Өзекті мәселелер

  • 18.07.19

    Жалпы, қай жерде болмасын статистиканың орны бөлек. Статис­тика – адам сүйсініп не күйініп оқитын бірден-бір ақпарат. Яғни, ол – әрдайым оқылымды материал­. Сондықтан  болар, Ұлттық экономика министрл­ігі Статистика  комитетінің  http: //stat.gov.kz/ сайтын әлсін-әлсін шолып тұратынымыз бар. Бұл жолы біз өз облысымызға қа­тысты біршама сандық деректерге тап болдық. Оны жүйелеп, оқырман ...

    Толығырақ...
  • 18.07.19

    Қызылордада құрылыстың қарқынды дамы­ғаны соңғы бесжылдық десек, асыра айтқандық емес. Алдымен тұрғындарды әлеуметтік нысандармен қамтуды басты бағыт санаған жергілікті басшылар қаладағы көпқабатты тұрғын  үйлердің де көптеп бой көтеруіне мән берді. Оған соңғы 6 жылда облыста 2 млн шаршы метрден астам тұрғын үй пайдалануға берілгені дәлел. 2013 жылы 270 мың шаршы метр тұрғын үй салынса, 2018 жы...

    Толығырақ...
  • 18.07.19

    Бүгінгі күні ауданда балық шаруашылығы саласы қарқынды дамыды деп айтуға толық негіз бар. Өйткені балық шаруашылығы өңір экономикасының дамуына және халықтың әлеуметтік жағдайының жақсаруына, оларды жұмыспен қамтамасыз етуде маңызды рөл атқарып отыр. Себебі Арал теңізі мен Сырдария өзенінің жағасында қоныстанған жергілікті халықтың өмірі мен тұрмысы балық шаруашылығымен тығыз б...

    Толығырақ...
  • 18.07.19

    «Рас, үйленбей тұрып әйел­ді «ашсам – алақанымда, жұм­сам – жұдырығымда ұстаймын» дегеннің бірі мен едім» деп бас­тады автобуста отырған жігіт ағасы. Өзі ащы судан аздап ұрт­тап алғанға ұқсайды. Сәлден соң салбыраған басын қисаң­дата көтеріп, көзін жартылай ашып-жұмып «менде бәрі бар еді, көлігім де, үйім де...» деп тағы налыды. Ал, әйелін айт­қандағы байғұстың жыларман түрі мен шарасыздықтан с...

    Толығырақ...
  • 18.07.19

    Сүйріктей саусақ, сәнді тырнақ – кез келген қыз-келіншектің арманы. Тырнағын әсемдеу әйелге сенімділік сыйлайды. Өз-өзін бағалайтынын байқатады. Бүгінде гельді тырнақ бояуын қолданбайтындар сирек. Екінің бірі осы әдісті жасатады. Оның кәдімгі бояудан артықшылығы көп. Бір айға дейін жылтыр әрі тартымды түсін сақтайды. Бірақ... Сұлулыққа құштарлық денсаулыққа қауіп төндіруі мүмкін. Ма...

    Толығырақ...
Жұма, 24 Мамыр 2019

Әр ұлт өкілдері «Сөз маржанын» терді PDF Print Email
Жаңалықтар - Халық-хабар
24.05.2019 17:10

Қазақстан халқы Ассамблеясының «Қазақтану» республикалық ғылыми-ағарту жобасы аясында Қызылордада «Сөз маржаны» облыстық зияткерлік байқауы өтті. Байқауға аудан орталықтары мен Қызылорда қаласынан түрлі этнос оқушылары мен жастары қатысып, бақтарын сынады.

Байқауды өткізудегі мақсат – жастар арасында, оның ішінде түрлі этнос оқушылары мен студенттерге мемлекеттік тілді насихаттау, қолдану аясын кеңейту арқылы қазақстандық бірегейлікті қалыптастыру, қоғамдық келісім мен ел бірлігін нығайту, патриотизмге, ұлттық салт-дәстүрді құрметтеуге, Отанға деген сүйіспеншілікті арттыруға тәрбиелеу.

Бес кезеңнен тұрған сайысқа қатысушылар шарт бойынша мақал-мәтелдердің жалғасын тауып, ой-тұжырымын ашып, қойылған жұмбақтың шешімін тауып, орыс, ағылшын тілдеріне аударып, фразеологиялық сөз тіркестерінің балама мағынасын тарқатты. Білім жарысының қорытындысы бойынша үздіктер анықталды.

Сайыстың нәтижесінде 1-орынды жаңақорғандық Диана Қаюмжан жеңіп алса, 2-орынды Жалағаш ауданынан келген Жанель Хамиева, 3-орынды Қазалы ауданының оқушысы Дениза Рашидова місе тұтты.

Байқауға арнайы тіл мамандары қазылық жасап, қатысушылар мен жеңімпаздар ұйымдастырушылар тарапынан диплом, Алғыс хат және бағалы сыйлықтармен марапатталды.

Халық-хабар

 


ӘДЕП ЖӨНІНДЕГІ УӘКІЛ БЕЛСЕНДІ ЖАСТАРМЕН КЕЗДЕСТІ PDF Print Email
Жаңалықтар - Халық-хабар
24.05.2019 17:00

Жастар ресурстық орталығы жанынан құрылған «Coworking» орталығында аудан әкімінің орынбасары, Әдеп жөніндегі уәкіл Жағыпар Тажмахановтың белсенді жастармен бейресми кездесуі өтті.

Кездесуге аудандық бөлім, мекемелердің жас мамандары, жас ұстаздар, Жастар ресурстық орталығының қызметкерлері, БАҚ өкілдері, түрлі салаларда жетістікке жеткен жастар қатысты.

Кездесуді Жастар ресурстық орталығының директоры Ерхан Бақбергенұлы жүргізіп отырды.

Аудан әкімінің орынбасары ауданның дамуы туралы баяндап, кездесуге қатысушылардың сұрақтарына жауап берді, ақыл-кеңестерін айтты, ал жастар өз идеяларын ортаға салды.

Кездесу соңында Жағыпар Айтбайұлы жастардың жарқын бастамаларына сәттілік тілеп, идеяларды жүзеге асыруға көмек қолын созатынын жеткізді.

Жалағаш ауданында мемлекеттік жастар саясатын жүзеге асыру бойынша жүйелі жұмыстар жүргізіліп келеді.

Ағымдағы жылы мемлекеттік жастар саясатын қаржыландыруға жергілікті бюджеттен 14 млн 77 мың теңге бөлінді. Бұл 2017 жылмен салыстырғанда 22 пайызға артып отыр.

«Дипломмен ауылға» мемлекеттік бағдарламасы аясында ауданға жұмысқа тұруға келген жас маманға әлеуметтік қолдау шараларына сәйкес 118 жасқа тұрғын үй сатып алуға немесе салуға бюджеттік несие беру мақсатында республикалық бюджеттен қаржы қаралып отыр.

«Серпін-2050» әлеуметтік жобасы бойынша 82 жас колледждер мен жоғарғы оқу орындарында білім алуда. Ресейде білім алып жатқан жергілікті жастардың  саны - 14.

Жастардың бос уақытын тиімді ұйымдастыру мақсатында ауданда 7 мәдениет үйі мен 8 ауылдық клуб, 21 кітапхана, 1 мәдениет және өнерді дамыту орталығы, барлығы 37 мәдениет және өнер мекемелері,  143 спорт нысандары жұмыс істейді.

Сондай-ақ, «Жастар жылы» аясында жергілікті бюджеттен 5 млн теңге қаржы бөлініп, жастардың бос уақытын тиімді ұйымдастыру мақсатында Жастар ресурстық орталығы жанынан «Coworking» орталығы ашылды.

 

Жалағаш ауданы әкімінің баспасөз қызметі

 


«Адалдық алаңы» жобалық кеңселерінің жұмысы жүйелі PDF Print Email
Жаңалықтар - Халық-хабар
24.05.2019 16:50

Бұл туралы Агенттіктің Нұр-Сұлтан қаласы бойынша департаментінің басшысы Жазира Жылқышиева ақпарат берді.

«Елордада қолға алынған «Адалдық алаңы» жобасының аймақтардағы балама нұсқасы бүгінгі күні кеңінен таралуда. Жобаның қызмет аясы күн санап кеңейіп келеді. Жобаның басты мақсаты - елімізде тұрмыстық жемқорлықты жою. Басты жетістік - халықты адалдыққа, әділдікке және азаматтық позициясын айқындауға мол септігін тигізуде», - деді ол.

Жоба - «Адалдық дүкендері» деп аталатын жұмысты қолға алды. Атап өту қажет бұл тәжірибе шетелдерде бұрыннан қолданылады.

Алматыдағы супермаркеттердің бірінде "адалдық" кассасы жұмысын қарқынды жалғастыруда.

Одан бөлек, метроға өтуге арналған турникеттер де - адалдық принципі бойынша жұмыс істеуде. Жолаушыларға жол ақысын төлеуге кедергісіз жүйе жасақталды. Яғни олар жолақысын банктік карта арқылы төлеп, метроға өте алады. Соңғы мониторингтің қорытындысы бойынша, метромен тегін жүретін жолаушылар саны азайған. Бұл жүйе - азаматтардың бойына игі қасиеттерді тәрбиелеуге негіз болуда.

Атырау қаласындағы жергілікті Полиция департаментінде «Адалдық айнасы» деп аталатын жоба қолға алынды.

Әр күні қызметкер жұмысқа кірісерде бұл айнадан жақын туыстары мен бауырларының суреттерін көре алады.

Бұл - әрбір қызметкердің заңға қайшы әрекет жасаудан бұрын ойлануына мүмкіндік береді.

Сонымен қатар мемлекеттік органдардың ашықтығын қамтамасыз ету бойынша үлкен жұмыстар атқарылуда.

Қазіргі таңда open space форматында қызмет ететін әкімдіктер тек елордада ғана емес.

Алматы облысындағы ауылдық әкімдіктерде «safe zone area» құрылуда.

Мұнда ауыл тұрғындары облыс орталығына бармай-ақ wi-fi желісіне, қалааралық қоңырау шалу, компьютер және принтермен жұмыс істеуге мүмкіндік ала алады.

Ауылдық әкімдіктерде әрбір үшінші жұма сайын азаматтарды қоғамдық қабылдау, сондай-ақ электронды үкімет порталын қолданудың жолдары үйретіледі.

Бұл күндері жергілікті орган басшылары ауыл тұрғындарымен бірге ортақ бюджетті оңтайлы жүзеге асыру бағытында жиындар ұйымдастырады.

Шымкент қаласы әкімінің орынбасары және қалалық басқарма басшыларының жұмыс кабинеттері ғимараттың бірінші қабатында орналасқан.

«Адалдық алаңы» жобасы ұсынған мемлекеттік аппараттың ашықтығы мен қолжетімділігі сынды идеялар жан-жақты қолдау тапты.

Мемлекет басшысы Қасым-Жомарт Кемелұлының қатысуымен өткен сыбайлас жемқорлыққа қарсы жиында «Адалдық алаңы» жобасын жүзеге асыруда әкімдерге тікелей тапсырма берді.

Бұл - тың идеяларды жүзеге асыруға зор мүмкіндік береді.

Бір аймақта сәтті жүзеге асқан бастама - басқа да өңірлерге тарап, бүкіл республика бойынша оң нәтижеге қол жеткізуде.

Мәселен, 2018 жылы елордада бастау алып жүзеге асқан көптеген бастамалар бүгінде бақа да аймақтарда кеңінен таралуда.

Медицина саласындағы түйткілді мәселелер бүгінде оң шешімін табуда.

Қарағанды облысының медициналық мекемелерінде «сенім киоскілері» құрылды.

Анықтама үшін: Call-орталық арқылы мамандармен тікелей байланысқа шығатын терминалдар жұмыс істеуде. Сондай-ақ бейнеөтініштер жазу мүмкіндігі де қарастырылған.

Емделуші дәрігерге бейнеөтініш қалдыру үшін жеке басын куәландыратын құжатты арнайы құрылғыға жақындатып, оның штрих-коды оқылады. Содан кейін емделуші қажетті өтінішін жолдай алады.

Емделуші терминалды қолданған кезде Call-орталық мамандарында қызыл тетік жанады. Бұл - өтінішті дәл сол уақытта қабылдауға мүмкіндік береді. Егер өтініш демалыс күндері жазылған болса, терминал өтінішті жазып алады. Ал мамандар оны жұмыс күні басталған уақытта көре алады. Call-орталық таңғы 9.00-ден кешкі 18.00-ге дейін жұмыс істейді.

Сондай-ақ, мектептердегі жемқорлық тәуекелдерін жою бойынша жұмыстар белсенді атқарылуда.

Мысалы, Солтүстік Қазақстан облысында білім беру мекемелеріне демеушілік көрсеткендердің ашықтығын қамтамасыз ететін смарт-банкинг қосымшасы жасақталды.

Ақмола облысында оқушыларды сыныпқа бөлуде цифрлық жүйе қолданылады. Бұл - баланы сыныпқа орналастыруы кезінде адами факторлардың араласуына кедергі болады.

Жоба кеңселеріне кез-келген азамат жүгіне алады. Бізбен Facebook, Instagram әлеуметтік желілері және whatsapp нөмірі арқылы байланысуға болады.

Өтініштер аптаның әр күні тәулік бойына қабылданады.

Біз ашықтық принципі негізінде қызмет еткеннен кейін кеңсеге кез-келген адам жеке мәселелері бойынша көмекке жүгіне алады.

Ол үшін арнайы өтініштер жазып, кеңсеге тіркеудің қажеті жоқ.

Егер мемлекеттік органдар заң бойынша 15-30 күн ішінде мәселеңізді қарастыратын болса, жоба кеңсесі аз уақыт ішінде шешімін табуға тырысады.

Мысалы, Павлодар облысында жергілікті кәсіпкер Павлодар қалалық әкімдігі мемлекеттік мекемесінің қызметінде бюрократияға тап болып, жоба кеңсесіне жүгінді.

Кәсіпкер қаладағы парктердің бірінде тез тамақтану орнын ашқысы келген.

Алайда, парк әкімшілігі кәсіпкерлік бөлімі мен қоғамдық денсаулық сақтау департаментінен рұқсат қағазын әкелуді талап кеткен.

Араға аз уақыт салып, жауапты мамандар мәселеге араласты.

Павлодар қалалық мәдениет бөлімі басшының орынбасары қазіргі уақытта парктің кімнің меншігінде екенін анықтап, шын мәнінде аталған орынды ашу үшін ешқандай рұқсат құжаттарының қажет еместігін анықтады.

Қазір тез тамақтану орнын ашу үшін қажетті құжаттар рәсімделуде.

Елордада құрылыс мәселелері бойынша Білім-инновация лицейі мен №86 мектеп қиындыққа тап болды.

Құрылысты аяқтау уақыты созылып, салдарынан ғимараттың сапасына қатысты мәселелер анықталды.

Еліміз бойынша әр мектепте сыбайлас жемқорлыққа қарсы «Адал ұрпақ» еріктілер клубы құрылған.

Елордадағы «Адал ұрпақ» және «Жас ұлан» республикалық мектебінің мүшелері әлеуметтік желілерде мектеп бітіру кешінің форматын өзгерту мақсатында жаңа челлендж таратуда. Оны Алматы, Шымкент, Көкшетау, Ақтөбе, Түркістан, Тараз, Алматы облыстары қолдады.

Мұндағы мақсат - мектеп бітіру кешінде ысырапшылдыққа жол бермеу.

Біздің ойымызша - жастардың бұл бастамасына қолдау көрсетіп оны дамытуға мүмкіндік беру қажет.

Біз елордада қоғам өкілдерімен бірге әр түрлі бағытта жұмыстар атқарудамыз.

Мәселен, қоғамның белсенді өкілдері Гүлбану Абенова, Гүлнар Умарова, Татьяна Коршуновамен бірге бірқатар мәселелер бірнеше рет көтерілді.

Олардың бастамасымен мектептердегі тамақтандыру қызметін ұсыну бойынша конкурстық процедураларды өткізудің ашықтығын қамтамасыз ету жөнінде атқарылған жұмыстар өз шешімін тапты.

«Астана – адалдық алаңы» жобасымен қоғамдық көлік мәселелері бойынша да жұмыстар атқарылуда.

Жоба мүшелерінің басым бөлігі қоғамның белсенді мүшелерінен тұрады. Сондықтан елорданың қоғамдық мәселелері олардың назарынан тыс қалмайды.

Олардың ішінде мүмкіндігі шектеулі жандар да бар. Қоғамның дамуына үлесімді қосамын деген жігерлі  жігіт Амир Сүлейменов те біздің жобаның белсенді мүшесі.

Біз бүгінге дейін AstanaLRT мен Жолаушылар тасымалы және автокөлік жолдары басқармасы өкілдерімен бірге екі мәрте жиын өткіздік. Әр сәрсенбі сайын кездескен мәселелерді толығымен шешу үшін AstanaLRT мекемесінде мүдделі мемлекеттік органдар және қоғам мүшелерімен кездесулер ұйымдастырылады.

Сондай-ақ елорда тұрғындарының назарына "қоғамдық бақылаудың интерактивті картасын" таныстырғым келеді. Онда әрбір қала тұрғыны өзінің ұсыныстары мен өтініштерін ыңғайлы түрде жолдай алады.  Бүгінгі күні азаматтардан 145 өтініш келіп түсті. Оның 15-і шағымдар.

Картада барлық әлеуметтік нысандармен қатар жол құрылысының жөндеу жұмыстарына дейін көрсетілген. Бюджеттен бөлінген қаражат, құрылыстың аяқталу мерзімі мен қандай да бір мәселелер туындаса, бәрінен ақпарат алуға мүмкіндік бар.

Барлық өтініш-сауалдар «Астана адалдық алаңы» жоба кеңсесінің менеджерлерінің жіті қарауында. Жоғарыда аталған мәселелер бойынша нақыт әрі тиімді шаралар жедел және уақытылы қабылданады.

Агенттік Төрағасының тапсырмасы бойынша орталық атқарушы органдар елордадағы «Астана - адалдық алаңы» жобасының тәжірибесін қолдануда.

Және осы жұмысты бірінші болып қолға алған - ҚР Қаржы министрлігі.

ҚР Қаржы министрлігінің жауапты хатшысы Ерұлан Жұмабаевтың басшылығымен министрліктің ұжымы жоба кеңсесімен бірлесіп кеңсе ашу бойынша жұмыстар басталып кетті.

«Астана – адалдық алаңы» жобасының қолдауымен Министрліктің жоба кеңсесі үш негізгі бағыттар бойынша жұмыс жасайтын болады: министрліктің және оның аумақтық бөлімшелерінің имиджін және қызмет сапасын арттыру, нормативтік құқықтық актілер мен бизнес процестердің ішкі аудиті, ұжымдағы әдеп қағидаларын арттыру.

Кеңсенің ашылуы және жұмыстың басталуы келесі аптаға жоспарланған.

Сыбайлас жемқорлық деңгейін төмендету әрқайсысымызға жүктелген міндет.

«Адалдық алаңы» жобасы - азаматтық және мемлекеттік сектордың өзара ықпалдасуына мүмкіндік беретін алаң.

Біз - азаматтардың бастамалары мен мемлекеттік органдардың мүмкіндіктерін тоғыстыратын алтын көпірміз.

Адалдық алаңы белсенді азаматтарды қашан да өз қатарына қосуға асығады.

 

 


Күнтізбе

< Мамыр 2019 >
    1 2 3 4 5
6 7 8 9 10 11 12
13 14 15 16 17 18 19
20 21 22 23 25 26
27 28 29 30 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары