарлыхановтың айтуынша, судың мол көлемі Шардара және Көксарай су қоймасын толтыруда.

"Мұздың бірқалыпты өтуі ауа райына байланысты. Биылғы жылы атқарылған жұмыстар мұзды қауіпсіз түрде өткізеді деп ойлаймыз. Бүгінге дейін Шардара су қоймасынан Сырдария өзенінің төменгі ағысына босатып жатқан су көлемі 500 м/с құрап, 1 наурыздан бастап Шардарадан келетін су көлемі 500-ден 400 м/с азайтылды. Оның 380 м3/с Көксарайға, қалғаны Сырдария өзеніне түсуде, - деді Әділхан Қарлыханов.

Сонымен қатар, облыстық жұмылдыру дайындығы басқармасының басшысы Серік Сермағанбетовтың айтуынша, өзенде мұз еру процесі жүруде.

«Мұз жүру әлі басталған жоқ. Ал, оңтүстік аудандарда ауа райының жаңбырлы болуы мұздың жұқаруына әсерін тигізді. Қазіргі таңда мұз еру процесі басталды. Егер жауын-шашын болса, мұз тұрған жерінде еріп кетуі мүмкін. Кепіл де айта алмаймыз. Дегенмен, мұз еру наурыз айының ортасында жүреді деп күтіп отырмыз", - деді Серік Сермағанбетов.

Сондай-ақ, алдағы 3 жылда 19 қауіпті учаскелерді қалпына келтіру үшін 13,7 млрд теңге республикалық бюджеттен бөлінеді.

Айта кетейік, бүгінге дейін Сырдария өзенінің 95 қауіпті учаскесінде жер жұмыстары атқарылды. Дарияның қауіп тудыратын учаскелерінде кезекшілік қойылды. Техникамен қамтамасыз етілген 172 мекеме бекітіліп, 500-ге жуық техникамен, қажетті материалдық-техникалық қорлары жасақталған. Екі тікұшақ дайындыққа келтірілген. Мұз жару жұмыстарын жүргізуге арнайы мамандандырылған мекемемен алдын ала келісім жасалынды.

Өңірлік  коммуникациялар  қызметі

 


ӨҢІРДЕ ЗАҢСЫЗ ЖОЛАУШЫ ТАСЫМАЛДАУШЫЛАР САНЫ АРТТЫ PDF Print Email
Жаңалықтар - Халық-хабар
03.03.2018 15:23

Қызылорда облысында заңсыз жолаушы тасымалдаушыларды анықтау мақсатында рейдтік шаралар ұйымдастырылды. Нәтижесінде 1408 заңбұзушылық анықталды, 5 тасымалдаушы айыппұл төледі. Бұл туралы бүгін өңірлік коммуникациялар қызметінде өткен баспасөз конферециясында облыстық жолаушылар көлігі және автомобиль жолдары басқармасы басшысының орынбасары Ерлан Жаңабаев және облыстық әкімшілік полиция басқармасы басшысының міндетін атқарушы Айбек Құлмағанбетов мәлімдеді.

Облыстық жолаушылар көлігі және автомобиль жолдары басқармасы басшысының орынбасары Ерлан Жаңабаевтың айтуынша, соңғы жылдары Қызылорда қаласы және аудан орталықтарында жолаушыларды заңсыз тасымалдаушылардың саны артты. Мәселен, 8 және 11 орынға лайықталған "Хундай Старекс" (Оңтүстік Кореядан шығарылатын) маркалы 100-ге жуық автокөлік иелері Шиелі кентінен Қызылорда қаласына жолаушыларды заңсыз тасымалдап келген.

"Бұл азаматтардың қызметінде қауіпсіздік шаралары сақтауға қатысты өрескел заңбұзушылықтар бар. Біріншіден, оларда сақтандыру полистері, екіншіден, жолаушы тасымалдауға арналған лицензиялары жоқ. Көліктері тасымалдаушылар реестріне енгізілмеген, маршрут бағыты мен уақыты нақтыланған график жоқ. Жүргізушілер медициналық бақылаудан, ал көліктері техникалық тексерістен өтпеген. Сондықтан, мұндай тасымалдаушылар адамдардың өміріне үлкен қауіп тудырады", - деді Ерлан Жаңабаев.

Заңсыз тасымалдаушыларға түсіндірме жұмыстары жүргізілді.

"Біз тасымалдаушылармен кездесіп, түсіндірме жұмыстарын жүргіздік. Оларға заң талаптарына сай жұмыс жасау үшін жыл соңына дейін автокөліктерін ауыстыруға уақыт бердік. 16 орынды автобус болуы қажет. Сонымен қатар, осы уақытта олар барлық құжаттарын заңға сәйкес реттеуі керек. Олардың көліктерін несиеге алып, отбасын асырап отырғандығын ескеріп, түсіністік танытттық", - деді Ерлан Жаңабаев.

Облыстық әкімшілік полиция басқармасы басшысының міндетін атқарушы Айбек Құлмағанбетов жыл басынан бері аймақта атқарылып жатқан рейдтік тексерулер туралы айтты.

"ҚР Ішкі істер министрлігінің тапсырмасына сәйкес 2018 жылдың 22 қаңтарынан 18 ақпан аралығында "Автобус" шарасы өткізілді. Нәтижесінде 1408 заңбұзушылық анықталды. 27 ақпан мен 1 наурыз аралығында жергілікті полиция қызметі, облыстық жолаушылар көлігі және автобомиль жолдары басқармасы және көліктік бақылау инспекциясымен бірігіп рейд өткіздік, тасымалдаушыларға түсіндірме жұмысын жүргіздік. Нәтижесінде 5 заңсыз тасымалдаушы айыппұл төледі. Олардың ісі республикадағы қолданыстағы заңнамаға сәйкес санкциямен сотқа жолданды", - деді Айбек Құлмағанбетов.

Өңірлік  коммуникациялар  қызметі

 


Күнтізбе

< Наурыз 2018 >
      1 2 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары