Өзекті мәселелер

  • 15.08.19

    Қала әкімдігінде шаһар басшысы Нұрлыбек Нәлібаевтың төрағалығымен аппарат отырысы өтті. Бұған дейін мәжіліс залында ине шаншар орын болмайтын. Бұл жолы орын бос болды. Шамасы, ақжағалылар тамылжыған тамызда тынығуды жөн санаса керек. Жә, бастысы, ол емес.
    Аппарат мәжілісінде екі мәселе таразыға тартылды.

    ...
    Толығырақ...
  • 15.08.19

    Өткен аптада Жаңақорған ауданы, Жайылма ауылдық округінде қарбыз шырынын шығаратын цех алғашқы өнімін сынақтан өткізді. «Енді Жайылмада қарбыз кластері дамиды» дейді білетіндер. Лайым солай болғай! Естеріңізге салайық, осыдан тура 6 ай бұрын өңірлік коммуникациялар қызметінде өткен брифингте сүйінші жаңалықты Жаңақорған ауданының әкімі  Ғалым Әміреев бірінші болып жеткізген-ді. Сол кезд...

    Толығырақ...
  • 15.08.19

    Жасыратыны жоқ, қоғамда мүмкіндігі шектеулі жандардың көп нәрсеге мүмкіндігі жоқ деген қате пікір әлі де бар. Алайда әр пенденің бұйыратын өз несібесі бар. Біреудің қолынан келмеген іс екінші адамның қолынан тууы мүмкін. Сол секілді айналадағы мүмкіндігі шектеулі азаматтардың еңбекпен жетіп жатқан жұмыстарына қолдау көрсетіп, шынайы баға беруді міндет санағанымыз жөн. Сондай өмірге құштар, ...

    Толығырақ...
  • 15.08.19

    Кәсіпкерлік дамыса, еліміз де өркениетке өрлейді. Жұмыссыздық азаяды. Нарық халыққа қажеттіні қамтиды. Шағын және орта бизнесті дамыту мақсатында қабылданған мемлекеттік бағдарламалар кәсіпкерлерге қолдауды арттырды. Іскерлік мүмкіндігін молайтты. Солардың қатарында сырдариялық тұрғындар да мемлекеттік бағдарламаның игілігін көруде. Мұны облыстық кәсіпкерлік және туризм басқармасы  мен ...

    Толығырақ...
  • 15.08.19

    Сәрсенбінің сәтті күнінде өңірлік коммуникациялар қызметінде облыстық дене шынықтыру және спорт басқармасының басшысы Олжас Әкімовтың қатысуымен брифинг өтті. Бір ерекшелігі, Олжас Азатұлы қашанда өзімен бірге спорттың әр түрінде жеңімпаз атанып, ел намысын қорғап жүрген қызылордалық өрендерді баспасөз мәслихатына  ертіп әкеліп, БАҚ өкілдерімен бетпе-бет жүздестіреді, кері байланыс орна...

    Толығырақ...
Сейсенбі, 05 Ақпан 2019

Сол жағалауға инфрақұрылым енді жүргізіледі PDF Print Email
Жаңалықтар - Халық-хабар
05.02.2019 16:10

Былтыр облыс бюджетіне жоспарланғаннан 1,1 млрд теңге артық түсіпті. Бұл туралы облыс әкімінің орынбасары Қуанышбек Ысқақов БАҚ өкілдерімен өткізілген баспасөз брифингінде айтты.

Облыс бойынша 2018 жылдың қорытындысымен бюджет түсімдері 100,4 пайызға орындалды, оның ішінде бюджеттің өз кірістері 101,9 пайызды құрап (болжам 53,9 млрд теңге, түскені 54,9 млрд теңге), яғни 1,1 млрд теңге облыс бюджетіне артық түсті. Республикалық бюджеттен 177,5 млрд теңге нысаналы трансферттер толығымен алынды, оның ішінде субвенция – 137,2 млрд теңге, ағымдағы нысаналы трансферттер – 14,2 млрд теңге, нысаналы даму трансферттері – 26,1 млрд теңге, несиелер – 11,9 млрд теңге. Жыл қорытындысымен облыс бюджетінің шығындар жоспары 99,6 пайызға орындалды (жоспар 248,7 млрд теңге, орындалғаны 247,7 млрд теңге). Игерілмегені – 951 млн теңге, оның ішінде бюджет қаражаттарының үнемделуі – 813 млн теңге (игерілмеген қаржының 83 пайызы), мердігерлер тарапынан тауарлардың мерзімінде жеткізілмеуінен және міндеттемелерді уақытылы орындамауынан – 138 млн теңге, - деді.

Ал игерілмеген қаржының 83 пайызы үнемделген қаржы екенін ескерсек, оның қайдан және қалай үнемделгенін білу маңызды. Сондықтан бұл сауалды облыс әкімінің орынбасарына қойдық. Қ.Ысқақов «Тендерлерді қойылған бағаның төменін көрсеткендердің ұтып алуына байланысты үнемделді» деді. Ал бұл сома осы жылдың бюджетіне қосылады екен.

Мұнан бөлек брифинг барысында сол жағалаудың инфрақұрылым мәселесі де сөз болды. Бүгінде қаншама құрылыс жүріп жатса да, әлі бұл мәселенің толық шешімін тапқанын естіген жоқ едік. Білгіміз келді. Себебі жаңа салынып біткен тұрғын үйлерге конкурстардың жарияланып жатқаны белгілі. Ал халық сусыз, жылусыз, газсыз қалай өмір сүреді? Бұл мәселеге қатысты облыс әкімінің орынбасары «Үйлердің барлығын құрылыс компаниялары салады, ал инфрақұрылымды біз жүргіземіз. Алдағы уақытта жүргізілетін болады» деп жауап берді.

Брифингте жұмыспен қамту мәселесі де көтерілді. Облыс бойынша 2018 жылдың 3 тоқсанында жұмыс күшінің саны 354,5 мың адам болыпты. Бұл өткен жылдың есепті мерзімімен салыстырғанда көп. Ол кезде бұл көрсеткіш 349,3 мың адамды құраған екен. Ал жұмыссыздық деңгейі әлі бірқалыпты. 2017 жылдың 3 тоқсанында 4,8 пайыз болған болса, 2018 жылдың аталмыш уақытында да 4,8 пайызды көрсеткен. Десе де, жастар арасындағы жұмыссыздық деңгейінің 4,5 пайыздан 4,2 пайызға төмендегені қуантты.

Сондай-ақ бюджет ауыртпашылығын қысқартуға мүмкіндік беретін мемлекеттік-жекешелік әріптестік механизмі шеңберінде құны 34 млрд теңгені құрайтын 84 жоба іске асырылуда екен. Олардың ішінде денсаулық сақтау, тұрғын үй-коммуналдық шаруашылығы, дене шынықтыру және спорт, цифрландыру және тағы басқа салалар бойынша жобалар бар. Ал жекешелендірудің кешенді жоспары шеңберінде облыста жекешелендіруге жататын 15 нысанның тізбесі белгіленіп, оның 8-і 379,4 млн теңгеге жекешелендірілді.

Жансая  Жүнісова

 


Күнтізбе

< Ақпан 2019 >
        1 2 3
4 6 7 8 9 10
11 12 13 14 15 16 17
18 19 20 21 22 23 24
25 26 27 28      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары