Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

    ...
    Толығырақ...
  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып. ...

    Толығырақ...
Қыркүйек 2019

МЕМЛЕКЕТТІК ҚЫЗМЕТТЕР ЫМ ТІЛІНДЕ PDF Print Email
Жаңалықтар - Халық-хабар
24.09.2019 09:25

«Азаматтарға арналған үкімет» мемлекеттік корпорациясы ХҚО-ға жүгінетін есту қабілеті нашар азаматтарға мемлекеттік қызметтерді ым тілінде көрсетеді.

23 қыркүйекте халықаралық ым тілдерінің күні атап өтіледі. Арнайыдатаны БҰҰ 2017 жылы белгілеген.

Күн сайын еліміздегі 348 фронт-офиске мыңдаған қазақстандық мемлекеттік қызмет алуға келеді. Олардың сұранысын өтеп, сапалы қызмет көрсету – ХҚО қызметкерлерінің міндеті. Қызмет алушылардың арасында ерекше қажеттілігі бар тұлғалар да бар. Есту қабілеті нашар адамдар үшін фронт-офистер де ишарат тілін меңгерген мамандар қызмет көрсетеді.

«Әр күнін тыныштықта өткізетін азамат ХҚО сияқты мекемеге келіп, өзін түсіне алатын қызметкермен ыммен тілдесіп, керек қызметін ала алады. Біз қашанда ерекше қажеттілігі бар тұлғаларға бар жағдайды жасауға тырысамыз. Арбамен жүретіндер үшін пандустар, зағиптар үшін брайль әліп биіндегі жазулары бар тақтайшалар қойылған, нашар еститіндерге сурдо аударма тілін меңгергендер қызмет көрсетеді», – дейді басқарма төрайымы Әсемгүл Балташева.

Еліміз бойынша халыққа қызмет көрсету орталықтарының бөлімдерінде еңбектенетін 1300-ден астам қызметкер биыл ишарат тілін меңгеру курстарынан өткен. Олардың 1100-ден астамы арнайы сертификаттарыналған.

Мемлекеттік корпорацияның Қостанай облыстық филиалында қызмет ететін Айжан Мақатованың айтуынша, ым тілін үйрену ұсынылғанда, ол бірден келісімін берген. Адамдарға көмектесу–басты парызым, деп білген ол курстардан өту арқылы қызмет алуға келетін ерекше тұлғаларға пайдасын тигізе алатынын айтады. «Аз уақыт ішінде біз ым тіліндегі амандасу, қоштасу, әріптер, сандар сияқты негізгі сөздері мен терминдерін меңгердік. Қызмет алушыларға қандай анықтама, құжат қажет деп сұрай аламыз, мейлі ол жеке куәлік не паспорт болсын», – дейд іАйжан. 
Айта кетейік, мемлекеттік корпорацияда I, II, III топ мүгедектігі бар 745 жұмыскер еңбектенеді.  Жұмыспен қамту стратегиялық жоспарына сәйкес, мүгедектігі бар қызметкерлердің жалпы штат көлеміндегі үлесі 4 % кем болмауы тиіс.  III топ мүгедектігі бар азаматтар мемлекеттік корпорацияға еш конкурстық іріктеусіз жұмысқа орналаса алады.

 


ҚЫЗЫЛОРДА ОБЛЫСЫНДА «ҚОРҚЫТ АТА МҰРАЛАРЫНЫҢ ТҮРКІ ӘЛЕМІНДЕГІ РӨЛІ» АТТЫ ХАЛЫҚАРАЛЫҚ ҒЫЛЫМИ-ТЕОРИЯЛЫҚ КОНФЕРЕНЦИЯ ӨТУДЕ PDF Print Email
Жаңалықтар - Халық-хабар
20.09.2019 16:25

Бүгін өз жұмысын бастаған халықаралық ғылыми-теориялық конференцияда Түркия, Иран, Грузия, Әзербайжан, Өзбекстан, Қырғызстан елдерімен қатар, қазақстандық белгілі ғалымдар және жас буын ғалымдар да тәжірибе алмасады.

Конференцияның ашылу салтанатына Қазақстан Республикасы   Мәдениет және спорт министрлігі Тіл саясаты комитеті төрағасының міндетін атқарушы Айнұр Мырзабекова, Халықаралық  ТҮРКСОЙ ұйымының бас хатшысының орынбасары, доцент, ғылым докторы   Билял Чакыджы «Dede Gorgud» Ұлттық қорының президенті, «Азербайджан дуниясы» халықаралық журналының құрылтайшысы және редакторы   Эльдар Исмаилов, доцент, филология ғылымдарының кандидаты, ТҮРКСОЙ ұйымының Қазақстандағы өкілі  Асқар Тұрғанбаев  және Қызылорда облысының әкімі Қуанышбек Ысқақов қатысты.

Дәстүрлі өнер фестивалі Тұңғыш Президент – Елбасы Нұрсұлтан Әбішұлы Назарбаевтың қолдауымен 2006 жылы алғаш рет Сыр елінде ұйымдастырылып, жыл сайын жалғасын тауып келеді.

«ТҮРКСОЙ» Халықаралық ұйымымен бірлесе отырып биыл 5-ші рет өткелі отырған өнер фестивалі түркі тілдес елдердің ұлттық фольклорын зерделеуге, өнерімен танысуға үлес қосып келеді.

«Рухани жаңғырудың бастауы ұлттық құндылықтар болса, Қорқыт Ата мұрасының бәріміз үшін орны бөлек, маңызы ерекше екені сөзсіз.Осы ретте, түркі халықтарына ортақ Қорқыт ата мұрасын насихаттай отырып, ауызбірлігіміз бен ынтымағымызды нығайту, мәдениетіміз бен өнерімізді дамыту – баршамыз үшін зор жетістік болмақ. Бұл жұмыстың жүзеге асуында облысты алты жылдан аса абыроймен басқарған мемлекет және қоғам қайраткері Қырымбек Елеуұлы Көшербаевтың үлесі зор»,-деді аймақ басшысы.

Естеріңізге сала кетейік, Қорқыт ата кесенесі Елбасы тапсырмасымен 2015 жылы қайта жаңғыртылып, «Қорқыт ата зиярат ету орталығы» қоса салынды және кешен  «ЭКСПО-2017» бүкіләлемдік көрмесінің нысандарының бірі ретінде танылып, сан мыңдаған туристер келді.

Сондай-ақ, 2018 жылы 28 қарашада Маврикий Республикасында өткен ЮНЕСКО-ның 13-сессиясында Қорқыт ата рухани мұралары Біріккен Ұлттар Ұйымы жанындағы ЮНЕСКО-ның ғаламдық материалдық емес мұралар тізіміне енді.

Облыс әкімінің баспасөз қызметі

 


КӘСІПКЕРЛЕРДІҢ ҚҰҚЫҚТАРЫН ҚОРҒАУ ЖӨНІНДЕГІ АРНАЙЫ ЖОЛ КАРТАСЫ БЕКІТІЛДІ PDF Print Email
Жаңалықтар - Халық-хабар
20.09.2019 14:20

Облыс әкімі Қ.Ысқақовтың төрағалығымен Қазақстан кәсіпкерлерінің құқықтарын қорғау жөніндегі уәкілі Болат Палымбетовтың кәсіпкерлік субъектілерімен кездесуі өтті.  Күн тәртібінде бизнес саласының проблемалары талқыланып, кездесу қорытындысымен Жол картасына қол қойылды.

Өңірде жаңа тұрақты жұмыс орындарын құру, салық базасын ұлғайту және қоғамдық-саяси ахуалды тұрақтандыру мақсатында «Жаппай кәсіпкерлікті дамыту» жобасы екінші жыл қатарынан жүзеге асырылуда.

Биыл әртүрлі көздерден қалыптастырылған жалпы бюджеті 34 млрд. теңгені құрайтын арнайы «Жол картасы» бекітілді. Оның ішінде, 5 млрд. теңгеден астам қаражат мемлекеттік бағдарламалар аясында қаржылай емес қолдауға, қайтарымсыз гранттар беруге және шағын несиелермен қамтамасыз етуге бағытталған.

«Бизнесті мемлекеттік қолдау шараларын цифрландыру бағытында Орталық инженерлік желілерге техникалық шарттарды электронды форматта ұсынуда. Қазіргі таңда, жер телімдерін алу рәсімдері электронды нысанға көшірілген. Облыс әкімдігінің Өңірлік кәсіпкерлер палатасы жанынан құрылған Өңірлік кәсіпкерлер кеңесімен 2013 жылдан бастап тығыз жұмыс істеп келеді. Бүгінге дейін Өңірлік кәсіпкерлер кеңесінің 20 отырысы өткізіліп, шағын және орта бизнес саласында 50-ге жуық мәселелер қаралып, оң шешімін тапты»,-деді аймақ басшысы.

Сондай-ақ, кәсіпкерлердің құқықтарын қорғау, оларға барынша қолдау көрсету мақсатында алдағы уақытта атқарылатын шаралар бойынша облыс әкімдігі Қазақстан кәсіпкерлерінің құқықтарын қорғау жөніндегі уәкілдігімен бірлесіп 8 тармақтан тұратын арнайы Жол картасы әзірленіп, бүгінгі кездесуде бекітілді.

«Сіздердің кәсіпкерлік ортаны дамытуға қатысты қандайда бір идеяларыңыз болса, біз оларды бірлесіп талқылауға дайынбыз. Осы қабылданған және алдағы уақытта қабылданатын шаралардың барлығы өңір бизнесінің дамуына қолайлы жағдайлар туғызады деп ойлаймын»,-деп қорытындылады облыс әкімі.

Облыс әкімінің баспасөз қызметі

 


ҚЫЗЫЛОРДАДА ЭЛЕКТРОЭНЕРГЕТИКА САЛАСЫ БОЙЫНША ХАЛЫҚАРАЛЫҚ САЙЫС ӨТУДЕ PDF Print Email
Жаңалықтар - Халық-хабар
20.09.2019 14:10

Бүгін Қызылорда облысында Халықаралық Тәуелсіз Мемлекеттер Достастығы мемлекеттері арасындағы электроэнергетика саласы бойынша 10/0,4 кВ тарату тораптарын жөндеу мен қызмет көрсету бригадалары персоналының кәсіби шеберлігі жарысы басталды. Сайыстың ашылу шарасына ҚР Энергетика министрлігі Атомдық және энергетикалық қадағалау мен бақылау комитеті төрағасының орынбасары А.Шаңғытбаев, Қазақстанның энергетика ардагерлері кеңесінің төрағасы С.Нұрпейісов және Қызылорда облысының әкімі Қ.Ысқақов қатысты.

Жарысқа 7 мемлекеттің өкілдері қатысуда. Оның ішінде Румыния, Ресей, Беларусь, Қырғызстан, Өзбекстан, Әзірбайжан, Тәжікстан бар.

Сайыстың ашылу салтанатында облыс әкімі Қуанышбек Ысқақов шара қонақтарын құттықтап, сәтілік тіледі.

«Қызылорда облысы – тұңғиық тарих пен жарқын келешектің мекені. Сыр елі - Шығыс өркениеті орталықтарының бірі, адамзаттың  ғарышқа алғаш сапары да осы аймақтан  бастау алған. ТМД елдерінің электротехника және электроника бойынша жұмысшыларының XVI Халықаралық сайысы біздің облыста жалғасын табуда. Қазақстан Республикасының Энергетика министрлігіне және Қазақстан Республикасының Электр энергетикасы қауымдастығына облыс мамандарының біліктілігін арттыруда республикалық деңгейдегі шараның аймағымызда өткізуіне ықпал жасағаны үшін алғыс айтамыз. Энергетика саласы қашан да аймақ экономикасында маңызды рөл атқарады»,-деді аймақ басшысы.

Сайыстың бірінші күнінде таныстырылым-көрме ұйымдастырылып, ашылу салтанаты концерттік бағдарламамен жалғасты.

Еске салайық, облыс әкімдігі Энергетикалық консорциум құрып, аймақтың энергетикалық саласын дамыту тұжырымдамасын әзірлеп, бекіткен болатын. Консорциумның келісілген жұмысының нәтижесінде өңірдің энергетикалық кәсіпорындары арасындағы өзара әрекеттесу тиімділігі артты.

Соңғы 6 жылда облыста 300 астам электр желілері, сондай-ақ, шамамен 90 қосалқы станция жаңартылды. Бұл өз кезегінде тұтынушыларды сапалы электрмен қамтамасыз етуге және желілердегі шығындарды азайтуға мүмкіндік берді.

Сайысқа қатысушылар жоғары кәсіби шеберлік пен алға қойған мақсаттарына жетуде табандылық таныта отырып, мол тәжірибе жинақтайды.

Айта кетейік, аталмыш сайыс биыл 16-шы рет өткізіліп, ағымдағы жылдың 20-24 қыркүйек аралығын қамтиды. 25 қыркүйекте жарыс қонақтары Байқоңыр  ғарыш айлағынан зымыранның ұшуын тамашалайды деп күтілуде.

Облыс әкімінің баспасөз қызметі

 


ЖАЛАҒАШТЫҚ 195 ОҚУШЫ «ТҰЛПАР МІНІП, ТУ АЛҒАН» БАЙҚАУЫНА ҚАТЫСТЫ PDF Print Email
Жаңалықтар - Халық-хабар
20.09.2019 10:10

З.Жарқынбаев атындағы №202 орта мектепте «Qazaq Epos» республикалық ағарту жобасының «Тұлпар мініп, ту алған!» байқауының аудандық кезеңі өтті.

Сайысқа Жалағаш ауданы бойынша 20 мектептен 195 оқушы қатысты. Аудандық кезеңнің ашылу салтанатында аудан әкімінің орынбасары Жағыпар Тажмаханов сөз алып, байқауға қатысушыларға сәттілік тіледі.

Қатысушылар «Қобыланды батыр» жырын жатқа айтып, жырдың ішіндегі көнерген, тарихи сөздердің мағынасын ашып, қазақ әдебиеті оқулығы бойынша әзірленген сұрақтарға жауап берді.

Сайыс қорытындысымен Таң ауылдық округіндегі №118 мектептің оқушысы Аружан Нұрадин І орын иеленсе, Аққұм ауылдық округінен келген Айдана Жұмат ІІ орынды еншіледі. Ал Жалағаш кентіндегі Т.Жүргенов атындағы №123 мектеп-лицейдің оқушысы Рахат Ахметжәми ІІІ орын алды. Байқау жеңімпаздары қаржылай сыйлықтармен марапатталды.

 

Жалағаш ауданы әкімінің баспасөз қызметі

 


ҚЫЗЫЛОРДАДА АЛАЯҚТЫҚ ҚЫЛМЫСТАРДЫҢ 80%-ы АШЫЛҒАН PDF Print Email
Жаңалықтар - Халық-хабар
20.09.2019 09:15

Аймақ басшысы Қуанышбек Ысқақовтың төрағалығымен Қызылорда облысы әкімдігі жанындағы құқықбұзушылық профилактикасы жөніндегі ведомствоаралық комиссия отырысы өтті. Күн тәртібінде облыс көлемінде алаяқтық қылмысының алдын алу шаралары, Қазақстан Республикасының құқықбұзушылық профилактикасының 2017-2019 жылдарға арналған кешенді жоспарының орындалуы және құқықбұзушылық профилактикасы жөніндегі  2020-2022 жылдарға арналған кешенді жоспардың жобасы мәселелері қаралды.

Облыс көлемінде алаяқтық қылмысының алдын алу шаралары туралы Қызылорда облысының полиция департаменті бастығының орынбасары С.Шалхаров баяндады.

«2019 жылдың 8 айында Қызылорда облысы бойынша 568 алаяқтық қылмыстары тіркелген. Полиция органдары қызметкерлерімен жүргізілген жедел-іздестіру шаралары нәтижесінде аталған қылмыстың 80 пайызы немесе 322-і ашылып, қылмыскерлерге қатысты тиісті шаралар қолданылды. Ағымдағы жылдың 8 айында алаяқтық жасағаны үшін 195 адам ұсталып, 101-іне қатысты қылмыстық іс айыптау қорытындысымен сотқа жолданса, 94-іне қатысты екі жақтың ымыраласуына байланысты қылмыстық іс қысқартылған»,-деді С.Шалхаров.

Тіркелген алаяқтық қылмыстары: қарызға ақша алып қайтармағандар - 61, несие алуға көмектесемін дегендер - 28, кезексіз жер алып беремін дегендер - 4, кезектен тыс пәтер алып беремін - 60, интернет желісі немесе ұялы телефон арқылы сенімге кіріп, есепшотына ақша салдырғандар саны - 139. Осы қылмыстарды жасаған күдіктілердің 133-і – әйел, 62-сі – ер-азаматтар.

Алаяқтық қылмысының ашылмай қалуының бірнеше себептері бар. Біріншіден, жәбірленушілердің кеш арыздануы. Ағымдағы жылдың 8 айында алаяқтық қылмысы бойынша 241 азамат құзырлы органдарға кеш арызданған. Яғни, 1 жылдан аса уақытта - 68, 3 жылдан аса уақытта - 35, 5 жылдан кейін - 10.

Екіншіден, әлеуметтік желі арқылы берілген жарнамадағы затқа алдын ала төлем  жасауды немесе ұялы телефон арқылы басқа қалада жүрген баласын немесе бауырын қылмыстық жауапкершіліктен босату үшін деп ақша сұрағандарға алданып, бейтаныс адамның шотына ақша аударады (Киви кошелек, ОЛХ жарнамасы және т.б.).

Үшіншіден, кәсіпкерлердің, жеке тұлғалардың арасында екі жақпен жасалған келісімшарттың негізінде сатылған заттың қаражаты уақытылы қайтарылмай, құзырлы органдарға алаяқтық жайында арызданады.

Қазақстан Республикасының құқықбұзушылық профилактикасының 2017-2019 жылдарға арналған кешенді жоспарының орындалуы туралы облыс әкімі аппараты басшысының орынбасары С.Шотаев баяндады.

«Қазақстан Республикасының Үкіметі жанындағы Құқықбұзушылық профилактикасы жөніндегі ведомствоаралық комиссияның 27.04.2017 ж. № 23-6/07-575 хаттамасының 2.1-тармағына сәйкес «ҚР құқықбұзушылық профилактикасының 2017-2019 жылдарға арналған кешенді жоспарының» негізінде, жоспардың іске асырылуын қамтамасыз ету үшін осыған ұқсас Қызылорда облысындағы құқықбұзушылықтар профилактикасының 2017-2019 жылдарға арналған кешенді жоспары Қызылорда облысы әкімінің 12.06.2017 ж. № 13-11/3740 құжатымен бекітілді. Қызылорда облысы әкімінің аппаратымен кешенді жоспардың орындалуы бақылауға алынған және оған тұрақты мониторинг жүргізілуде»,-деді С.Шотаев.

Құқықбұзушылық профилактикасы жөніндегі 2020-2022 жылдарға арналған кешенді жоспардың жобасы туралы Қызылорда облысының полиция департаменті бастығының бірінші орынбасары Ш.Амитов баяндады.

ҚР Президентінің № 27 Жарлығымен бекітілген «Қазақстан Республикасы Президентінің «Игілік баршаға! Сабақтастық. Әділдік. Өрлеу» сайлауалды бағдарламасын және «Бірге» жалпыұлттық акциясы барысында алынған ұсыныстарды іске асыру жөніндегі іс-қимыл жоспарының 8-тармағына және ҚР Үкіметі жанындағы құқықбұзушылық профилактикасы жөніндегі ведомствоаралық комиссия отырысының 01.08.2019 ж. № 23-3/07-760 хаттамасына сәйкес «Құқықбұзушылық профилактикасы жөніндегі  2020-2022 жылдарға арналған кешенді жоспардың жобасы» әзірленген.

Кешенді жоспарды әзірлеу және іске асыру қажеттілігі құқықбұзушылықтың алдын алу, мүлдем төзбеушілік қағидатын қалыптастыру, бұлтартпау шарасына кешенді және жүйелі түрде келу бағытында туындаған.

 

Облыс әкімінің баспасөз қызметі

 


ОБЛЫС ӘКІМІ ЖЕРГІЛІКТІ КӘСІПКЕРЛЕРМЕН КЕЗДЕСТІ PDF Print Email
Жаңалықтар - Халық-хабар
19.09.2019 14:48

Өңірде жаңа тұрақты жұмыс орындарын құру, салық базасын ұлғайту және қоғамдық-саяси ахуалды тұрақтандыру мақсатында «Жаппай кәсіпкерлікті дамыту» жобасы екінші жыл қатарынан жүзеге асырылуда.

Бүгін аймақ басшысы Қуанышбек Ысқақов Өңірлік кәсіпкерлер кеңесінің мүшелерімен кездесіп, облыстағы аталмыш саланың дамуына қатысты мәселелерді талқылады.

«Мемлекет басшысының тапсырмасына сәйкес 2020 жылдан бастап микро және шағын бизнес салық төлеуден босатылып, оларға тексеру жүргізуге мораторий жарияланатын болады. Бұл өзгерістердің түпкілікті түйіні мемлекеттің бизнесті дамыту үшін барынша қолайлы жағдай жасаудағы стратегиялық бағытына сәйкес келеді. Біздің мақсатымыз өңірде бизнесті табысты жүргізу үшін әкімшілік кедергілерді болдырмау және қолайлы жағдайлар жасау болып табылады», - деді аймақ басшысы.

Өңір басшысы бизнес өкілдерінің ұсыныстарын тыңдап, ой-пікір алмасты.  Сондай-ақ, барлық бизнес-идеяларды қолдауға әзір екенін айтып, кәсіпкерлік саласын дамыту бағытында бірлескен жұмыстарды атқаруға шақырды.

Өз кезегінде, кәсіпкерлер туған жерлерінің өсіп-өркендеуі мен Сыр елінің республикада озық болуы үшін айналысып жүрген кәсіптері бойынша үнемі ізденісте болып, аянбай  қызмет ететіндерін жеткізді.

Сонымен қатар, өздерін толғандырып жүрген ойларымен бөлісіп, сол бағытта бірлесуге әзір екендіктерін айтты.

«Біз үшін жұмыс істейтін әрбір кәсіпкер маңызды және оларға біз жұмысты жүргізу үшін ең жақсы жағдайларды жасауға тырысамыз», - деп қорытындылады Қ.Ысқақов.

Облыс әкімінің баспасөз қызметі

 


ЖАҢАҚОРҒАНДА ЕСІРТКІ ӨСІРГЕН 3 КҮДІКТІ ҰСТАЛДЫ PDF Print Email
Жаңалықтар - Халық-хабар
19.09.2019 12:20

Ағымдағы жылдың 22 тамызында «Көкнәр - 2019» жедел-профилактикалық іс-шарасы барысында Жаңақорған аудандық полиция бөлімі және облыстық полиция департаментінің есірткі қылмысына қарсы іс қимыл басқармасы қызметкерлерімен Төменарық елді мекенінен 17 шақырымдай жерде өсіруге заңмен тыйым салынған есірткі затына ұқсас өсімдікті өсірген Жаңақорған ауданының 35, 25 жастағы 2 тұрғыны және Қызылорда қаласының 55 жастағы тұрғыны ұсталды.

Оқиға орнын қарап-тексеру жұмыстары барысында 149 түп заңмен тыйым салынған сора өсімдігіне ұқсас шөп анықталды және тіркеуде жоқ 1 тегіс ұңғылы қару алынды.

Аталған дерек бойынша ҚР ҚК-нің 300-бабының 2-бөлігі (Құрамында есiрткi заттар бар, өсiруге тыйым салынған өсiмдiктердi адамдар тобымен заңсыз егіп-өсіру) сотқа дейінгі тергеп-тексеру амалдары жүргізілуде. Ұсталған 3 азамат уақытша ұстау абақтысына оқшауландырылды, оларға «қамаққа алу» түріндегі бұлтартпау шарасы қолданылды.

Қызылорда облысы Полиция департаментінің баспасөз қызметі

 


«DEVELOPMENT DAY» PDF Print Email
Жаңалықтар - Халық-хабар
19.09.2019 12:15

«Азаматтарға арналған үкімет» мемлекеттік корпорациясы КЕ АҚ Қызылорда облысы бойынша филиалы «Development Day» жобасын бастады.

Жобаның негізгі мақсаты корпорация қызметкерлерінің кәсіби және жеке-іскерлік құзыретін дамыту болып табылады.

Осыған орай, қызметкерлердің оңды имиджін қалыптастыру, басқарудың жолдары, мотивация беру, біліктіліктерін арттыру тақырыбында семинар-тренинг өткізілді.

#АзаматтарғаАрналғанҮкімет #Қызылорда #DevelopmentDay #Sana #Abyroi #Natije #Ashyqtyq

 


ТІРІЛЕР НЕГЕ ТІРЛІК ҚЫЛМАЙДЫ немесе өлгендердің «жақсылығымен» қашанғы күн кешеміз? PDF Print Email
Жаңалықтар - Мәселенің мәнісі
19.09.2019 12:10

Бүгінде  белгілі бір мәселенің шешілуі үлкен құрбандықты қажет етіп жүргені жасырын емес. Иә, естігенге де, айтқанға да ауыр тиеді. Бірақ, расы солай! Мысалы, Ресейдің Кемерово қаласындағы («Зимняя вишня» ойын-сауық орталығы – Р.Ж.) өткен жылғы өрт апатынан соң ғана біздің билікте біршама қозғалыс болған-ды. Сол кездегі ҚР Премьер-министрі Бақытжан Сағынтаев барлық қазақстандық сауда орталығын тексеруді тапсырса, уақытында Қызылорда облысының экс-әкімі Қырымбек Көшербаев та өңірдегі әлеуметтік және ойын-сауық нысандары  мен  адамдар  көп шоғырланатын орындарда өрт қауіпсіздігі талаптарының сақталуын тексеріп, қажетті іс-шараларды қолдануды жауаптыларға жүктеген еді. Қазір бұл тапсырманы қанша жауапты органның ұмыт қалдырып, естен шығарғанын білмейміз. Білеріміз, ешқандай апат болмаған соң, қан шықпағандықтан, көбі қамсыз отыр.

Әрі біз мысалға алған қос басшы да осы күні қызмет ауыстырып үлгерді. Жарайды, ол – бөлек тақырып. Сол секілді, еліміздегі көпбалалы аналардың жанайқайына қандай қасіреттің себепші болғанын қайта еске салғымыз келіп тұрған жоқ. Мұндай мысалдар мыңдап саналатындай. Ақсеңгір – Шамалған теміржол өткеліндегі пойыз бен автобустың соқтығысы да еліміздегі осыған ұқсас жерлердің жағдайын көз алдымызға әкелді. Айтыңызшы, өлгендердің «жақсылығымен» қашанғы күн кешуге болады? Тірілердің тірлік қылмайтыны несі? Біз неге ауырып барып ем іздейміз, ауырмайтын жолды таңдауға болмас  па?

- «Алматы облысы, Ақсеңгір – Шамалған­ теміржол өткелінде пойыз автоб­усқа соқтығысты. Автобуста 67 адам болған. Бір адам көз жұмды, жарақа­т алғандар бар. Туған-туыс­тарына көңіл айтамын. Тергеу жұмысы басталды, - деп жазды ҚР Президенті Қасым-Жомарт Тоқаев әлеуметтік желідег­і  парақшасында.

Ал, журналист Думан Бақыткелді «Біртүрлі ұқсатулар» атты жазбасында «Жолындағы автобусты жапыра өткен пойыз, біздің 30 жылдық жүйе секілді. Жолындағыны жапырып өте береді. Жүргізуші – елді алып жүрген, жұртты бастап жүрген ерлер (лидер) секілді. Құрбан болады» деп қойып қалыпты. Әрине, автордың оқиғаны саясилан­дырғаны екі жақты пікір қалыптас­тыратындай.

Шамалғандағы апаттан кейін елімізде­гі өзге теміржол өткелдерінің жайы ел тұрғындарын алаңдатқаны рас. Тіпті кейбірі жергілікті биліктен осы мәселені шешіп беруді ашықтан-ашық талап етіп жатыр. Мұндай жерлер біздің облыстағы кез келген аудан мен елді мекендерде кездеседі. Мысалы, Шиелі ауданы тұрғындары қанша жылдан бері теміржол кептелісінің зардабын тартып жүр. Шамалғандағы жайт қайталанбас үшін Шиелінің «тірілері» тірлік етіп жатыр ма екен?  Әлеуметтік желіде сұрау салып  жатқандар  баршылық.

- Шиелі кентінде 2 теміржол өткелі және 1 теміржол көпірі жұмыс істейді. Дегенмен, тұрғындардың өтініш-тілектерін және жалпы қажеттілікті ескері­п, «Шиелі – 20 бекет» аралығындағы 2945 шақырымдағы (Шиелі кенті ішіндегі) қос жолды теміржол үстінен өтетін автомобиль көпірі құрылысының жобалау-сметалық құжаттары дайындалды. 2018 жылдың тамыз айында республикалық бюджеттен қаржы бөлу үшін ҚР Инвестициялар және даму министр­лігіне бюджеттік өтініш тапсырылды. Былтырғы  жылдың  қараша, биылғы жылдың ақпан, қыркүйек айларында аудан әкімі мен облыс әкімдігі және Қызылорда облысының жолаушылар көлігі және автомобиль жолдары басқармасының басшылары министрлі­ктерде болып, қаржы бөлу мәселесін пысықтап қайтты. Құрылыс жұмыстары 2020 жылдан басталады деп күтілуде, - дейді Шиелі ауданы әкімдігінің әлеуметтік желідегі ресми парақшасы.

Дәл осындай мәселе Арал ауданында да бар. Өткен жылы ғана «Халық» газеті­ аудан әкімі Мұхтар Әуесұлымен сұхбатында аталған тақырыпты қозғап, «Жаңадан теміржол өткелін салу жоспард­а  бар  ма?»  деп  сұраған  еді.

«Біз бұл мәселені қайбір жылы көтердік. Жобада бар. Бірақ, бұған өте қомақты қаражат қажет. Арал қала­сының оңтүстік-шығысында бұрын өткел болған. Оған жөндеу жұмыстарын жүргізу үшін «ҚазақстанТемірЖолы» АҚ келісім беруі тиіс. Сол арқылы ғана шешімін таппақ. Келіссөздер жүр­гізудеміз. Түйткілді шешудің тағы бір жолы биыл теміржол өткелі Шиелі ауданын­да салынады деп жоспарлануда. Аталмыш­ ауданның жобасымен таныс­сақ деп отырмыз. Шынын айт­қанд­а, ауданғ­а республикалық бюд­жеттен ақша алу да оңай емес. Өйткені онда халықтың санына, экономикалық көрсеткіштерге қарайды. Ал, темір­жол салу қымбатқа түсіп тұр» деп жауап берген­ болатын аудан әкімі.

Жалпы, Қазақстанда 1000-нан аса теміржол өткелі бар екен. Ресми деректерге сүйенсек, 2018 жылы 9 жол-көлік апаты тіркеліп, 2 адам қайтыс болған. 2019 жылдың 8 айында 6 жол-көлік оқиғасы салдарынан 1 адам қайтыс бол­ға­н. Жолдағы түрлі кедергілерге байланысты пойыз жүргізушілері 2000 рет тежегішті басқан деген ақпарат бар. 2017 жылы Маңғыстау облысында №4881 тепловоз «Газель» автокөлігімен қақтығысып, 9 адам өмірден өтіп,  27 адам ауыр жарақаттанған еді. 2018 жылы 18 маусымда Жамбыл об­лысы, Шу ауданында «Астана-Алматы» бағытын­дағы №9 «Бәйтерек» жолау­шылар көлігі рельстен шығып кетіп, 8 адам зардап шегіп, 12 жастағы бала қаза тапты. Жақында  ғана  Нұр-Сұлтан қаласында автобус пен тепловоздың соқтығ­ысқаны ел есінде шығар.

Еліміз әлемде жер көлемі бойынша 9-орынды алады. Бірақ, баспана мәселесі бас ауыртады. Жер кезегі келіп болмайды. Қара жердің бағасы удай қымбат. Осы түйткілдің шешімін табуы үшін міндетті түрде адамдардың өлгенін күтуіміз керек пе? Ааа, айтпақшы тағы есіңізге салайық, Қазақстан жер көлемі бойынша дүниежүзінде 8 елден ғана кіші...

 

Рыскелді   ЖАХМАН

 



<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Қыркүйек 2019 >
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары