Өзекті мәселелер

  • 13.06.19

    Ежелден халық педагогикасы ұрпақ тәрбиесінің қайнар көзі болып келді және бұл бағытта жас ұрпақтың болашағына берік байлам жасалды. Әсіресе, дарабоз қарттарымыздың даналық ойы, салиқалы сөз саптау үлгісі, өмір белес­терінен  көрген-білгенін, ғибратты әңгімелерін  тәрбие құралына айнал­дырып, одан жақсылыққа ұмтылу, ынтымақ­қа ықылас қою, бауырмалдық қасиетк­е бет бұру секілді тағылымның түрлі ө...

    Толығырақ...
  • 13.06.19

    Бүгінде басы ауырып, балтыры сыздамайтын пенде жоқ. Сырқаттанған адамның алдымен жедел жәрдемнің көмегіне жүгінетіні белгілі. Дәрігердің ауырған жерін тәптіштеп сұраса, көпшіліктің дертінен айыққандай күй кешетіні тағы бар. Алайда «103» қызметкерлерінің әр күні сын сағатқа толы. Көбісі ем-дом жасауға дайын арашашы жандардың сан түрлі жағдай мен оқиғаны бастан кешетінінен бейхабар. Бұған...

    Толығырақ...
  • 13.06.19

    Тоқсаныншы  жылдардығы тоқырау көптің есінде ғой. Жоспарлы экономикадан нарықт­ық экононмикаға бет бұрып, жаңа белесті бағын­дыруға бой түзедік. Бұқара бұған бірден үйрене қойған жоқ. Әркім «балапан басына, тұрымтай тұсына» кетті. Ал отба­сы ошақ қасында болған әйелдер ала  дорбасын асынып, көшеге шықты. Сауда-сат­тықпен айналысты. Ал еркек­ кіндіктің кейбірі көше кезіп кетсе, енді бірі арақ-ша...

    Толығырақ...
  • 13.06.19

    «Бірінші байлық – денсаулық». «Қазалы арнаулы әлеуметтік қызметтер орталығы» мемлекеттік мекемесінің есігінен аттаған бойда осы аталы сөз ойға оралды. Жоқ, басқаша ойлап­ қалмаңыз. Ауладағы самал желмен­ тербелген әсем гүлдер, жайқалған саялы талдар, жеміс ағаштары, сүйкімді иісі танауды қытықтаған балғын жоңышқа, жүйектерді қуалап, сылдырай аққан тіршілік нәрі, баршасы мұнда шаруасына мығым ие...

    Толығырақ...
  • 13.06.19

    Әдетте, футболда көбінесе шабуылшылар­ға аса мән береді. Алайда­ команданың жеңуіне қақпашылардың үлесі зор екенін бірі білсе, бірі білмес. Үздік қақпашы найзағайдай жылдам реакц­иясымен, болаттай төзімді жүйкесімен және де дұрыс позиция таңдай білетін ақылымен командасына сеп­ті­гін тигізеді. Әсіресе, ойын тағдыры шешіле­тін «пенальти» секілді шиеленісті ойын кезін­де­ қақпасын голдан қор­ғап,...

    Толығырақ...
Жұма, 07 Желтоқсан 2018

Жол жағдайымен танысты PDF Print Email
Жаңалықтар - Халық-хабар
07.12.2018 17:45

«Жол азабын жүрген білер». Аталмыш қағида өзінің өміршеңдігімен құнды. Қандай қоғамда болмасын жол жағдайы маңызды сипатқа еге екені әмбеге аян. Аудан әкімі Мұрат Ергешбаевтың аудандық маңызы бар автомобиль жолдарындағы жүргізіліп жатқан құрылыс жұмыстарымен танысып, тындырылған тірліктерді өз көзімен көруі осыны аңғартқандай.

«Басықара-Абай-Өркендеу» бағытындағы автомобиль жолында жол жабыны толықтай өсімдіктерден тазаланып тегістеліп, нысан басына малта тасты қоспа тасымалданған. Сонымен қатар, 12 шақырым жолға құм төсеп тығыздалса, бес шақырым жолға да қажетті тас қоспасы төселген екен. «Строй модуль Астана» ЖШС мердігер болып есептеледі. Оған қоса «Өркендеу елді мекеніне кіреберіс» автомобиль жолына қара щебень мен асфальт қабатын төсеу жұмыстары аяқталды. Жол жабынын бекіту, жол белгілері мен дыбыстық бағаналар орнату жұмыстары жүруде.

Сырдария өзенінде сең жүруіне байланысты Абай-Қарлан учаскелеріндегі қалқымалы көпірлер уақытша алынып тасталған-ды. Нақты ахуалмен танысқан Мұрат Нәлқожаұлы жауапты мамандарға тиісті тапсырмалар берді. «Қожабақы-Жалпақ» аралығындағы аудандық маңыздағы автомобиль жолы құрылысының жай-күйін білген аудан әкімі темір-бетон көпір құрылысын қайта жаңғырту жұмыстарын шолып шығып, тиісті мамандарға құрылыстың жүргізілуін қатаң бақылауды тапсырды.

Жұмабек  Табынбаев,

Қазалы  ауданы

 


Қамданған қапы қалмайды PDF Print Email
Жаңалықтар - Халық-хабар
07.12.2018 17:38

«Сақтансаң, сақтармынды» білмейтіндер жоқ шығар. Қазалыда аудан әкімі М.Ергешбаевтың төрағалығымен өткен аудандық төтенше жағдайлардың алдын алу және оларды жою жөніндегі комиссия отырысы осы даналық сөзді еске түсірді. Қыс-көктем мезгілдерінде аудан аумағында болуы ықтимал су тасқынының алдын алуға дайындық шаралары сөз болған комиссия отырысында аудан әкімі соңғы жылдары көктемгі су тасқыны салдарынан Сырдария бойындағы қорғаныс бөгеттері бұзылып, елді мекендер мен әлеуметтік-мәдени нысандарға қауіп төндіргенін атап өтті.

Мұнан соң жұмылдыру дайындығы және аумақтық қорғаныс бөлімінің басшысы Ғ.Сматуллаев өзінің хабарламасында биылғы жылы облыс әкімінің қолдауымен облыстық бюджеттен 23 нысанға қалпына келтіру жұмыстары жүргізілгеніне тоқталды. Сондай-ақ, аудан аумағында 4 нысанды жедел түрде (Масақбай қорғаныс бөгеті, Ақсуат су тарату бекетінің жанындағы бөгеті, Байқожа су тарату бекетінің қорғаныс бөгеті, Абай елді мекенінің қорғаныс бөгеті) қалпына келтіру қажеттігі жөнінде ұсыныстар айтылды. Су шаруашылығының ардагері Қ.Көланов пен Майлыбас ауылдық округі әкімі Қ.Жұбатқан төтенше жағдайлардың алдын алу жөнінде өз ойларын ортаға салды.

Комиссия отырысын қорытындылаған аудан әкімі Мұрат Ергешбаев авариялық материалдар қорын жасақтау, көшірілетін тұрғындар мен мал басының санын нақтылауды және алдағы уақытта аудан аумағындағы меншік нысанына қарамастан мекемелерді қатыстыра отырып оқу-жаттығу өткізуге тапсырма берді.

Жұмабек  Табынбаев,

Қазалы  ауданы

 


Облыс әкімі Қырымбек Көшербаевтың өңірдегі уақыт белдеуін бір сағат кейінге өзгерту туралы мәлімдемесі PDF Print Email
Жаңалықтар - Халық-хабар
07.12.2018 17:35

Облыс әкімі Қ.Е.Көшербаевтың өңірдегі уақыт белдеуін бір сағат кейінге өзгерту туралы мәлімдемесі

Құрметті жерлестер!

Облысты 5-ші уақыт белдеуінен 4-ші уақыт белдеуіне көшіру, яғни аймақтағы уақытты есептеудің қолданыстағы тәртібін бір сағат кейінге өзгерту аймақтың табиғи-географиялық және әлеуметтік-экономикалық жағдайына неғұрлым оңтайлы шешім болып табылатыны жайлы облыс әкімдігінің ұсынысы Мемлекет басшысы тарапынан қолдау тауып, Қазақстан Республикасы Үкіметінің Қаулысы қабылданды.

Уақытты есептеу тәртібін өзгертудің орындылығы туралы мәселе бейінді институттар мен мүдделі мемлекеттік органдардың ұстанымдары ескеріле отырып зерделенді, олар Қызылорда облысының аумағындағы уақыт белдеуін

5-шіден 4-ші уақыт белдеуіне өзгерту қажеттілігін қолдады.

Қазақстан Республикасындағыастрономия және астрофизика саласындағы іргелі зерттеулер жөніндегі жетекші ғылыми мекеме – «В.Г.Фесенков атындағы Астрофизика институтының» қорытындысына сәйкес Қызылорда облысының аумағы 59° және 68° бойлық аралығында орналасқан, бұл 4-ші уақыт белдеуіне жатады және Астана уақытынан бір сағаттан аса айырмашылығы бар.

Бұдан басқа, Білім және ғылым министрлігінің Адам және жануарлар физиологиясы институтының ақпараты бойынша уақыт белдеуін өзгерту Қызылорда облысы тұрғындарының әсіресе балалардың денсаулығына әсер ететін физиологиялық ауытқуды жоюға мүмкіндік береді.

Сонымен бірге, Қазақстан Республикасының Ұлттық экономика, Денсаулық сақтау, Энергетика, Ішкі істер, Инвестициялар және даму министрліктері Қызылорда облысындағы уақыт белдеуін өзгерту ұсынысын толық  қолдады, бұл мәселенің экономикалық шығындарға әкелмейтіндігі белгілі болып отыр.

Ал, энергетика саласы бойынша экономикалық бағамды зерттеу барысында электр энергиясын тұтыну 4,2 пайызға үнемделетіні анықталды.

Жалпы, Қызылорда облысының аумағында уақыт белдеуін бұрынғы қалпына келтіру ешқандай қаржылай шығынды талап етпейтіні және әлеуметтік-экономикалық нәтижелердің оң бағыттаілгерілеуін, азаматтардың денсаулығына әсер ететін физиологиялық тепе-теңдікті жақсартуды көздейтіні толық дәлелденді.

Сөйтіп, мәселенің өзектілігін ескере отырып, облыс аумағында уақытты есептеудің қолданыстағы тәртібін ағымдағы жылдың 21 желтоқсанынан бастап бір сағат кейінге өзгерту туралы ұсыныс қолдау тапты.

 

Ардақты ағайын!

Әрбір тұрғын мемлекеттік органдардың жүргізіп жатқан жұмыстарының мәнін және олардың ел үшін жасалып жатқан маңызын жете түсінуге тиіс, жұмыстарды нәтижелі жүзеге асыру үшін қоғамымыздың ортақ мақсатқа жұмылуы да маңызды. Ал, осы мәселені, айта кету керек, әлеуметтік желідесаясиландырып, халық арасында билікке деген реніш тудыруға кейбір талпынғандар да болды. Мұны биліктің өзі шешіп жатқан мәселесін пайдаланып, арзан бедел жинау әрекеті деп білемін.

Құрметі жерлестер!

Әрқашан ауызбіршілігіміз мықты болып,бір заманда, бір мүддеде, бір уақытта,бір жағадан бас, бір жеңнен қол шығарып, жұдырықтай жұмылған қалпымызды сақтай білейік! Сіз бен біздің бірлікте атқарған істеріміз лайым нәтижелі бола берсін!

Осы мүмкіндікті пайдалана отыра Сіздерді келе жатқан Тәуелсіздік мерекесімен және Жаңа жылмен шын жүректен құттықтап, әрбір отбасына амандық, бақыт, жаңа табыстар тілеймін!

Назарларыңызға рахмет!

 


Күнтізбе

< Желтоқсан 2018 >
          1 2
3 4 5 6 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары