Өзекті мәселелер

  • 06.12.18

    «ЖУСАНДА  ТУҒАН  ЖЕРДІҢ  ИІСІ  БАР»

    Қазақ елі сонау «қарағай басын шортан шалған» ХІХ ғасырға дейін, ұлт тағдырының сілкіленіп, ұлттық сана ояна бастаған ХХ ғасырда да өзінің тегеуріні мықты ел екенін дәлелдеді. Киіз туырлықты қазақ санасындағы рухан­и-мәдени жетілу мен әлеуметтік-экономикалық салада өрлеу секілді мақсаттары заман көшіне ілес...

    Толығырақ...
  • 06.12.18

     

    Ерғали  АБДУЛЛА

     

    АРТЫҚШЫЛЫҚ   пен  КЕМШІЛІК

    Оның көп артықшылығы бар: гү...

    Толығырақ...
  • 06.12.18

    * Ерлердің психикасы зейіннен тоқылған. Ол жай өмір сүре алмайды. Ол биікке ұмтылуы керек.­ Еркек қатты жерде ұйықтап, суық сумен шайынып, ерте тұруы қажет.

    * Ер адам әрдайым өзінің жаман­ қылықтарын тыйғаны жөн. Өзіне ұсақ-түйек жеңілдік жасамауы  керек.

    * Қалаған нәрсесіне жету үшін ол мақсат қойып қимылдайды. Бұл – ер-азаматтың таби­ғаты. Сыйласатын ортасында өзіндік орны бол...

    Толығырақ...
  • 06.12.18

    Жалпы, өзімді жаман адам не ұсқынсыз қызбын деп айта алмаймын­. Жоғары қызметім бар. Адамдармен қарым-қатынасым да жақсы. Бір әттеген-ай дейтінім, осы уақытқа дейін екінші жар­тымд­ы жолықтырып, асыл жар атана алмадым. Жасым 34-те. Бұған дейін карьера құрып, өз жағдайымды өзім жасап алғым келді әуелі. Бір кездері мен үшін арман болған, одан соң мақсатыма айнал­ған марапаттың барлығына жетті...

    Толығырақ...
  • 06.12.18

    Бір сәт аспаннан ақша жауғандай күйге еніп, мол қаржыны қайда жұмсарыңызды білмей қалған мезетте... Мұндай көңіл күйді көбіне несие алған кезде сезінеріміз сөзсіз. Ал ай сайын алатын жалақыға телміріп отырған­ қарапайым халыққа бұл аса таңсық жағдай емес. Иә, өте көп мөлшердегі қаражатты алып, қалтамызды қампайттық делік. Ары қарай қайда жұмсаймыз? Бұрындары тұрмыстық техника, автокөлік немесе ...

    Толығырақ...
Дүйсенбі, 19 Қараша 2018

«QYZYLORDA: ҰЛЫ МҰРАТ ЖОЛЫНДА» АТТЫ ЖАСТАР ФОРУМЫ ӨТТІ PDF Print Email
Жаңалықтар - Халық-хабар
20.11.2018 09:00

Аймақтағы халықтың 24%-ы 14-29 жас аралығындағы жастар болып табылады.

Дәстүрлі форумға мектеп оқушылары мен студенттер, жас мамандар, белсенді басқа да санаттағы жастар қатысты.

Қазіргі таңда аймақтағы халықтың 24%-ы - жастар, олардың ішінде 190 мыңнан астамы 14-29 жас аралығында, ал экономикалық тұрғыдан белсенділері - 110 мыңнан асады. Аймақ тұрғындарының жалпы саны  700 мыңнан астам адамды құрайды.

Аймақ басшысы Қ.Көшербаев  форум қатысушыларын 2019 жылдың ресми түрде «Жастар жылы» деп жариялануымен құттықтады.

«Елбасымыз осы жылғы Жолдауында жастарды қолдауға арналған шараларды қамтитын әлеуметтік сатының ауқымды платформасын қалыптастыруды тапсыра отырып, 2019 жылды «Жастар жылы» деп айқындауында да ерекше мән бар. Өйткені, Ұлт Көшбасшысы Мәңгілік елдің жастарын, Сіздерді ел мұраты үшін қызмет ететін Тұлға ретінде көргісі келеді. Бұл артылған сенім баршамызға зор міндет жүктейді. Ал, сенім үдесінен шығуға Сіздердің әлеуеттеріңіз де, Сіздерге көрсетілетін қолдау да жеткілікті»,-деді аймақ басшысы.

Қызылорда облысында мемлекеттік жастар саясатын жүзеге асыру бойынша,  жастарға білім беру және жұмысқа орналастыру, сондай-ақ олардың бәсекеге қабілеттілігін арттыруда  жүйелі жұмыстар жүргізілуде.

Өңірде мемлекеттік жастар саясатын дамыту бойынша 2021 жылға дейінгі Жол картасы әзірленді. Құжатта жастардың өзекті мәселелері - жұмысқа орналасу, тұрғынүй, білім беру, бос уақытты тиімді пайдалану және басқа да мәселелерді шешу бойынша шаралар қарастырылған. Сонымен қатар, 60-тан астам әлеуметтік жоба жүзеге асырылуда.

Айта кетейік, Қызылорда облысы мемлекеттік жастар саясатын қаржыландыру бойынша көшбасшылардың қатарында.

Сонымен қатар, республикада   алғашқылардың бірі болып аймақта еңбек ресурстарының балансы (қоры) әзірленіп, еңбек нарығындағы сұраныстар мен қажеттіліктерге орай жыл сайын жаңартылып отыр.

Сондай-ақ, Сырдарияның сол жағалауынан мемлекеттік-жекешілік әріптестік аясында жастарға қызмет көрсету орталығының құрылысы жүргізіліп жатыр, нысан келесі жылы пайдалануға беріледі.

Облыста  - сандық технологиялар мен инновациялық өндірістерге түлектерді оқыту басым мәнге ие. 2014 жылдан бастап Сырдың талапты да талантты мектеп түлектері үздік отандық және ресейлік жоғары оқу орындары мен колледждерде білім алуда. Үстіміздегі жылы алғашқы 74 жас маман Ресейдің алдыңғы қатарлы инженерлік оқу орындарының дипломдарын алып, елге оралды. 29 маман аймақтың түрлі өнеркәсіптерінде қызметтерін бастады және 45-і магистратурада оқуларын жалғастыруда.

Биылғы жылдан бастап ауылдық жерлердегі аз қамтылған және көп балалы отбасыларынан шыққан дарынды балаларға арналған облыс әкімінің білім гранттарының саны 2 есеге артты. Олардың саны 200-ге дейін жеткізілді, 70% IT-мамандығына  бөлінген. Келесі жылы 75% - ға дейін артады. Осылайша, бүгінгі таңда грант иегерлерінің саны 900-ге жуықтады.

«Осымен екі жыл қатарынан қызылордалық  мектеп бітірушілердің 97%-ы жоғары және орта арнаулы оқу орындарына түсіп отыр. Биылдың өзінде олардың 70%-ы жоғарғы оқу орындарына, 27%-ы орта арнаулы оқу орындарына оқуға түссе, 57%-ы  мемлекеттік білім гранты иегерлері. Міне, осы көрсеткіштермен біз мақтана аламыз!»-деді аймақ басшысы.

Форумда аймақтың белсенділері сөз сөйледі. Олар өздерінің жетістікке жету жолдарымен бөлісті. Форум қонағы ақын Мұхтар Ниязов жастарға арналған арнауын орындады.

«Өзім қалада туып өстім, оқу бітірген тұста Алматы қаласына жұмыс істеуге кетер сәтте атам маған: «балам, бай болам десең бара бер, елге қызмет етемін десең, ауылға бар» деген еді. Атамның осы айтқанын санама сақтап,  ақ батасын алып, Алматыға емес ауылға бардым.  Шиелі ауданында  жастар орталығында ерікті болып бастадым. Бүгінде Жосалы  кентінің жастар ресурстық орталығында директор  болып қызмет атқарудамын. Шиелі ауданында «Жастар театрын» құрып, жастардың өзін-өзі қаржыландыру механизімін қалыптастырған едік. Қазіргі таңда Қармақшы ауданында демеушілердің көмегімен жас агрономдарды тәрбиелеу мақсатында «Жақаев ізбасарлары» еңбек лагерін ұйымдастырдық, жоба аясында «Жастар ауылға!» еңбек-оқыту лагерлерін шаруашылықтармен бірлесе отырып жүзеге асырмақпыз»,-деді Қармақшы ауданы жастар ресурстық орталығының басшысы Әділ Ибрахим.

"Мен бала кезімнен бизнеспен айналыссам, өз ісім болса деп армандадым. «Биснес-Бастау»  жобасының аясында мемлекеттен 10 млн.теңге қаржы алдым. Қазір шаруашылық қожалығымда 30 жылқы, қоян мен үй құстары және бақша  бар. Арманыма қол жеткізгеніме қуаныштымын, жеткен жетістіктермен тоқтап қалмаңыздар дегім келеді. Елімізде жұмыс істеп  және табысты болғысы келетін жастар үшін барлық жағдай жасалған",-деді жас кәсіпкер, шаруа қожалығының жетекшісі Карина Шыныбаева.

Форумда аймақтың белсенді жастары облыс әкімінің алғыс хаттарымен марапатталды.

Облыс әкімінің баспасөз қызметі

 


Қарашада қараша неге сусыз қалды? PDF Print Email
Жаңалықтар - Халық-хабар
19.11.2018 13:44

Өткен аптада қаладағы бірнеше мөлтек ауданда ауызсу болмай, тұрғындар абыр-сабыр күйге түскен еді. Осы түйткіл төңірегінде әлеуметтік желіде де кеңінен талқыланып, жергілікті биліктің жұмысына біраз сын да айтылды. Сенбі күні өңірлік коммуникациялар қызметінде аталған мәселеге орай баспасөз брифингі өтті.

Бас шаһардағы Жібек жолы және Ә.Мүсірәлі көшелерінің қиылысындағы д-500 мм ескі ауызсу жүйесінен ақау шыққан. Анықталған деректерге сүйенсек, құбырлар осыдан 50 жыл бұрын іске қосылған. Ал құрылыс нормалары мен ережелеріне сәйкес темір құбырлардың жер астында жату мерзімінің шыдамдылығы – 22 жыл ғана. Ақау орын алған құбырдың 20-дан астам жерінде жарықтар пайда болғанға ұқсайды.

– Ақаудың салдарынан қаладағы Сырдария және Арай-2 мөлтек аудандарында ғана ауызсу уақытша тоқтатылды. Өйткені аяқ астынан орын алған апатты қалпына келтіру үшін амалсыздан осындай қадамға бардық. Бұл құбырлар жоғары қысымды көтермейді, - деді қала әкімінің орынбасары Бектас Балғабайұлы.

Қазіргі күні қаладағы су құбырларының 60 пайыздан астамы толық жаңғыртудан өткен. Қызылжарма жерасты су кені арқылы 98 су ұңғымасы іске қосылып, жерасты суына көшірілген.

Облыстық энергетика және тұрғын үй-коммуналдық шаруашылық басқармасы басшысының орынбасары Ерлан Ералыұлы «Ауызсу жүйесінің толық қарқынмен жұмыс істеуіне құбырлардың ескіріп, тозығы жетуі кедергі келтіріп отыр» деп атап өтті.

Ал ақау шыққан маңда 20-ға жуық техника, 30-дан астам адам жұмыс істеген. Негізі дәл осы аумақта биылғы жылы жаңа су құбырлары жүргізіліп, 20 қарашаға дейін ауызсу желісін жаңа жүйеге қосу жоспарланған көрінеді. Мамандардың сөзіне сенсек, құбырларды ауыстыруға қолайлы уақыт – күз мезгілі. Жаздың аптап ыстығында тіршілік нәріне сұраныстың артатыны түсінікті, ал көктемде жер босаңсуы жұмысшылар үшін қолайсыз.

Ауызсусыз қалған Сырдария және Арай-2 ықшам ауданының тұрғындарына 2 су тасу көлігі жұмылдырылған. Тіпті, әлеуметтік желілерде тұрғындардың көлікпен келген суды талап алып жатқандығы туралы суреттер тарап, біраз талқыланды да. БАҚ өкілдері жауаптылардан аталған мөлтек аудандардағы тұрғындар санын сұраған еді. Алайда олар нақты жауап бермеді. Оның орнына олар «мұндай қолайсыз жағдайлар тек біздің қаламызда ғана емес, еліміздің кез келген өңірінде орын алып жатады. Дамыған елдер мен ірі мегаполистерде де ақаулар жиі кездеседі» деп жұбатты жұртшылықты.

Халық-хабар

 

 


Күнтізбе

< Қараша 2018 >
      1 2 3 4
5 6 7 8 9 10 11
12 13 14 15 16 17 18
20 21 22 23 24 25
26 27 28 29 30    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары