Өзекті мәселелер

  • 21.03.19

    «Бір қозы туса, бір түп жусан артық шығады». Осы тәмсілге сүйеніп, бала басын көбейткенді жөн санайтын қазақ елінде көпбалалы отбасылар саны 400 мыңға жақындайды. Оларға мемлекет тарапынан арнайы жәрдемақылар тағайындалып, жеңілдіктер қарастырылған. Алайда нарықтың қос бүйірден қысып тұрған шағында мардымсыз қаражат бастан башпайға дейін жетпейтіні үнемі айтылып келеді. Соның салдары еліміздің ...

    Толығырақ...
  • 21.03.19

    Үкіметтен басталған ауыс-түйіс жергілікті билікке де жеткен секілді. Ескерте кететін жайт, Қызылорда қалалық әкімдігінде «ат ауыстыру» жиі-жиі болып тұрады. Тіпті, «бір жарым ай ғана басшылық қызметте отырып, өзге салаға кете салу да оп-оңай ма?» деп қалдық. Енді заңды сауал туындап отыр. Жергілікті билікте кадр тапшылығы бар ма? Егер бұлай болмаса, қала әкімі Нұрлыбек Нәлібаев бөлі...

    Толығырақ...
  • 21.03.19

    Арық адамнан гөрі артық салмағы бар адамның мұңы басым. Ал ол әйел болса, тіпті, белгілі жайт. Қыс көрпесін түргеннен қыз біткен қысыла бастайды. Қызылды-жасылды киімге сай сымбатты қалайды. Әйел затының әу бастағы сұлулыққа құштарлығы дәл осы сәтте сынға түседі. Арығудың жолында диета ұстайды, фитнес клубқа барады. Алайда  салмақтан арылу үшін  денсаулықты бәйгеге тігу дұрыс па? «Тұмар...

    Толығырақ...
  • 21.03.19

    «Болар бала он бесінде баспын» десе, басқасының отызында не дейтінін баршамыз білетін шығармыз. Даналардың «ақыл жастан шығады» деуі тегіннен-тегін емес. Дарынды балалардың көптігінен еліміздің болашағын көруге болатындай. Кешегі Мағжандар жастарға сенім артқанда сенімге селкеу түсірмейтіндердің барын білді емес пе? Үдеден шыға алмай, беті қызарақтағандарды Терек төрелер қамшымен ұрып, ...

    Толығырақ...
  • 21.03.19

    Кемпір-шал осылай күйбеңдеп жатқанда Иванов бастаған жырындықор атаймандар жұп жазбастан кер даланың шаңын бұрқыратып барып, қалың жыңғыл жынысына кіріп жоқ болды. Бұл алап оңаша. Иванов тұрақтандырған бәрінің бөксе басар ұясы. Бастары аң-құс тегіс семіретін күзге қарай бір-бірімен хабарласып, осы бекетте тоғысып тұрады. Бұрынғының адамдары аң-құсты қақпанмен, тұзақпен аулайтын. Беріде орыстар ...

    Толығырақ...
Сейсенбі, 04 Желтоқсан 2018

«Мобильді кітапхана» жобасы жүзеге асырылуда PDF Print Email
Жаңалықтар - Халық-хабар
04.12.2018 17:10

Ағымдағы жылдың ақпанынан бастап Қызылорда облысының жастар саясаты мәселелері басқармасымен қаладағы кітап оқушы жастардың санын арттыру мақсатында «Мобильді кітапхана» жобасы жүзеге асырылуда. Жоба барысында қаладағы адам көп жүретін аялдамалар, теміржол және автовокзалда электронды кітаптардың QR-кодтары жазылған кітапхана макеттері орналастырылып, отандық және әлемдік классиктердің, заманауи жазушылардың туындыларын баршаға қолжетімді ету жоспарланған.

Жоба аясында «Bilim Media Group» компаниясымен байланыс орнатылып, 315 электронды кітаптың QR-кодтары алынды. Маусым айында қаладағы 15 аялдамадағы мобилді кітапханалардың макеттері жаңартылып, электронды кітаптар орналастырылды.

Электронды кітаптарды оқу үшін смартфондардағы QR-код оқитын бағдарлама арқылы макеттегі кез келген кітаптың кодын сканерлеу қажет. Код бағдарламамен қабылданғаннан кейін автоматты түрде кітаптың электронды нұсқасына өтеді. Кітапты жазып алып немесе онлайн оқуға болады. Жоба бойынша кітаптар тоқсан сайын жаңаланып отыр.

 


ҚЫЗЫЛОРДАДА "BAIKONYR INVEST» Х ИНВЕСТИЦИЯЛЫҚ ФОРУМЫ ӨТТІ PDF Print Email
Жаңалықтар - Халық-хабар
04.12.2018 16:43

Форум тақырыбы - "Жасыл" экономика - өңір дамуының жаңа бағыты".

Форум жұмысына 14 елдің өкілдері - халықаралық және отандық бизнес-құрылымдардың, қаржы институттарының, корпорациялар мен ғылыми-зерттеу институттарының басшылары, сондай-ақ Қытай, Оңтүстік Корея, АҚШ, Канада, Ұлыбритания, Швейцария және басқа да елдердің делегациялары қатысты.

Қызылорда облысының әкімі Қ.Көшербаев форумға қатысушыларды құттықтап, 5 жыл ішінде «Байқоңыр Инвест» форумы табысты әріптестік орнату алаңына айналғанын атап өтті.

"Мемлекет басшысының Жолдауынан туындайтын баламалы энергетиканы дамыту жөніндегі міндеттерді орындау мақсатында біз бүгінгі" жасыл " экономикаға - өңір дамуының жаңа бағыты ретінде арнадық. Біздің облысымыз күннің белсенділігі жоғары аймақ екенін атап өткім келеді. Облыста күн сәулесінің орташа жылдық ұзақтығы 3 мың сағаттан артық. Бұл күн электр станцияларын салу мен дамыту үшін үлкен мүмкіндік. Сондықтан "Жасыл" экономика тақырыбын біз кездейсоқ таңдап алған жоқпыз ", - деді облыс әкімі.

Аймақ басшысының айтуынша, келесі жылы өңірде жалпы қуаты 170 МВт болатын 4 күн электр станциясының құрылысы басталады. Айта кетейік, қуаты 60 және 10 МВт болатын Қызылорда қаласының сол жағалауында және Жаңақорған ауданында "HydroEnergy" АҚ (Болгария), Жалағаш ауданында қуаты 30 МВт – "Total Eren" (Франция) компаниясы, Шиелі ауданында қуаты 70 МВт – "Samruk Kazyna – United Green" компаниясы және "Авелар Солар Технолоджи" ЖШҚ (Ресей) күн электр станциясын салатын болады.

Форумның пленарлық отырысында дипломатиялық миссия өкілдері, мемлекеттік органдар мен қаржы институттарының басшылары сөз сөйледі. ҚР Инвестициялар және даму министрлігі Инвестиция комитетінің төрағасы Ерлан Қайыров Қызылорда облысындағы негізгі капиталға салынған инвестиция өсімінің оң трендтерін атап өтті. Сондай-ақ, аймақтың өңдеу өнеркәсібінде 1,9 есеге өскенін айтты. Нәтижесінде, өңір саланың негізгі капиталына инвестициялардың өсу қарқыны бойынша көшбасшылардың үштігіне енді.

Өз кезегінде, Қазақстан Республикасындағы Франция  Республикасының Төтенше және Өкілетті Елшісі Филип Мартинэ  Қазақстанда, атап айтқанда Қызылорда облысында жаңартылатын энергия көздерін дамыту бойынша өз тәжірибесімен бөліскеніне қуанышты екенін айтты.

"Total Еren" француз компаниясы қазақстандық серіктестермен бірлесіп Жалағашта күн электр станциясын дамытуға міндеттеме алды. Жұмыстар алдағы аптада басталып, келесі жылдың қазан айына дейін жалғасады", - деді Филипп Мартинэ.

Форум аясында  "жасыл" экономиканың жеті негізгі бағытын қамтитын 4 секцияның жұмысы өтті  -  "Жаңартылатын энергия көздері» бойынша жобаларды енгізу мәселелері, тұрғынүй коммуналдық шаруашылығындағы энергия тиімділігі, қалдықтарды басқару жүйесін жетілдіру», "Цифрландыру. Smart city», ауылшаруашылық өнеркәсіп кешеніндегі "Жасыл технологиялар", су және жер ресурстарын басқару жүйесін жетілдіру», "Жасыл экономиканы дамытуда мемлекеттік-жекеменшік әріптестік  тетіктерін қолданудың жаңа мүмкіндіктері".

Секция жұмысына "Siemens" (Корея), Huawei Technologies (ҚХР), 4Kz Inc (АҚШ), "Авелар Солар Технолоджи" (РФ), "Қазақстандық мемлекеттік-жекеменшік әріптестік орталығы" АҚ, "Халықаралық Аралды құтқару қоры"компанияларының өкілдері қатысты.

Форум секцияларының бірі қалдықтарды басқару жүйесін жетілдіру мәселелеріне арналған. Облыста 145 полигон жұмыс істейді. "Ибрайхан" жергілікті компаниясы қатты тұрмыстық қалдықтардан черепицаны және тротуарлық тақталарды, ал "Smart Rubber" серіктестігі - тозған көліктердің дөңгелектерінен жол жабындарына арналған резеңке үгінді мен тамшылатып суару үшін жер асты құбырларын дайындайды. Бұдан басқа, мемлекеттік-жекеменшік әріптестік  аясында қуаты жылына 60 мың тоннаны құрайтын "Қызылорда қаласында қоқыс сұрыптау кешенінің құрылысы" жобасы іске асырылуда.

Сондай-ақ, өңірде 2020 жылға дейін энергия көздерін үнемдеудің кешенді жоспары жүзеге асырылуда. Нәтижесінде, облыс көшелерінің 30% диодтық жарық шамдармен жабдықталған, бұл электр энергиясын 12% - ға дейін үнемдеуге мүмкіндік береді. Келесі жылы облыс бойынша мемлекеттік-жекеменшік әріптестік  негізінде 6600 шам диодтық жарық шамдарға ауыстырылып, сол арқылы электр энергиясын 50% - ға дейін үнемдеу жоспарлануда.

Форум аясында жаңартылатын энергия көздері, инвестициялық жобаларды дамыту және "жасыл технологияларды" енгізу саласындағы ынтымақтастық туралы 12 меморандумға және керамика зауытын салу туралы  келісімге қол қойылды.

Форум модераторы-BBC World News өкілдігінің басшысы Сергей Становкин. Ақпараттық серіктес - "Sputnik Kazakhstan" Ақпараттық агенттігі.

Айта кетейік, 3 желтоқсанда форумға қатысушылар дәстүр бойынша Қорқыт Ата мемориалдық кешеніне, ғарышкерлер мұражайына және "Байқоңыр" ғарыш айлағына барып, басқарылатын «Союз» ғарыш кемесінің ұшырылымын тамашалады.

"Baikonur Invest" инвестициялық форумы Қызылорда облысында 2013 жылдан бері өткізіліп келеді. Алдыңғы 9 форумның нәтижесі бойынша 100-ге жуық меморандумға қол қойылып,  шыны, цемент, ферроқорытпа зауыттары сияқты ірі инвестициялық жобаларға 110 млрд.теңгеден астам инвестиция тартылды.

Облыс әкімінің баспасөз қызметі

 


Күнтізбе

< Желтоқсан 2018 >
          1 2
3 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары