Өзекті мәселелер

  • 19.09.19

    Әлемдегі өте қауіпті қылмыскерлер қамалатын, қауіпсіздігі ең қатаң сақталатын «Алькатрас» түрмесінен 1963 жылға дейін бірде-бір тұтқын қашып шыға алмаған. Ел абақтыны «Рок» (құз) деп те атайды. Сыртынан қарағанда сұсты көрінетін түрме әу баста қорғаныс шебі ретінде қолданылып, кейінірек әскери түрме салып, содан соң өте қауіпті қылмыскерлерге арналған абақты ретінде пайдаланылған. Толығырақ...

  • 19.09.19

    ЖҮРЕК   ДЕРТІНЕ  ШАЛДЫҚҚАНДАРҒА  КӨМЕК

    Кеудедегі жұдырықтай жүректің қызметіне тең келер не  бар?!  Оны адам ағзасының «моторы» дейміз. Бірақ жүрек дерті жас талғамай тұр. Тым жасарып бара жатыр. «Жүрегі тоқтап қалыпты», «жүрегі ауырады»  деген сөздер бүгін­де  жасамысқа  емес, жастарға да  айтылатын  болды.

    ...
    Толығырақ...
  • 19.09.19

    Әлемнің  дамыған 30 мемлекетінің қатарына кіру идеясы жарқын  болашаққа бас­тайтын жол болуы тиіс. Жаһандану үдерісі дәуірінде еліміз өз тәуел­сіздігін орнықтырып, шекараларын айқындап, ядролық қарудан бас тартып, этносаралық және конфессияаралық келісімді сақтай отырып, әлемдік ау­қымдағы тұрақтылық, достық, толеранттылық идея­ларын негіздеуде. Және бұл мәселелер Елбасының жыл сайынғы дәстүрлі...

    Толығырақ...
  • 19.09.19

    «Мәңгілік ел» идеясының негізі – бұл біздің Қазақстан халқы ұрпақтарының алдындағы жауапкершілік, әлемдегі бәсекеге қабілетті 30 мемлекеттің қатарына ену мәртебесі белгіленген және бұйырған лайықты және ұлы Қазақстанды дамытудағы біздің стратегиямыз. «Мәңгілік ел» идеясының бастауы тым тереңде жатыр. Бұл біздің жалпыұлттық идеямыз мемлекеттігіміздің тамыры сияқты көне тарих...

    Толығырақ...
  • 19.09.19

    Айжарық  СӘДІБЕКҰЛЫ

    ОЙ   ТОЛҒАДЫМ  БІР   КЕЗЕК

    Сөз жоқ, социализмді гүлдендіріп, коммунизм ор­нат­пақшы болған қоғамды қайтадан құру машақаты бастал­ғалы сонау отызыншы жылдардан «коммунизмнің сталиндік алып құрылыс­тары» ұранымен жүргізілген шабуылдан табиғаттың тепе-теңдік заңдылығын бұзып...

    Толығырақ...
Сейсенбі, 22 Қаңтар 2019

Ел есіндегі ерлік PDF Print Email
Жаңалықтар - Халық-хабар
23.01.2019 09:45

Тарих парағына «Арықбалық шайқасы» деген атпен енген зардабы мал бағып, шаруа жайын күйттеген жалпақ жұртқа аса ауыр тиген Ресей патшасы билеушілерінің шектен шыққан озбырлығына, құлдық санаға қарсы Жанқожа Нұрмұхамедұлы батыр бабамыз бастаған Сыр өңірі жұртшылығы бас көтерген оқиғаға 162 жыл толды.

«1857 жылы қаңтар айының 9-10-ы күндері Арықбалықта болған ұрыста батырдың қолының саны үш мыңнан астам еді. Шайқас кезінде ақ туды Жанқожа батырдың өзі көтеріп тұрды. Көтерілісшілерге әртүрлі оқ-қарудан 3221 (! ) оқ атылды. Бұл оқтардың барлығы далаға емес, қазақтарға атылған. Бейкүнә пақырлардың біразы ұрыс алаңы – Арықбалықта жан тапсырды. Көтерілісшілердің ізіне түскен А.И.Бутаковтың жазалаушы отряды 9-11қаңтар аралығында 212 ағаш үйдің шаңырақтарын талқандап, керегелерін қиратып жылынды, солдаттарға тамақ пісіру үшін отқа жақты». (Молдахмет Қаназ).

Сол шайқаста жазықсыз төгілген бауырларымыздың асыл қанын, қыршын кеткен боздақтардың есімін, елім деп жауға шапқан Жанқожа бабамыз бастаған батырлардың ерлігін туған елі мәңгі ұмытпақ емес. Өскен мекені, киелі даласы, қасиетті Арықбалықтың қадір-құнын ұрпақ зердесіне сіңіру – ортақ парыз.

Жуырда батыр есімін иеленген ауылда өткен дəстүрлі аймақтық Әскери-қолданбалы спорт (әскери эстафета және 10 метрден тіреусіз пневматикалық мылтық ату) сайысы ерлер есімі ел есінде екенін дәлелдегендей. Қашанда жағымды жаңалықтың жаршысындай көрінетін танымал спортшы, білікті педагог Алик Тілеумбетов басшылық жасайтын №94 орта мектеп ұжымы бұл жолы да ширақтық танытты. Қазалы аудандық білім бөлімі мен «Отан» қоғамдық бірлестігі демеушілік жасаған осынау байрақты бәсекеге 8 команда қатысты. Жарыс болған соң жеңімпаздардың анықталуы қалыптасқан жайт. «Алуан-алуан жүйрік бар, әліне қарай шабады». Сайыс қорытындысымен Жанқожа батыр ауылы жастары командасы эстафеталық жарыста топ жарып, басжүлдені иеленді. Ал жарысты ұйымдастырушы №94 орта мектеп командасы (жарысқа дайындаған алғашқы әскери даярлық пәні мұғалімі Алмат Аралбаев) да өзгелерден дара шығып, сайыстың пневматикалық мылтық ату түрінен жеңімпаз атанды. Қалған жүлделі орындарды басқа командалар өзара бөлісті. Жеңімпаздар мен жүлдегерлер дипломдар, бағалы сыйлықтармен марапатталды.

Біз тілдескен №94 мектеп директоры Алик Тілеумбетов келесі жолы өткізілетін әскери-қолданбалы спорт сайысы жыл аяғында басталып, қаңтар айының 9-жұлдызында қорытындылатынын, мұның өзі азаттық жолында жандарын қиған Арықбалық шайқасы батырларына арналған құрмет нышаны боларын тебірене жеткізді. «Ешкім де, ешнәрсе де ұмытылмайды» деп бекер айтпаса керек.

Жұмабек Табынбаев,

Қазалы ауданы

 


ҚЫЗЫЛОРДА ОБЛЫСЫНЫҢ ЦИФРЛЫҚ ТЕХНОЛОГИЯЛАР БАСҚАРМАСЫНЫҢ БАСШЫСЫ ТАҒАЙЫНДАЛДЫ PDF Print Email
Жаңалықтар - Халық-хабар
22.01.2019 14:36

Облыс әкімінің өкімімен Ақжігітова Индира Сансызбайқызы Қызылорда облысының цифрлық технологиялар басқармасының басшысы лауазымына тағайындалды.

И.Ақжігітова 1973 жылы дүниеге келген.

1994 жылы Қорқыт Ата атындағы Қызылорда мемлекеттік университетін «Физика және информатика» және 2009 жылы Қазтұтынуодағының Қарағанды экономикалық университетін «Есеп және аудит» мамандықтары бойынша бітірген.

Еңбек жолын 1996 жылы Қызылорда политехникалық институтының физика және электротехника кафедрасының ассистенті ретінде бастаған. 2001-2005 жылдары «Облыстық білім берудің жаңа технологиялар мен информатизациялау орталығы» МҚК - ның директоры, 2005-2007 жылдары Қызылорда облысының экономика және бюджеттік жоспарлау департаментінің мемлекеттік аппарат және құқық қорғау органдары бөлімінің программисті, бас маманы, 2007 – 2017 жылдары облыс әкімі аппаратының электронды әкімдікті дамыту және мемлекеттік қызметтердің мониторингі бөлімінің басшысы қызметтерін атқарған.

2017 жылдан бастап осы кезге дейін Қызылорда облысы әкімі аппараты басшысының орынбасары лауазымында қызмет атқарып келді.

 


«ҚЫЗЫЛОРДА ОБЛЫСЫ ӘКІМДІГІНІҢ ІС БАСҚАРМАСЫ» КММ ДИРЕКТОРЫ ТАҒАЙЫНДАЛДЫ PDF Print Email
Жаңалықтар - Халық-хабар
22.01.2019 14:26

Облыс әкімінің өкімімен «Қызылорда облысы әкімдігінің іс басқармасы» коммуналдық мемлекеттік мекемесінің директоры лауазымына Абсұлтанов Қайрат Байғабылұлы тағайындалды.

Қ. Абсұлтанов 1977 жылы туған. Қазақ мемлекеттік аграрлық университетін «Мал өнімін өндіру технологиясы» және «Болашақ» университетін «Қаржы» мамандықтары бойынша бітірген.

Еңбек жолын 1994 жылы «Бозгүл» жауапкершілігі шектеулі серіктестігінде жұмысшы ретінде бастаған.

2000-2010 жылдары жеке және қаржы секторларында, сондай-ақ мемлекеттік қызмет саласында жауапты басшылық қызметтер атқарған.

2010-2017 жылдары Қызылорда қаласы тұрғын үй-коммуналдық шаруашылық және тұрғын үй инспекциясы бөлімінің сектор меңгерушісі, бөлім басшысы.

2017 жылдың қыркүйек айынан бастап осы кезге дейін Қызылорда облысының жолаушылар көлігі және автомобиль жолдары басқармасы басшысының орынбасары қызметін атқарып келді.

 


ҚР ПРЕЗИДЕНТІНІҢ «БАЙҚОҢЫР» КЕШЕНІНДЕГІ АРНАУЛЫ ӨКІЛІНІҢ ҚЫЗМЕТІН ҚАМТАМАСЫЗ ЕТУ БАСҚАРМАСЫНЫҢ БАСШЫСЫ ТАҒАЙЫНДАЛДЫ PDF Print Email
Жаңалықтар - Халық-хабар
22.01.2019 14:20

Облыс әкімінің өкімімен Қазақстан Республикасы Президентінің «Байқоңыр» кешеніндегі арнаулы өкілінің қызметін қамтамасыз ету басқармасының басшысы лауазымына Абатов Жасұлан Уәлиұлы тағайындалды.

Ж.Абатов 1979 жылы туған. Қазақстан Республикасы Тергеу комитетінің Алматы жоғарғы тергеу мектебін «Заңгер» мамандығы бойынша бітірген.

Еңбек жолын 1999 жылы Қызылорда облысының ішкі істер органдарында тергеуші болып бастаған.

2004-2013 жылдары Кеден органдары мен жеке секторда жауапты басшылық қызметтер атқарған.

2013-2016 жылдары «Қызылорда облысы әкімдігінің іс басқармасы» коммуналдық мемлекеттік мекемесінде топ басшысы, директордың орынбасары.

2016 жылдан бастап осы кезге дейін «Қызылорда облысы әкімдігінің іс басқармасы» коммуналдық мемлекеттік мекемесінің директоры қызметін атқарып келді.

 


Күнтізбе

< Қаңтар 2019 >
  1 2 3 4 5 6
7 8 9 10 11 12 13
14 15 16 17 18 19 20
21 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары