Өзекті мәселелер

  • 08.11.18

    Халық – сыншы әрі әр­қашан әділ. Өткен аптада Арал, Қазалы аудан­дарына іссапармен барға­н облыс әкімі Қырымбек Көшербаев ел алғысын арқал­ап қайтты. Бұқараның базы­насын ескеріп, жұртшылықтың жағдайын  жақсартуда аймақ басшысы бір­қатар тірліктер атқарып жүр. Өткен аптада жер­гілікті тұрғындар сол игі істер­дің жалғасына куә болды.

    Алдымен Арал ауданы орталы­ғындағы жаңа аурухананың аш...

    Толығырақ...
  • 08.11.18

    Кез келген тауарды сырттан тасымалдау үлкен тәуеке­л мен көп шығынды талап ететіні сөзсіз. Дамыған­ елдердің көпшілігі тұтынатын тауарын өзі өндіріп, кәсіпкерлері шаруасын шыр айналдырып отыр. Ал бізде ше? Қандай өнім бар дегеннен гөрі, нендей өнім жоқ дегенге жауап табу тез болып тұр. Былай қарағанд­а, қарапайым қаламсап шығаратын зауы­тыңыз  да  жоқтың  қасы. Қайтпек  керек?

    ...
    Толығырақ...
  • 08.11.18

    Қазір әлеуметтік желі үлкен күшке ие. Ойыңызда жүрген жайтты жақсылап тұрып жазып, көпшіліктің талқысына тастай саласыз. Мұнда  сөздің  байыбына баратын, оны саралай алатын да, көкпардағы  серкедей  жүнін  жұлып, ту-талақай  ет етін де  жұртшылық бар. Ал, күшке ие дегеніміз – көп  мәселенің  шешімін  табатынында. Жама­н жері  кейде жаны ашып жазғандар да жазықты болып жатады­. Атын шыға...

    Толығырақ...
  • 08.11.18

    Нәзіктік пен әсемдіктің символы – қыз баласы қашаннан сұлулыққа құмар. Ару­лар­ға ақыл мен  әдеміліктің қатар қажет екенін қазақ бұрыннан айтып кеткен емес пе? Көріксіз қыз – тұзсыз нанмен тең. Ендеш­е  сұлулығын  арттырып, тартымды бола түсу – бұрымдылар үшін сүйікті «мәселе». Бүгінде  айқабақ,  алтын  кірпік, қызыл ерін  сылқымдар кірпігін қалай  күтіп  жүр? Сырт көзге сөз қылуға тұр­майтын т...

    Толығырақ...
  • 08.11.18

    Айжарық  СӘДІБЕКҰЛЫ

    Редакция  қызметкерінің іссапармен бармайтын жері жоқ. Асулардан асып шыңға шығады, еңіске түсіп теңіз кешеді, балықшы мен диқанның қосына­ түнейді, шопандар мен жылқышыларға жолығу үшін жайлауды аралап шаршайды. Иә, жорналшы дегендер өмір бойы солай жол үстінде жүрген­дерінде бұрын көріп білмеген пенделердің талайымен жүзд...

    Толығырақ...
Дүйсенбі, 12 Наурыз 2018

АЙМАҚТАҒЫ ЖАТАҚХАНАЛАРДЫ ТЕКСЕРГЕН КОМИССИЯ ЖҰМЫСЫНЫҢ ҚОРЫТЫНДЫСЫ БЕЛГІЛІ БОЛДЫ PDF Print Email
Жаңалықтар - Халық-хабар
12.03.2018 19:13

Естеріңізге сала кетсек, облыс әкімі Қырымбек Көшербаевтың тапсырмасымен 2018 жылдың 2 наурызында қала және аудандардағы жатақханалардың техникалық жағдайын тексеру үшін арнайы комиссия құрылды.

Бүгін тұрғындардың қауіпсіздігін қамтамасыз ету және төтенше жағдайларды болдырмау мақсатында құрылған комиссия аймақтағы жатақханалардың жағдайын тексеруге қатысты атқарған жұмысының қорытындысын жариялады.

Қызылорда облыстық мемлекеттік сәулет-құрылыс бақылауы басқармасының басшысы Марсбек Молдабаевтың айтуынша, облыстағы 22 жатақхана тексеруден өткізілді.

"Қалада орналасқан жатақханалардың техникалық жағдайын аккредитациядан өткен 4 мекеме және мемлекеттік органдардың басшыларынан құрылған комиссия тексерді. Тексеру барысында 22 жатақхананың 3-еуінің жағдайы жақсы, 18-і күрделі жөндеуді қажет ететіні анықталса, Титов қыстағындағы №32 жатақхана апатты деп танылды. Қала әкімдігі мен жұмыс комиссиясы бірлесіп аталған жатақханаға қатысты тиісті жұмыстар атқарып жатыр", - деді Марсбек Молдабаев.

Комиссия жұмысының қорытындысына сәйкес 18 жатақханаға қатысты шығарылған шешім Қызылорда қаласы әкімдігіне жолданды.

"Мұнан соң, қала әкімдігі «Тұрғын үй коммуналдық шаруашылығын жаңғырту» бағдарламасы аясында бұл жатақханаларды күрделі жөндеуден өткізу бағытындағы шараларды атқарады. Дегенмен, бұл үшін тұрғындардың 75 пайызының келісімі болуы керек. Естеріңізге сала кетсек, Қазақстан Республикасының «Тұрғын үй қатынастары» туралы Заңының 50-бабының 1-тармағына сәйкес үй-жайлардың (пәтерлердің) меншік иелерi кондоминиум объектісінің ортақ мүлкін күтіп-ұстауға жұмсалатын шығыстарға қатысуға міндетті. Яғни күрделі жөндеу жұмыстарының шығынын өтеу пәтер иелеріне жүктеледі", - деп атап өтті Марсбек Молдабаев.

Сонымен қатар, комиссия аудандардағы жатақханаларды да тексеруден өткізді.

Қазалы ауданында 4 жатақхана бар, олардың жағдайы жақсы.

Қармақшы ауданындағы 1976 жылы салынған 150 орындық жатақхана 2015 жылдың наурыз айында апатты деп танылған. Қазіргі кезде бұл ғимарат бос тұр.

Жалағаш ауданындағы 50 орындық индустриалды-аграрлық колледж жатақханасының жағдайы жақсы деп танылған.

Жаңақорған ауданындағы аграрлы-техникалық колледжінің жатақханасы да қалыпты жағдайда.

Шиелі ауданындағы 240 орындық индустриалды-аграрлық колледжге 2017 жылы күрделі жөндеу жүргізілген, қазіргі кезде оның жағдайы жақсы.

Қызылорда облысының өңірлік коммуникациялар қызметі

 


Нөсер жауын бір мектептің жұмысын тоқтатты PDF Print Email
Жаңалықтар - Халық-хабар
12.03.2018 14:11

Қазалы ауданында төтенше жағдай жарияланды. Нақтырақ айтсақ, осы ауданның Аранды ауылындағы №97 мектептің ауласын су басты. Бұл туралы өңірлік коммуникациялар қызметінде БАҚ өкілдеріне шұғыл түрде өткізілген брифинг барысында айтылды.

6 наурыздан бастап жаңбырдың жаууына байланысты мектептің ауласында біраз су жиналып қалған. Соған байланысты барлығы 30 қызметкер, 8 бірлік техника жұмыс істеп, су сору жұмыстары жүргізілген. Алайда мектептің қабырғаларында жарық пайда болғандықтан, оқу тоқтатылды, - деді облыстық төтенше жағдайлар департаменті басшысының орынбасары Асқар Тулешов.

Небәрі 2015 жылы пайдалануға берілген «№97 орта мектептің ауласын су басты» деген хабарлама келе сала облыс әкімінің орынбасары С.Сүлейменов, облыстық жұмылдыру дайындығы басқармасының басшысы С.Сермағамбетов және облыстық төтенше жағдайлар департаментінің бастығы О.Бержанов бастаған жұмыс тобы оқиға орнына барып, нысанның жағдайымен танысқан. Таныса келе, комиссия мүшелері сабақты уақытша тоқтату туралы шешім қабылдаған. Дегенмен оқушылар көршілес ауылдағы мектепте білім алатын болады.

12 наурыздан бастап мектеп мұғалімдері мен 98 оқушы көршілес Қожабақы ауылындағы №25 мектептің екінші ауысымында оқиды. Ұстаздар қауымы мен оқушыларды тасымалдау үшін Қазалы ауданы әкімдігінен арнайы көлік бөлінген,- деді облыстық білім басқармасы басшысының орынбасары Бағдат Бердәулетов.

Айта кетейік, №25 мектеп 624 орындық әрі мұнда тек бір ауысыммен ғана балалар оқитын көрінеді. Сондықтан Аранды оқушылары екінші ауысыммен осында оқымақ және сабақты да өз мұғалімдері береді. Ал оқушылардың қашанға дейін ол мектепте оқитыны әзірге белгісіз. Десе де, Қызылорда облысының құрылыс, сәулет және қала құрылысы басқармасы басшысының орынбасары Алмат Ізбасаров «соңғы қоңырауды өз білім ұяларында қарсы алады деген үмітіміз бар» дейді.

Алайда көңілге күдік ұялататыны – мектеп ауласын ғана басқан су, қалайша оқу ғимаратының еденін көтеріп, қабырғасына сызат түсіреді. Бұлай деуімізге себеп, өңірлік коммуникациялар қызметі ұсынған баспасөз парағының өзінде «нысанға түскен сызат пен еденнің көтеріліп кетуіне байланысты ғимаратта оқу процесін тоқтату туралы шешім қабылдады» делінген. Ал брифинг берген тиісті сала өкілдері судың тек мектеп ауласын ғана басқанын айтады. Бір жауыннан-ақ қабырғасына сызат түсіп, мектептеріміз жарамсыз бола беретін болса, құрылысқа жауапты мекемелер жаңадан салынатын нысандарға қадағалауды күшейткендері абзал.

Жансая  ЖҮНІСОВА

 


Күнтізбе

< Наурыз 2018 >
      1 2 3 4
5 6 7 8 9 10 11
13 14 15 16 17 18
19 20 21 22 23 24 25
26 27 28 29 30 31  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары