Өзекті мәселелер

  • 21.11.19

     

    Ерлан  ЕСТЕК,

    қазақ күресінен ұлттық құраманың бас бапкері:

    Толығырақ...

  • 21.11.19

    «Заманның  қожасы  да,  тұтқасы  да – жастар!». 1921 жылы «Жас Алаш» газетінің алғашқы нөмірі осы ұранмен жарыққа шықты. Тарих бетінде «Жас Алаш» көтерген үндеу алтын әріппен жазылды. Ел жастарының жанында жатталып қалды. Осы басылымда Ғани Мұратбаев тұңғыш редакт­орлық қызмет атқарған еді. Жалпы, Ғани туралы айтылатын, жазыла­тын дүние көп. Тым қысқа ғұмырында тындырымды тірлік жасап­  кеткені...

    Толығырақ...
  • 21.11.19

    «Шыдамның да шегі бар». «Қызылорда жылу электр орталығы» МКК мен «Су жүйесі» МКК басшылығы осылай дейді. Сұрауы бар су мен қытымыр қыста жан сақтайтын жылудың ақысына келгенде тұрғындар таршылық танытатын­ көрінеді. Олар ай сайын емес, жыл сайын қордаланға­н қарыздарын жеке тұрғындар мен меке­мелерге ескертуден шаршаған. Жылдың басында жылуға­ қарыз көлемі 200 миллион теңгеге жеткен. Ал...

    Толығырақ...
  • 21.11.19

    Аграрлық өңірдің әлеуетін арттыруға бағытталған жұмыстар бүгінде өз жемісін беруде. Кеше ғана ауыл шаруашылығы саласында көштің басында тұрған Жалағаш ауданымен қалай мақтансақ та жарасады. Аллаға шүкір, ауыл еңбеккерлері Жер-Ананың берген ырзық-несібесін ысырап қылмай, Сырдың басты дақылынан тау тұрғызуда белсенділік танытуда.

    ...
    Толығырақ...
  • 21.11.19

    Қазақстандық медицина  саласын  жаңа деңгейге көтеруге бағытталған жобалардың  бірі – «Денсаулық» бағдарламасы. Үш жылдан бері жүзеге асырылып келе жатқан бұл бағдарламаның да мәреге жетуіне аз қалды. Қызылорда облысында аталмыш бағдарлама аясында ауқымды жұмыстар атқарылды.

    ...
    Толығырақ...
Сейсенбі, 20 Тамыз 2019

1-СЫНЫПҚА 21 МЫҢНАН АСА БАЛА БАРАДЫ PDF Print Email
Жаңалықтар - Халық-хабар
20.08.2019 17:50

Апта басында өңірлік коммуникациялар қызметінде облыстық білім басқармасының басшысы Майра Мелдебекова алты айды қорытындылап, брифинг өткізді. Атқарылған жұмыстармен қатар, «Жаңа оқу жылына дайындық қалай?», «Оқу жылында қандай жаңашылдықтар бар?» деген секілді бірқатар сауалдарға да жауап берді.

Жалпы, мектепке дейінгі тәрбие мен оқыту деңгейі бойынша облыстағы балабақшалар саны 667-ге жетіп, онда 61 мың бала тәрбиеленуде. Жекеменшік балабақшалардың үлесі барлық балабақшаның 72 пайызын құрайды. Осыған дейін Арал, Қазалы аудандарынан 85 орынға арналған 2 жеке балабақша, Қызылорда қаласынан 140 орынға арналған 1 мемлекеттік балабақша ашылған. Балабақшада жұмыс істейтін 165 тәрбиеші біліктілік арттыру курсынан өткізілсе, жыл аяғына дейін 615 тәрбиешіні курстан өткізу жоспарланған. Бұл – мектепке дейінгі тәрбие мен оқыту турасындағы жаңалықтар. Шынын айту керек, бұл салада әлі шешімін таппай келе жатқан мәселелер аз емес. Бірақ, жаңа оқу жылы қарсаңында көпшіліктің ықыласы орта білімге қатты ауып тұр.

Жаңа оқу жылында облыстағы 293 мектепке 164 500 оқушы келеді деп күтілуде. Оқушылардың контингенті 2018 жылмен салыстырғанда 10 мыңға көбейеді. Қазіргі есеп бойынша, облыста 1-сыныпқа 21553 оқушы қабылданады.

- Биыл жаңартылған білім беру мазмұны бойынша 4, 9, 10-сыныптар көшуге дайын. Осы сынып оқушыларына оқулықтар мен оқу әдістемелік кешендер сатып алу үшін жергілікті бюждеттен 1,7 млрд теңге бөлініп, 15 баспаханамен келісімшарт жасалды. Тасымалдауға 15,7 млн теңге қаржы бөлініп, тиісті жұмыстар жүргізілуде, - деді Майра Тұрғанбайқызы.

Жаңартылған мазмұнға сәйкес 10-сынып оқушылары «Графика және жобалау», «Кәсіпкерлік және бизнес негіздері» сынды жаңа пән оқиды. Биылғы жылдың тағы бір жаңалықтарының бірі мектептерде ыстық тамақ ұсыну, лагерьге жолдама беру, 1-сыныпқа оқуға қабылдау, мұғалімдерді жұмысқа қабылдау тәртібі автоматтандырылды. Облыста цифрландыру қарқынды түрде жүргізіліп келеді. Барлық мектептер 100% кеңжолақты интернетке қосылған.

Өткен жылы 156 жаңа модификациялы пәндік және 92 робототехника кабинеті алынды. Сонымен қатар, 9 оқушылар үйі «3D Моделдеу» және «Цифрлы лаборатория» кабинеттерімен жабдықталды. Мемлекеттік-жекеменшік әріптестік негізінде 8096 дана компьютер паркі жаңартылды. Арнайы планшеттермен қамтамасыз етілді. Шағын жинақталған 23 мектепке «BilimBook» кешендері берілді.

Жаңа оқу жылына оқулықтар мен оқу-әдістемелік кешендерін сатып алуға барлығы жергілікті бюджеттен 1,7 млрд теңге қаржы бөлініп, оның 82 пайызы немесе 1,4 млрд теңге жаңартылған білім беру мазмұнына көшетін 4, 9, 10-сыныптардың оқулықтарын сатып алуға жұмсалуда (36 920 оқушыға 684 мың дана оқулық). Қалған 300 млн теңге басқа сыныптардың (1, 2, 3, 5, 6, 7 ,8-сыныптар) қажетті оқулық қорларын толықтыру үшін бағытталған. Бүгінгі күнге 15 баспаханамен келісімшарт жасалып, 30 пайыз қаржысы аударылған.

Оқулықтарды тасымалдау үшін 10 кәсіпкерлік субъектісімен 15 млн теңгеге келісімшарт жасалып, тасымалдау жұмыстары жүргізілуде. 25 тамызға дейін толық жеткізілетін болады. Білім басқармасы тарапынан оқулықтардың баспадан алынуы мен тасымалдануына күнделікті мониторинг жасалуда.

1 шілде мен 30 қыркүйек аралығында «Мектепке жол» республикалық қайырымдылық акциясы өткізілуде. Биылғы жылғы акция «Жүректен жүрекке!» ұранымен ұйымдастырылуда.

Акцияның мақсаты – әлеуметтік тұрмысы төмен отбасы балаларына қайырымдылық көмек көрсету және олардың мектепке бара алмай қалуының алдын алу.

Акцияны өткізу бойынша кешенді іс-шаралар жоспары әзірленіп, бекітілді. Акция барысында көмек көрсетуді жан-жақты үйлестіру мақсатында облыстық білім басқармасы және «Жомарт» қоғамдық бірлестігімен меморандумға қол қойылды. Осы бірлестіктің қоғамдық қорына облыстық басқармалардан 806 мың теңге аударылды. Бүгінгі күні акция аясында 5051 балаға 34 млн теңгеге мектеп формасы мен оқу құралдары алынды. Акция әлі жалғасып жатыр.

- Облыс бойынша 29 техникалық-кәсіптік білім беретін оқу орындарында 97 мамандық 167 біліктілік бойынша 20985 студент оқу жылын аяқтады (16 мемлекеттік, 13 жекеменшік оқу орындары). Оның ішінде 6500 студент колледж бітіріп, дипломын алды. 835 студент маусым айында ҰБТ-ға қатысты. 2019-2020 жаңа оқу жылына жергілікті бюджеттен 3128 орынға мемлекеттік тапсырыс бөлініп, колледждерге конкурстық негізде орналастырылды. Сонымен бірге, «Баршаға арналған тегін кәсіби-техникалық білім беру» жобасы аясында жаңа оқу жылына жергілікті бюджеттен 1515 орынға мемлекеттік тапсырыс бөлінді, - деді облыстың бас педагогі.

2019 жылы колледждердің білім беру жүйесін автоматтандыру үшін жергілікті бюджеттен 32,8 млн теңге қаржы бөлінген. Нәтижесінде, 8-і мемлекеттік қызметтен электронды түрге көшкен. Талапкерлер колледждерге түсуге тиісті құжаттарды электронды түрде тапсыруда.

Брифинг соңында біз «Халық» газетінде көтерілген «Ер педагог неге аз?», «Бастауыштан бастамасақ болмайды» деген мақалаларды негізге ала отырып, спикерге сұрақ қойып, осы тақырып туралы ойын білдік.

- Бұл – бұрыннан бар үрдіс. Бірақ, соңғы 5 жылмен салыстыратын болсақ, қазіргі таңда мектептерде ер-азаматтардың үлес салмағы көбеюде. Мысалы, қазақ тілі мен әдебиеті, алғашқы әскери дайындық, дене шынықтыру, тарих және математика секілді пәндерде ер педагогтер бар. ҰБТ-да оқушылардың таңдаған пәндеріне қарап, ер балалардың педагогика саласына бетбұрысы бар екеніне, саны өскеніне көз жеткіздім. Сондықтан да, бұл өзекті мәселе емес. Соңғы өзгерістерге, «Ұстаз мәртебесі» туралы Заңға байланысты ер балалардың педагогикалық мамандықтарға келетініне сенеміз, шақырамыз, - деді облыстық білім басқармасының басшысы М.Тұрғанбайқызы.

Қалай десек те, бұл тақырыпқа атүсті қарауға болмайды. Сондықтан алдағы уақытта аталмыш мәселені бас педагогтің назарына қайта салмақ ойымыз бар. Өйткені, педагогика саласына ер-азаматтарды тарту турасында жаңа бағдарлама қабылданып, бірнеше артықшылық берілуі тиіс деген пікірде екенімізді жасырмаймыз.

Рыскелді  ЖАХМАН

 


ҚЫЗЫЛОРДАДА ЖОЛ ҚОЗҒАЛЫСЫ ҚАУІПСІЗДІГІН ҚАМТАМАСЫЗ ЕТУ ШАРАЛАРЫ ҰСЫНЫЛДЫ PDF Print Email
Жаңалықтар - Халық-хабар
20.08.2019 17:40

Облыс әкімі Қуанышбек Ысқақовтың төрағалығымен құқық бұзушылықтың алдын алу жөніндегі ведомствоаралық комиссияның отырысында жол қауіпсіздігін қамтамасыз ету мәселелері талқыланды және оларды шешу бойынша бірқатар шаралар ұсынылды.

Қызылорда облысы полиция департаменті бастығының орынбасары Серік Шалхаров облыс аумағындағы жол-көлік оқиғаларының алдын алу және жою бойынша жүргізіліп жатқан жұмыстар туралы баяндады.

"Есепті кезеңде облыс аумағында жол-көлік оқиғаларының алдын алу бойынша "Автобус", "Қауіпсіз жол", "Жаяу жүргінші", "Құқық тәртібі" және т.б. жедел-профилактикалық іс-шаралар өткізілді. Сонымен қатар, әр аптаның жұма, сенбі және жексенбі күндері қоғамдық тәртіп пен қауіпсіздікті қамтамасыз ету мақсатында, қала және аудандардағы полиция қызметі күшейтілген түріне көшіріліп, «Түнгі қала», «Қауіпсіз аула» атты қысқа мерзімді жедел-профилактикалық іс-шаралар ұйымдастырылып өткізілуде»,- деп мәлімдеді С.Шалхаров.

Сондай-ақ, облыс көлемінде жол апаттарылың алдын алу мәселелерін насихаттау мақсатында, 2019 жылдың сәуір айынан бастап қыркүйек айына дейін айына бір рет «Жолда қабылдау» акциялары ұйымдастырылуда, республикалық және жергілікті БАҚ құралдары мен әлеуметтік желілерде тиісті ақпараттық материалдар жарияланып, ақпараттық-түсіндіру шаралары өткізілді.

Сонымен қатар, облыстық полиция департаменті бастығының орынбасары жол қозғалысы қауіпсіздігін қамтамасыз ету бойынша бірқатар ұсыныстар енгізді. Атап айтқанда, жолда жылдамдықты асыру фактілерін дер кезінде анықтау және болдырмау үшін облыс орталығы мен аудан орталықтарында автоматты режимде жұмыс істейтін арнайы жылдамдық өлшегіштерді орнату ұсынылады.

Одан бөлек, Республикалық маңызы бар автожолдарда үй жануарларының көлік жолына кенеттен шығуына байланысты 47 жол-көлік оқиғасы тіркелген, оның ішінде адам қайтыс болған фактілері тіркелген. Осыған байланысты түнгі уақытта жол-көлік оқиғаларының алдын алу мақсатында елді мекендерде түсіндіру жұмыстарын жүргізу, ірі қара мал иелеріне жарық шағылыстыратын алқаларды тағу бойынша жұмыстарды қайта жалғастыру, сондай-ақ халықаралық маңызы бар автомобиль жолының бойында "Абайлаңыз, үй жануарлары!" паннолары мен металл қоршау торларын орнату туралы ұсыныс айтылды.

Сондай-ақ, ведомствоаралық комиссия отырысында түрмедегі жазасын өтеушілерді жұмысқа орналастыру және аталмыш комиссияның өткен отырыстарының хаттамалық тапсырмаларын орындау мәселелері қаралды.

Отырысты қорытындылай келе, Қызылорда облысының әкімі Қуанышбек Ысқақов жауапты тұлғаларға жол-көлік оқиғасының алдын алу бойынша аймақтық Жол картасын дайындауды, жол қозғалысы қауіпсіздігін қамтамасыз ету бойынша түсіндіру жұмыстарын күшейтуді тапсырды.

Облыс әкімінің баспасөз қызметі

 


Қызылордада 107 мектеп пен мемлекеттік жоғары және кәсіптік техникалық оқу орындарында кәсіпкерлік негіздері оқытылады PDF Print Email
Жаңалықтар - Халық-хабар
20.08.2019 17:37

«Атамекен» ҰКП мен Білім және ғылым министрлігі қыркүйек-желтоқсан айлары аралығында 50 мыңға жуық студентті кәсіпкерлік негіздеріне оқытуды жоспарлап отыр. Бұл студенттерді республика бойынша арнайы біліктілік курстарынан өткен 821 оқытушы оқытпақ.

Оның ішінде биыл Қызылордада 107 орта мектеп пен мемлекеттік жоғары және кәсіптік техникалық оқу орындарында оқушылар мен студенттерге кәсіпкерлік негіздеріне оқытылатын болды. Кеше Сыр өңірінде аталмыш пән бойынша оқытатын мұғалімдер мен оқытушыларға әдістемелік бағыт-бағдар беруге арналған 10 күндік оқыту курсы басталды.

19-29 тамыз күндері Шиелі, Жаңақорған аудандары мен Қызылорда қаласының 56 мұғалімі, сондай-ақ облысқа қарасты жоғары және орта арнаулы оқу орындарының 39 оқытушысы оқытылса, қалған аудан мұғалімдері қыркүйек айында біліктілігін жетілдіретін болды.

Оқу курсы барысында оқытушылар маркетингтік зерттеу жүргізу, анализ жасау, бизнес-модель, жоспарлау, кәсіпкерлік мәдениет және т.б. тақырыптар бойынша білім алады.

«Мектеп оқушылары мен студенттерді кәсіпкерлік негіздеріне оқыту арқылы жастардың жоспарлау, талдау жасау, шешім қабылдау қасиеттерін дамытуды, болашақта жеке кәсібін ашуға ниетті азаматтар қатарын арттыруды көздейді. Қазіргі өтіп жатқан курс 10 күнге жоспарланған. Алайда біздің бизнес-тренерлеріміз 3 ай көлемінде мұғалімдер мен оқытушылардың оқу бағдарламасына, өткізу әдісіне сүйемелдеу жүргізетен болады. Осылайша, «Атамекен» ұстаздарға әдістемелік қолдау көрсетуді жоспарлап отыр», - дейді Кәсіпкерлер палатасының сарапшысы Гүлмира Әлназарова.

Айта кету керек, «Кәсіпкерлік негіздері» пәні Қызылорда облысы кәсіпкерлер палатасының бастамасымен 2014 жылы пилоттық негізде Қызылорда қаласындағы № 9 мектеп-гимназиясында енгізілген болатын. Жобаның тиімділігі ескеріле келе «Атамекен» мен Білім және ғылым министрлігінің бірлескен жобасы ретінде республиканың барлық мектептеріне енгізу жөнінде шешім қабылданды. Енді аталмыш пән жоғарғы және орта арнаулы оқу орындарының 3-4 курс студенттерінің оқу бағдарламаларына да енгізілмек.

Қызылорда облысы

кәсіпкерлер палатасының баспасөз қызметі

 


ҚР ПРЕМЬЕР-МИНИСТРІ СЫР ЖҰРТШЫЛЫҒЫНА АРЫС ТҰРҒЫНДАРЫНА КӨМЕК КӨРСЕТКЕНІ ҮШІН АЛҒЫС АЙТТЫ PDF Print Email
Жаңалықтар - Халық-хабар
20.08.2019 17:35

Бүгінгі таңда өңірдегі құрылыс компаниялары жарылыс салдарынан зардап шеккен тұрғын үйлерді қалпына келтіру жұмыстарын толық аяқтады. Бұл туралы мәслихаттың 35 кезектен тыс сессиясында облыс әкімі Қуанышбек Ысқақов хабарлады.

"17 тамызда сенбі күні Президент тапсырмасына сәйкес Қазақстан Республикасының Премьер-Министрі Асқар Ұзақбайұлы Мамин Түркістан облысында жұмыс сапармен болды. Жұмыс сапары барысында Асқар Ұзақбайұлына Арыс қаласындағы қалпына келтіру жұмыстарының барысы туралы баяндадым. Сыр құрылысшыларына және халқына қиын жағдайда қолдау жасағаны үшін Премьер-Министр өз ризашылығын білдірді", - деді аймақ басшысы.

Облыс әкімі, өз кезегінде, Арыс қаласындағы тұрғын үйлерді қалпына келтіру жұмыстарын жылдам әрі сапалы орындағаны үшін құрылысшыларға алғысын білдірді.

Естеріңізге сала кетейік, сенбі күні Қызылорда облысының әкімі Қуанышбек Ысқақов жұмыс сапарымен Түркістан облысына барып, онда жөндеу жұмыстарының нәтижесін көріп қайтты. Қызылорда облысына Арыс қаласындағы № 6 учаске бөлінген, онда 14 көшеде 268 тұрғын үй, 5 әлеуметтік және 10 коммерциялық нысан орналасқан. Бүгінгі күні қалпына келтірілмейтін үйлердің бірі бұзылып, оның тұрғындары үшін жаңа үй сатып алынды, басқа үйдің тұрғындары үшін (93 жастағы әже, оның 60 жастағы мүгедек ұлы және 19 жастағы немересі) және бір аулада тұруға жарамсыз 2 үйдің тұрғындары үшін жаңа тұрғын үйлер сатып алынды. Қалған 264 үй толығымен қалпына келтірілді.

Қалпына келтіру жұмыстарын орындау үшін 20 құрылыс компаниясы жұмылдырылған болатын. Бүгінгі таңда Қызылорда облысына бөлінген жұмыстар толығымен аяқталды.

Облыс әкімінің баспасөз қызметі

 


2019 ЖЫЛҒА АРНАЛҒАН ҚЫЗЫЛОРДА ОБЛЫСЫНЫҢ БЮДЖЕТІ НАҚТЫЛАНДЫ PDF Print Email
Жаңалықтар - Халық-хабар
20.08.2019 17:25

Мәслихаттың кезектен тыс 35-сессиясында өңірдің шұғыл қажеттіліктеріне жұмсалатын 14,2 млрд теңге сомасы нақтыланды.

Бүгін Қызылордада облыстық мәслихаттың кезектен тыс 35 сессиясы өтті. Сессия жұмысына Қазақстан Республикасы Парламенті Сенатының депутаттары Бекмырза Еламанов пен Мұрат Бақтиярұлы қатысты.

Мәслихат сессиясында сөйлеген сөзінде Қызылорда облысының әкімі Қуанышбек Ысқақов 2019-2021 жылдарға арналған облыстық бюджет жобасында 14,2 млрд.теңге сомасын нақтылауды ұсынды.

"Бұл қаражатты облыстың кезек күттірмейтін басымды бағыттағы шығындарына жұмсау көзделуде. Біріншіден, мемлекеттік атаулы әлеуметтік көмек көрсетуге қосымша 5,1 млрд.теңге бөлінді. Бұдан басқа, 2019 жылғы 1 маусымнан бастап азаматтық қызметшілердің жекелеген санаттарының жалақысын арттыруға қосымша 967,9 млн.теңге; еңбек нарығында сұранысқа ие біліктіліктер мен дағдылар бойынша қысқа мерзімді кәсіптік оқытуға 1,1 млрд. теңге бағытталды. «Еңбек» мемлекеттік бағдарламасы шеңберінде нәтижелі жұмыспен қамтуды және жаппай кәсіпкерлікті дамытуға кредит беруге 950,0 млн.теңге қаралуда", - деді облыс әкімі.

Айта кетейік, облыс бюджеті өзінің әлеуметтік бағытын сақтап келеді. Денсаулық сақтау, білім беру, спорт, мәдениет саласын дамытуға 878,0 млн. теңге бағытталды. Бұдан басқа, облыс бюджетінің қалған бөлігі Сырдария өзенінің сол жағалауын игеруге және дамытуға (8 жалға берілетін тұрғын үй құрылысына), облыс орталығын дамытуға; мемлекеттік-жекешелік әріптестік аясында 4 жобаны мемлекеттік міндеттемелерін орындауға және 2 жобаны консультативті қолдау мен олардың конкурстық құжаттарын сараптамадан өткізуге бағытталған; сондай-ақ 2017-2020 жылдарға арналған жылу беру маусымында бюджеттік мекемелер мен кәсіпорындарды үздіксіз жылумен қамтамасыз етуге.

"Айта кету керек, Қызылорда облысы Арыс қаласындағы төтенше жағдай салдарынан зардап шеккен тұрғындарға алғашқылардың бірі болып көмек көрсетті. Арыс қаласындағы тұрғын үйлерді қалпына келтіруге және Түркістан қаласындағы халыққа қызмет көрсету кешенін салуға облыстың нақтыланған бюджеті қаражатының бір бөлігі бағытталды", - деп атап өтті аймақ басшысы.

Естеріңізге сала кетейік, 2019 жылға арналған облыс бюджеті 239,2 млрд.теңге көлемінде бекітіліп, жыл ішінде 3 рет нақтыланып, нәтижесінде облыс бюджетінің көлемі 297,0 млрд.теңгені құрады.

Облыс әкімінің баспасөз қызметі

 


Күнтізбе

< Тамыз 2019 >
      1 2 3 4
5 6 7 8 9 10 11
12 13 14 15 16 17 18
19 21 22 23 24 25
26 27 28 29 30 31  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары