Өзекті мәселелер

  • 12.09.19

    Қасымды түлен түртті. Түрткенде тіпті шектен шықты. Соңғы уақытта ащы суға үйір болды­. Таң алекеуімнен оразасын ішімдікпен ашады. Ішке түскен қызу миында қордаланған уайымын ұмыттырады. Зіл-батпан денесін жеңілдетеді. Отбасымды асыраймын, жеткіземін деп істемеген жұмысы  жоқ. Базарда арба да сүйреді. Жүк түсіруші де болды. Шеберхана ашып, аяқ киім де тікті. Жалданып жұмыс та істеді.

    ...
    Толығырақ...
  • 12.09.19

    Қалалық А.Тоқмағамбетов атындағы мәдениет үйінде өткен мемлекет басшысының «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауына арналған Қызылорда қаласының идеологиялық активі мен «Nur Otan» партиясы қалалық филиалының саяси кеңе­сінің бірлескен отырысында басым бағыттар сараланды. Жиынды қала әкімі Нұрлыбек Нәлібаев ашып, жүргізді.

    ...
    Толығырақ...
  • 12.09.19

    Алғашқы 8 айдың қорытындысы бойынша қала қазынасына 12 452,6 млн теңге түсім түсіп, жоспар артығымен орындалған. Дегенмен, салық саласында  түйткілдер тым көп. Мәселен, қала  көлеміндегі 13 базарда 1342 орын, 8 ірі сауда үйінде 915 орын жалға берілген. Базарл­ар мен сауда үйлерінде сауда жерлерін жалға алып, кәсіппен айнал­ысып жүрген азаматтар табыстарын төмендетіп көрсеткен. Бұл жөнінде Қы­зы...

    Толығырақ...
  • 12.09.19

    Облыс әкімі Қуанышбек Ысқақов осыған дейін өңірдегі алты ауданға ат басын бұрып, ауылдарын аралап қайтқаны бар. Сонау солтүстіктегі Арал мен оңтүстіктегі Жаңақорғанға дейін түгел шарлап шықты. Бірақ Ғанибек Қазантаев басқаратын облыс орталығының іргесіндегі Сырдария ауданына табан тіреген жоқ.

    ...
    Толығырақ...
  • 12.09.19

    Айжарық  СӘДІБЕКҰЛЫ

    СЕН   ӘЛЕМНІҢ ЖАНАРЫНДАСЫҢ,   АРАЛ!

    Арал атырабын жайлаған экологиялық апаттың дүние-әлемнің жанарына іліккеніне де талай жылдың жүзі аунады. Енді аманшылық болса, жиырм­асыншы ғасырды түгендеп, жаңа жүзжылдықты бастаймыз. Ең өкініштісі сол, алдағы ғасырдың табал­ды­рығынан тәуелсізді...

    Толығырақ...
Дүйсенбі, 02 Қыркүйек 2019

ЖОЛДАУ КӘСІПКЕРЛЕРГЕ ЖАСАЛАТЫН ЖЕҢІЛДІГІМЕН ҚҰНДЫ PDF Print Email
Жаңалықтар - Халық-хабар
03.09.2019 09:10

Мемлекет басшысы Қасым-Жомарт Тоқаевтың халыққа арнаған алғашқы Жолдауы бизнес өкілдері үшін тосын, әрі жағымды жаңалықтарға толы болды.

Әсіресе, Президенттің «Жұмыс берушінің жұмысшыға қосымша 5 пайыз зейнетақы аударуы 2023 жылға шегеріледі», - деген сөзі кәсіпкерлердің еңсесін көтеріп тастады. Бұл мәселе айтылған сәттен бастап «Атамекен» Ұлттық кәсіпкерлер палатасы бизнеске ары қарай ауыртпалық салуды ұлғайтуға қарсылығын білдіріп, аталған нормаларды қайта қарау бойынша нақты позицияны ұстанған болатын. Сонымен қатар, Ұлттық палата өз кезегінде кәсіпкерлерді, қауымдастықтарды, тәуелсіз сарапшыларды тарту арқылы мәселені жан-жақты талқылауға да шақырды. Міне, бүгін нәтижені көріп отырмыз, Қасым-Жомарт Кемелұлы 5 пайыздық міндетті зейнетақылық жарнаның енгізілу мерзімін шегеруді тапсырды.

Жолдаудағы бизнес өкілдері үшін келесі үлкен қолдау – Президенттің микро және шағын бизнес компанияларын табысқа салынатын салықтан 3 жылға босату туралы Үкіметке заңды негіз құруды тапсыруы. Соңғы кезде, Кәсіпкерлер палатасы Өңірлік кеңесінің төрағасы Ділмұхамед Әбізов көрші Өзбекстан еліндегі шағын және орта бизнеске жасалып жатқан жағдайларды айтып, соның нәтижесінде елімізде жеңіл өнеркәсіпті ақсатып алу қауіпі болып тұрғандығын әртүрлі алаңдарда көтеріп жүрген болатын. Мемлекет басшысының бүгінгі Жолдауда Үкіметке берген тапсырмасын кәсіпкерлер қуана қабылдады. Нәтижесімен жаңа жұмыс орындары ашылып, өз елімізде өндірілетін өнімдер сапының артары сөзсіз.

Жолдауда айтылған «Бизнестің жол картасы» бағдарламасына қосымша бөлінетін 250 млрд теңге, мемлекеттік сатып алудағы ашықтықты талап ету, 2020 жылдан бастап 3 жылға дейін микро және шағын кәсіпкерлікті тексеруге тыйым салу, экономиканы әртараптандыруға қатысты мәселелер кәсіпкерлердің көкейінде жүрген жайттар болатын.

Мемлекет басшысы бұл қадамдар арқылы елімізде кәсіпкерлікті қолдау алдағы уақытта да жан-жақты жүргізілетіндігін көрсетті. Жолдау кәсіпкерлер үшін осынысымен құнды.

Ғалымбек Жақсылықов,

Қызылорда облысы кәсіпкерлер палатасының директоры

 


Сенім ұялатқан Жолдау PDF Print Email
Жаңалықтар - Халық-хабар
03.09.2019 09:00

Президентіміз Қасым-Жомарт Тоқаев кеше VІ шақырылымдағы Парламенттің 5-ші сессиясын ашып, қазақстандықтардың əл-ауқатын арттыруға арналған "Сындарлы қоғамдық диалог-Қазақстанның тұрақтылығы мен өркендеуінің негізі"атты Жолдауын таныстырды.

Жанқожа батыр ауылдық мəдениет үйі қызметкерлері Жолдауды интернет арқылы көріп, таныстық. Президент Жолдауында көптеген түйткіл мəселелердің шешілу жолдары қарастырылған. Соның ішіндемəдениет саласына да үлкен мəн берілгені бізді қуантады.

"Мəдениет қызметкерлеріне қолдау қажет.Біз мəдениет саласында еңбек ететін адамдарға жеткілікті түрде көңіл бөлмей отырмыз.Бұл, ең алдымен, кітапхана,музей,театр қызметкерлеріне қатысты мəселе.Олардың еңбекақысы соңғы жылдары мүлде көбейген жоқ.Соның салдарынан мəдениет қызметкерлері,əсіресе жас мамандар жеңілдігі бар тұрғын үй бағдарламаларына қатыса алмайды.Мұндай ахуал осы кəсіптің беделін түсіріп,лайықты кадрлардың тапшылығы айқын сезілуде.Келесі жылдан бастап мəдениет қызметкерлерінің жалақысын көбейту тиіс,сондай-ақ, білім беру жəне денсаулық сақтау салаларындағы міндетті əлеуметтік жеңілдіктер мəдениет саласының өкілдеріне де берілу керек",- деді Мемлекет басшысы Қазақстан халқына Жолдауында.

Жанқожа батыр ауылдық мəдениет үйі жанындағы халық театры 1992 жылдан бастап халыққа қызмет көрсетіп келеді.

Бұл Жолдау ел үмітін ақтап,халықтың талап-тілектерін орындай алатын ерекше Жолдау болды.

Марат Жақсылықов,

Жанқожа батыр ауылдық мəдениет үйінің директоры.

Қазалы ауданы

 


ҚАРМАҚШЫДА КҮРІШКЕ ОРАҚ ТҮСТІ PDF Print Email
Жаңалықтар - Халық-хабар
02.09.2019 12:30

Биыл қармақшылық диқандар 23748 гектар егістік алқапқа түрлі ауыл шаруашылығы дақылын, атап айтқанда, 14633 гектарға күріш, 595 гектарға жаздық бидай, 125 гектарға арпа, 347 гектарға мақсары, 40 гектарға соя және 6831 гектарға жоңышқа мен 1187 гектарға картоп, көкөніс және бақша дақылдарын орналастырды.

Сонымен бірге, күзгі егін жинау науқанына 152 трактор мен оның 94 тіркемесі, 166 комбайн мен жатка, 62 жүк көлігін тарту жоспарланған болса, егілген 595 гектар жаздық бидайдан 297,5 тонна дән алынып, 125 гектар жерге егілген арпа дақылынан 125 тонна жиналды. 4553 гектар ескі жоңышқаның 450 гектары тұқымға қалдырылып, орылған жоңышқадан 17,1 мың тонна, ал 2262 гектар жерге орналастырылған жаңа жоңышқадан 814 тонна өнім алынды.

Міне, осындай ел ырзығын ысырапсыз жинап алуды мақсат еткен қармақшылықтар Мұрат Сәрсенбаев басшылық ететін «Достық Жер МК» шаруашылығында өткен ауданның алғашқы күрішке орақ түсу рәсіміне куә болды.

Мерекелік шараны ашып, оның өткізілу мақсатымен таныстырған аудан әкімінің міндетін атқарушы Әділ Қошалақов өңірімізде ауыл шаруашылығы саласы бойынша қол жеткізген жетістіктер мен алдағы жылға айқындалған мақсатты жобалар жайында сөз қозғады.

Содан соң сөз алған «Достық Жер МК» жауапкершілігі шектеулі серіктестігінің директоры Мұрат Сәрсенбаев:

- Биылғы егін егу науқанында шаруашылық диқандары 2392 гектарға күріш, оның ішінде «Янтарь», «Элита», «Новатор» сынды күріш сорттарымен бірге, 336 гектарға жаздық бидай, 95 гектарға арпа және 1244 гектарға жоңышқа егіп, бүгінде осы ауыл шаруашылығы дақылдарын ысырапсыз жинап алуда тер төге еңбек етуде. Оған 283 адам мен 20 дана түрлі маркадағы жатка мен комбайн, 3 астық тиегіш пен 55 автокөлік пен трактор және басқа да ауыл шаруашылығы техникасы тартылуда. Сонымен бірге, шаруашылық ауылды абаттандыруға 59 млн теңге, ал әлеуметтік саланы дамытуға 92 млн теңге жұмсады, - деді.

Аудандық «Дала күні-2019» семинарында «Жаңажол» жауапкершілігі шектеулі серіктестігінің директоры Орынбасар Төлепов, «Ы.Жақаев» атындағы қазақ күріш ғылыми зерттеу институты директорының міндетін атқарушы Әсет Тоқтамысов және ІІІ Интернационал ауылдық ардагерлер кеңсінің төрағасы Сайлау Мұқтаровтар сөз сөйлеп, тақырып аясында көтерілген мәселелер бойынша өз пікірлерін зерделеп, ойларын ортаға салды.

Семинардан кейін оған қатысушылар шаруашылық бригадирі Әлімжан Пұсырманов басшылық жасайтын №5 егіс бригадасының сушысы Еркін Зәріпхановтың ала жаздайғы баптап, өсірген күріштігіне облыстық ауыл шаруашылығы басқармасы басшысының міндетін атқарушы Сейілбек Нұрымбетов, аудан әкімінің міндетін атқарушы Әділ Қошалақов және еңбек ардагері Орынбасар Сариевтің қатысуымен орақ түсіру рәсімінің лентасын қиюға қатысты.

Нұрбай  ЖАНӘДІЛОВ,

Қармақшы  ауданы

 


ЖАҢАҚҰРЫЛЫСТЫҚТАР РИЗАШЫЛЫҚТАРЫН БІЛДІРЕДІ PDF Print Email
Жаңалықтар - Халық-хабар
02.09.2019 12:20

Жаңақұрылыс халқының ардагерлері, мұғалім, мектеп оқушылары және ауыл тұрғындары атынан қолыма қалам алып, ел құрметтеген, алты жарым жыл бойы Қызылорда облысының әкімі болып, уақытпен санаспай маңдай терін төгіп, облыстың күрделенген, шешімін таппай келе жатқан жұмыстардың күрмеуін шешіп, қайбір сала болмасын, олардың ілгерілеуіне, халықтың әл-ауқатын жақсартуға үлкен үлесін қосқан, бойында қазақылықтың иісі аңқып тұрған, сөзі пәтуалы Қырымбек Елеуұлына жаңақұрылыстықтардың шынайы ризашылықтарын баспасөз арқылы оқырман қауымға жеткізуді жөн деп санадым. Жақсы адамның игілікті істерін, ұлағатты сөздерін бойымызға, ұрпақтарымызға түсіндіру – біздің рухани байлығымыз. «Жақсының жақсылығын айт, нұры тасысын» дегендей, Қырымбек Көшербаев облысты басқарып тұрған кезінде, Қызылорда қаласында, аудандарда, ауылдарда халыққа күнделікті қызмет көрсететін қаншама әлеуметтік нысандар, яғни мектеп, аурухана, дәрігерлік емхана, фельдшерлік-акушерлік пункттер, мәдениет және тұрғын үйлер бой көтеріп, халық игіліктеріне беріліп, елдің алғысына бөленді. Бүгінгі таңда облыста бірде-бір апатты мектеп жоқ.

2014 жылы тамыздың тамылжыған күнінде Қырымбек Елеуұлы Арал ауданының Көкарал бөгетін көріп, сол өңірдегі жұртпен кездесуінде Жаңақұрылыс елді мекенінің тұрғындары ауылда халыққа қызмет ететін мектептің, фельдшерлік-акушерлік пункттің ескілігі жөнінде және жолдың қиыншылығын айтқан болатын. Міне, халықтың тілегі қабыл болып, 200 орындық екі қабатты мектептің іргетасын өз қолымен қалап, 2015 жылғы оқу жылында құрылыс сапалы аяқталып, елдің игілігіне берілді. Оның ашылуына аймақ басшысы арнайы келіп, лентасын өз қолымен қиып тұрып, «Жаңақұрылыстықтар, жаңа мектептеріңіз құтты болсын, балаларыңыз кілең 5-ке оқып, елдің мақтанышы болып, ҰБТ-ны ойдағыдай тапсырып, алтыннан алқа тақсын, қызыл куәліктерің көп болсын» деп жүрекжарды тілегін жеткізген. Дуалы ауызынан шыққан батасы қабыл болып, сол жылы мектеп бітіруші 2 оқушы алтын медаль алды. Содан бері жыл құрғатпай мектеп бітірушілер алтын алып, әрі оны қорғап келеді. Жоғарғы оқу орындарының грант иегері атанды, жыл сайын 9-сынып бітірушілерден 2-3 оқушыр қызыл куәлік алып келеді. Биылдың өзінде 1 оқушымыз 132 балл жинап, алтыннан алқа тағып, 3 оқушымыз қызыл куәлік иесі атанса, 6 оқушымыз жоғарғы оқу орнының грант иегері атанды.

2018 жылы жаңа типті фельдшерлік-акушерлік пункт халық игілігіне берілді. Биылдың өзінде «Жаңақұрылыс – Бекарыстан би» аралығындағы 23 шақырым тасжол жаңадан асфальттануда. Әрине, мұнда да кезінде Қазалы ауданына қарайтын автожолды Арал ауданының теңгеріміне алдырып, оның жөнделуіне қаражат көздерін тауып берді. Әрине мұнда да қолтаңбасы бар. Облыс көлемінде қаншама толағайлы істер атқарылды. Осындай жұмыстар Арал ауданынан шалғай орналасқан Жаңақұрылыс елді мекенінде де жалғасын табуда.

Кешегі 1 қыркүйек Білім күнгі алғашқы қоңырауда да мектеп оқушылары, мектеп бітірушілер биыл да жақсы оқып, ҰБТ-ны ойдағыдай тапсырып, алтыннан алқа тағамыз десе, 9-сынып оқушылары әрқайсысы қызыл куәлік алуға ұмтыламыз деп өздеріне сенім білдіруде. Ауыл ардагерлері жаңа оқу жылында тілектерің орындалсын деп батасын берді. Тарихты қашанда адамдар жасайды. Тарихтың тірек тұтар тұлғасы да, иесі де – адам. Сондықтан елде жасалған игі істер тарихта қалады. Қырымбек Елеуұлының әр елге жасаған еселі де ерен еңбектерінің арқасында және әрбір сөзіне ісі сай екендігін бағалай білген Қазақстан Республикасының Президенті Қасым-жомарт Тоқаев Қазақстан Республикасының Президент әкімшілігінің басшысына лайықты деп тағайындауы – үлкен сенімділік. Біз жаңақұрылыстықтар Қырымбек Елеуұлына табыс тілей отырып, елге жасаған игі жұмыстарына ризашылығымызды білдіреміз.

 

Сердалы Шалбаев,

КСРО денсаулық сақтау

саласының үздігі,

Жаңақұрылыс ауылдық

ардагерлер кеңесінің төрағасы

Арал ауданы

Суретте: мектепке барған 1-сынып оқушылары мен ата-аналары.

 


Күнтізбе

< Қыркүйек 2019 >
            1
3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары