Оқырманнан хат

Келіп кету есептегіші

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін2213
mod_vvisit_counterКеше2743
mod_vvisit_counterОсы аптада11516
mod_vvisit_counterӨткен аптада16249
mod_vvisit_counterОсы айда44679
mod_vvisit_counterӨткен айда81370
mod_vvisit_counterБәрі4031522


Өзекті мәселелер

  • 19.09.19

    Әлемдегі өте қауіпті қылмыскерлер қамалатын, қауіпсіздігі ең қатаң сақталатын «Алькатрас» түрмесінен 1963 жылға дейін бірде-бір тұтқын қашып шыға алмаған. Ел абақтыны «Рок» (құз) деп те атайды. Сыртынан қарағанда сұсты көрінетін түрме әу баста қорғаныс шебі ретінде қолданылып, кейінірек әскери түрме салып, содан соң өте қауіпті қылмыскерлерге арналған абақты ретінде пайдаланылған. Толығырақ...

  • 19.09.19

    ЖҮРЕК   ДЕРТІНЕ  ШАЛДЫҚҚАНДАРҒА  КӨМЕК

    Кеудедегі жұдырықтай жүректің қызметіне тең келер не  бар?!  Оны адам ағзасының «моторы» дейміз. Бірақ жүрек дерті жас талғамай тұр. Тым жасарып бара жатыр. «Жүрегі тоқтап қалыпты», «жүрегі ауырады»  деген сөздер бүгін­де  жасамысқа  емес, жастарға да  айтылатын  болды.

    ...
    Толығырақ...
  • 19.09.19

    Әлемнің  дамыған 30 мемлекетінің қатарына кіру идеясы жарқын  болашаққа бас­тайтын жол болуы тиіс. Жаһандану үдерісі дәуірінде еліміз өз тәуел­сіздігін орнықтырып, шекараларын айқындап, ядролық қарудан бас тартып, этносаралық және конфессияаралық келісімді сақтай отырып, әлемдік ау­қымдағы тұрақтылық, достық, толеранттылық идея­ларын негіздеуде. Және бұл мәселелер Елбасының жыл сайынғы дәстүрлі...

    Толығырақ...
  • 19.09.19

    «Мәңгілік ел» идеясының негізі – бұл біздің Қазақстан халқы ұрпақтарының алдындағы жауапкершілік, әлемдегі бәсекеге қабілетті 30 мемлекеттің қатарына ену мәртебесі белгіленген және бұйырған лайықты және ұлы Қазақстанды дамытудағы біздің стратегиямыз. «Мәңгілік ел» идеясының бастауы тым тереңде жатыр. Бұл біздің жалпыұлттық идеямыз мемлекеттігіміздің тамыры сияқты көне тарих...

    Толығырақ...
  • 19.09.19

    Айжарық  СӘДІБЕКҰЛЫ

    ОЙ   ТОЛҒАДЫМ  БІР   КЕЗЕК

    Сөз жоқ, социализмді гүлдендіріп, коммунизм ор­нат­пақшы болған қоғамды қайтадан құру машақаты бастал­ғалы сонау отызыншы жылдардан «коммунизмнің сталиндік алып құрылыс­тары» ұранымен жүргізілген шабуылдан табиғаттың тепе-теңдік заңдылығын бұзып...

    Толығырақ...
Қазан 2018

БАҒЫТЫМЫЗ – ЖАҺАНДЫҚ ЭКОНОМИКА PDF Print Email
Жаңалықтар - Саясат
11.10.2018 11:04

КӘСІПКЕРЛІК –  ЖЕТЕКШІ   КҮШ

Еліміздегі басты саяси құжаттардың қатарында «Қазақстан – 2050» страте­гиясы да бар. Ұзақ мерзімді дамуды бекіткен бұл стратегияда айтылған міндеттерді жүзеге асыру үшін орта мер­зімді кезеңге арналған мемлекеттің 2025 жылға дейінгі жоспарлау құжаты да айналымда. Бұл құжаттың басты мақсаттарының қатарында жеделдетілген сапалы эко­номикалық өсу мен елдегі өмір сүру деңгейін арттыру, экономиканың сапалы әрі тұрақты  дамуына  қол  жеткізу­ жөніндегі міндеттер бар.

 

Экономиканың сапалы өсуі бизнес пен адами капиталдың бәсекеге қабілетті­лігін арттыруға, технологиялық жаңғыртуға, институ­ционалдық ортаны жетіл­діруге, сондай-ақ, адамның табиғатқа теріс ықпалын бары­нша азайтуға негізделуі тиіс. 2050 жылға дейінгі бекітілг­ен стратегияның да басты­  мақсаты  – экономиканы әртараптандыру және оның бәсекеге қабілеттілі­гінің артуын қамтамасыз ететін  басымдықтағы сек­торларын дамыту, индус­трияландыру үшін қолайлы орта қалыптастыру, эконо­микалық әлеуетті өңірлік ұтымды ұйымдастыру негі­зінде экономикалық өсім ортал­ықтарын құру және эконо­миканың басымдықтағы секторларын дамыту барыс­ында мемлекет пен бизнестің тиімді ықпалдастығын қамтамасыз ету. Дәл осы бағдарламасында ел прези­денті ұлттық экономиканың жетекш­і күшін кәсіпкерлік деп нақтылап, шағын және орта бизнесті дамытуға баса назар аударған еді. Және бұл үлестің 2030 жылға қарай аз дегенде­ екі есеге өсуін міндеттеген болатын. Сол тапсырманың жүгі бүгінде сала мама­ндарының иығына артылған. Осы жүктің салмағын сезінген облыс әкімі кәсіпкерлікті қолдау жылын үш жылға дейін ұзартты. Соның нәтижесінде аймақт­а жұмыс істеп тұрған субъектілер 11 пайызға артып, Қызылорда облысы аймақаралық тізімнің көшбасында тұр. Облыста барлық көздерден 32 млрд теңге­ қаржы қарастырылған жаппай кәсіп­кер­лікті дамыту жөніндегі жол картасы әзірленген. Онда кәсіпкерлерге­ қолдау көрсету мақсатында үлгілі бизнес-жоспарлар, нақты алгоритмдер мен әрбір 264 елді мекенге жауапты лауазымды тұлғалар бекітілген. Жұмыссыздардың, жастардың, ерекше қажеттілік­тері бар азаматтардың жаңа бизнес-идея­ларын іске асыруға «Бизнестің жол картасы – 2020» бағдарламасы шеңбе­рінде жалпы сомасы 200 млн теңгені құрайтын 224 мемлекеттік грант бөлін­ген. Сонымен қатар «Еңбек» нәтижелі жұмыспен қамтуды және жаппай кәсіпкерлікті дамытудың бағдарламасы шеңберінде де жалпы сомасы 97,4 млн теңге құрайтын 405 мемлекеттік грант беру бойынша жұмыстар жүргізілуде. Өтеусіз грант есебінен жыл соңына дейін 1005 тұрақты жұмыс орнын ашу жоспарда бар. Жалпы, жыл соңына дейін шағын және орта кәсіпкерлік салас­ында жұмыс істейтін азаматтардың санын кемінде 90 мың адамға жеткі­зу жоспарлануда.

Кәсіпкерлікті күшейтудің маңыз­дылығын Елбасы өзінің дәстүрлі Жолдаула­ры мен Үндеулерінен және барлық бағдарламаларынан тыс қал­дырмай келед­і. Биылғы бес әлеуметтік бастамасының бір бағытын «Шағын несие­  беруді  көбейтуге»  арнауының өзі – өзін-өзі еңбекпен қамтыған және жұмыссыз тұрғындардың арасында жаппай­ кәсіпкерлікті дамыту үшін жасалы­п  отырған  мүмкіндік.

 

КЕНДІ   ИГЕРУ –  ЗОР   МҮМКІНДІК

Мемлекет басшысы стратегиялық мақсатқа жету жолында атап өткен бағыттың­ бесіншісінде бізге үдемелі инновация­лық индустрияландыру жаңа кезеңінің толық бағдарламасын әзірлеу мен жаңа технологиялық стандарттарға сәйкес өндірістік активтерді жаңарту қажеттігін қадап айтқан болатын­. Бұл бағыттағы жұмыстар Сыр топырағында жалғассыз қалған емес. Жан-жақтан инвесторларды тартып, қордағы  бар  қажетті  кенді  игерудің өзі – экономиканың әртараптануына ықпал ететін мүмкіндік. Мәселен, ағымдағы жылдың жартыжылдығында «Балауса Процессинг» компаниясы алыс және жақын шетелдерге 120 тоннадан астам аммоний метаванадат экспор­ттаған. Аймақтағы индустрияландыру бағдарламасының аясында «Баласауысқандық ванадий кен орнында­ автоклавты қайта өңдеу» жобас­ы жүзеге асырылуда. Кәсіпорын 2016 жылдан бастап өз өнімдерін Ресей, Тайвань, АҚШ және Ұлыбританияға экспор­ттайды. Бүгінде онда «Қара тақтатасты  автоклавты  қайта өңдеу» жобас­ы  бойынша  жұмыстар  жүргізілуде. Бүгінде кәсіпорын  құрылысында 150 адам жұмыс істеп жүр. Ал зауыт пайда­лануға берілген кезде 550 адам жұмыспен қамтылады деп күтілуде. Үш кезеңнен тұратын жобаның 2-кезеңі іске асырылып жатыр. Сондай-ақ, жалпы құны 9 млн АҚШ доллары болатын «Қуаты 10 МВТ күн электр станциясының құрылысы» жобасының да болашағы зор. Жобаның бастамашысы – жаңар­тылатын энергия көздерін пайдаланатын электр станцияларын салумен айналысатын «ХидроЭнерджи Компани» болгар компаниясы. Осы секілді Қызылорда облысында инновациялық технологияларды қолданатын бірқатар жобалар жүзеге асырылуда. Бұл өз кезегінде өңірдің экономикалық ахуалына оң әсерін тигізеді. Олардың бірі – «ДжиТиЭл-Казахстан» ЖШС-нің «Ресейл­ік (ДжиТиЭл) технологияларды пайдалана отырып, ілеспе мұнай мен табиғи газды (метанды) өңдеуге арналған модульдік типті қондырғыны салу және пайдалану» жобасы. Айта кетейік, компания пайдаланатын технология «Expo-2017»  көрмесінде  таныстырыл­ған.

 

АТАКӘСІП   ЖЕМІССІЗ   ЕМЕС

Стратегияның алтыншы мақса­тында дүниежүзілік өндірістік нарықтың көшбасшысы болуға септігін тигізеті­н,  ауыл  шаруашылығын   ауқымды  жаңғырту қажеттігіне баса мән беріл­ге­н. Бұл ретте Сыр өңірінің атқа­рып­ жатқан­ жұмыстары жеміссіз емес. Әсіресе сырбойылықтардың дәстүрлі саласы, атакәсібі саналатын күріш шаруашы­лығын дамыту алдыңғы орында­. Бұл туралы аймақ басшысы Қ.Елеуұлы  жартыжылдық  қорытынды есебінде:

- Алайда күріш шаруашылығы ауыл тұрғындарының жұмыспен қамтылуы, сонымен қатар,  жер экологиясын сақтап­ қалу жолдарының бірі екенін ескер­у қажет. Күріш егісін азайту арқылы­  біз құнарлы жер  аумақтарын да қысқартамыз. Ал, жердің сортаң­дануы бірнеше жылдық ғана кезеңді қамтиды. Сондықтан да, заманға сай технологиялар арқылы күріш өндірісін дамытып, оның экспорттық әлеуетін күшейту  жолын  қарастыру керек, - деген­  болатын.

Ауылшаруашылық дақылдарын өңдеудің жаңа технологияларын қол­дана  отырып, суармалы егіншілік пен басқа да дақылдарды өсіру бағытын дамыт­амыз. Сонымен қатар, аймақта мал  және  балық  шаруашылықтарының­ болашағы  зор.

 

БІЛІМ. БӘСЕКЕ. ТАЛАП

Көпжылдық мақсаттарға қол жет­кізуге  арналған стратегияда барлық сала қамтылған. Сондықтан бұл құжатты  «болашақтың  жоспары» деп атаса да болады. Өйткені ел президенті «Біз­дің  жастарымыз  оқуға, жаңа ғылым-білімді  игеруге, жаңа  машықтар алуға, білім мен технологияны күнделікті өмірде шебер де тиімді пайдала­нуға тиіс. Біз бұл үшін барлық мүмкіндік­терді жасап, ең қолайлы жағдайларм­ен қамтамасыз етуіміз керек­» деген болатын. Міне, біз, яғни Қызылорда облысының жастары бұл үдеге келгенде сенімді ақтаудамыз. Мектепке дейінгі және мектептегі жетістік­терді  қоспағанда Сыр жастары білімге құштар екенін кез келген жерде­, кез келген уақытта дәлелдеуге дайын. Биылғы білім күні қарсаңында өткен тамыз кеңесін­де  аймақ  басшысы  Қ.Елеуұлы:

- Жаңғырып жетілудің мүлде жаңа, мазмұндық және сапалық тұрғысынан бұрынғыдан бөлек, әлдеқайда биік сатысын­а көтерілуге ұмтылған елімізг­е жасампаз, білікті, өзгеріс­терден  қорықпайтын мамандар қажет. Бұл – Елбасының тұжырымы, нақты тапсырмасы, білім саласын ұйымдастырушы Сіз бен Бізге аманаты! Адами капитал, ең алдымен, білім беру саласы арқылы қалыптасады. Оны қалыптастырудағы білім сала­сының үлесі кез келген басқа саладан әлдеқайда жоғары. Сондықтан да, бұл саланы әлеуметтік қамсыздандыру, зейнетақы жүйесі, мемлекеттік басқару­, қорғаныс және қауіпсіздік сияқты шығынды көп талап ететін салалар­мен бір қатарға қоймай, керісін­ше, мол қосымша құн қалыптастыратын инвестициялық сала ретінд­е қарау қажет. Білім беруге инвестици­я тарту – жекелей адам мен тұтас мемлекет үшін де оңтайлы шешім, - деді.

Бұл ретте ұдайы назарда ұстайтын ерекше маңызды көрсеткішіміз – түлектерім­іздің жұмыспен қамтылуы. Мойындау қажет, бізде бұл мәселеде келеңсізд­іктер аз емес. Түлектерді бір мамандық бойынша даярлаймыз, ал олар  мүлде  басқа  саладан  орын  табады. Олардың қабілеті мен нарықтағы жағдайд­ы ескере отырып, түлектерді дұрыс бағыттау – үлкен міндет. Осы олқылық орын алмас үшін аймақта білім беру саласының мектепке дейінгі кезеңінен бастап жоғарыға  дейін жүйелі жұмыстар жүргізіліп жатыр. Соңғы 5 жылда өңірде 37 апаттық мектепті­ң орнына 45 білім мекемесі салынған.­

«Біз қайда бара жатырмыз?». Бұл сауалдың жауабын мемлекет басшысы өзі айтты:

- Қазақстан 2050 жылға қарай әлемнің ең дамыған отыз елінің қатарында болуға тиіс. Дамушы елдер арасынд­а осы клубтағы орынға бәсе­келестік қатал болмақ. Күн астындағы орын тек ең мықтыларға арналғанын нақты  сезіне  отырып, ұлтымыз  жаһандық  экономикалық  тайталасқа  дайын болуға  тиіс.

Демек, біз жаһандық экономикаға болашаққа  білімді  ұрпақпен, экономи­калық белсенділігі жоғары халықпен, жаңа технологиямен бара жатырмыз. Біз – қандай  сын-қатер  болса  да,  бойын­ тік  ұстауға  әзір  елміз.

 

Н.ҚАЗИҚЫЗЫ

 


САНА САУАТСЫЗДЫҚТАН УЛАНАДЫ PDF Print Email
Жаңалықтар - Арнайы беттер
11.10.2018 10:40

Жат діни ағымға еріп, адасу Әселдің жастық ғұмырының біршама жылдарын жалмады. Бойжеткен өміріне жағымды өзгеріс енетініне сенген. Дәл сол сенімнің «арқасында» ә дегеннен ештеңе түсіне алмады. Мұнысын жастыққа жарасатын аңғалдық дерсіз. Уақыт өте келе өзінің және жұбайының «роботқа» айналып бара жатқанын сезген ол көңіліндегі күмәнмен арпалысты. Рухани дертке ұшырағандай дел-сал күйде еді. Кейін теріс ағымда жүргенін біліп, дереу дін саласы мамандарының көмегіне жүгінген.

Тура жолдан тайдырып ғана қоймай, сананы улап, өміріңнің астан-кестенін шығаратын мұндай мәселеге Әсел неліктен кезікті? Қателік қайдан? Кінәлі кім? Бұл сұрақтардың жауабын кейіпкердің өз сөзінен оқыңыз.

- Әсел, деструктивті діни ағымның «адамы­» болуға  не  себеп  болды? Алдымен  осыған  тоқталсаңыз...

- 2009 жылдары менімен бірге мектепте оқитын қыздар орамал тағып жүруші еді. Олар бір ағымда жүрді деп ойламаймын. Бірақ  содан  кейін  менде  дінге деген­  қызығушылық  туындады. Әрі үйде отбасылық мәселелер көп болып, нағыз керемет өмір, тату отбасы дін ұстанған үйлерде болады деп түйдім. Сол қыздармен араласа келе осы пікірім нықтала түсті. Университетке түскен уақытымда дінді қатты қыспаққа ала бастады. Намазханаларды жауып, намаз оқуға кедергі келтірілді. Орамал таққан таныс құрбыларым оқу орнына кіре алмай қалған қиын сәттер де болған. Бірақ тобымда бірге оқитын қыз орамал тағып келіп жүрді. Ол 6-сыныптан бастап орамал тағады­ екен. Бірден сол қызға қызығып кеттім. Айтқан сөздерінің барлығы мен үшін дұрыс, тура бағыттағы дін секілді көрінетін. Табиғатымнан  қызығушылы­ғы басым адаммын. Мүмкін, сол қасие­тімнің де әсері тиген болар, сол қызға қалай еріп кеткенімді өзім де түсінбей қалдым. Құрбым маған намаз оқуды үйретті. Ағалары намазхан екен. Ол кезде­ интернетте уағыздар жоқ еді. Мешіттен барып сабақ алатынбыз. Және аудио­жазбалар  арқылы да уағыздар тыңдадық. Телефонымызға бір-бірімізден жазып алып  тыңдайтынбыз. Одан бөлек мектеп­тегі қыздар қолыма бір диск берді көруге­. Онда қабір азабы көрсетілген болатын. Өте қорқынышты. Егер  намаз  оқымасақ­, дәл солай азаптанатымды ұқ­тым. Дінге жетелеген сол қорқыныш деп ойлаймын.

- Ол кезде сіздің діни біліміңіз жоқ па?

- Иә, мүлдем жоқ. Дінге енді келген кезім. Алғашында құл­шыныс өте жоғары болады ғой. Максимализм. Бірден қабылдап, бірден кесіп айтамыз, анау дұрыс, мынау дұрыс емес. Осылайша телефо­н арқылы таратылған аудиожазба-уағыздарда нағыз таза дін Сауд Арабияда деп насихаттала бастады. Ал осы жақтағы мешіттер мен ондағы имамдар туралы­ теріс пікірлер жүрді. Пайғамбарымыздың  «менің мирасқорларым осы жақта, хақ дін осы жақта (Сауд Арабиясы)» деген хадисін келтіріп, бізді сен­дірді. Сол уақыттан бастап біз мешіттен алшақтай  бастадық.

- Сонда бірінші кім «жұқтырып»  отыр?

- Ағасы бастап отыр  ғой. Одан  қарындасына, кейін  маған  жеткен.

- Тұрмысқа шыққан жігітіңіз де теріс діни ағымнан  ба? Әлде...

- Намаз оқып жүрген кезімде қиналатынмын. Таң  намазына  біреу оятса, бірге жүрсек, әңгімеміз, ортамыз бір болса екен деген тілегім болды. Ол кезде оқуды, алдыма қойған мақсатымды да ұмытқам. Тұрмысқа шыққым келе бас­тады. Өзіміз сияқты намазхан, сүннетпен жүретін жақсы жігітке жолығуды арманд­адым. Құрбым тұрмысқа шығатын болып, «тойда болатын жігіт жолдаспен кім танысқысы келеді?» деп мақтай жөнелді. Менің ықыласым ауып, сұрап алдым. Үш рет кездесіп, ұнатсақ, отбасын құратынымызды, ешқандай діни білімім жоқ, бірақ күйеуіме бойұсынатымды айттым. Үйлену тойын жасамаймыз. Оның барлығын оған дейінгі тыңдап жүрген уағызымнан түсініп қойғандықтан, бұл мен үшін қалыпты нәрсе болды. Осылайша танысып, әке-шеше­міздің рұқсатымен ол кісіге тұрмысқа шықтым. Үйленген кезде бір күмәнданғаным – оқу оқуыма қарсы болды. Қызыл­ордаға келін болып түскеннен кейін Алматығ­а барып жоғары оқу орнында оқуымды қаламады. «Егер жалғастырар болсаң, талағыңды беремін. Ол жақта еркек мұғалімдер бар. Сен бәрібір дипломмен жұмыс істемейсің. Алла – ризық беруші, тамақтандырушы, сен дипломың жоқ болса да аш қалмайсың, өлмейсің. Сен осы ісіңмен Алла тағалаға күмән келтіріп жатырсың» деп күнде хабарласатын. Талақ деген олар үшін заңды некеде­н де жоғары. Осылай жүргенімде арада 2-3 ай өтіп, құрсағыма бала біткенін білдім. Сонда да күйеуім оқуы­ма келіп, телефонындағы уағызын тыңдатты. Осы  жағдайды  ұстаздарына айтып­, сұрақ  қылып қойғанда, ар жақтан «егер әйелі еркегін тыңдамайтын болса, мойынсұ­нбаса,  бөтен еркектермен  араласы­п жүрсе, мен оған рұқсатымды  беремін­» деп айтып жатыр ұстазы. Біз ол кісіге не үшін сенуіміз керек дедім, айдала­да отырған адам, біздің жағдайымызды білмейтін, ажырас деп оп-оңай қалай айта салады? «Жоқ, Дильмурат айтты,­ болды, талақ!» деп, сол кісінің сөзін өзіне үкім етіп алып, мені екіқабат күйімде тастап кетті. Робот секілді, өзінің жеке ойы жоқ-тұғын. Маған­ отбасым­ керек, академиялық оқуды  алдым­ да, бәрін  тастап,  күйеуім­нің артына­н  кеттім.

- Қайтадан үй болуға келісті ме күйеуіңіз?

- Бір рет талақ айтып қойғаннан кейін тағы 2 ай жүрді. Ұстаздарынан сұрады. «Бір рет айтып қойдым, қайта қосылсам бола ма? Ол бір ретке санала ма, үш рет талақ ету болып санала ма» деген сұрақтарының шешімін табу үшін. Қосылдық. Бір қызығы, оның достары қонаққа келеті­н болса, бір бөлмеден шықпай, көрінбей отыратынмын. Күйеуімнің талабы­.

- Мешіттегі  жамағаттарға  деген­  пікіріңіз  қандай  еді?

- Біздің  ортамызда (тек  намазхан қыз-келіншектер) қатып қалған қағида, түсінік десе де болады, мешіттегі намазхан қыз-келіншектерді, сондағы білім алып жатқан кісілерді жақтырмайтынбыз. Ол мінез келе-келе жек көрушілікке айналды. Намаз оқымайтын, қысқа киініп, ашық-шашық жүретін әйелдер қауымына мән бермейміз. Намаз оқитын, бірақ бізден өзгеше әйелдерге деген  жеккөрініш  қатты  болды.

- Ал музыкаға деген көзқарасыңыз  ше?

- Музыка тыңдауға болмайды дейтін. Тұңғышым балабақшаға баратын. Тіпті таксиге мінген кездің өзінде кішкен­тайым «музыканы өшір, тозаққа түсесің» деп  айтып  жататын  көлік жүргізу­шісіне. Ал  мультфильм­дерді  дыбыссыз  режимде көретін. Себебі, арасында музыка­  ойнатылад­ы ғой.

Осылайша өмірім өтіп жатты. Бір күні қатты ауырып, ауруханада жатып қалдым. Сонда өз анам ғана қатты қайғырып, артым­нан келді. Дінге кіргелі бері жа­қын­-жуығым мен туған-туыстарымнан алшақтап кеткенімді сол кезде түсініп, қынжылдым. Анам да дұрыс емес екенін айтты. Сонымен барлық пікірлерді ойла­ны­п, таразылад­ым. Біршама жылдардан кейін Қызылордаға келіп, өз бетімш­е жұмыс істей  бастадым.  Мен ойлана келе, мешіт­ке­ барамын деп шештім. Содан осындағы мешіт­ке келіп, имамнан сұрақтары­ма жа­уа­бым­ды алдым. Дін орталығы­ның маманда­ры да қолдауын аяп қалмады. Негізі, сана  сауатсы­здықтан  уланады  екен.

- Сонымен, қазір дәстүрлі дінімізге  көштіңіз  ғой?

- Әрине. Бұл да бір Алланың сынағы шығар. Алайда күйеуім әлі сол ағымның ішінде, сол топта жүр. Шығару қиынға соғуда. Ол ағымның түсінігінше, әйелі мен  баласының  күнәсіне  жауапты –  күйеуі. Сондықтан  менің  осындай  дұрыс шешім­ге келгенімді қабылдай алмауда. Күйеуімнің ойынша, мен діннен безініп, бұзылған әйелмін. Ал ол мұндай ауыр күнәні көтергенше, талақ беріп, жеңіл­дікте  болуды қалайды.

- Ашық  әңгімеңізге  рақмет!

(Кейіпкер есімі өзгертілген).

Сұхбаттасқан   Ж.БАҒЛАНҚЫЗЫ

 


Мүшелерге мінездеме PDF Print Email
Жаңалықтар - Арнайы беттер
11.10.2018 10:39

Бауырлас он екі мүше,

Бір анадан туғанмен,

Әрекеттері әртүрлі...

Бас – ақшаға тартып,

Аяқ – басқаға тартып,

Әуреге салды әркімді...

 

Ауыз – айта береді,

Қысыр сөзді құрап та...

Сыпсың сөз ереді,

Сене берме құлаққа.

 

Көз – шындықтың куәсі,

Ақиқатқа берілген.

Тегінен солай туасы,

Жалғаннан ол жерінген.

 

Бірақ  қазір  басқаша,

Көрмейтін бар «көрсоқыр».

Сылып алып тастаса,

«Катарактысын» сол соқыр.

 

Қол да ырыққа көнбей тұр,

Айырмай адал-арамды...

Сезімге онша сенбей тұр,

Сыбайлас етіп араңды...

 

Құрысын, күрделі мүшелер де,

Құлқынның соңынан қуып жүр...

Түбінде солар түзелер ме,

Ар-ұяттан да суып жүр...

 

Иә, мысал мен мысқыл да,

Ащы мен қышқыл да,

Әзіл мен оспаққа,

Әжулап қоссақ та,

Ағзаға әсер етпейтін болды.

Сырт көзге сыпайы көрініп,

Шыншыл, таза, шынайы көрініп,

Басқа жаққа беттейтін болды...

 

Мүшелердің мінезін,

Дұрыстайтын дем керек.

Болмаса, өзің білесің,

Ерекше басқа ем керек.

Әйтпесе...

Қ.ӘШІРБЕКҰЛЫ

 


ЕЛУДЕГІНІҢ ЕСТЕЛІГІ Мысқыл-мысал PDF Print Email
Жаңалықтар - Арнайы беттер
11.10.2018 10:37

Елуде еді өз жасым,

Тыйылмады көз жасым...

Жұмыс іздеп шығып ем,

Киім-кешек тозғасын...

 

Онша емес-ті күйім де,

Жоқ еді жеке үйім де.

Елу мың төлеп тұрамын,

Біреудің ескі үйінде.

 

Әркімдерге алдандым,

Жұмыс іздеп сандалдым...

Табаным тозып тауып ем,

Тапқаны құрысын, таңғалдым.

 

Сілтеумен барсам қожайын,

Сызылып пара сұрайды...

Соншама несін созайын,

Ұмытқан-ау Құдайды.

 

Әркімнен алып қарызды,

Апарып берсем ӘЛГІГЕ:

«Өтедің енді парызды,

Басқа жоқ, - деді – әңгіме».

 

Не болмас дейсің бұл күні,

Түйткілі көп тұрмыста.

Келтіріп ӘЛГІ күлкіні,

«Салды» мені құрылысқа...

 

Білімім қалды жайына,

Аз ақы алдым айына.

Жал-жая түгіл жетпеді,

Сүт қосып ішер шайыма.

 

Алшыдан тұрмай асығым,

Жер қазып, лай тасыдым...

Көп ұзамай «қысқарып»,

Жігерім құм боп, жасыдым.

 

«Бес жүз мың» босқа ол кетті,

Ол кеткенде мол кетті.

Құдайдан да қорықпай,

Қожайын оны қолды етті.

 

Қу тақырда мен қалдым,

Өтей алмай қарызды.

Озбыр шіркін ол қалды,

«Өтедің» деп парызды.

 

«Әр жерге ұрсам маңдайды»,

Жұмысқа еш жер алмайды.

Кеткенсің деп қатайып,

Жасыңа қарап таңдайды.

 

Бар жерде бар ма досым-ай,

Озбырлық деген осылай.

Адамдар не боп барады,

Қайтейін, қалқам, шошынбай.

Ақырын берсін бір Құдай!

 

Қазыбек   ӘШІРБЕКҰЛЫ

 


“ЖАЗУ ҮШІН ЖАҒДАЙ КЕРЕК” (Әзіл әңгіме) PDF Print Email
Жаңалықтар - Арнайы беттер
11.10.2018 10:31

Шағын  редакцияның  әдеби бөлімі орналасқан қуыс бөлмесінде бірі бәкене, бірі ұзынтұра – домалана қалған қозы қарындары ғана ұқсас – қос  шабандоз  маужырай  есінеп  қарама-қарсы отыр. Қарама-қарсы отырған соң қарап отырсын ба, ауыз жарықтық есіне­уден есін жиған сәтінде деу парызы болғандықтан мің­гірлеуден  жалықпайды.

– Білемісің, Дюма дөкей ғұмырында екі жүз елу том еңбек жазыпты, - деп қалды бәкененің жайын ауызы жиырыла­  беріп.

– Иә, жазу үшін жағдай керек!­ Көрер едім жазғанды, менің басымдағыны сол Дюма дөкейіңе берсе, байтал түгіл бас қайғы боп, безіп кетер еді.

– Өз басым, сол екі жүз елу томыңды – басыма баспана, артымда алашағым, алдымда керек-жарақ, төбемде түндік шамым жарқырап тұрса да – ғұмыр бойы жазбақ түгіл көші­ріп шығуға, әй, дәтім жетпес.­

– Көрер едім, сол Дюма дөкейіңнің мына мен сияқты он жыл омалып онжылдықты оқып шықса; бес жылы білім көтеремін деп бекерге кетсе; екі жыл есеңгіреп жолдамамен жансыз мекенде “жолаушы” болса; парызды өтеп пақыры оралғанда, қане, даңғыл жолдың далиып жатқаны; астанаға адамы боп алыну үшін кемі жылың жылжиды; оқыған-тоқы­ған кәсібіңе орай, өз жамбас, дегеніңе орай жылы-жұмсақ қызмет орныңа омалуың үшін, әй бір жылың аздық етеді...

...Көрер едім, бес жылдан әріге біреудің қуыс үйінде тап­қаныңның тең жартысын беріп бүрісіп тұрып жатсаң, көрер едім, екі жүз елу том түгіл екі жүз елу  жол  жазғанын...

– Пай-пай, дедің-ау! Бальзак ше, Бальзак. Мына сенде бардың сексен проценті де болмаған онда. Өмірі қарыз сұрап қалтыраумен өткен. Бірақ, жүз елу том мұрасы бар...

– Бальзак! Түгі де болмаған, қарыз сұраумен өткен!.. Көрер едім, сол Бальзагіңді, таңғы жетіде­ тауықтан бұрын тұрып жалғ­ыз ұлды жер түкпіріндегі балаб­ақшаға желдей есіп жете­лесе; одан құйын-перін құлқын сәріде жұмысқа келгенінде, шаруа­сы болмаса да бастығың шақырып  басыңды  шұқыса...

...Содан, бос отырып болдырып жұмыстан шыққаныңда күткен көлігің келе қалмайды. Алысып-тартысып бір, бір жарым­  сағат шамасында жете­сің­-ау тұрағыңа... Көрер едім Бальзагіңнің  тұрағының  түбінен трамвай тарсылы тыным тап­паса... әлгі қанша еді?

– Жүз елу.

– Иә, жүз елу том жазғанын.

– Тәйт! Трамвайдың тарсылына бола... Ал, Сименов ше? Жорж Сименонды айтамын. Парижде трамвай жоқ деп кім айтты, оның шуы Алматыңды алты орар.

– Бұның қанша жазып еді?

– Төрт жүз он бес роман... (Кей сәттерде бәкене сары нақ білмесе де жорамалмен жо­сылтып отыр).

– Не дейді!.. Иә, көрер едім Жоржыңды да біздің үйдегідей аю әйелге тап келсе төрт жүз он бес бет жазғанын...

...Бір сәтке әңгіме тамам болып, екеуі әрі қарай не айтар екенсің дегендей бір-бірін күтіп тапжылмай отырды. Ауыз жарықтық тек есінеуді ғана мойнына  алған.

Үнсіздікті сағат қоңыраумен қатар ұзынтұра үзді.

– Мынауың не дейді-ей?

– Бестің белгісі.

– Қалайсың..?

– Сәл-пәл.

– Кеттік онда.

Көп өтпей тапал мен ұзынтұра сырахананың түп төрінде ыдыстарын мығым ұстаған күйлері үзілген әңгімелерін қайта жалғады. Әңгімені, әлбетте, сырадан босаған бетте бәкененің жайын ауызы бастайды.

– Лопа де Веганы естуің бар шығар?..

– “Вега” сигаретін тартқанмын...

– Сол сабаз екі мыңнан астам­ пьеса жазыпты дейді.

– Көрер едім Вегаңды да, мына біз сияқты бір-бірінің көңілін жықпай әр күні кешке екі-үш сағатын сыра ішуге жоғалтса­...

Көрер едім, на Дома-мюмаңд­ы да, дос-жараны жетерл­ік боп күні мен түні той-томалаққа жалғасып жатса...­

Көрер едім, ана Бальзак-мальзагіңді, ауылдан ат сабыл­тып ағайын-туғаны топырлап жатса...

...Көрер едім, ана Сименон-бименоныңды, мен сияқты қарға  тамырлы  қазағы  болса...

Көрер едім, мына...

Әңгіме әріге кетті. Тапал ұлылардың ұлы ісін айтудан тайынбады, ал ұзынтұра  шынылап  сыра  келген сайын өзіне белгілі  шындықтың  бетін ашып бедірейе  берді.

...Ертесінде екеуі де кешегі көп сілтегеннің әсерінен өздеріне тапсырылған тапсырманы орындай алмай бір-бірден сөгіс алды...

Иә, жазу үшін жағдай керек...­

 

Берік  САДЫР,

Астана

 


СЫР МЕДИЦИНАСЫНЫҢ СЕРПІНІ PDF Print Email
Жаңалықтар - Саясат
11.10.2018 10:00

Өңірдегі денсаулық сақтау саласының дамуға деген сер­піні зор. Жақында облыстық медицина орталығына Оңтүс­тік Корея H+Yangji «Онкология және гематология» кли­никасының директоры Санг Ил Кимнің бастауымен делегация келді. Шетелдік мамандар Қызылордада бірінші рет онлайн түрде өткен операция және тік ішек пен асқазанға бірінші рет лапароскопиялық алып тастау отасын жасады. Лапа­роскопиялық оталар бұрын басқа ағзаларға жаса­латын. Ота аяқталғаннан кейін ОМО-ның мәжіліс залында ғылыми-практикалық конференция өткізілді.

Тақырыбы – «Асқазан және ішектің қатерлі ісігі бар науқастарды емдеуде операциялық лапароскопиялық хирургия». Алқалы басқосуға облыс әкімінің орын­басары Р.Рүстемов, облыстық денсаулық сақтау басқарма­сының басшысы А.Әлназарова, сондай-ақ, облыстың ме­дициналық мекемелерінің өкілдері қатысты. Орта­лықтың ота жа­сау­ бөлімінде Оң­түс­тік Кореяның дәрі­герлері Bae Byongku «Лапароскопиялық коллоэктомия», «Лапар­оскопиялық індіні жөндеу», «Гемо­рроидэктомия PPH аппараты арқылы», «Лапароскопиялық гастроэктомия», Park Jaeserk «Эндоскопиялық ота» тақырыбында шеберлік сағатын өткізді. Ақхалаттылар сала бойынша мардымды ақпараттармен сусындап, тың идеяларға қа­нықты. Осы ретте өңірдегі медициналық туризмді жолға қою мәселесі туралы айтпай кету мүмкін емес. Облыс әкімдігі түйткілдің түйінін шешуді бас­тап та жіберіпті. Алғы шарттары дап-дайын. Шет мемлекет­тің клиникаларымен тәжірибе алмасу, маман даярлау, олардың білікті мамандарын ша­қыру жоспарлары бекітілген. Биы­лғы жылдың өзінде Корея мемлекетінде, Татарстан Республикасында дәрігерлердің білімін жетілдіруге басымдық беріліп, қаражат бөлінді. Өткен жазда аймақтағы 7 маман-дәрігер, медбике Кореяның Северанс клиникасында шетелдік әріптестерімен тәжі­рибе алмасып келді. Сондай-ақ,  Кореяның «ММФ Severan­ce - KZ» халықаралық медициналық қоғамдық қолдау қоры және Қызылорда облысы әкімдігінің Меморандумы аясында Кореяның жетекші клиникаларының дәрігерлері біздің  өңірге келіп, науқас­тар­ға көмек көрсетті. Бүгінде мемлек­етіміз медициналық туризм­ді дамыту мақсатында маркетингтік талдау жұмыс­тарын  жүргізіп жатыр. Ірі меди­ц­иналық клиникаларды белгілеп, санаторлы-курорттық  аймақ  анықталуда. Облыс­тық  денсаулық  сақтау  бас­қармасы мамандарының мәліметінше, Қызылорда облыс­ы бойынша медициналық ту­ризм­ және импортал­мастырушы мекеме ретінде облысты­қ  медицина орталығы, «Жаңа­қорған»  шипажайы, «Q - MED» ЖШС медициналық орталығы белгіле­ніпті. Об­лыстың 205 маманы денсаулық сақтау саласын модерниза­циялау, корпоративті басқару және менеджмент, маман даярлау, сапалы медициналық қызме­т көрсетуді басқару, мейір­бикелік іс, қауіпсіз  өнді­ріс, стационарлық қызметті жетіл­діру тұрғысында білім­дерін  көтерген.

Айта берсек, сала бойынша атқарылып жатқан жұмыстар шаш етектен. Сондықтан бұқараның базынасына нақты жауап­  беріп, халық денсаулығын нығайтуды көздейтін жүйе жаңылмай келе жатыр деп сене­міз. Биылғы 8 айдың өзін­де облысымызға 28 шетелдік науқас келіп, медициналық қызметті пайдаланған. Ден­саулық сақтау саласындағы соны жаңалықтардың бірі әрі біздегі дәрігерлер қауымының жұмысына деген сенім деп ұқтық  мұны.

Науқастарды дертінен құлантаза жазып жіберуде медиц­иналық құрал-жабдықтардың рөлі айрықша зор. Биыл  облыстық  бюджеттен  6,5 миллиард теңге емдеу ұйымдарының материалдық-техникалық базасын жақсарту үшін бөлінген. Нәтижесінде мекемелердің жарақтандыру көрсеткіші 45,19 пайыздан 77,6 пайызға дейін артыпты. Соңғы 2 жылдың көрсеткішіне­ қарасақ, 25 медициналық нысан­ қолданысқа берілгені еске түседі. Олар – 200 төсек орындық облыстық балалар ауруханасы, Қазалы аудандық орталық ауруханасы, 250 келушіге арналған типтік үлгідегі Жаңақорған  аудандық емха­на­сы, 11  дәрігерлік амбулатория, 11 медициналық  бекет.

Қазіргі күні апаттық жағдайда тұрған Арал, Шиелі аудандық орталық аурухана­ларының құрылысы жүргізілуде. Ал мемлекеттік-жекемен­шік әріптестік  шеңберінде 25 жо­ба­ны  іске  асыру бо­йынша  қыруар­  тірлік  тын­ды­рылуда.

Болашақта медициналық нысандардың инфрақұрылымын 2018-2025 жылдары дамытуға арналған бірыңғай перспективалық жоспарға сәйкес, жалпы құны 73,5 миллиард теңгені құрайтын 118 нысан салыну көзделіп отыр. Оның 59-ы – мемлекеттік-жекемен­шік  әріптестік  шеңберінде.

Тегін медициналық кө­мек­тің кепілдік берілген көлемі шеңберінде амбулаториялық деңгейде тұрғындарды тегін дәрі-дәрмекпен қамта­масыз ету үшін 6 милилард 431 миллион теңге қаржы бөлінген. Қаралған сома өткен жылмен салыстырғанда 2 есеге өсіп отыр. Сонымен қатар, тізімге енгізілмеген, сирек кездесетін 8 нозология бойынша 80 нау­қасты тегін  дәрі-дәрмектермен қамтамасыз ету  үшін  жергі­лікті бюджеттен 2018 жылы 180 миллион теңге қаражат бөлінді. Бүгінде 48 нозология бойынша  диспансерлік есепте тұратын науқастар тегін дәрілік  заттармен  қамтамасыз етілуде.

Дәрігерлердің білімін дамытып, ары қарай жетілдіру – заман талабы. Ендеше осы мәселелер төңірегінде жергі­лікті билік қандай шаруалар тындырып жатыр, соған назар аударалық. 2018 жылы облыс әкімінің арнайы дәрігерлерді дайындауға 20 гранты тағайындалған. Мамандықтарына сәй­кес 25 резидентті оқытуға облыс бюджетінен қаржы бөлін­ген. Оған қоса облыс әкімінің грантымен 22 резидент Республикамыздың 4 жоғары медици­налық білім беру орындарында оқуларын жалғас­тырып жатқанын тілге тиек етейік. Сонымен, биыл 30 бала бакалавр, 20 студент рези­дентураға оқуға түсті. Саланың жетістігі, мамандар жеткен биіктің  бірі – осы.

Осынша ілкімді істерден кейін Қызылорда өңірінің медиц­ина саласы дамудың даңғ­ыл жолында екенін сөзсіз түсінуге болады. Елде денсаулық сақтау саласына жоғары көңіл бөлініп келеді. Халыққа сапалы әрі қолжетімді медициналық қызмет көрсету талабы­ барынша орындалып жатыр­. Салаға жыл сайын қыруар қаражат бөлінуде. Басқар­ма басшысының көр­сеткіштеріне сенсек, биыл­ғы бөлінген қар­жы өткен жылмен салыстыр­ғанда әлдеқайда артқан­. Демек, медицина маманд­ары үшін мүмкіндік жасалып жатыр­. Оны пайда­ланып білік­ті­лікті арттыру және ары қарай медицинаны өркендетуге үлес қосу – ақ­халатт­ылардың жауап­кер­шілігінде. Уақыт бір орында тоқта­п қалған емес. Ендеше, салаға ары қарай оң өзгеріс­терді енгізу де аяқталмайды. Бұл ретте облыс дәрі­герлері­нің еңбегі еселі, ал биліктің  ұсынымдары қолайлы  болып  отыр.

 

Ж.ҚОЙШЫБЕКОВА

 


БІР КЕМ ДҮНИЕ – ОСЫ... PDF Print Email
Жаңалықтар - Халық-хабар
10.10.2018 18:22

Шерағаң туралы Қалағаң бүй деп еді. «Шерхан Мұртаза!... Айдынды да айбарлы есім!...». Айдың-күннің аманында айдынымыздан, айбарымыздан айырылып қалдық. Айдын деген тіршіліктің көзі емес пе, айбар деген Қазақтың, Алаштың өзі емес пе? Қара кеште қаралы хабар­ жетті. Кішкене күнімізде теледидардан естіп өскен «Қазақ әдебиеті қара жамылды» деген зілді, зарлы, ащы үн мен дауыс ми қатпарымды айналшықтап жүр. «Шер­аға­ң қайтыпты ғой, Шерағаң қайтыпты ғой...». Әлеуметтік  желіде  әдебиеттің айналасындағы  қыз-жігіт­тер­ден­ сүйінші  сұрағандай  жүрегін  жұлып әкетердей жаңа­лықты­ жалма-жан бөлісіп отырмын. Сөйтсем ғана шерлі күйден айығып кететіндей, Шерхан шерінің дәм-тұзы таусыл­майтындай көрінді. Енді кеш! Бүгінгі кеш те енді мен үшін  суық, сұрқай, сұмырай! Иә, ешкім де, ештеңе де  мәңгілік  емес екен...

«Қазақ баспасөзінің серісі де, перісі де баршылық. Ал шері біреу ғана. Ол – Шерхан шері» дейді белгілі журналист Бауыржан Омарұлы өз естелігінде әдебиет­танушы Шериаздан Елеукеновтың мақаласынан дерек­тер келтіріп. Бүгінде қазақ тілінің лексиконында­ балталаса бұзылмайтын, исе майыспайтын «Шерағаңның шекпені» деген тіркес әбден қалыптасып, орнығып болды. Жазушының тұлпарды тай күнінен таныға­нын айтпай кету мүмкін емес. Оралхан Бөкей, Мұхтар Шаханов, Фариза Оңғарсынова, Ақселеу Сейдімбек секілді марқасқалардан өзге қазақ журналистикасының бүгінгі күнгі бетке ұстарлары Қайнар Олжай, Нұр­төре Жүсіп, Қали Сәрсенбай, Ермұрат Бапи, Қыдырбек Рысбек, тағы да басқалары майталман бас редактордың шарапатын көп көрді. Бұған дейін де басқарған­ басылымдарының бағын ашқан «баспасөздің бас сардар­ы» «Егемен Қазақстан» газетін де гүлдендіріп жатыр еді. Бірақ...

«Сол тұста Қазақ телевизиясының жұмысы маңды­май кетті. Жұртшылықтың көңілі толмайды...» деп баян­дайды Сауытбек Абдрахманов басылым «бапкері» жайында жазылған «Баһадүр» атты мақаласында. «Теле­визия басшылығын күшейту керек. Сонда оны кім жаңаша басқара алады?». Сол кезде ойларына әлгі сұрақтың жауабы да қоса келеді. Ол – Шерхан Мұртаза.­ Әрлі-берліден соң, сүйрегенге сүйсінетін, жетектеген жағатын, айдағанға айызы қанатын Шерхан ба еді? «Жұмыс жаңа-жаңа жолға түсіп жатыр ғой, ...Телевидение деген, радио деген жолап көрген жерім емес, мен ол жерде не істеймін?» деп көнбепті. Жарты сағаттай ырғасудан соң Сауытбекке соңғы үміті санал­ған бір ой сап ете қалады. «Шераға, кешегі соғыста Сталин қай майданда жағдай нашарласа, Жуковты сол майданға жібереді екен. Президент те сізді қай жерде жұмыс нашарласа, тек сол кісі жақсарта алады деп, сол жерге салғалы отырған жоқ па?» дейді сөзін нықтап. Мінеки, содан соң «Елбасы сенімі – ел сенімі» деді ме екен, Шерағаң көндіге кетіпті. Сөзге тоқтау, сөз қадірін ұғыну осы жерде ап-анық көрініп тұрған жоқ па?

Содан не керек, қаламгер төрағалығымен «Таңшолпан», «Шарайна» сынды телебағдарламалар көрермендерін жіпсіз байлап, еріксіз елітті. Шерханның талабы­ төрден болған соң ба, қоластындағы талабы таудай әріптестері «Шарайнаны» кейде «Шерайна» деп атайтын көрінеді. Уақыт өтті. Шерағаң төрағалықтан кетіп, мәжіліске барған-ды. Ол уақытта жаңалықтар бөлімінен көзіндей болған «Шарайнасы» да алынып тасталған еді. Бірақ, өміршең саналған бағдарлама оңайлықпен беріспеді. Қызылорда қалалық теле­радиокомпаниясының басшылығына тағайындалған арқалы­ ақын, Сырдың сары шайыры Шаһизада Әбдікәрімов Шерхан Мұртазаға телефон соғады. Осылай­ да осылай, «өз телеарнамдағы жаңалықтар бағдарламасын «Шарайна» деп атасам деп едім». Сонда­ «Рұқсат!» - дейді Шерағаң гүр етіп.

Бұл оқиғаны Бауыржан Омаров былайша түйін­дейді. «Содан бері жиырма жылға жуықтады. Үлкен Шәкеңнің «Шарайнасының» жолын жалғаған кіші Шәкеңнің «Шарайнасы» эфирден әлі күнге түскен емес». Иә, Қызылорда қоғамдық теледидарынан түс­пегеніне біз куәміз. Және мұнан кейін де түспейтініне сенеміз. Шерхан төрағалықтан кетті деп «Қазақстан» «Шарайнасын» алса да, Шерхан өмірден өтті екен деп “Қоғам ТВ” эфирінен алып тастай қоймас...

Сене алар емеспіз. Қазақ руханиятының алдас­паны, қазақ журналистикасының қара нарынан айыры­лып қалдық. Шерағаң кеткенше, мінез кетті десеңші. Бақұл бол, Шераға!

Рыскелді   ЖАХМАН

 


Қоғамдық-саяси ахуал тұрақты PDF Print Email
Жаңалықтар - Халық-хабар
10.10.2018 15:39

Яғни, тұрақсыздық белгілері болмаған. Биылғы қыркүйекте облыстың қоғамдық-саяси ахуалы мен тұрғындардың әлеуметтік көңіл күйін зерделеуге арналған сауалнама жүргізілген болатын. Нәтижесінде респонденттердің 88 пайызы аймақтағы қоғамдық-саяси ахуалды тұрақты деп сипаттаған. Бұл туралы облыстық ішкі саясат басқармасының басшысы Талғат Маханов өңірлік коммуникациялар қызметінде БАҚ өкілдеріне берген брифинг барысында мәлімдеді. Сондай-ақ, басқарманың жыл басынан бергі тындырымды тірліктері мен алға қойған айқын жоспарлары туралы хабарлады.

Т.Махановтың сөзінше, Елбасы Жолдауын ақпараттандыру үшін қала және аудан көлемінде 9 ақпараттық-насихаттық топ құрылып, оған барлығы 44 топ, 259 мүше енгізілген. Олар халық арасында түсіндірме жұмыстарын жүргізу мақсатында осы жылы 4355 шара ұйымдастырған. Оған 139 929 тұрғын қатысыпты. «Қазақ тілін латын әліпбиіне көшіру» арнайы жобасын жүзеге асыру мақсатында да жүйелі істер жүзеге асқан.

Ал мемлекеттік тіл саясатын жүзеге асыруға байланысты жобалар бойынша 6 облыстық байқау, республикалық дөңгелек үстел, 2 кездесу, 13 көшпелі семинар өткізілген. Облыстық ішкі саясат басқармасының басшысы тағы бір тың жоба туралы баяндады. Оның айтуынша, Қызылордадан шыққан жазушылардың және Сыр өңірі туралы жазған жазушылардың шығармаларын кітап етіп шығару жоспарланып отыр. Бір қызығы, ол кітаптан жазушылардың шығармаларындағы «ең қызық» жерлері ғана бөлініп алынып, кітапқа басылған екен. Оны арнайы дайындалған шығармашылық топ талқылаған. Негізгі мақсат – жұртшылықты әдеби шығарма оқуға шақыру.

Аймағымызда діни ахуал да тұрақты. Осы жылы қандай да бір діни қақтығыстар мен қарсы тұру жағдайлары болмаған. Облыста 181 діни ұйым тіркелген, оның ішінде жергілікті діни бірлестік саны – 11, 170 филиал бар. Дін саласындағы білікті мамандарды арттыру үшін облыс әкімі бюджеттен тыс қаржы арқылы 22 қызылордалыққа қолдау білдірген. Олар қазіргі таңда «Нұр Мүбарак» университетінде білім алуда. Мұнан бөлек 15 студент аталмыш оқу орнын аяқтап, өңірімізде сала бойынша жұмыс істеуде.

Ж.Бағланқызы

 


ҚЫЗЫЛОРДА ОБЛЫСЫНДА 10 ЖЫЛ ІШІНДЕ ҮКІМЕТТІК ЕМЕС ҰЙЫМДАРДЫ ҚАРЖЫЛАНДЫРУ 22 ЕСЕГЕ АРТТЫ PDF Print Email
Жаңалықтар - Халық-хабар
10.10.2018 15:32

10 жыл ішінде Қызылорда облысында үкіметтік емес ұйымдарды қаржыландыру 22 есеге ұлғайып, қоғамдық ұйымдардың саны 150-ден 1000-ға дейін артты. Бұл жайлы облыс әкімі Қ.Көшербаев «Азаматтық қоғам және мемлекет: Диалог, Ынтымақтастық, Жауапкершілік» VIIІ Азаматтық форумында мәлімдеді.

Облыс әкімі атап өткендей, аймақтың үкіметтік емес ұйымдары қоғамның ажырамас бір бөлшегіне айналып отыр.

«Мүмкіндіктері мол, кәсіби білігі мен ұстанымы биік үкіметтік емес ұйымдар – елдің қуатын арттыратын, мемлекеттің тұрақтылығын күшейтетін аса маңызды қоғамдық институт. Сол себепті, еліміздегі азаматтық бастамаларға қолдау және жан-жақты көмек көрсетіледі. Нақты цифрларға келсек, осыдан он жыл бұрын облыстағы қоғамдық ұйымдар саны 150 ғана болса, қазір бір мыңға жуықтады. 2009 жылы үкіметтік емес ұйымдардың жобаларына 45 млн. теңге бөлінсе, қаржы көлемі 22 есе өсіп, биыл 1 млрд. теңгеге жетті», - дей келе облыс әкімі Мемлекет басшысының саясатын жүзеге асыруда бірлесіп жұмыс істеуге және әлеуметтік маңызды жобаларды жүзеге асыруға шақырды.

Форум барысында аймақ басшысы ҮЕҰ-дың басшылары мен белсенді мүшелерін алғыс хатпен марапаттады.

Сондай-ақ, облыстың қоғамдық бірлестік басшылары сөз сөйлеп, аймақтағы азаматтық бастамаларды дамыту және қолдау туралы өз ұсыныстарын айтты.

2017 жылдың қорытындысымен Қызылорда облысы ҮЕҰ қызметін қаржыландыру бойынша республикада Алматы мен Астана қалаларынан кейінгі үшінші орынға ие болды. Бұдан басқа, аймақта Үкіметтік емес ұйымдарды бюджеттен тыс көздерден қаржыландыру шаралары қабылданып, «Дағдарыс жағдайына тап болған балалар мен аналарға арналған әлеуметтік қонақүй» жобасы іске асырылуда.

Қазіргі таңда Қызылорда облысында қызмет ететін үкіметтік емес ұйымдар арқылы денсаулық сақтау, білім беру, мәдениет, спорт пен кәсіпкерлік салаларын дамытуға бағытталған, жастар саясатын жетілдіруге арналған жүздеген жобалар жүзеге асуда. Мысалы, мүгедектердің ақпараттық-технологиялық сауаттылығын көтеру, электронды әкімдік бағдарламасын қолдануды үйрету, «Инватакси» әлеуметтік жобалары және «Мерейлі отбасы» ұлттық байқауы мен «Еңбек династияларының» форумы бес жыл көлемінде өткізіліп, халықтың ықыласына бөленген ауқымды әлеуметтік жобаға айналды.

Облыс әкімінің баспасөз қызметі

 


Қызылордалық коалиция Президент Жолдауын қолдап, Үндеу жариялады PDF Print Email
Жаңалықтар - Халық-хабар
10.10.2018 09:52

Кеше «Нұр Отан» партиясы Қызылорда облыстық филиалының ұйымдастыруымен «Қазақстан-2050 Демократиялық күштері аймақтық коалициясының мүшелері «Болашақ» университетінің мәжіліс залында бас қосып, Жолдау жүктеген міндеттерді жан-жақты талқылап, Сыр халқына Үндеу жариялады.

Үндеуде «Әрбір азамат елдегі ауқымды өзгерістерге өздерінің қатысын сезінуі тиіс. Елбасы Жолдауын іске асыру халықтың өмір сүру деңгейі мен еліміздің бәсекеге қабілеттілігін арттыруға нағыз серпіліс әкеледі. Біз, Демократиялық күштердің «Қазақстан-2050» аймақтық коалициясы, аймақтағы ірі диалог алаңының бірінің мүшелері ретінде барлықтарыңызды Елбасымыздың Жолдауын қолдауға және оны іске асыруға белсенді қатысуға шақырамыз!» делінген.

Отырысқа коалиция мүшелігіндегі барлық партиялар жетекшілері мен белсенділері, ҮЕҰ өкілдері, аймақтағы ЖОО-ның оқытушы профессорлары, белсенді жастар мен БАҚ өкілдері қатысты.

Жиынды «Нұр Отан» партиясы облыстық филиалы төрағасының бірінші орынбасары Ибадулла Құттықожаев ашып жүргізді. Ол өз сөзінде Саяси құжаттың ауқымдылығы мен мазмұндылығын жан-жақты баяндап, ондағы көрсетілген алдағы міндеттердің ел экономикасын ілгерілетуді көздеп отырғандығын атап өтті.

-Елбасы Жолдауында көрсетілген реформалар – халықымыздың тұрмыс сапасын жақсартып, әлемдік стандарттарға жеткізуге сол арқылы қоғам мен мемлекеттің бәсекеге қабілеттілігін арттыруға бағытталып отырған тиімді мүмкіндік. Сондықтан мұны іске асыруға ел болып жұмылуымыз қажет, - деді Ибадулла Құттықожаев.

Жиында Елбасы Жолдауын жүзеге асыруға бағытталған өңірдегі жұмыстар да пысықталып, тиісті мекеме басшыларының хабарламалары тыңдалды. Мәселен, ақпараттық-насихат жұмыстары бойынша облыстық ішкі саясат басқармасының басшысы Талғат Маханов айтып өтті.

Басқарма басшысының айтуынша, облыста Жолдауды насихаттау бағытында арнайы медиа жоспар әзірленген. Сондай-ақ, құрамы түрлі сала мамандарынан қамтитын 259 азаматтан тұратын 44 ақпараттық-насихаттық топ құрылған. Арнайы спикерлер пулы жасақталып, олардың пікірлері БАҚ-тар мен әлеуметтік желілерде жариялануда.

Кеңес отырысында коалиция мүшелігіндегі барлық партия өкілдері ойларын ортаға салып, үкіметтік емес ұйымдар пікірлері тыңдалды. Мақсат ортақ - Мемлекет басшысының Қазақстан халқына арнаған Жолдауын қолдау, қазақ қоғамындағы саяси тұрақтылық пен экономиканың қарқынды дамуына бірлесе үлес қосу.

«Нұр Отан» партиясы облыстық филиалының баспасөз қызметі

 



<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Қазан 2018 >
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары