Өзекті мәселелер

  • 16.10.19

    Тәуелсіздік күні қарсаңында «Шіркейлі» арнасындағы көпірдің ашылу салтанаты өтеді... «7-20-25» бағдарламасы бойынша тұрғын үйлер халық игілігіне пайдалануға беріледі... Жыл басынан бері сәулет-құрылыс саласындағы заңнама талаптарын бұзған тұлғаларға 16 млн 822 мың теңге айыппұл салынған... 2019-2021 жылдары газдандыру жұмыстарына 22 млрд теңге қаржы бөлінеді...

    ...
    Толығырақ...
  • 16.10.19

    «Алтын дән – 2019» мерекесі қалалы­қ ипподромда ат бәйгесімен жалғасын тапты. Мұнда шабан­доздар тай, құнан, тоқ, аламан­ бәйге сынды 4 түрінен сынға түсті. Бәйгенің ең ұзағы (аламан) 25 шақырым болса, тай бәйгеде шабан­доздар 4 шақырымға шапты.­

    Облыс әкімі Қуанышбек Ысқақов шараға қатысып, диқандардың жеткен жетістігіне тоқталып, облыс­тағы ат спортына бөлінген көңіл турасын­да  айтты...

    Толығырақ...
  • 10.10.19

    Мұны бәріміз де көп күттік. Жиырма жыл. Аз уақыт емес. Сөз жоқ, бұл жеңістің өзі оңайлықпен келген жоқ. Жасыл алаңда жан беріп, жан алысқан сәтті теледидардан телміре тамашалап, күйініш пен сүйінішті көрудің өзі бір ғанибет­  екен. Бұл күнге дейін не айтыл­мады, мақтау да, даттау да айтылды, бірақ біздің жігіттер жарады. Біздің айтып­ отырғанымыз – жексенбі күні елорда төріндегі «Астана Арена» ...

    Толығырақ...
  • 10.10.19

    Елбасының «Нұр Отан» партиясының ХVIII съезінд­е ұсынған «Әлеуметтік қамқорлық» жаңа әлеуметтік саясаты қоғамның барлық саласын қамтиды. Әсіресе, президент көпбалалы отбасыларға қол­дауды арттыру қажеттігіне ерекше тоқталды. Өйткені, елімі­здегі баспанаға мұқтаж азаматтар саны азаймай тұр. Сандарды сөйлетсек, елдегі үй кезегінде тұрған аз қамтылған, көпбалалы отбасылардың жалпы­  саны 28 мыңнан...

    Толығырақ...
  • 10.10.19

    Қызылорда облысында экономика саласын дамытуда мемлекеттік-жекеменшік әріптестік тетік­тері тиімді пайдаланылып келеді­. 2017 жылдан бастап мұнай өндіру көлемінің айтарлықтай төмендеуіне қарамастан, жалпы өндірістік өнім көрсеткіші бойынша оң өзгеріс байқалады. Бүгінде өңір экономикасының барлық салас­ында тұрақты өсім қамтамасыз етілуде. Тек өнеркәсіп өндірі­сінде мұнай ұңғымаларының сулану­ы ...

    Толығырақ...
Жұма, 04 Қазан 2019

ЖЫЛ АЯҒЫНА ДЕЙІН 431 КӨПБАЛАЛЫ ОТБАСЫ ТҰРҒЫН ҮЙМЕН ҚАМТЫЛАДЫ PDF Print Email
Жаңалықтар - Халық-хабар
04.10.2019 16:50

Биылғы жылы облыста «Нұрлы жер» тұрғын үй құрылысының мемлекеттік бағдарламасы аясында 1997 пәтерді құрайтын 46 тұрғын үйдің құрылысы жүргізілуде. Бұл туралы бүгін Өңірлік коммуникациялар қызметінде Қызылорда облысы әкімінің орынбасары Бақыт Жаханов мәлімдеді.

Сондай-ақ жиын барысында өңірдің әлеуметтік-экономикалық дамуы мен ҚР Президенті Қ.Тоқаевтың Жолдауынан туындайтын басты міндеттер негізінде атқарылатын жұмыстар баяндалды. Бақыт Дүйсенұлы халықты тұрғын үймен қамтуда әлеуметтік аз қамтылған көпбалалы отбасылар үшін қосымша пәтерлердің салынатынын қаперге салды.

- Ағымдағы жылы облысымызда 720,8 мың шаршы метр тұрғын үй көлемін пайдалануға беруді жоспарлап отырмыз. Бұған қоса, республикалық бюджеттен көпбалалы аз қамтылған отбасылары үшін сатып алу құқығынсыз жалға берілетін тұрғын үй құрылысына және дайын пәтерлерді сатып алуға қосымша 3,6 млрд теңге қаржы бөлінді. Нәтижесінде, жыл қорытындысымен 431 көпбалалы отбасы тұрғын үймен қамтамасыз етілетін болады,- деді Бақыт Дүйсенұлы.

Өңірлік коммуникациялар қызметі

 


«ТІЛ САҚШЫСЫ» ГАЗЕТІ ОҚЫРМАНДАРЫМЕН ЖҮЗДЕСТІ PDF Print Email
Жаңалықтар - Халық-хабар
04.10.2019 16:03

Бүгін Ә.Тәжібаев атындағы облыстық әмбебап ғылыми кітапханасында облыстық «Қазақ тілі» қоғамының құрылғанына 30 жыл толуына орай республикалық ақпараттық-танымдық «Тіл сақшысы» газеті оқырмандарының конференциясы өтті. Конференцияны облыстық ішкі саясат басқармасының басшысы Т.Маханов ашты.

Жарыққа шыққанына 7 жыл толып отырған «Тіл сақшысы» газеті алғашқыда 500 данамен тараса, қазіргі уақытта оның оқырманы 10 000-нан асып, жылдан-жылға көбейе түсуде. Газетті Астанадағы зиялы қауым өкілдері, Парламент депутаттары, сонымен қатар басқа облыстар да жаздырып алып оқиды. Жеті жылда жеткен жетістіктер жайлы газеттің бас редакторы Сәдуақас Әбдіқадырұлы баяндап, оқырмандардың сауалдарына жауап берді.

- «Тіл сақшысы» газеті – «Қазақ тілі» қоғамының үні, бұрынғы сөзбен айтсақ органы. Демек газет тіл, тәрбие, дәстүр, мәдениет, бір сөзбен айтқанда, руханият мәселелерін көтереді. Бірақ тек осымен шектеліп қалмайды, өресі биік оқырманға айналадағы құбылыстар мен оқиғаларды біліп отыру аз, оған саясат, экономика, әлеумет, басқа да салалардан сараптамалық дүниелер қажет.

Жұмыс барысында тәуелсіздік алған еліміздің өзінде жер, оның байлықтары және тіліміздің төңірегінде де мылтықсыз майдан жүріп жатқаны байқалады. Сол майданның бел ортасында болуға тырыстық. ХХ ғасырға дейінгі ата-бабаларымыз бен кеңестік кезде өмір сүрген әке-шешелерімізден бізге аманат болып қалған ұлан-асыр жеріміз бен оның асты-үстіндегі байлықтарындағы ұлтымыздың үлесі мен күнкөрісі көңілге кірбің туғызып, жанымызға батқаны, сәбилерімізді өз ана тіліміздің уызына қандырмай тұрып балабақшалар мен мектептерде қазақ, орыс, ағылшын тілдерінде оқыту жайы бізді жайбарақат қалдыра алмайды. Қандай іс болса да нәтижесімен құнды. Мемлекеттік қызметкерлердің қазақ тілін білуі, оларды оқыту, ісқағаздарын мемлекеттік тілге көшіру біртіндеп жолға қойылып келеді. Облыстық теледидармен бірлесе жүргізілген «Тіл сақшысы» рейді жұмысының нәтижесінде 300-ден аса түрлі меншіктегі мекеме, халыққа қызмет көрсету орнының аты мен сыртқы жарнама өзгертілді. Мұның бәрі жергілікті басқару органдарымен бірлесе іс-қимыл жасаудың нәтижесінде қол жетіп отыр. Бұл бағыттағы жұмыс өз жалғасын таба бермек, - деді басылымның бас редакторы.

Конференцияда еңбек ардагерлері Рахым Әбілханұлы, Сәрсенкүл Жұмабаева, Ұлман Кемаладинова, Әжібай Жүсіпов, Жақсылық Майлыбаев, Тобаш Ембергенов және тағы да басқа газет оқырмандары сөз алып, ұсыныстары мен жылы лебіздерін білдірді.

Қызылорда облыстық «Нұр Отан» партиясы филиалының бөлім басшысы Алтынбек Жарылқасынов құттықтау сөз сөйлеп, «Алғыс хатын» табыстады.

Шара соңында газеттің белсенді оқырмандарына газеттің штаттан тыс тілшісі куәлігі табысталды.

 


Күнтізбе

< Қазан 2019 >
  1 2 3 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары