Өзекті мәселелер

  • 18.10.18

    Бұл өлке – өрелі өркениеттер тоғысы­нда тарихын тереңнен тартқан мекен.­ Талай қаһарман хандар мен білекті батырлар, суырыпсалма ақындар шыққан жер. «Жүз жырау» дүниеге келген осы Қармақшы елі әр қазақ үшін қастерлі, қасиетті. Аудан толығымен Тұран ойпатыны...

    Толығырақ...
  • 18.10.18

    Сыр  өңірінде  өзінің  тарихымен, экономикасымен, даңқты тұлғаларымен дараланған бір аудан болса, ол – киелі Шиелі өңірі. Жер көлемі 3426915 га  құрайтын  аудан – ежелгі  Сырдария  өзенінің  орта  ағысынан­ орын тепкен мекен, талай тарихи оқиғаның к...

    Толығырақ...
  • 18.10.18

    «Алдағы  бес  жыл  ішінде білім, ғылым, денсаулық сақтау­  салаларына  барлық көздерден  жұмсалатын қа­ра­жат­ты  ішкі  жалпы өнімнің  10  пайызына дейін жеткізу  қажет».

     

    ЖАЛАҚЫ  КӨБЕЙЕ   БАСТАДЫ

    Мұндай пәрменді ел Президенті өз Жолдауында атап көр­сеткен болатын. Бұл сала мамандары үшін жақсы м...

    Толығырақ...
  • 18.10.18

    Лақ бірде жайылымда жүріп ұйықтап қалды. Оянған соң қараcа, көзіне ешнәрсе­ шалынбады. Далада жалғыз қалыпты. Отардың соңынан қуып, жүгіре жөнелді. Жүгіріп келе жатып қасқырға кезікті.

    – Ей, мұнда неғып жүрсің? - деді қасқыр­  көзі  оттай  жанып.

    – Қуаласпақ ойнап, - деді лақ тез ес жиып.

    – Кіммен?

    – Ағаммен. Сөйтті де, артына бұрылып:

    ...
    Толығырақ...
  • 18.10.18

    Қорқыт атаға қатысты әртүрлі деректерде­гі көптеген шығармалар мен ғылыми еңбектердің жарық көргенін білеміз. Арасында мәліметтері бойынша қарама-қайшылықты, өзара үйлеспейтіндері де аз емес. Ғылым үшін олардың­  дұрысы мақұлданып, бұрыстары терістеліп, тек ақиқат шындықтың айқындалғаны ләзім. Әсіресе, абыз атаның­ ғұмыр кешкен дәуірі, өскен ортас­ы жайлы тұшымды пікір, дәлелді тұжырым жоқ. Сон...

    Толығырақ...
Бейсенбі, 10 Мамыр 2018

ЖҮРЕКТІ ЕМДЕЙТІН ЖАБДЫҚҚА ЖАУАПТЫ КІМ? PDF Print Email
Жаңалықтар - Мәселенің мәнісі
10.05.2018 12:17

ҚР Денсаулық сақтау министрі Е.Біртановтың,

Қызылорда облыстық денсаулық сақтау басқармасының

басшысы А.Әлназарованың назарына

Халықтың денсаулығын бақылап отырған жоғарғы лауазымды басшыларға науқастардың мұңын көзбен көріп, құлақпен естіген шынайы әңгімелерімді халықтың қамын ойлайтын «Халық» газеті арқылы білдірмек болып, қолыма қалам алдым.

Әңгіме түсінікті болуы үшін көргенімді айтайын.­ 2009 жылы облыстық ауруханада кар­диология орталығы ашылды. Оның ішінде кардио­хирургия бөлімі жұмыс істей бастады. Шетел­ден мамандар келіп, бір жылдай жергілікті жерден мамандар дайындап, тәжірибеден өткізіп, облыста­ алғаш рет жүрекке ашық ота жасауды бастады­. Халық­тың шексіз шынайы алғыстарына бөленді.

Жас мамандар жыл сайын шетелдегі білікті мамандардан тәжірибе жинай бастады. Жүрек, жүрек-қан тамырлары ауруларымен ауы­ра­тын адамдар ота жасату үшін Астана, Алматы қалаларына бармайтын болды. Әрине, бұл тұрмысы төмен отбасылар, зейнетақы алмайтындар, зей­нетақы алса да, отбасын толық қамтамасыз ете алмай­тын отбасыларға өте тиімді еді. Жылына 200-ден астам адамның жүрегіне ашық ота, 2500-ге жуық адамға коронарография жасап, қаншама адамның өмірін ұзартып, аман алып қалды. Есептей  берсеңіз, 8-9 жылда қаншама адамның өмірін сақтады. Халыққа осындай түн ұйқысын төрт бөліп қызмет жасап жатқан білікті дәрігерлердің еңбектерін еш қылып, 2018 жылдан бастап облыстық кардиохирургия бөлімінде жүрекке ашық ота жасауд­ы тоқтатып отыр. Не себепті екенін ешкім дөп басып айта алмай­ды. Жүрек ауруымен ауыратын адамдардың жүздері солғын, емдеуші дәрігерлер «бізде аппарат бұзылып жатыр, оны жөндеу үшін көп уақыт кетеді, уақыт кетірмей Астана, Алма­тыға барыңыздар» дейді. «Осы облыс орталығына зорға жол қаражатын тауып келгенімізде Астан­а, Алматыға қалай барамыз, тағы да портал дегені бар, ол қай уақытта болады? Оған дейін кім бар, кім жоқ? Мұңымызды кім тыңдайды, бұған кім  жауап беретінін де білмейміз?» деп, науқастар­ төмен қарайды, жанарына жанарың түссе, өзің ауырасың.

Бүгінгі таңда жүрек ауруы өте белең алып тұрған жоқ па? Қаншама адам аяқ астынан өліп кетіп жатыр­. Бұл дерт жас та талғап тұрған жоқ. Біздің облыс нағыз экологияның орталығы емес пе? Жел батыстан соқса, Арал теңізінің ұлтанынан ұшқан тұзды шаң үстімізді басып, тынысымызды тарылтып  жатқан жоқ па? Соны біле тұра, халыққа адам өмірін сақтап қалу үшін күні-түні қызмет жасап жатқан жабдықты «бұзылып жатыр» деп, неге жүрекке ашық ота жасауды тоқтатады? Біздің білуімізше, әңгіме аппараттың бұзылуында емес, әңгіме қаражаттың жоқтығында болуы керек. «Ауруын жасырған өледі» демекші, түбінде шындықтың беті ашылады емес пе? Халықты қашанғы алдайды?

2010 жылы облыстарда кардиохирургия орталығ­ы сынақ үшін ашылды дейді. Сонда кімді кім  сынап  жүр? Халықты ма, әлде халыққа көмек көрсеткен  дәрігерлерді  ме? Қаншама жас мамандар шетелге барып оқып, тәжірибеден өтіп туған жерінде қаншама халыққа қалтқысыз қызмет жасап­ жатыр, олардың ертеңі қалай болады? Кім тұрақтайды?

Тұңғыш Президентіміз Н.Назарбаевтың Қазақстан халқына биылғы Жолдауының жетінші міндетінде «Денсаулық сақтау саласында жаңа техно­логияларды қолдану, аурулардың алдын алу мен емдеуді айтарлықтай жақсартып, медициналық қызмет көрсетулердің сапасын жоғарылатуы тиіс» деген. Ал ойланып көрейік, бұл Елбасымыздың Жолдауына қарама-қайшы жұмыс емес пе? Аурудың алдын алғанымыз қайсы, жаңа технология дейміз, жаңа аппарат қайда? Облыстық медициналық орталықтың эндоваскулярлық бөлімінде коронарография жасайтын жалғыз-ақ аппарат бар. Ол да 2009 жылы алынған. Ал қазіргі кезде 10 жыл­ға жуық үздіксіз жұмыс істеп келеді. Құдай білсін, оның да қай уақытта істен шығатынын, әйтеуір операцияның үстінде бұзылмасын деп тілейік. Бұзылған жағдайда ауыстыра қоятын қосымша жабдық жоқ. Сонда науқастың күні не болмақ, шарасыз  дәрігер  не  істейді?

Оқырман қауымға түсінікті болу үшін бұл аппа­раттың қызметін айтайын. Бұл аппарат жүректің, жүрекке баратын қан тамырларының, мидың, миға баратын қан тамырларының қызметін анықтайды. Қан тамырларының бітелген жерлері болса ашып, стенд (стенд дегеніміз – кәдімгі серіппе.-ред.) қояды, жүрек-қан тамырлары қалыңдау болып бітсе, онда оған ота жасау керек екендігін анықтап береді. Менің білуімше, бұл ангиография аппараты күрделі аурулардың қай түрі болмасын, анықтап береді.

Халық саны бойынша бізде 3 аппарат болуға тиіс. Ал бізде біреу-ақ. Ол да ескі. Ойланып көрейік, ағайын. Әлемдегі дамыған 30 елдің қатарында боламыз дейміз, сонда 30 елдің қатарында қалай боламыз? Ұлттың байлығы – адамның денсаул­ығы  емес  пе?

Дені сау ұлттың ғана келешегі кемел болмай ма? Олай болса, ҚР Денсаулық сақтау министрі Е.Біртанов, Қызыл­орда облыстық денсаулық сақтау басқармасының басшысы А.Әлназарова тұшымды жауап берер деген үміттеміз. Біреуді кінәлаудан аулақпыз. Тек түсіністікпен қарап, қаражат көздерін тауып, облыс орталығындағы жүрекке ашық ота жасап жатқан кардиохирургия бөлімін жаппай, қолдан келген көмегін халыққа көрсетеді деген сенімдеміз.

ТҮЙІН. Ойлы да білікті, елдің қамын күні-түні ойлап, халықтың көңілінен шыға білген аймақ басшысы­  Қырымбек Елеуұлы бұл жағдайды біл­мей­тін  шығар. Білсе, науқастарды әуре-сарсаңға салмай­,  оң  нәтиже  шығарады  деген  ойдамыз.

Сердалы   ШАЛБАЕВ,

Жаңақұрылыс  ауылдық  ардагерлер

кеңесінің  төрағасы,

Арал ауданы

 


«НЕКЕ САРАЙЫ» қашан салынады? PDF Print Email
Жаңалықтар - Мәселенің мәнісі
10.05.2018 12:14

Осыдан он шақты жыл бұрын «аймаққа не жетіспей­ді?» деген сауал туындағанда рет-ретімен­ тізімді шұбырта жөнелтетінбіз. Қазір шүкір, жоғымыз түгенделіп, жыртығымыз жамалып­ жатыр­. Кері шегінген уақыттарда қаланың­ біраз бөлігі бос, көк шаң мен аңызақ желдің даласына айналып тұрған еді, бүгінде қаланы қоршаған еңселі ғимараттар мен биік тұрғын үйлер тұрғындар игілігіне жарап тұр. Әсіресе жастардың бас қосып, жиналатын орындар­ы қалыпқа келтіріліп, бос уақыттарын тиімді өткізуге арналған алаңдар салынды.

Құжат дайындаудағы кедергілер мен сандалма жүріс те халықтың діңкәсін құртып тынатын. Ол да бір терезеге жүйеленіп, халыққа қызмет көрсету орталы­ғы бой көтерді. Қай құжаттың «төркінін» іздесеңіз, осы орталықтан табасыз. Ендігі жетіспей­ тұрғаны – жастардың бас қосу салтанатын­а арналған рәсімді өткізетін «Неке  сарайы­». Бүгінде еліміздің Көкшетау, Маңғыстау, Қостанай секілді бірқатар өңірлерінде бұл салтанатты  сарай  бар. Ал біздің өңірде неге жоқ және  қашан  салынады?

«Толқып тасқан теңіздей, Аққулардың егізіндей, Қос қанаты сияқты жас жұбайлар­ – жас отау. Көктемнің қос бүріндей, Жаңа ашылған гүліндей» деп шырқалатын ақын Ш.Сариевтің өлеңінде айтылғандай жаңа өмірдің бүрін жарып­, болашаққа жұп болып қадам басуд­ы  жөн  санаған  жас  жұбайлар  заңды­ түрде неке куәлігін қалалық АХАТ бөлі­мінен алып жүр. Бұл – дәстүр. Заңды құжат алу барысындағы жөн-жоралғылар мейрамханада жасалады. Оған себеп, жаста­рдың өмірдегі басты қуанышы санала­тын күнінде арнайылап бас сұғатын­ салтанатты орынның жоқтығы. Соңғы жылдары Қызылорда облысында сән-салтанаты жарасқан дәстүр, жоралғы өткізетін «Неке сарайының» болмауы­  өзге  аймақтардағы  сарайларды көргенде  жанымызға  батады. Осы сауалға­  жауап­  іздеу мақсатында облыстық  Әділет  департаме­нтіне хат жолдап, жауап­   алдық.

- ҚР Үкіметінің 17.04.2015 жылғы №219 қаулысымен бекітілген «Неке қиюды (ерлі-зайыптылықты) тіркеу, оның ішінде азаматтық хал актілері жазбала­рына өзгерістер, толықтырулар мен түзетулер енгізу» мемлекеттік көр­сетілетін қызмет стандарт талаптарына сәйкес қызметтің бұл түрі Астана және Алматы қалаларының, аудандардың және облыстық маңызы бар қалалардың жергілікті атқарушы органдарымен көрсетіледі. Өтініштерді қабылдау және мемлекеттік қызмет көрсету нәтижесін беру баламалы негізде Астана, Алматы қалаларының, аудандардың және облыс­тық маңызы бар қалалардың, қаладағы аудандардың, аудандық маңызы бар қалалар­дың  жергілікті  атқарушы  органы, кенттердің, ауылдардың, ауылдық округтердің әкімдері мен электрондық үкіметтің веб-порталы www.egov.kz арқылы­ жүзеге асырылады. Ал аймақта салынатын  неке сарайы туралы мәлі­метті жергілікті атқарушы органдары тарапы­нан сұрау қажет, - деген жауап берді департамент басшысының орын­басары Ұ.Оразгелді.

Естеріңізде болса, халықпен есепті кездесу жиынын өткізген аймақ басшысы Қ.Көшербаев «Сырдарияның сол жағала­уындағы алғашқы мөлтек аудан жыл соңына дейін ашылады. Қазіргі кезде­  онда 320 орындық балабақша, «Болаша­қ»  университетінің кампусы мен жастар ресурстық орталығының құры­лысы  жүріп жатыр. Неке қию сарайы­  салына­ды» деген еді. Бұл жаңалығы халық­тың көңілін бірлеп, қуанышын еселей­ түсті. Мұны естіп алған біз де көптен  күткен ғимараттың қайдан, қашан  салынатынын  білмекке  ұмтылып, облыстық­ құрылыс, сәулет және қала құрылысы басқармасына сұрау салдық.­

- Жалпы, Сырдария өзенінің сол жақ жағалауындағы аумақта тұрғын үй, әкімшілік-офистік, мәдени ойын-сауық, сауда-көрме, спорттық объектілердің құрылыстарын жүргізуге отандық және шетел инвесторларын тарту мақсатында облыс әкімдігі тарапынан бірқатар шарала­р ұйымдастырылып, инвесторлармен тиісті келісімдер жасалды. Нысан­ның құрылысына қажетті жер телім­іне меншік құқығын табыстау мақсат­ында Қызылорда қаласы әкім­дігінің тарапынан заңнама талаптарына сәйкес аукцион ұйымдастырылып, оның жеңімпазы «Темірлан» ЖШС атанды. Бүгінде осы мекемемен келісім жасалып, аталған серіктестіктің есебінен сол жақ жағалауда «Неке қию сарайы» ғимара­тының  құрылысы  жоспарланды. Нысанның эскиздік жобасын әзірлеу үстінде, сондай-ақ  оның  техника-экономикалық негіздемесі дайындалуда. Құрылыс жұмыстарын 2018-2019 жылдар аралығында  жүргізу  көзделуде, - деді басқарма­ басшысы  М.Әлсеріков.

Әр адам өміріндегі басты қадамдардың бірі саналатын неке рәсімінде жұбайына не жолдасына  өмірлік  уәдесін беріп, отбасылық  өмірдің баспалдағынан аттайды. Осындай керемет сезімді салтанатты сарайда өткізсе, нұр үстіне нұр болар еді. Бұйыртса, бір-екі жылда неке сарайы  бар  облыстардың  қатарына ілігеміз.

Н.ҚАЗИ

 


ШЕНЕУНІКТІҢ ШЕНДІГЕ «ШАРАПАТЫ» PDF Print Email
Жаңалықтар - Саясат
10.05.2018 12:08

Өткенде ғана уәдені үйіп-төгіп кеткен Қосшыңырау ауылының әкімі Дулат Таубай ақыры шаһар басшысынан сөз естіп тынды. Аталмыш ауылда тиісті тазалық жұмыстары толық жүргізіл­меген, медициналық пунктте­ де сол жағдай. Ең қызығы, көшедегі билборд та ілінбеп­ті. Оның себебін сұраған Нұрлыбек Мәшбекұлына ауыл әкімі «Біз өз күшімізбен іле алмадық» деп сылтау айтты. Осыдан соң еріксіз езуге күлкі үйірілгені жасырын емес. Білдей бір ауыл болып, бір билбордты орната алмау жауаптылардың жауапкер­шілігі қандай деңгейде екен­дігін көрсетіп бергендей...

Кезек Қызылөзек ауылдық округінің әкімі Жасұлан Шынтасовқа жетті. Жас шенеуніктің «тұзы жеңіл» екен. Өйткені аппарат отырысының негізі қаладағы кадрлық ауыс-түйістер мен кешегі мерек­еге байланысты өрбіді. Дегенмен, бекітілген кестеге сәйкес Жасұлан Қанибайұлы Қызылөзекте не тындырып, нені бітіре алмай жатқан­дығын жіпке тізді. Аталмыш ауылдық округке қарасты  3 елді мекен орналасқан. Олар: Қараөзек ауылы, Айна­көл ауылы және Қараөзек бекет­і. Халық саны - 3415 адам. Жалпы, ауылдық округте 1 ЖШС, 3 ауыл шаруашылығы өндірістік кооперативі, 34 шаруа қожалығы жұмыс істейді. Ал жақында Қараөзек елді мекенінде ашылған «Детская страна» жеке балабақшасының жай-күйі шаһар басшысын шошытты. Мемлекеттік тапсырыс негізінде жұмыс істейтін балабақшаның бекітілген стандарттарға сәйкес келмейтіндігі көрініп тұр. Бұған қатысты  қала  әкімі:

– Мына балабақшаның кескінін көрдіңіздер ме? Қалалық білім бөлімі тарапынан мемлекеттік тапсырыс не­гізін­де жұмыс істеуге нелік­тен рұқсат берілген? Енді келіп, балабақшадағылар жалақ­ысын даулайды. Қазір жеке балабақшаларды тек­серсек, 80 пайызы мемлекет­тік стандарттарға сәйкес келмей­ді. Қалалық  білім  бө­лімі мынаны  неге  қадағаламаған? - деді.

Ауылдағы кезінде асар әдісімен салынған дәрігерлік амбулатория қазір апаттық жағдайда тұр. Осыған орай ауыл әкімі жекеменшік әріп­тестік аясында типтік жобадағы заманауи медициналық құралдармен жабдықталған нысанның құрылысын салу жоспарланып жатқандығын жеткізді.

Қызылөзекте жыл басынан бері 2 қылмыс тіркелсе, оның ешқайсысы да ашыл­маған. Ал тұрғындардың тыныш­тығына жауапты учаскелік полицей қаладан қа­тынап жұмыс істейді екен.

– Ауылдың мәртебесін көтеру тек әкімге байла­нысты емес. Егер түнде оқыс оқиға орын алатын болса, учаскелік полицейді қайдан табасыз? Ұрлық дегеніңіз түнде болмай­ ма? Осыдан соң қалай қылмыстың ізі ашылады? Мақұл, мемлекеттен үй бе­ріл­мейтін болса, сонда пәтер жалдап тұрсын немесе жер­гі­лікті жердің ер-азамат­тарын тартыңыздар, - деді қала әкімі.

– Нұрлыбек Мәшбекұлы, учаскелік полицейді ауылға көшіріп әкелу үшін келісіп жатырмыз. Бір үйді асар­латып, қалыпқа келтіруде­міз. Қазір сырлап, әктеп қой­дық, - деген Жасұлан Шынтасовқа  шаһар  басшысы:

– Асарлатып үйін қалып­қа келтіріп беретіндей тұр­мысы төмен отбасы емес. Қажет болса, өзі істесін! Әжептәуір қызметкер. Жеке басының мәселесін шеше алмай­ жүріп, тұрғындардың тыныштығын  қалай  күзетеді? Тез арада бұл мәселені қалып­қа  келтіріңіздер, - деді.

Жиын соңында кадрлық өзгерістердің орын алғаны айтылды. Қала әкімінің екі бірдей орынбасары мен аппарат басшысы «ат ауыстырды». Қала әкімінің орын­басары Асылбек Шәменов аймақ басшысының өкімі­мен облыстық жұмылдыру дайындығы басқармасының басшысы қызметіне тағайындалса, Нұрлан Мақсұтов бас­қа қызметке ауысты. Ал қала әкімі аппаратын басқарған Еркін Ермағанбетұлы облыс әкімінің өкімімен облыс әкімі аппараты басшысының орынбасары қызметіне барды.

– Бұған дейін қала әкім­дігінде жақсы жұмыс істеген кадрлар облыста лауазымды қызметтер атқарып келеді. Міне, тағы да әріптестері­міз­ге аймақ басшысының өзі сенім артып, өз командасына­ алып жатыр. Бұл – біз үшін үлкен қуаныш. Сондықтан сіздерге сәттілік тілеймін! - деді  қала  әкімі.

Нұрлыбек Мәшбекұлы аталған азаматтарды жаңа қызметтерімен құттықтай келе, өңіріміздің өсіп-өркендеуіне және әлеуметтік-экономикалық дамуына қосқан зор үлестері мен еселі еңбектерін бағалап, қаламыздың ең жоғары марапаты «Құрмет грамотасымен» марапаттады.

Қозы  Көрпеш   ЖАСАРАЛҰЛЫ

 



<< Бірінші < Алдыңғы 1 2 Келесі > Соңы >>

Күнтізбе

< Мамыр 2018 >
  1 2 3 4 5 6
7 8 9 11 12 13
14 15 16 17 18 19 20
21 22 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары