Өзекті мәселелер

  • 21.03.19

    «Бір қозы туса, бір түп жусан артық шығады». Осы тәмсілге сүйеніп, бала басын көбейткенді жөн санайтын қазақ елінде көпбалалы отбасылар саны 400 мыңға жақындайды. Оларға мемлекет тарапынан арнайы жәрдемақылар тағайындалып, жеңілдіктер қарастырылған. Алайда нарықтың қос бүйірден қысып тұрған шағында мардымсыз қаражат бастан башпайға дейін жетпейтіні үнемі айтылып келеді. Соның салдары еліміздің ...

    Толығырақ...
  • 21.03.19

    Үкіметтен басталған ауыс-түйіс жергілікті билікке де жеткен секілді. Ескерте кететін жайт, Қызылорда қалалық әкімдігінде «ат ауыстыру» жиі-жиі болып тұрады. Тіпті, «бір жарым ай ғана басшылық қызметте отырып, өзге салаға кете салу да оп-оңай ма?» деп қалдық. Енді заңды сауал туындап отыр. Жергілікті билікте кадр тапшылығы бар ма? Егер бұлай болмаса, қала әкімі Нұрлыбек Нәлібаев бөлі...

    Толығырақ...
  • 21.03.19

    Арық адамнан гөрі артық салмағы бар адамның мұңы басым. Ал ол әйел болса, тіпті, белгілі жайт. Қыс көрпесін түргеннен қыз біткен қысыла бастайды. Қызылды-жасылды киімге сай сымбатты қалайды. Әйел затының әу бастағы сұлулыққа құштарлығы дәл осы сәтте сынға түседі. Арығудың жолында диета ұстайды, фитнес клубқа барады. Алайда  салмақтан арылу үшін  денсаулықты бәйгеге тігу дұрыс па? «Тұмар...

    Толығырақ...
  • 21.03.19

    «Болар бала он бесінде баспын» десе, басқасының отызында не дейтінін баршамыз білетін шығармыз. Даналардың «ақыл жастан шығады» деуі тегіннен-тегін емес. Дарынды балалардың көптігінен еліміздің болашағын көруге болатындай. Кешегі Мағжандар жастарға сенім артқанда сенімге селкеу түсірмейтіндердің барын білді емес пе? Үдеден шыға алмай, беті қызарақтағандарды Терек төрелер қамшымен ұрып, ...

    Толығырақ...
  • 21.03.19

    Кемпір-шал осылай күйбеңдеп жатқанда Иванов бастаған жырындықор атаймандар жұп жазбастан кер даланың шаңын бұрқыратып барып, қалың жыңғыл жынысына кіріп жоқ болды. Бұл алап оңаша. Иванов тұрақтандырған бәрінің бөксе басар ұясы. Бастары аң-құс тегіс семіретін күзге қарай бір-бірімен хабарласып, осы бекетте тоғысып тұрады. Бұрынғының адамдары аң-құсты қақпанмен, тұзақпен аулайтын. Беріде орыстар ...

    Толығырақ...
Жұма, 03 Тамыз 2018

2018 ЖЫЛЫ СЫР ӨҢІРІНДЕ ЖАҢА ХАЛЫҚАРАЛЫҚ РЕЙСТЕР АШЫЛДЫ PDF Print Email
Жаңалықтар - Халық-хабар
03.08.2018 12:52

2018 жылы маусымнан бастап Қызылорда облысында Мәскеуге әуе рейсі және Ташкентке автобустар қатынайтын болады. Бұл туралы облыс әкімі Қырымбек Көшербаев көлік қызметкерлері күніне орай өткен салтанатты жиында хабарлады.

Аймақ басшысы сала қызметкерлерін кәсіби мерекелерімен құттықтап, облыс жетістіктеріне тоқталып өтті.

«Соңғы жылдары республика бойынша, оның ішінде Сыр өңірінде көлік саласы қарқынды дамуда. 2017 жылдың тамыз айында 200 автобусқа арналған халықаралық талаптарға сай келетін, заманауи үлгідегі жаңа автобус паркі іске қосылды. Халықаралық бағыттағы жолаушы тасымалын жетілдіру мақсатында, 2018 жылдың 18 шілдесінен бастап көршілес Өзбекстан елімен халықаралық «Қызылорда-Ташкент-Қызылорда» автобус маршруты жұмысын бастады. Сонымен қатар, бизнес өкілдері мен Ресейде оқып жатқан Сыр түлектеріне тікелей көлік қатынасын пайдалануға мүмкіндік туғызып отырған халықаралық «Мәскеу-Қызылорда-Мәскеу» рейсі ашылды. Алаштың анасы Сыр елі мен Сарыарқа төсін жалғайтын «Қызылорда – Жезқазған» пойызы Арал өңірінің елді мекендерін көлік қатынасымен қамтамасыз етіп отыр. 2017 жылдың шілдесінен бастап «Қызылорда-Бесарық-Түркістан» бағытындағы жаңа вагондардан құралған озық үлгідегі жолаушылар пойызы жүргізіле бастады. Облыс көлеміндегі көлік инфрақұрылымын дамыту бағытындағы жұмыстар бұдан әрі де жалғасын табады», - деді аймақ басшысы.

Салтанатты жиында 16 қызметкер және сала ардагерлері облыс әкімі мен Қазақстан Республикасы Инвестициялар және даму министрлігі тарапынан марапатталды.

Айта кетейік, облыс аумағында автомобиль жолдарының жалпы ұзындығы 3450 шақырымды құрайды. Оның 1107 км республикалық, 472 км облыстық, 1870 км аудандық маңызы бар жолдар. 2018 жылы жергілікті маңызы бар автомобиль жолдары мен елді мекендер көшелерін жөндеуге және көлік инфрақұрылымын дамытуға 13,5 млрд.теңге бөлініп, 278 км жол  жөндеуден өткізіледі. Сонымен қоса, ағымдағы жылы Шіркейлі арнасына көпір салу жобасы басталып, аудандық маңызы бар жолдардың бойында орналасқан 5 көпірге жөндеу жұмыстары жүргізіледі.

2013-2017 жылдар аралығында жергілікті маңызы бар  автомобиль жолдарының бойында орналасқан 10 көпір жөнделді, Қызылорда қаласы мен Сырдария ауданында  көпір салынып пайдалануға берілді.

Облыс әкімінің баспасөз қызметі

 


Қырым-конго безгегінен жаңақорғандық әйел қайтыс болды PDF Print Email
Жаңалықтар - Халық-хабар
03.08.2018 12:00

Жаңақорған ауданында қырым-конго безгегінен 38 жастағы азаматша қайтыс болды. Бұл туралы inform.kz хабарлады.

Бүгінгі таңда Қызылорда облысында кене шағу жағдайы жиі кездеседі. Оған себеп ауа райының құбылмалы болуы. Сыр өңірінде табиғат құбылысы бірде жылы, бірде салқын қабақ танытып тұр. Бұл жағдайда кенелердің көбеюі көрініс береді.

- Жалпы, Қызылорда облысы бойынша кененің көп кездесуі жөнінен облыстың оңтүстігінде орын тепкен Жаңақорған мен Шиелі аудандары алаңдатады. Қайғылы жағдай да сол аймақта тіркеліп отыр. Соңғы жылдарда кененің кездесуі облыстың барлық аймағында да байқалады. Аталмыш науқас 27 шілдеде ауруханаға түскен. Дәрігерлер қолдан келген барлық медициналық көмегін көрсетті. Алайда науқастың өмірін сақтап қалуға мүмкіндік болған жоқ, - деді облыстық жұқпалы аурулар ауруханасының бас дәрігері Айна Мұхамбетова.

Облыс көлемінде қырым-конго безгегі бойынша қолайсыз елді мекендер саны жылдан-жылға артып отыр. Ол 2014 жылы 116 болса, 2018 жылы 127 елді мекенге көбейіп кеткен.

 


Күнтізбе

< Тамыз 2018 >
    1 2 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары