Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

    ...
    Толығырақ...
  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып. ...

    Толығырақ...
Жұма, 12 Шілде 2019

КЕНЕДЕН КЕСЕЛ, СУДАН АЖАЛ АЗАЙМАЙ ТҰР PDF Print Email
Жаңалықтар - Халық-хабар
12.07.2019 16:16

Шыны керек, жыл басталысымен қаралы хабар алғанымыз ешкімге де ұнаған жоқ. Біреуге тағдыр, біреуге қайғы десек те, «Сақтансаң, сақтаймын» деген қағида тағы бар. Міне, көктемгі, жазғы маусымда осы мәселенің орынды жүзеге аспауынан талай тағдыр иесі тілсіз жаудың құрбанына айналуда. Әсіресе, суға кету фактісі жиілеген. Сала мамандарының айтуынша, Қызылорда облысында жыл басынан бері суға кетіп ажал құшқан 21 адамның 8-і – балалар.

- Суға кету жағдайларының басым бөлігі сақтық шараларына бейжай қарау салдарынан орын алуда. Өйткені халық шомылуға тыйым салынған жер деген белгіге қарамастан, өмірлерін қатерге тігеді. Кейде қарт әжейлеріміз төтеншеліктерге «балама өзім жауап беремін» деп дес бермейді. Ал ол әженің өзіне көмек керек, себебі ол кісілердің денсаулығы жарамайды. Республика бойынша суға кету дерегінің 152-сі тіркелсе, соның 21-і Қызылорда облысына тиесілі. Салдары бақытсыз оқиғамен аяқталады, - деді Қызылорда облысының жұмылдыру дайындығы басқармасы басшысының орынбасары Ғабит Жаңабаев өңірлік коммуникациялар қызметінде өткен брифингте.

Осы мәселеге қатысты Қызылорда облысы Төтенше жағдайлар департаменті бастығының орынбасары, полковник Саид Молдақараев та өз пікірін жеткізді.

- Тұрғындардың су жағасында сақтық шараларын толық орындамауы, төтеншеліктердің талабына құлақ аспауы осындай қайғылы жағдайларға әкеп соқтыруда. Әсіресе, балық аулау кезінде, суға шомылуға тыйым салынған «жабайы» орындарда тілсіз жаудың құрбанына айналып жатқандар бар. Одан бөлек, атпен су кешіп, су ортасында бақытсыз жағдайға ұшырағандар да кездеседі. Ата-аналарға өтініш, ескерту! Балаларды бақылаусыз өзен-көлдің, дарияның жағасына жіберуге болмайды! Жүзу білмейтін бала суға түседі, су ішінде тырыспасы ұстап қалады да, одан шығу мүмкіндігі болмай қалады. Өйткені күн қатты ыстық. Осындай талаптарды орындамаған 25 адамды әкімшілік жазаға тартсақ та, талап толық орындалмай тұр, - деді ол.

Тұрғындардың сақтық шараларын қатаң ұстануына себеп болып тұрған жалғыз жайт бұл емес. Күннің ыстығына байланысты кене шағу фактілері де жиілеген. Көктем, жазғы маусымдарда адамдар кене шағудан да көп зардап шегеді. Осы уақытқа дейін кене шақты деген күдікпен 16 науқас жұқпалы аурулар ауруханасына жатқызылса, соның 6-ауынан Конго-Қырым геморрагиялық қызбасы анықталып, бір науқас қайтыс болды. Айта кетейік, көктемгі залалсыздандыру жұмыстарын жүргізу үшін облыстық бюджеттен 65 млн теңге қаралды. Дегенмен, тұрғындарға ескертетін тұсы да бар, далалық жерлерде, жайылымдарда залалсыздандыру жұмыстары жүргізілмейді. Жоғарыдағы науқастардың барлығы да – далалықта жүріп, кененің кеселіне тап болғандар.

- Негізі шілде айында кенелер ұйқыда және көбею маусымында болу керек. Алайда күн қаншалықты ысыса да, кенелер дес бермей тұр. Облыста жыл басынан бері кене шаққан 125 жағдай тіркелген. Өткен жылғы салыстырмалы уақытта бұл көрсеткіш 808 адамға жеткен. Қанша залалсыздандыру жұмыстары жүргізілсе де, тұрғындардың дені далалық қыдыру жерлеріне, жайылымдарға барып, зардап шегуде. Сондықтан ондай орындарға барар кезде міндетті түрде бас киім (орамал да болады), ұзын жеңді көйлек және балақты шалбар, етік (немесе қонышты шұлық) киген абзал. Сол кезде кененің адам денесіне жабысу мүмкіндігі азаяды. Кене көбіне бас бөлігіне, құлағының артына, шаштың арасына, балтырға, арқа тұсқа жабысатын болғандықтан адамдар оны білмей қалады. Тіпті ол денесінен жүріп өтуі де мүмкін. Белгілері де 14 күнге дейін сақталады. Адамның дене қызуы 39-40 градустан түспей, мұрыннан, ауыз қуысынан қан кету жағдайлары тіркелсе де дәрігерге көріну керек. Кеселді кененің шағуы мүмкін деген күдікпен бір аптада 56 адам жұқпалы аурулар ауруханасының көмегіне жүгінді, - деп мәлімдеді Қызылорда облыстық жұқпалы аурулар ауруханасының бас дәрігері Айна Мұхамбетова.

Арнайы сала өкілдерінің жедел түрде халықты құлақтандыруға бағытталған жиын өткізуіне себеп те жоқ емес. Кененің кеселі өз кесірін тигізіп тұр. Суға кетіп, ажал құшқандар қатары күн санап артуда. Мәселен, кешегі аптаның мейрамға деп берілген 3 күнінде 3 адам суға кеткен. 6 шілде күні Жаңақорған кентіндегі «Тайпақкөл» каналында 2009 жылы туған баланың, 7 шілдеде Қызылорда қаласы Ғ.Мұратбаев көшесіндегі Сырдария өзенінің көпірі астына шомылған 2006 жылы туған баланың және 8 шілде күні Арал ауданы, Райымбек ауылдық округі, Қызылжар ауылында Сырдария өзенінен 2004 жылы туған жасөспірімнің денесі табылған. Ал бүгін Жаңақорған ауданында 1977 жылғы ер-азамат суға кетті. Денесі жергілікті тұрғындар көмегімен судан шығарылды. Сондықтан да, кім-кімнің де сақтық шараларын жасағаны өзі үшін аса маңызды.

Н.ҚАЗИ

 


Күнтізбе

< Шілде 2019 >
1 2 3 4 5 6 7
8 9 10 11 13 14
15 16 17 18 19 20 21
22 23 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары