Өзекті мәселелер

  • 18.07.19

    Жалпы, қай жерде болмасын статистиканың орны бөлек. Статис­тика – адам сүйсініп не күйініп оқитын бірден-бір ақпарат. Яғни, ол – әрдайым оқылымды материал­. Сондықтан  болар, Ұлттық экономика министрл­ігі Статистика  комитетінің  http: //stat.gov.kz/ сайтын әлсін-әлсін шолып тұратынымыз бар. Бұл жолы біз өз облысымызға қа­тысты біршама сандық деректерге тап болдық. Оны жүйелеп, оқырман ...

    Толығырақ...
  • 18.07.19

    Қызылордада құрылыстың қарқынды дамы­ғаны соңғы бесжылдық десек, асыра айтқандық емес. Алдымен тұрғындарды әлеуметтік нысандармен қамтуды басты бағыт санаған жергілікті басшылар қаладағы көпқабатты тұрғын  үйлердің де көптеп бой көтеруіне мән берді. Оған соңғы 6 жылда облыста 2 млн шаршы метрден астам тұрғын үй пайдалануға берілгені дәлел. 2013 жылы 270 мың шаршы метр тұрғын үй салынса, 2018 жы...

    Толығырақ...
  • 18.07.19

    Бүгінгі күні ауданда балық шаруашылығы саласы қарқынды дамыды деп айтуға толық негіз бар. Өйткені балық шаруашылығы өңір экономикасының дамуына және халықтың әлеуметтік жағдайының жақсаруына, оларды жұмыспен қамтамасыз етуде маңызды рөл атқарып отыр. Себебі Арал теңізі мен Сырдария өзенінің жағасында қоныстанған жергілікті халықтың өмірі мен тұрмысы балық шаруашылығымен тығыз б...

    Толығырақ...
  • 18.07.19

    «Рас, үйленбей тұрып әйел­ді «ашсам – алақанымда, жұм­сам – жұдырығымда ұстаймын» дегеннің бірі мен едім» деп бас­тады автобуста отырған жігіт ағасы. Өзі ащы судан аздап ұрт­тап алғанға ұқсайды. Сәлден соң салбыраған басын қисаң­дата көтеріп, көзін жартылай ашып-жұмып «менде бәрі бар еді, көлігім де, үйім де...» деп тағы налыды. Ал, әйелін айт­қандағы байғұстың жыларман түрі мен шарасыздықтан с...

    Толығырақ...
  • 18.07.19

    Сүйріктей саусақ, сәнді тырнақ – кез келген қыз-келіншектің арманы. Тырнағын әсемдеу әйелге сенімділік сыйлайды. Өз-өзін бағалайтынын байқатады. Бүгінде гельді тырнақ бояуын қолданбайтындар сирек. Екінің бірі осы әдісті жасатады. Оның кәдімгі бояудан артықшылығы көп. Бір айға дейін жылтыр әрі тартымды түсін сақтайды. Бірақ... Сұлулыққа құштарлық денсаулыққа қауіп төндіруі мүмкін. Ма...

    Толығырақ...
Дүйсенбі, 18 Наурыз 2019

НАУРЫЗБӨРІК ТАБЫЛДЫ PDF Print Email
Жаңалықтар - Халық-хабар
18.03.2019 16:55

Сүйінші!

НАУРЫЗБӨРІК. Сипаты: бөріктің бір түрі болғанымен негізі қалпақ пен бөрікті біріктіріп жасағандай әсер бар; бұл – ай мен күннің, Күн мен Түннің бірлескенін, теңескенін білдіреді; қалпақтың аласа етегі жоғары қарай бұрыш жасай қайырылған, түймелер немесе тастармен әшекейленген; бөрік етегі бағалы терімен көмкерілген. Наурызбөрік төбесі күннің қызуын білдіретіндей қызылтүсті болмаса жеті түспен құрақтап тігуге де болады. Аталмыш баскиім Алтынорда дәуірінен қалған орыс ерлерінің баскиімі тізімінде суретімен жүр. Бірақ атауы – наурыз.

 

Серік  Ерғали,

наурызтанушы,

Астана  қаласы

 


Туберкулезге шалдығу азайып келеді PDF Print Email
Жаңалықтар - Халық-хабар
18.03.2019 16:20

Қызылордада туберкулезбен ауыратын адамдар саны азайып келеді. Бұл туралы облыстық туберкулезге қарсы күрес диспансерінің бас дәрігері Әбдіғабит Әбләзімұлы БАҚ өкілдерімен өткізілген баспасөз турында мәлімдеді.

- Облысымызда туберкулезге қарсы бағдарламаның бақылауы жүргізілуі нәтижесінде туберкулезбен аурушаңдық көрсеткіші жыл сайын төмендеуде. 2017 жылы 460 науқас бұл аурумен алғаш рет ауырып тіркелсе, 2018 жылы 422 науқас тіркелген, соған сәйкес аурушаңдық көрсеткіші 100 мың тұрғынға шаққанда 59,2-ден 53,6-ға төмендеді. Балалар арасында 14,2-ден 8-ге, ал жасөспірімдер арасында 83,8-ден 76-ға кеміді. Өлім-жітімділік те азайды, - деді Ә.Әбләзім.

Бұрындары жазылмас ауру көрінгенімен, бүгінгідей медицинаның дамыған заманында «құрт ауруына» қарсы күресіп, жеңуге болатынын көзіміз көріп келеді. Мамандардың айтуынша, туберкулезге шалдыққан жағдайда көбіне өкпеге зиян келеді. Ал лимфалық түйіндер, сүйек пен буын, кеңірдек тарамы, бүйрек, ішек, ми, көз сияқты өзге де ағзалардың зардап шегуі сирек кездесетін жайт. Аурудың жұғу жолдарын тілге тиек еткенде мына маңызды ақпараттарды есте сақтаған жөн. Туберкулез киім, кітап, ыдыс-аяқ, жиһаз және басқа да дүниелер мен заттар арқылы жұқпайды. Инфекцияның негізгі таратушысы – сөйлегенде, түшкіргенде және жөтелген кезде айналасына туберкулез микобактерияларын шығаратын өкпе туберкулезінің ашық түріне шалдыққан науқас адам. Тыныс алғанда тамшылар іспетті (аэрозольдер) ТМБ адам өкпесіне енеді, сондықтан мұндай шалдығу жолы жұртшылыққа ауа жолымен шалдығу деген атпен таныс. Егер сіздің иммунитетіңіз мықты болса, ағзаға түскен микобактериялар дерт тудырмайды, бұл – тек ағзаның жұқтыру кезеңі. Ауа – жалпыға ортақ. Дәл осы себепті де туберкулез микобактерияларын жұқтырып алудан ешкім сақтандырылмаған. Індеттің өршуі немесе жетілуінің негізгі факторларына иммунитеттің нашарлауы жатады. Ал иммунитеттің әлсіреуіне АИТВ, қант диабеті, жаман әдеттер (шылым тарту, ішімдік), нашақорлық, жиі күйзеліске түсу, дұрыс, жүйелі тамақтанбау себеп болады. Десе де «сақтансаң, сақтайды», әр адам өз денсаулығына жауапкершілікпен қарайтын болса, көптеген аурулардың алдын алу мүмкіндігіне ие болар еді.

Облыстық туберкулезге қарсы күрес диспансерінің бас дәрігері Әбдіғабит Әбләзімұлының мәліметіне сүйенсек, былтыр туберкулезге күдікті 3605 науқас молекулярлық-генетикалық әдіспен Джейн-эксперт әдісімен тексеріліп, соның 443-інен туберкулез анықталған. 2019-2020 жылдарда аталмыш дертке күдікті науқастарды молекулярлық-генетикалық әдіспен қамтуды 100 пайызға жеткізу көзделіп отыр екен. Ал Джейн-эксперт аппаратының кортриджі Жаһандық қордан және жергілікті бюджеттен қаржыландырылуда. ҚР Үкіметінің қаулысына сәйкес Сыр өңірінде туберкулезді біріккен (интеграцияланған) бақылау стратегиясы толығымен жүзеге асырылған. Вертикальді интеграция арқылы облыста туберкулезге қарсы қызмет бір заңды тұлғамен басқарылуы қажет, сондықтан аудандардағы стационарлық бөлімдер Арал, Қазалы, Шиелі, Жаңақорған аудандарында жабылып, Қармақшы, Сырдария аудандарының стационарлық бөлімдері облыстық туберкулезге қарсы диспансеріне қосылған.

Туберкулезге шалдыққан адамдар арасында емнен жалтарғандар да бар. Қуанышымызға орай, 2014 жылдан басталған психоәлеуметтік көмектің нәтижесінде емнен жалтарған науқастар саны 39-дан 16-ға азайған. 2017 жылы 1490 науқас, былтыр 1507 науқас әлеуметтік көмек алған. Сырқаттанған әрбір адамға ай сайын берілетін қаржылай көмек 24 050 теңгені құрайды, яғни 10 айлық есептік көрсеткіш көлемінде.

Айта кету керек, Қызылорда қаласында амбулаториялық ем алып жатқан туберкулез бактериясын бөлмейтін немесе дәрігердің тәуліктік бақылауын қажет етпейтін стационарлық ем алуға мүмкіндігі жоқ босануға дейінгі және босанғаннан кейінгі кезеңдегі әйелдер, мектеп жасына дейінгі балалары бар әйелдер, мүмкіндігі шектеулі науқастарға 2 мобильді топ ұйымдастырылған. Аталмыш топ қажетті дәрілерді сырқаттанған кісілердің үйіне жеткізіп берумен айналысады. Сондай-ақ, өз үйінде ем алуға да жағдай жасалған. Өткен жылы үй жағдайында 26 науқас ем қабылдапты.

Ж.ҚОЙШЫБЕКОВА

 


Күнтізбе

< Наурыз 2019 >
        1 2 3
4 5 6 7 8 9 10
11 12 13 14 15 16 17
19 20 21 22 23 24
25 26 27 28 29 30 31

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары