Өзекті мәселелер

  • 13.12.18

    Жазылған  жайттың  жалғасы

    Қоғамдағы кейбір жайттарға көңілі толмаған, мәселесіне тиісті орындардан мардымды жауап ала алмаған­ жандардың бір ықпалы тиер деп БАҚ-қа үміт артып келетіні бар. Жалпы, бұқаралық ақпарат құралдарының мақсаты мен міндеттері, онда қызмет ететін журналистердің басты қызметі – қоғам үшін маңызды ақпарат іздеу, табу, аны...

    Толығырақ...
  • 13.12.18

    Анар   РАХЫМЖАНОВА,

    желтоқсан  оқиғасына  қатысушы:

    «Қазақстан Компартиясының бірінші хатшысы Дінмұхамед Қонаев орнынан алынып, сол қызметке Г.Колбин таға...

    Толығырақ...
  • 13.12.18

    Қай күні ақын Ұлықбек Бекұзақұлы «Ит жылы дүниеге келгендіктен бір-бірімен «ырылдасып» ойнап, әзілдің түбін түсірген (және түсіретін – ред.) «Сырдың бес серісі, бес перісі» атанған 58-дер: Бекұзақ Тәңірбергенов, Сұраған Мырзаев, Ниятолла Раманқұлов, Серік Ыдырысов және Оңталап Нұрмахановтар болатын. Бұлардың соңғы екеуінен басқасы «түйе қарап» кетті...» деп жазған еді. Уақытынд...

    Толығырақ...
  • 13.12.18

    Ерғали  АБДУЛЛА

    ШҮКІРШІЛІК

    «Түн баласы дөңбекшіп, олай бір аунап, былай бір аунап, ұйықтай алмай, көрер таңды көзіммен атырамын» дейді де отырады бір парақор. Құлқындап өліп жүрсе де, жүрегінің арғы бір терең, қапас түкпірінде ұят пен ардың болмашы бір қалдықтары, тозаңдары қалғанына да әйтеу...

    Толығырақ...
  • 13.12.18

    Елбасының жыл сайынғы Қазақстан халқына Жолдауы тың мәселелерге толы. Әрбір Жолдау мазмұны қоғам дамуы үшін өте маңызды. Барлық жұмыстар тек билік өкілдеріне ғана емес, ел азаматтарына да үлкен міндеттер жүктейді.

    Осы жылдың күзіндегі Жолдауда мемлекет басшысы келесі жылы «Педагог мәртебесі туралы» заңды әзірлеп, қабылдау қажеттілігі туралы айтқан болатын. Ұлт көшбасшысы аталмыш заң мұғ...

    Толығырақ...
Дүйсенбі, 16 Сәуір 2018

ӨРТТІҢ АЛДЫН АЛУ – ӨЗЕКТІ МӘСЕЛЕ PDF Print Email
Жаңалықтар - Халық-хабар
16.04.2018 17:46

17 сәуір – Өрт сөндірушілер күні

Еліміздегі жетекші компания санатындағы “ПетроҚазақстан Құмкөл Ресорсиз” АҚ-ның басшылығы облыс орталығынан 200 шақырым қашықтықта орналасқан мұнай кеніші қызметкерлерінің жұмыс барысындағы қауіпсіздігін басты назарда ұстайды. Себебі әрбір еңбеккердің өмірі, амандығы компанияның басты байлығы саналады. Қиын жағдайларда тез шешім қабылдау, қызметкерлердің білімін жетілдіре түсу және өндіріс орындарының қауіпсіздігін сақтап, жауапкершілігін көтеру мақсатында ПҚҚР АҚ жыл сайын “Өртті сөндіргеннен, алдын алған жеңіл” атты байқау ұйымдастырып келеді. 17 сәуір – өрт сөндірушілер күніне орай және осы қызметтің 100 жылдығы қарсаңында аталмыш бәсеке биыл алтыншы мәрте өткізілді. Алғаш рет 2013 жылы Құмкөл кенішіндегі өртке қарсы қызметтің кәсіпқой маманы Еркін Ертаевтың бастамасымен жолға қойылған байқау қызметкерлердің көңілінен шығып, жыл сайын ұйымдастырылатын болды. Сол жылы “Бас сорғы айдау станциясы” командасы топ жарса, былтыр Тұзкөл кенішінің ұжымы үздік шыққан болатын. Байқау ережесінде қатарынан екі мәрте бірінші орынға ие болған команда ауыспалы кубоктың түпкілікті иегері атанады. Биылғы сайысқа барлығы 16 команда қатысты. Олардың ішіндегі қызылордалық “ҚазГерМұнай”, “Торғай Петролеум” компанияларымен қатар, Шымкенттің мұнай өңдеу зауытынан “ПКОП” командасы да жарыстың алғашқы қатысушысы саналды. Жарыстың өткен жылғы жеңімпаздары тұзкөлдіктер компания туын көкке көтеріп, ауыспалы кубокты ұйымдастырушыларға табыстады. Спорттық сайыстың ашылу салтанатына “ПетроҚазақстан Инк.” президенті Фан Цзячжун, “ПетроҚазақстан Құмкөл Ресорсиз” АҚ кәсіподақ комитетінің төрағасы Елеусін Дүйсенов, т.б. азаматтар қатысып, сөз сөйледі.

Көп ұзамай-ақ, ПҚҚР өндірістік бөлімшелері мен серіктес ұйымдарынан құралған командалардың бұл додаға тас түйін дайын екендігі белгілі болды. Сайыс үш кезеңнен тұрды. Алғашқы кезең эстафеталық бағытта өрбіді. Сонымен, алғашқы қатысушы айналмалы кедергілерден өтіп, екінші қатысушыға кезек береді. Ол газтұмылдырық киіп, қалың түтін арасынан өтеді. Ал, команданың үшінші мүшесі жоғарыдағы кедергілер арқылы жүріп, эстафета кезегін өрт сөндірушіге табыстайды. Арнайы киімді киген кезекті қатысушы бірнеше ережені орындап, өрт сөндіргіш құрылғымен лаулап жатқан қызыл жалынды сөндіреді. Бұл сайыс қатысушылардың ептілігі мен жылдамдығын қажет етеді. Сондай-ақ, бұл сайыста бірігіп жұмыс істеу де ерекше рөл атқарады. Өйткені, тілсіз жауды жоюда ұйымшылдықтың ауадай керектігі айтпаса да белгілі.

Екінші кезеңде қатысушылар дәлдік пен ұжымдық арқылы топтық жұмыстың үлгісін көрсетуі керек болатын. Команда мүшесінің бірі арнайы құрылғыға түтікшені (шланга) жалғаса, екіншісіне екеуінің басын жалғау міндеті қойылған. Ал, келісісі сол шланганың оратылып қалмауын қадағаласа, төртіншісі өрт сөндіруге арналған шланганың басына арнайы құрылғыны жалғап, белгіленген нысананың ішін суға толтырды. Мұнайшылар мұны да оңай еңсергендей. Десе де, табиғаттың өзі жел арқылы кейбір командаларға кедергісін келтіріп жатты.

Қос кезең қызметкерлердің біліктілігін сынауға бағытталған болса, үшінші кезең білімін тексеруге арналды. Құмкөл кенішіндегі мәдениет үйінде өткен байқаудың жалғасы сұрақ-жауаптан тұратын соңғы кезең арқылы қорытындыланды. Команда мүшелері интерактивті тақтадан белгілі бір сандарды таңдап, сол арқылы сұрақтарға жауап берді. Байқау барысында командалардың жүктелген міндетті толық әрі жылдам орындағанына байланысты ұпай қойылып отырды.

- Қызылордалық әріптестердің бізді осындай шараға арнайы шақырғанына қуаныштымыз. Кешелі-бүгін мен осы мекеменің қызмет орындарын, қызметкерлерін көріп, көңілім толып отыр. Кеше өрт сөндіру және жаттығу сабағын өткізді. Біріншіден, мұнаймен айналысатын компаниялардың барлығы өрт сөндіру мәселесіне бейжай қарамай, қаржыны қомақты етіп бөлетініне ризамын. Мұндай іс-шараларды өткізіп жатқан басшылыққа рақметімізді айтқанымыз жөн, - дейді Шымкент мұнай өңдеу зауытының өрт қауіпсіздігі инженері Асылбек Бекжігітов.

Жарыс қорытындысында Шымкент қаласынан келген “ПКОП” командасы үшінші орыннан көрінсе, ІІ орынға “МДАЦ” командасы лайық деп танылды. 3 кезең бойынша жақсы ұпай жинаған “МГӨЦ” командасы үздік танылды. Жеңімпаздарға бағалы сыйлықтар мен дипломдар табыс етілді.

- Бүгінгі жарыстың жеңімпазы болып жатырмыз. Өрт қауіпсіздігін сақтау мақсатында өткізілген байқауды ұйымдастырған басшылыққа алғысымызды білдіреміз. Жарыс өте жоғары деңгейде өтті. Әріптестерімді мерекесімен құттықтаймын! - дейді жеңімпаз команданың мүшесі Талғат Естаев.

Шара соңында “ПетроҚазақстан” нысандарында өрт қауіпсіздігін қамтамасыз етуде белсенді атсалысқаны, қорғаныс және төтенше жағдай аясында келеңсіздіктерге жол бермеуге бағытталған алдын алу шараларын жүргізгені үшін бірқатар өрт сөндіру саласының қызметкерлері алғыс хаттармен марапатталды. Бірнеше сағатқа созылған шарадан түйгеніміз мол. Өзіңіз отырған мекемеде алда-жалда қызыл жалын қылаң берсе, қайтер едіңіз? Абдырап, аяқастынан ақыл табу сіз үшін қиынға соғары анық. Былайынша айтқанда, адамға өз саласының мықты маманы ғана болғаны жеткіліксіз. Апат айтып келмейді, сондықтан қауіпсіздік ережесін әр жерде және әрдайым сақтау керек. Ал, біз көрген өрт сөндірушілер кез келген қатерге қарсы қауіп төндіретін мықты мамандар екен. Жалпы, өрттің алдын алу әрқашан өзекті мәселе болып қала бермек.

Рыскелді ЖАХМАН,

Андрей Тайгунов (cурет)


Фан ЦЗЯЧЖУН, “ПетроҚазақстан Инк.” президенті:

 

- Құрметті әріптестер, құрметті жарысқа қатысушылар! Құмкөл кенішіне қош келдіңіздер! Ең біріншіден, барлығыңызды мерекемен құттықтаймын. Өздеріңізге белгілі, бұл байқау алтыншы мәрте ұйымдастырылып отыр. Біздің компания үшін өрт қауіпсіздігі қашанда маңызды. Жұмыс болған жерде техникалық қауіпсіздік басты назарда болуы қажет. Біз мұны ешқашан естен шығармауымыз керек. Сайысқа қатысып жатқан барша қызметкерлерге алғысымды білдіремін. Мықтылар жеңсін дегім келеді.



 

Елеусін ДҮЙСЕНОВ, «ПетроҚазақстан Құмкөл Ресорсиз» АҚ кәсіподақ комитетінің төрағасы:

- Биыл Қазақстанда өрт сөндіру қызметіне 100 жыл толып отыр. Осыған орай, біздің компания сіздермен қосылып ауқымы кең спорттық сайыс ұйымдастырды. Иә, расында өртті сөндіргеннен, оның алдын алған оңай. Өндіріске де, адам өміріне де ең маңыздысы – осы. Көптеген өкінішті жағдайлар, келеңсіздіктер өрт қауіпсіздігін сақтамағаннан болып жатады. Ал, Сыр бойындағы мұнай компанияларында мұндай жағдайдың болмауы – сіздердің арқаларыңыз. Бүгінгі сайысқа қатысқалы тұрған барлық командаларға сәттілік тілеймін. Жақсы өнер көрсетіп, мерейлеріңіз үстем бола берсін.

 


Қайық жасаудың шебері PDF Print Email
Жаңалықтар - Халық-хабар
16.04.2018 15:13

Әңгімеміздің кіріспесін «САРАТС» жобасының маңызы мен Арал өңіріне тигізген пайдасынан бастасақ. Ел арасында ғасыр кереметіне баланған осынау жобаның алғашқы кезеңінің өзінде теңіз төскейі айтарлықтай түлегені баршаға белгілі. Олай болса, игілікті істерге қысқаша тоқтала кетсек.

Ауданда жылдық қуаттылығы 16400 мың тоннадан асатын балық өңдеу зауыттары жұмыс істейді. «Арал балық өңдеу зауыты», «Арал СДО», «Камбала балық», «СДО Қарашалаң» ЖШС-нің балық өңдеу зауыты балықты терең өңдесе, «Бөген СДО», «Қуаныш» ЖШС шағын балық өңдеу зауыттары балықты қатыру, мұздату және ыстау сияқты жеңіл өңдеумен айналысады. Еврокод белгісі «Арал сервистік дайындау орталығы» ЖШС-нің балық өңдеу зауытында бар. Аталмыш зауыт халықаралық стандартқа сай салынған. Серіктестіктің жылына 6000 тоннаға дейін балық өңдеуге мүмкіндігі мол. Зауыттың қуатты технологиялық жабдықтары балық филесін дайындауға арналған. Өндіріске қажетті балық кіші Арал теңізінен жеткізілуде. «Аста» ЖШС, «Бақыт» шаруа қожалығы болса, Кіші теңізден балық аулаумен щұғылданады. Ауыл тұрғындарының басым бөлігі осы шаруашылықтарда маусымдық балық аулаумен айналысады. «Бақыт» шаруа қожалығы салған балық қабылдайтын мұздатқыш орталығында ауылдың бірқатар тұрғыны жұмыспен қамтылған. Қаратереңдегі «Қуаныш» ЖШС де толымды тірлігімен көзге түсуде. Кіші теңізде балықтың 22 түрі бар. Әсіресе көксерке балығы жиі кездеседі. Экспорт сұранысына сай тыран, сазан, торта, жайын балықтары аудандық, облыстық, республикалық деңгейдегі сатылымға шығарылып отырады. «Тастақ» бөлімшесінде өткен ғасырдың орта шенінен бастап жұмыс істейтін балық өсіру питомнигі орналасқан. Кіші теңіздің қайта оралуына байланысты «Тастақ» питомнигіне жыл сайын 22 млн.-ға жуық майда шабақтар өсіру жоспарға сәйкес жүктелген.

Кіші Арал теңізінің толуымен балық аулау кәсібі қайта жандана бастады. Мұндай қадам өңірде кәсіпкерлік саласының да алға басуына жол ашты. Біздің бүгінгі кейіпкеріміз Жансерік Нысанбаев – теңіз төскейінің төл перзенті. Орта мектептен соң заң колледжін үздік бітірген жігерлі жас жігіт енді жоғары білім алуды алдына мақсат қылып қойды. Ал ойға алған жоспарын жарты жолда қалдыру Жансерікке жат дағды. Ақыры арманы да жүзеге асты. Заңгер мамандығын да игерді. Біршама жыл Ақтөбе қаласында жиһаз құрастырушы, құрылысшы, жиһаз өндірісін ашу және ұйымдастыру сияқты жұмыстарға араласып, еңбек көрігінде де шыңдалды. Десе де, көкейінен айдынды Аралға деген сағынышы арылмады. Ақыры «Ер туған жеріне» қағидасымен ауылға ат басын бұрды. Өскен ортасына оралып, өзінің бизнесін дамытуды көздеген жас жігіт «Арал Жиһаз» мекемесінің негізін қалады. Айы оңынан туды. Сапалы бұйымға тапсырыс берушілер көбейді. Арада жылдар жылжыды. Жансерік өз қаражатының есебінен орталық базар маңынан жер алып, құрылыс нысанын салуды қолға алды. Бастаған шаруаны аяқтауға машықтанған табиғаты тағы да нәтижесін берген еді. Осылайша жаңа өндіріс орны іске қосылды. Мұнан тура төрт жыл бұрын Қазақстан Халық Банкі арқылы несие иеленіп, нысанды заманауи автоматтандырылған қондырғылармен жабдықтады. Сол қондырғылардың жиһаз өндірісінде өнім түрлерінің ұлғайып, тез әрі мезетінде орындауға зор септігі тиді.

Бірде Жансеріктің санасына балықшылардың мұқтаждығына байланысты «Неге сапалы да тиімді дайындалған қайық жасамасқа?!» деген ой түсті. Бұлай пайымдауға бірнеше себептер де түрткі болды. Атап айтқанда, қазіргі таңда теңізде жүрген қайықтардың басым бөлігінің тозығы жеткен. Өткен ғасырдың 70-80-жылдары Кеңес өкіметі тұсында жасалған сондай қайықтарды шетелде, мәселен Ресейде суға түсіруге рұқсат бермейді. Оған қоса қайық корпустарының үлкен болуына байланысты көрші мемлекеттерден тасымалдауға қажетті құжаттарын рәсімдеу қиындық тудырады. Осы жайттарды саралай келе, Жансеріктің «өндіріс орны қайықтарды өзге мемлекеттер өндіріп отырған бағада және сапасы жағынан еш кем түспейтіндей етіп жасай алады. Барлық мемлекеттік стандарттарға сәйкес болуы басты назарда ұсталып, қолданылатын шетелдік шикізат пен автоматтандырылған өндіріс құрылғылары қажетке жаратылады. Ғылым мен жаңа технологиялар дамыған заманда темір мен алюминийге қарағанда әлдеқайда жеңіл әрі төзімді шайыр мен стеклоталшықты араластыра отырып тиімді, ұтымды, сапалы қайық корпустарын неге шығармасқа?!» деген тұжырымы беки түсті.

Сонымен игі бастаманың соңы не болғанын білгіңіз келе ме, оқырманым?! Жеке кәсіпкер Жансерік Нысанбаев басшылық ететін өндіріс орнында жасалған әсем де сапалы, ыңғайлы қайықтарды Қамбаш көлінен кездестіре аласыз. Ал осынау кәсіптің ауқымын ұлғайту – келешектің еншісінде.

Жұмабек Табынбаев,

Арал ауданы

 


Жүзден озған жүйріктер PDF Print Email
Жаңалықтар - Халық-хабар
16.04.2018 14:38

Елбасымыздың «Әрбір өлкенің халқына қорған, ыстығына сая, суығына пана болған батыр бабалары бар. Олардың есімін ұрпақтары білуге тиісті» деген сөзі ел арасында қанатты қағидаға айналды. Мұны іспен дәлелдеуге тырысқан қазалылық тәрбиешілердің талабы жеміссіз де емес.

Жуырда «Мектепке дейінгі балалық шақ» республикалық орталығының ұйымдастыруы аясында, аудандағы мектепке дейінгі ұйымдар арасында балабақша тәрбиеленушілері мен тәрбиешілер арасында қойылымды сайыс өткен болатын. Негізінен балаларды театрландырылған қойылымдар арқылы туған өлкенің тарихы, табиғаты, мәдениеті мен бай мұраларына деген сүйіспеншілікті қалыптастыру болып табылатын бәсеке өзінің ерекше тартымдылығымен көрермендерге жылы әсер қалдырды. Осындай тағылымды шарамен жас ұрпаққа туған ел тарихын насихаттауда дана аталарымыз, шешен би, батыр бабаларымыздың есімін, туған жеріміздің өсіп-өркендеуіне үлес қосып жүрген азаматтардың ғибратқа толы өмірін бүлдіршіндер санасына сіңіруді мұраттаған тәрбиешілердің еңбегі мақтауға лайықты.

Аталмыш сайысқа №21 «Алпамыс» бөбекжай балабақшасы атынан қатысқан өнерпаздар өздерінің жоғары шеберліктерімен көпшілік ықыласына бөленді. Барша сайыс шарттарын мүлтіксіз орындаған алпамыстықтар бас жүлдені иеленді. Туған өлкеге деген сүйіспеншілікті насихаттау, ертеңгі ел болашағын тәрбиелеп отырған балабақшадан бастау алатыны белгілі. Осы орайда қойылым кезінде балабақша тәрбиеленушілері Шәпи Данияр – Әйтеке би, Разақ Дәурен – Ғани Мұратбавтың бейнесін сәтті сомдаса, Тасболатқызы Сымбат, Жолдас Әлинұр, Бөлекбай Айкөркем, Аманкелді Бақдәулет актерлік шеберліктерімен көзге түсті. Сондай-ақ тәрбиеші Жолмырзаева Айнұр мен педагог ұйымдастырушысы Тәңірбергенова Мерует әке мен ана бейнесін аса нанымды сомдаса, «Балапан» тобының тәрбиеленушісі Кеңесбай Нұрасыл орындаған «Туған жер» әні көрермендердің қошеметіне бөленді. Қазылар алқасының шешімімен қойылым облыстық кезеңге жолдама алды.

«Барша жетістік балабақша мен ата-ана арасындағы тығыз байланыстың нәтижесі екені анық. Ата-аналарға балаларыңызға қолдау көрсетіп, шығармашылығын шыңдауға атсалысқандарың үшін көп рақмет, перзенттеріңіз «Туған елдің мақтанышы болсын» дейміз», - деп тебіренеді «Алпамыс» балабақшасының меңгерушісі Эльмира Нұрмағанбетова.

Меруерт  Тәңірбергенова,

«Алпамыс» балабақшасының педаго-ұйымдастырушысы,

Қазалы ауданы

 


Күнтізбе

< Сәуір 2018 >
            1
2 3 4 5 6 7 8
9 10 11 12 13 14 15
17 18 19 20 21 22
23 24 25 26 27 28 29
30            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары