Өзекті мәселелер

  • 12.09.19

    Қасымды түлен түртті. Түрткенде тіпті шектен шықты. Соңғы уақытта ащы суға үйір болды­. Таң алекеуімнен оразасын ішімдікпен ашады. Ішке түскен қызу миында қордаланған уайымын ұмыттырады. Зіл-батпан денесін жеңілдетеді. Отбасымды асыраймын, жеткіземін деп істемеген жұмысы  жоқ. Базарда арба да сүйреді. Жүк түсіруші де болды. Шеберхана ашып, аяқ киім де тікті. Жалданып жұмыс та істеді.

    ...
    Толығырақ...
  • 12.09.19

    Қалалық А.Тоқмағамбетов атындағы мәдениет үйінде өткен мемлекет басшысының «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауына арналған Қызылорда қаласының идеологиялық активі мен «Nur Otan» партиясы қалалық филиалының саяси кеңе­сінің бірлескен отырысында басым бағыттар сараланды. Жиынды қала әкімі Нұрлыбек Нәлібаев ашып, жүргізді.

    ...
    Толығырақ...
  • 12.09.19

    Алғашқы 8 айдың қорытындысы бойынша қала қазынасына 12 452,6 млн теңге түсім түсіп, жоспар артығымен орындалған. Дегенмен, салық саласында  түйткілдер тым көп. Мәселен, қала  көлеміндегі 13 базарда 1342 орын, 8 ірі сауда үйінде 915 орын жалға берілген. Базарл­ар мен сауда үйлерінде сауда жерлерін жалға алып, кәсіппен айнал­ысып жүрген азаматтар табыстарын төмендетіп көрсеткен. Бұл жөнінде Қы­зы...

    Толығырақ...
  • 12.09.19

    Облыс әкімі Қуанышбек Ысқақов осыған дейін өңірдегі алты ауданға ат басын бұрып, ауылдарын аралап қайтқаны бар. Сонау солтүстіктегі Арал мен оңтүстіктегі Жаңақорғанға дейін түгел шарлап шықты. Бірақ Ғанибек Қазантаев басқаратын облыс орталығының іргесіндегі Сырдария ауданына табан тіреген жоқ.

    ...
    Толығырақ...
  • 12.09.19

    Айжарық  СӘДІБЕКҰЛЫ

    СЕН   ӘЛЕМНІҢ ЖАНАРЫНДАСЫҢ,   АРАЛ!

    Арал атырабын жайлаған экологиялық апаттың дүние-әлемнің жанарына іліккеніне де талай жылдың жүзі аунады. Енді аманшылық болса, жиырм­асыншы ғасырды түгендеп, жаңа жүзжылдықты бастаймыз. Ең өкініштісі сол, алдағы ғасырдың табал­ды­рығынан тәуелсізді...

    Толығырақ...
Дүйсенбі, 03 Желтоқсан 2018

Саладағы серпін PDF Print Email
Жаңалықтар - Халық-хабар
03.12.2018 15:15

Уақыт өткен сайын елдегі денсаулық сақтау саласы дамып келеді. Жаңа стандарттармен толығып, сәйкесінше қызмет көрсету түріне де өзгеріс енуде. Облыстық медициналық орталығында өткен баспасөз туры барысында мамандар емдеу ұйымдарының қабылдау бөлімдері туралы сөз қозғады.

- Қазақстан Республикасы Денсаулық сақтау министрлігінің 2017 жылғы 3 шілдедегі №450 бұйрығында Қабылдау бөлімшесі квалифицендірілген (шұғыл) медициналық көмек көрсететін, маңызды кеңес беру-емдік-диагностикалық бөлімше болып өзгеріске енді. Қазіргі уақытта өздеріңіз көргендей, медициналық орталығы стандартқа сай жұмысын жүргізіп жатыр. Сондай-ақ, облыстық балалар ауруханасы, облыстық периниталды орталық, аудандық ауруханалардың қабылдау бөлімдері де жаңа жүйе бойынша қызмет көрсетуде, - деді облыстық денсаулық сақтау басқармасының бөлім басшысы Раушан Бактыберлина.

Енді келген пациенттер медициналық іріктеуге сәйкес үш топқа бөлініп ем алады. Жасыл аймақ бойынша сырттан бөлек есік ашылып, арнайы кабинеттер дайындалған. Мұнда жоспарлы науқастар қабылданады. Сыртқы есік алдына мрамор төселіп, мүмкіндігі шектеулі жандарға арнайы пандус салынған. Ал сары аймақ бойынша шұғыл емес медициналық көмек көрсетуді қажет ететін пациенттер дертіне дауа табады. Бұл үшін де арнайы іріктеу залдары ашылған. Онда функционалды кереуеттер қойылып, жан-жағы ширмалармен бөлінген. Кардиомониторлар бар. Емделушілер бір жерде мультдисципнарлы, яғни хирург, терапевт, кардиолог, невролог, реаниматолог және тағы басқа мамандарға қарала алады. Медициналық консоль нүктелерінің жүргізілуі дәрігерлер жұмысына қарқын бермесе, кемітпейтіні анық. Керек кезде науқастанған кәсілерге лабораторлы және инструменталды зерттеулер (ЭКГ, УДЗ, ФГДС) жүргізілмек. Қызыл аймақта арнайы кабинетте қарқынды медициналық көмек көрсетуді қажет ететін пациенттер қабылданады. Олар үшін дефибриллятор, кардиомониторлар және тағы басқа қажетті медициналық құрал-жабдықтармен қамтамасыз етілген. Қабылдау бөлімшесіндегі тағы бір жаңалық – ота жасау бөлмесі мен ауруы белгісіз науқастарды динамикалық бақылауға уақытша жатқызатын диагностикалық палаталар ашылды.

Жедел жәрдем станциясы мен аурухана арасында орнатылған «КӨМЕК» бағдарламасы ақхалаттылар үшін тиімді жоба болыпты. Көпшілікке көрсетіліп тұратын мониторда ауруханаға келе жатқан жедел жәрдемнің нөмірі жазылған. Науқасты алып шыққаннан бастап жағдайы нақтылана бастайды. Келгеннен кейін қабылдап алу батырмасын басып, емдеу аймағына қарай жөнелтіле береді. Тиянақтылық, оперативтілік деген осы.

Медициналық қызметтің сапасын арттыруға бағытталған бастамалардың бірі – қабылдау бөліміне келген ауыр жағдайдағы науқастарға қажетті мамандар арнайы қондырылған «SOS» жүйесі арқылы тез әрі жылдам шақыртылады. Мұндай шақырту беріліп, дабыл қағылған сәтте дәрігерлер бөлімшеге жылдам жетуге тырысады.

Қабылдау бөлімінің шұғыл науқастарды қабылдау жағының кіреберісінен күту залы мен тіркеу бөлімі ашылған. Жүйе бойынша пациенттерді іріктеу үшін арнайы триаж медбикесі бөлініп, медициналық көмек көрсетеді. Сондай-ақ, күту залында науқастың таныс, туыстары отыратын орындықтар қойылып, теледидармен жабдықталған. «Ана мен бала» бөлмесі де күту залында отырған кішкентайларға жасалған жағымды жағдай.

Баспасөз туры барысында урология бөлімінде жасалып жатқан отаға да кеңінен тоқталды. Астана қаласындағы ғылыми орталықтан келген маман Бақтияр Ғалымұлы 4 ота жасауға дайындалып келіпті. Бұған дейін Израйль еліне барып, біліктілігін арттырған ол Қызылорда облысындағы әріптестеріне көрген-түйгенін айтқан.

- Сыр өңіріне келгендегі негізгі мақсатым – аймақтағы урология қызметін дамытуға үлес қосу. Біз бүгін аймақтағы әріптестермен бірлесіп бүйректің ісігі, бүйректің тас ауруы, әйелдердің зәр ұстай алмау ауруына қарсы күрделі ота жасадық. Жаңа технологияны, заманауи медициналық құрал-жбдықтарды пайдалана отырып өз тәжірибеммен бөлістім, - деді урология саласының білікті маманы Б.Ғалымұлы.

Мемлекет жаңа стандарттар ұсынып, қызмет көрсету сапасын жақсартуды көздеп отыр. Бұл өз кезегінде облыстағы медицина саласын жүйелендіріп, бірізділікке түсіруде. Ал дертіне дауа іздегендер үшін сапа – басты орында.

Ж.Қойшыбекова

 


Ел бағына біткен Елбасы PDF Print Email
Жаңалықтар - Халық-хабар
03.12.2018 12:38

Қаладағы А.Тоқмағамбетов атындағы мәдениет үйінде 1 желтоқсан Тұңғыш Президент күніне орай мерекелік шара өтті. «Елімнің бағы – Елбасы» атты шараға қала әкімінің орынбасары Шахмардан Байманов арнайы қатысып, қызылордалықтарды мерекемен құттықтады.

– Құрметті жерлестер, ардақты бүгінгі іс-шараға жиналған қауым! Сіздерді 1 желтоқсан ҚР Тұңғыш Президенті күнімен шын жүректен құттықтаймын! Бұл күн – тәуелсіздікті енді ғана алып, дербес мемлекет атанған күн. Өйткені 1 желтоқсан күні Тұңғыш Президент сайлауында Н.Әбішұлы барша қазақстандықтардың зор сеніміне ие болды. 1991 жылғы 12 желтоқсанда егеменді ел ретінде алғаш рет өткізілген жалпыхалықтық сайлауда Қазақстанның тұңғыш Президенті болып Н.Назарбаевтың сайлануы ел өміріндегі елеулі оқиға ретінде есте қалды. Бұл өтпелі кезеңде басшыға өз тағдырын тапсырған Қазақстан халқының жауапты таңдауы еді. Шын мәнінде, Елбасы Н.Назарбаевтың дана саясатының арқасында тәуелсіз қазақ елі қалыптасып, тарихымыз түгенделіп, діліміз және дініміз қайта құралып, мемлекетіміздің ұлттық рәміздері қабылданды. Қазақстанның шынайы егемендігін қамтамасыз еткен маңызды мемлекеттік актілерге қол қойылды. Нәтижесінде еліміз аз уақыт ішінде әлем мойындаған мемлекеттердің қатарына қосылды. Ғасырлар бойы бабалар армандаған тәуелсіздіктің байрағы көтерілді. 150-ден астам елмен дипломатиялық қарым-қатынас орнап, өзінің дара жолын таңдады. Қазір міне, еліміз бүкіл әлемнің назарын аударған айтулы мемлекетке айналды. Осындай тілегі бір, шаңырағы биік біртұтас елде Тұңғыш Президент күні мерекесінің тойлануы елдігі ерен, бірлігі бекем, ынтымағы мен ырысы жоғары халықтың ғана еншісіне тиесілі үлкен сый, - деді Шахмардан Асқарұлы.

Расында да, қазақ халқы сан мың жылдар іздеген мұратына да, арманына да Н.Назарбаевтың тұсында жетті. Тәуелсіз еліміздің ғасырға бергісіз әр жылында, әр күнінде еліміздің болашағы үшін аса маңызды шешімдер қабылданып, айтулы тарихи оқиғалар жүзеге асты. Қазақстан әлемнің адуынды мемлекеттер қатарынан өз орнын ойып тапты. Ерке Есілдің жағасында ертегілер еліне бергісіз әсем қала астанамыз өмірге келді. Астана – Елбасының төл жобасы, төл туындысы. Еліміздің жүрегі. Тұңғыш Президент күніне арналған салтанатты шарада Елбасының бастамасымен Есілдің бойына қонған еңселі Ордамыз жайлы жыр шумақтары да оқылды. «Қауырсын қалам» жас ақындар үйірмесінің қатысушылары өздерінің балаң тілектерін қоса айтты. Ал екі дүркін «Алтын домбыра» иегері, жерлесіміз Мұхтар Ниязов еліміз тыныш, Елбасымыз аман болсын дей келе, «қазақтың қазаны оттан, азаматы аттан түспей, бейбіт елдің берекелі күндері көп болсын» деген жүрекжарды лебізін білдірді.

Мұнан бөлек айтулы күнде халқын замана көпірінен аман өткізіп келе жатқан қамқоршы, әлем мойындаған бүгінгі заманның көшбасшысы, табанды күрескер Н.Назарбаев жайлы бейнебаян көрсетілді. Онда қорыққанға қорған, тарыққанға пана бола білген өз елінің шын перзенті Н.Әбішұлының ерен еңбегі суреттеліп, ғасырлар бойы аңсаған азаттықтың баянды болуы мақсатында аянбай келе жатқан саясаты сөз етілді. Бүгінде әлем қазақ елін ұстанымы берік, ғаламдық деңгейдегі жауапты істерге белсенді араласатын әрі салиқалы бастамалардың басында тұратын тұрақты мемлекет деп таныса, мұның бәрі – Елбасының арқасы.

Мерекелік шара одан әрі «Нұргүл» халықтық би ансамблінің әсем биімен өрбіп, Сыр елінің жас әншілерінің орындауындағы әндерімен жалғасты. Сондай-ақ, «Сырлы саз» халықтық фольклорлық ансамблінің орындауындағы шығармалар қойылды.

Ж.ЖҮНІСОВА

 


Күнтізбе

< Желтоқсан 2018 >
          1 2
4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары