Өзекті мәселелер

  • 22.08.19

    Елімізде дәрінің көмегімен өмір сүретін азаматтар аз емес. Олардың дәрілік препаратсыз қауқары жоқ. Антибиотикке тәуелді науқасқа кім қарайды? Ақысыз берілетін дәрі-дәрмектерді кімдер, қайдан және қалай ала алады?

    ...
    Толығырақ...
  • 22.08.19

    Халық «Елін сүйген ер болар» дейді. «Ер жігіт ел үшін туады, ел үшін өледі» дейді тағы  да.

    Иә, ел намысы үшін ерлік­ке бара алар азаматтарды кебен­ек ішінде танып-білу аса маңызды.

    Кебенек – сыртқы киім. Оны көбіне-көп жорықта, аңшылықта киеді. Демек, бұл киімді кез келген адам кие алады. Олай болса, «Ерді кебене­к ішінде  таны» деген – ер жігітті киіміне қарап емес, жан дүниес...

    Толығырақ...
  • 22.08.19

    ТЫНДЫРЫМДЫ   ІС – НӘТИЖЕЛІ   КӨРСЕТКІШ

    Қаланың экономикалық тұрғыда дамып­, қалыптасуында стратегиялық міндет жүйелі түрде өз-өзін айқындап отырады. Шаһардың болашағына байлан­ысты әр жоспар, әр бағыт өзіндік құнымен маңызды. Осындай іргелі істерді атқару барысында Қызылорда қаласының әкімі Нұрлыбек Нәлібаевтың іскерлік һәм басшылық міндеті ж...

    Толығырақ...
  • 22.08.19

    Өткен бейсенбіде облыстық кәсіпкерлік және туризм басқармасының қолдауымен, өңірлік коммуникациялар қызметінің ұйымдастыруымен БАҚ өкілдері Шиелі ауданына баспасөз турына барды. Жолай біз бағыт алған өңірдегі баратын нысандардың тізімі қолымызға тиді. Риза болғанымыз, бір-біріне ұқсамайтын бес қызмет түрін жандандырып отырған шағын кәсіп иелерімен таныстық. Оның ішінде ауқымды жерді алм...

    Толығырақ...
  • 22.08.19

    192   ШАҚЫРЫМ  ЖОЛ  ЖӨНДЕЛЕДІ

    Елдегі көлік саласы маңызды рөлге ие. Оған сауда-экономикалық бағыттағы тауарлардың көліктің қай түрімен болсын тасымалдануы дәлел. Одан өзге аймақтар үшін республикалық, облыстық және аудандық маңызы бар жол­дардың  өзектілігі  жоғары.  Өткен  жылы осындай жолдар мен көшелерді дамыту­ға республикалық бюджеттен 1...

    Толығырақ...
Дүйсенбі, 12 Тамыз 2019

ОБЛЫС ӘКІМІ БІРҚАТАР ӘЛЕУМЕТТІК НЫСАНДАРДЫҢ ЖҰМЫСЫМЕН ТАНЫСТЫ PDF Print Email
Жаңалықтар - Халық-хабар
12.08.2019 15:20

Аймақ басшысы Қуанышбек Ысқақов балаларға арнайы әлеуметтік қызмет көрсету мекемесінде, мүгедектерге арналған оңалту орталығында және Талсуат кентіндегі №2 мамандандырылған әлеуметтік қызмет көрсету орталығына барды. Ем алушылардың жағдайын көріп, жылу беру маусымына дайындық барысымен танысты.

Балаларға арнайы әлеуметтік қызмет көрсету орталығы 2012 жылы пайдалануға берілді. Мекемеде 219 қызметкер жұмыс істейді. Мұнда 100 стационар, 50 жартылай стационар қарастырылған.

Ем алушы балалар үшін барлық жағдай жасалған. Олардың арасында республикалық өнер, спорт саласы бойынша түрлі жарыстарға қатысып, топ жарып жүрген бүлдіршіндер бар. Аймақ басшысы балақайлардың толық ем алып, сауығуы үшін мекеме қызметкерлері аянбай еңбек етуі тиіс деп тапсырды.

Ал, мүмкіндігі шектеулі адамдарға арналған оңалту орталығы 2012 жылы салынды, мекемеде 150 төсек-орын жартылай стационар және 171 қызметкер жұмыс істейді.
Орталықта ем алушылар ғимарат ауласында спорт алаңын салу туралы өтініштерін білдірді. Қуанышбек Досмайылұлы спорт алаңын салу үшін тиісті жұмыстар атқарылатынын айтты.

№2 мамандандырылған әлеуметтік қызмет көрсету орталығы 2016 жылы жұмысын бастаған болатын. Мұнда 400 орынға арналған 380 стационар және 20 жартылай стационар жұмыс істеп тұр.

Аймақ басшысы нысандардың жұмысына оң бағасын берді. Алайда ғимараттардың аулаларын көгалдандыру жұмыстарына көңілі толмайтындығын жеткізді. Уақтылы сенбілік жұмыстарын ұйымдастырып, ағаш отырғызып, көгалдандыру шараларын дұрыстап жүргізу қажет екенін баса айтты.

 

Облыс әкімінің баспасөз қызметі

 


ҚЫЗЫЛОРДАДА ҚҰРЫЛЫС САЛАСЫНЫҢ 75 ЖЫЛДЫҒЫ АТАЛЫП ӨТТІ PDF Print Email
Жаңалықтар - Халық-хабар
12.08.2019 15:00

Құрылысшылар күніне арналған мерекелік іс-шарада облыс бойынша саланың үздік қызметкерлері марапатталды.

Қызылорда облысының әкімі Қуанышбек Ысқақов сала қызметкерлерін кәсіби мерекелерімен құттықтап, аймақтың құрылыс саласындағы елеулі жетістіктерін атап өтті.

«Жыл басынан бері 4 әлеуметтік нысан ел игілігіне берілді (Жастарға қызмет көрсету орталығы, Ғ.Мұратбаев атындағы стадионы қайта жаңғыртылды, Арал ауданы Шижаға, Шиелідегі Тартоғай ауылдарындағы 150 орындық клуб). Сонымен қатар, облыс аумағында 23 әлеуметтік нысанның құрылысы жүргізілуде. Олардың 10-ы жыл соңына дейін пайдалануға берілмек. Тек, соңғы алты жылда тұрғын үйді пайдалануға беру көлемі 2,5 есеге артып отыр (2013 жылы 270,0 мың ш.м., 2018 жылы 700,0 мың ш.м). Осы уақыт аралығында Қызылорда қаласының өзінде жаңа 10 мөлтек аудан, 5 тұрғын үй кешені, 361 тұрғын үй пайдалануға беріліп, 8 мыңға жуық (7709) адам жаңа баспанамен қамтамасыз етілді. «Нұрлы жер» бағдарламасы аясында биыл облыс көлемінде барлық қаржыландыру көздерінен 1862 пәтерді құрайтын 43 көпқабатты тұрғын үйдің құрылысын жүргізу жоспарланған»,-деді аймақ басшысы.

Өңірдің үздік құрылысшыларына кәсіби мерекелері қарсаңында құрмет грамоталары, алғыс хаттар мен марапаттар табысталды. Сондай-ақ, мерекелік шарада "Құрылысы қарышты Қызылорда" кітабының тұсаукесер рәсімі өтті.

Іс-шара концерттік бағдарламамен жалғасын тапты.

 

Облыс әкімінің баспасөз қызметі

 


АРАЛДА ЖАҢА САУДА ҮЙІ АШЫЛДЫ PDF Print Email
Жаңалықтар - Халық-хабар
12.08.2019 14:55

Теңіз төскейіндегі кәсіпкерлік саласының дамуында соны серпіліс бар. Оған жаңадан ашылып жатқан нысандар дәлел болады. Жуырда тағы бір игілікті шара жүзеге асты.

Арал қаласындағы «Саида» сауда үйінің ашылу салтанатында сөз алған аудан әкімі Мұхтар Оразбаев елімізде мемлекет тарапынан кәсіпкерлік саласын дамытуға қолайлы жағдай жасалып жатқанын, облыс көлемінде жарияланған «Жаппай кәсіпкерлікті дамытудың 3 жылдығы» аясында кәсіппен айналысуға ниетті іскер жандардың қатары артқанын айта келе, жаңадан ашылған сауда үйінің тұрғындарға сапалы өнім ұсынып, тиімді қызмет көрсетуіне тілектестігін жеткізді.

Жеке кәсіпкер Нұргүл Қыздарбекованың бастамасымен салынған заманауи үлгідегі «Саида» сауда үйінде тұтынушыларға тұрмысқа қажетті заттар ұсынылады. Бұған дейін ашылған «Саида» маркеттер желісінің азық-түлік сататын бөлімшесі тұрғындарға сапалы қызмет жасап келе жатқанын, екі сауда орнында 28 адам жұмыспен қамтылып отырғанын атап кеткен жөн. Сауда орындары заманауи техникалармен, кассалық аппараттармен және тексеру құрылғыларымен толықтай жабдықталған.

Жұмабек  Табынбаев,

Арал  ауданы

 


Аталарын ардақтаған Аймағанбетовтер PDF Print Email
Жаңалықтар - Халық-хабар
12.08.2019 12:00

«Ешкім де, ешнәрсе де ұмытылмайды». Осынау қанатты сөз өзінің өміршеңдігін жоғалтқан емес. Бұған Түктібаев ауылының аумағындағы «Тесік» аталатын қорым басында Аймағанбет әулетінен тараған ұрпағы әкелері Ақжігіт пен Ағайдарды еске алып мал шалып, құран бағыштатуы тағы да дәлел болды.

«Өлі риза болмай, тірі байымайды». 200-ге тарта адам қатысқан шара барысында Ақжігіт пен Ағайдардың өнегелі өмірі, ғибаратты ғұмыр жайлы естеліктер айтылып, жас ұрпаққа үлгі етілді. Бір сәт, ел есінде есімдері сақталған ағайынды арыстар туралы аз-кем тоқтала кетсек.

Тыл ардагері, «Еңбек Қызыл Ту» орденінің иегері Ақжігіттің есімі замандастары мен көзін көргендерге жақсы мәлім. Жастайынан еңбек көрігінде шыңдалған Ақжігіт Ұлы Отан соғысынан кейінгі қираған өндірісті қалпына келтіруде маңдай терін төкті. Ұзақ күн уақытпен санаспай жұмыс істеді. Қарапайым дағдысы, турашыл мінезімен көпшіліктің ықыласына бөленді. Әке жолын қуған перзенттері де абыройсыз емес.

Ұлы Отан соғысының ардагері Ағайдар ержүрек жауынгер болатын. Майдан даласында пулеметші ретінде ұрысқа қатысып, талай қиын тапсырмаларды мүлтіксіз орындады. Ленинград қаласын қорғауға қатысып, ерен ерліктің үлгісін көрсетті. Соғыстан соң кешегі батыр жауынгер бейбіт күннің озаты атанды. Мал да бақты, күріш те екті. Абыройға бөленді. Соғыста алған наградаларын «Еңбек Қызыл Ту», «Құрмет белгісі» ордені, көптеген медалдар толықтырды. Тектілік текке кетсін бе?! Қазіргі таңда ағайынды Аймағанбетовтерден тараған әулеттің әрқайсысы өз орталарына сыйлы, халқы қастер тұтатын шаңырақ егелері.

Қасиетті Құрбан айт қарсаңында жасалған аталмыш шараның бар ғұмырын туған жері, өскен өлкесінің көркеюіне арнаған асыл азаматтардың есімі елінің есінде берік сақталатынын тағы да паш етті.

Жұмабек  ТАБЫНБАЕВ,

Қазалы  ауданы

 


Күнтізбе

< Тамыз 2019 >
      1 2 3 4
5 6 7 8 9 10 11
13 14 15 16 17 18
19 20 21 22 23 24 25
26 27 28 29 30 31  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары