Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

    ...
    Толығырақ...
  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып. ...

    Толығырақ...
Дүйсенбі, 05 Тамыз 2019

ҚЫЗЫЛОРДА ОБЛЫСЫНДА 1 ҚЫРКҮЙЕКТЕН БАСТАП ЕГІН ЖИНАУ НАУҚАНЫ БАСТАЛАДЫ PDF Print Email
Жаңалықтар - Халық-хабар
05.08.2019 16:20

Қызылордада күзгі егін жинауға дайындық мәселелері талқыланды.

Облыс әкімдігінің аппарат мәжілісінде облыстық ауыл шаруашылығы басқармасы басшысының м.а. Сейілбек Нұрымбетов күзгі егін жинауға дайындық барысы туралы баяндады.

"Ағымдағы жылы облыс бойынша 183,9 мың га ауыл шаруашылығы дақылдары агротехникалық шараларын сақтай отырып, оңтайлы мерзімінде орналасты. Оның ішінде дәндi дақылдар 96,9 мың га, майлы дақылдар 7 мың га, мал азықтық дақылдар 62,7 мың га, картоп, көкөнiс, бақша 17,2 мың га. Негізгі дақыл күрiштің көлемі 87,3 мың га. Ауыл шаруашылығы дақылдары өткен жылмен салыстырғанда 6,6 мың га артық егіліп отыр»,-деп хабарлады С.Нұрымбетов.

Бүгінгі күні 69,0 мың га күріш гербицидтермен, 66,9 мың га тыңайтқыштармен өңделді. Сонымен қатар, 1,3 мың га алқапта дәнді дақылдарды жинау жұмыстары толық аяқталды.

Облыс бойынша егілген 3,8 мың га күздік бидай дақылы толығымен жиналып, 9,7 мың тонна өнім алынса, (орта өнім гектарына 25,6 цн), жиналған  527 га жаздық арпадан барлығы 440,4 тн өнім (орта өнім гектарына 8,4 цн) және 58 га сұлыдан 40,6 тн өнім алынды (орта өнім гектарына 7,0 цн).

Аймақтың ауыл шаруашылығы құрылымдары күзгі егін жинау жұмыстарына дайындықты бастап кетті. Облыста алғашқы егінге орақ салу жұмыстары жекелеген шаруашылықтарда 20 тамыздан кейін, ал облыс бойынша 1 қыркүйектен бастау жоспарланып отыр.

 

Облыс әкімінің баспасөз қызметі

 


ЕРЖАН ӘБДІРАХМАНОВТЫ ӘРІПТЕСТЕРІ ЖАҢА ҚЫЗМЕТКЕ ШЫҒАРЫП САЛДЫ PDF Print Email
Жаңалықтар - Халық-хабар
05.08.2019 16:05

Қызылорда облысы әкімінің кеңесшісі қызметін атқарған Ержан Әбдірахманов басқа қызметке ауысты.

Облыс әкімі Қуанышбек Ысқақов Ержан Әбдірахмановқа Сыр елінің рухани жаңғыруына сүбелі үлес қосып,  жергілікті атқарушы органдардағы жемісті еңбегі үшін алғыс білдірді.

"Өздеріңізге белгілі, Ержан Ахметұлы аймағымызда 4 жылдан астам уақыт облыстық мәдениет басқармасын абыроймен басқарды. Өзін республикалық және облыстық деңгейдегі түрлі мәдени-көпшілік шаралардың шебер ұйымдастырушысы әрі білікті музыка маманы ретінде танытты. Ол облыстық тарихи-мәдени мұраларды қорғау және пайдалану жөніндегі ғылыми-әдістемелік кеңестің мүшесі ретінде археологиялық зерттеу жұмыстары бойынша Далалық комиссия жұмысына жетекшілік етті. Сыр бойындағы орта ғасырлық қалалар мен Сауысқандық шатқалындағы таңбаларды ЮНЕСКО тізіміне енгізу бойынша жүйелі жұмыстар жүргізді. Сыр өңірінде Түркі тілдес халықтардың «Қорқыт және Ұлы Дала сазы» дәстүрлі халықаралық музыкалық өнер фестивалін жоғары деңгейде ұйымдастырып, туыс мемлекеттердің алғысын алды", - деді аймақ басшысы.

Қуанышбек Досмайылұлы Е.Әбдірахмановтың жаңа қызметіне табыс тілеп, Сыр өңірінің рухани және мәдени дамуына қосқан үлесі үшін облыс әкімінің алғыс хатын табыстады.

Өз кезегінде, Е.Әбдірахманов облыс әкіміне және барлық әріптестеріне бірігіп атқарған жұмыстары үшін ризашылығын білдірді.

 

Облыс әкімінің баспасөз қызметі

 


Күнтізбе

< Тамыз 2019 >
      1 2 3 4
6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары