Өзекті мәселелер

  • 14.11.19

    Ішкі істер министрінің орынба­сары Алексей Калайчиди аттестациядан кейін лауазы­мы­нан  босаған полиция басшы­лары туралы айтты, - деп хабарлайды ҚазАқпарат.

    – Аттестация екі кезеңнен тұрды. Біріншісі – дайындық барысы. Яғни, лауазымдағы азаматтың  кәсіби  дағдысы зерттелді. Біз бұған  дейінгі полиция басшыларын аттестаттаудың оқ ату, дене дайындығын, заңды білу деңгейін тексеру сек...

    Толығырақ...
  • 14.11.19

    Бізде мынадай тенденция бар ғой. Әкімдер мемлекеттік мекемелерге барса,­ сондағы қызметкерлер тайлы-таяғымен иіліп төсек, жайылып жастық бола қалатын. Тіпті, бұл дәстүрге айналып кеткені қашан?! Ал әкім мекеме­ге ескертусіз келсе, жағдай қалай болар еді? Мұндай «қызықты» апта  басында  көрдік.

    ...
    Толығырақ...
  • 14.11.19

    «Отан қорғап, сарбаз сапына қосылады» деп үкілі үміт артып отырған­ бөріктілердің арасында әскери борышын өтеуден қашып жүргендер бар. «Қашқындарда­н» бөлек, республиканың түкпір-түкпіріне немесе өзге мемле­кеттерге жұмыс істеуге барып, нақты мекенжайсыз, хат-хабарсыз кететіндерге де дауа болмай отыр. Осыған­ байланысты әскерге шақырылушыларды жергілікті әскери­ басқару органдарына шақы...

    Толығырақ...
  • 14.11.19

    Мәдениет ауылдық округі тіректі елді мекенге айналғалы бұл өңірдің тірлігі де алға басты. Ауыл әлеуетінің артуына бұрын жергілікті шаруашылықтар қолғабыс ететін. Қазір кәсіпкерлікті қолдауға бағытталған мемлекеттік бағдарламаларды тиімді пайдаланған ауыл тұрғындары да табысқа кенелуде. Кейбір жандар жеке табысы артқан сайын әлі де бола берсе екен дейді. Ал  бұл  елді  мекендегі  шаруашы...

    Толығырақ...
  • 14.11.19

    Өткен жылы мемлекеттік «Нәтижелі жұмыспен қамту және жаппай кәсіпкерлікті дамыту» бағдарлама­сына қатысып, «Атамекен» кәсіпкерлер палатасының қолдауымен «Бастау Бизнес» курсынд­а білімін жетілдірген Қармақшы ауданына қарасты Ақай ауылының жас кәсіпкері Қосым Жұмағалиевтің  есімі  бүгінде ауылдастарына жақсы­  таныс.

    ...
    Толығырақ...
Жұма, 05 Шілде 2019

ҚЫЗЫЛОРДА ОБЛЫСЫНЫҢ ӘКІМІ ЖҰМЫС САПАРЫМЕН АРЫС ҚАЛАСЫНДА БОЛДЫ PDF Print Email
Жаңалықтар - Халық-хабар
05.07.2019 17:45

Қызылорда облысына Арыс қаласының 254 үйі мен 15 нысанын жөндеуден өткізу жүктелген болатын, оның ішінде 9 үй қалпына келтірілді. Аймақ басшысы Қуанышбек Ысқақов жұмыс сапарымен Түркістан облысы Арыс қаласына арнайы барып, құрылыс жұмыстарымен танысты.

Естеріңізге сала кетейік, Қызылорда облысына 14 көше бөлінген еді, онда 254 жеке үй, 5 әлеуметтік және 10 коммерциялық нысан орналасқан.

1 шілдеден бастап үйлердің есік-терезелерін және шатырларын ауыстыру басталды, құрылыс-монтаж жұмыстары белгіленген жоспарға сәйкес тиісті деңгейде жүргізілуде. Бүгінгі күні 9 үй толық қалпына келтіріліп, 74 үйде құрылыс-монтаж жұмыстары жүргізіліп жатыр.

Облыс әкімі Қуанышбек Ысқақов Арыс қаласында Сыр өңіріне бөлінген нысандарды жөндеу жұмыстары туралы журналисттерге сұқбат берді.

"Түркістан облысының Арыс қаласындағы төтенше және қайғылы жағдай ешкімді бейжай қалдырмады. Халқымыз "бірлік бар жерде тірлік бар" демекші, қазақ халқы қиын сәтте әрқашан бір-біріне қолдау көрсеткен. Қайғылы хабарды естігенде Сыр өңірінің тұрғындары зардап шеккендерге көмек көрсету үшін қолдан келгенін  аяған жоқ. Алғашқы күннен бастап қызылордалықтар арнайы қорға ақша аударып, гуманитарлық көмек жинауға кірісті. Сондай - ақ, үйлерді қалпына келтіруге облыстан еріктілерден құралған арнайы топ келіп жұмыс істеді ", - деді аймақ басшысы.

Айта кетейік, 28-30 маусым аралығында мемлекеттік органдар, құрылыс, жобалау, техникалық қызмет мамандарынан құралған 66 адамнан тұратын топ бөлінген аумақтағы ғимараттар мен құрылыстардың зардап шығындарын анықтау жұмысын жүргізді. 5 әлеуметтік бағыттағы және 10 коммерциялық нысанның жөндеу жұмыстары ірі құрылыс компанияларына бекітілген. Сонымен қатар, бір тұрғын үйді бұзу, тегістеу жұмыстары атқарылды.

"Бұл жұмыстарға Қызылорда облысының 20 құрылыс компаниясынан 4 топ бөлінген. Қазіргі таңда 96 жұмысшы жөндеу жұмыстарымен айналысуда. Жоспарға сәйкес шілде айының соңына дейін жөндеу жұмыстары толығымен аяқталады. Жалпы, 2019 жылдың 25 маусымы мен 1 шілдесі аралығында Арыс қаласының тұрғындарына Қызылорда облысынан 38 тоннадан астам гуманитарлық көмек, яғни киім-кешек, азық-түлік және т. б. тұрмыстық заттар жіберілді ", - деді облыс әкімі.

2800 астам мемлекеттік қызметші, бюджеттен қаржыландырылатын мекемелер, қоғамдық және үкіметтік емес ұйымдар, кәсіпорындар, акционерлік қоғамдар мен серіктестіктер, шаруа қожалықтары, жеке кәсіпкерлер мен меценаттар қаржылай  көмегін көрсетті.

26 маусым күні Сыр жастары атынан 50 жас ерікті көмек көрсетуге келді. Олар 2 күн бойы үйлерді қалпына келтіруге жәрдемдесті. 3 шілде күні тағы 50 ерікті келіп жетті.

2019 жылдың 9-18 тамыз аралығында Арыс қаласынан 150 бала Қызылорда облыстық білім басқармасының "Облыстық олимпиадалар мен қосымша білім беру орталығында" тегін демалады. Балалар үшін психологиялық тренингтер, тауға экскурсиялар, түрлі үйірмелер ұйымдастырылады.

Қызылордада қабылдау пункттері де жұмысын жалғастыруда. Сонымен қатар, шілде айында барлық бюджеттік мекеме қызметкерлері арыстықтарға тағы да бір күндік жалақыларын аударады.

Сондай-ақ, жұмыс сапары барысында Қызылорда облысының әкімі Түркістандағы Шығыс моншасының құрылысымен танысты. Естеріңізге сала кетейік, Түркістан қаласында Шығыс моншасы құрылысы Елбасы Н.Ә.Назарбаевтың тапсырмасы аясында жүргізілуде. Елбасы жергілікті атқарушы органдар мен ұлттық компаниялардың басшыларына жаңа аймаққа әлеуметтік-мәдени нысандарды салып беру туралы тапсырма берген еді.

Облыс әкімінің баспасөз қызметі

 


МЕДИЦИНАЛЫҚ САҚТАНДЫРУ САПАЛЫ ҚЫЗМЕТ КӨРСЕТЕДІ PDF Print Email
Жаңалықтар - Халық-хабар
05.07.2019 17:35

Биылғы 18 маусымда Үкімет 2020 жылдан бастап міндетті медициналық сақтандыру жүйесінде және тегін медициналық көмектің кепілдік берілген көлемі шеңберінде көрсетілетін медициналық қызметтердің тізбесін бекітті. Бұл туралы өңірлік коммуникациялар қызметінде өткен баспасөз конференциясында «Әлеуметтік медициналық сақтандыру қоры» КЕАҚ Кызылорда облысы бойынша филиалының директоры Руслан Бектібаев баяндады.

- Қазақстанда 2020 жылдан бастап медициналық көмек екі түрлі пакет бойынша көрсетіледі.  Біріншісі – кепілдендірілген тегін медициналық көмек (ТМККК) пакеті. ТМККК пакеті – жедел және шұғыл көмек көрсетуге, сондай-ақ, қоғам үшін маңызы бар ауруларды бақылауда ұстауға бағытталған. Мұны барлық азаматтар, сақтандырылған-сақтандырылғанына қарамай пайдалана алады.

Ал, міндетті әлеуметтік медициналық сақтандыру (МӘМС) пакеті – азаматтардың өмір сапасын жақсартуға, ұлт саулығының негізін қалауға ықпал ететін қызметтерден тұрады. Бағасы қымбат болып келетін операциялар, сирек медициналық қызмет түрлері, салалық мамандардың қабылдауы т.б. қызметтер кіретін МӘМС пакетін сақтандырылғандар пайдалана алады. МӘМС пакетіне МРТ, компьютерлік томография, ПЦР-анализ сынды қызметтер де енгізілді, - деді Руслан Бектібаев.

2019 жылдың 20 маусымдағы мәліметтер бойынша, қормен келісімшарт бекіткен  жеткізуші компанияларға 23,9 миллиард теңге төленді. Бұл кепілдендірілген  медициналық көмек пакеті шеңберінде  бекітілген  келісімшарттардың жалпы сомасы 56,5 пайызды құрады.  Ал елімізде  2020-2022 жылдарға арналған бюджет жобасында  медициналық көмекке жұмсалатын қаржы 1 триллион 620 миллиард теңге белгіленді. Алайда биыл шығындар 67 пайыздан көп. Бөлінген қаржының 967,7 миллиард теңгесі тегін медициналық көмекке, 652,8 миллиард теңгесі сақтандыру пакеті бойынша  көрсетілетін қызметтерге жұмсалады.

Руслан Бектібаевтың айтуынша,  тегін көрсетілетін қызметтер тізіміне енген медициналық көмектің бәріне ақша төлеуді мемлекеттің  бюджеті көтермейді.  Оның үстіне, медициналық қызмет бағасы да  тұрақты емес. Сондықтан тегін медициналық көмекке бөлінген  қаржы нақты сұранысты қанағаттандыра алмайды. Сол себепті халық денсаулыққа жұмсалатын шығындардың белгілі бір бөлігін қалтасынан өзі  төлеуге мәжбүр.

- Міндетті әлеуметтік медициналық сақтандыру жүйесінің енгізілу себебінің бірі осы. Өйткені, сақтандыру жүйесі жарна есебінен денсаулық саласына қосымша қаржы тартуға мүмкіндік береді. Бірақ бұл міндетті медициналық сақтандыру енгізілгеннен кейін саладағы қаржы тапшылығы мәселесі бірден шешімін табады дей алмаймын. Себебі, халық саны алдағы уақытта  өседі. Соның ішінде медициналық қызметтерді көп пайдаланатын балалар үлесі 2,4%, қарттар үлесі 4%  пайызға көбейді. Оған үнемі қымбаттап отыратын технологиялардың бағасын қосыңыз.

Медицина үнемі тоқтаусыз дамып келеді. Бұл жұртшылықтың денсаулық сақтауға жұмсайтын жеке шығындарының өсуіне ықпал  етеді. Сондықтан сақтандыру халықтың қалтасынан шығатын шығындарды толық  қысқартпағанымен, шығынның өсу қарқынын төмендетуге мүмкіндік береді, - дейді Әлеуметтік сақтандыру қоры» КЕАҚ Қызылорда облысы бойынша филиалының директоры Руслан Бектібаев.

Атап айтқанда, тегін медициналық көмек Қазақстан азаматтарына, оралмандар мен елімізде тұрақты тұратын шетел азаматтарына көрсетіледі. Сонымен қатар, әлеуметтік маңызы бар аурулар мен динамикалық бақылауға жататын сырқаттар да тегін емделеді. Ал, Қазақстанда уақытша тұратын шетелдіктер тегін медициналық көмекті пайдалана алмайды.

2020 жылдан бастап, медициналық-санитарлық көмек тегін көмек пакетінде қалады. Яғни, емханалар тіркелген пациенттерге бұрынғыша қызмет көрсетеді. Үйге шақырған пациенттерге барады, балалар мен жүкті әйелдерді бақылайды. 4 санаттағы жедел жәрдем шақыртуларына да солар барады. Және қызметтің бәрі тегін көрсетіледі. Учаскелік дәрігер пациенттің денсаулығын тексеріп, анализдерге жолдама береді. Тегін көмек пакетіне енген қандай да бір ауру табылса, оны ақысыз емдейді. Ал, пациент әрі қарай жоспарлы түрде көмек алғысы келсе МӘМС қызметіне жүгінеді.

Айта  кетейік, биыл мемлекеттік тапсырысты орындауға 74 медицина ұйымы атсалысуда. Оның ішінде 44 жекеменшік клиника бар.

Мемлекеттік тапсырыс аясында медициналық көмек көрсетуге дайын жеке медициналық ұйымдар  бойынша Қызылорда облысы көшбасшылар қатарында тұр.

 

Құттыбике  Нұрғабыл

 


Күнтізбе

< Шілде 2019 >
1 2 3 4 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары