Өзекті мәселелер

  • 07.11.19

    Бақытжан  НИЯЗОВ,

    ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының бірінші орынбасары:

     

    – Бақытжан Мақсұтұлы,  ҚР Сыбайлас жемқорлыққа қарсы іс-қимыл агенттігінің жұмысы ауқымды және ең маңызд­ы  саланың бірі екені даусыз. Білуімізше, агенттік тарапына...

    Толығырақ...
  • 07.11.19

    - Райкүл Мәнсүрқызы, депутатты­қ қызмет Сізге таңсық­ емес. Бұл жолы қандай мақсат  қойдыңыз?

    - Депутат – халық пен билік арасындағы көпір. Шыны керек, қазіргі күні шешіл­мей жатқан мәселелердің дені – биліктің құлағына жетпегендер. Жылына төрт сессия өтеді, сол кезде әр округтен сайланған депутаттар өздерінің ұсыныс, пікірлерін айтып, мәселесін көтеру керек. Аймақта же...

    Толығырақ...
  • 07.11.19

    Дидарынан шуақ шашып тұрған күннің райы демде өзгеріп салды. Әдетте қыстың ызғары қарашаның соңында сезілуші еді, бұл жолы айдың басында-ақ суық леп шөптің басына қырау қондырып, қар ұшқындатты. Бұл – қыстың қарбалас тіршілігі басталды деген сөз. Күн райының күрт өзгеруі, жауын-шашынның түсуі салдарынан түрлі төтенше жағдайлар болатыны белгілі. Онсыз да жылу беру маусымында қала іші...

    Толығырақ...
  • 07.11.19

    Қалалық мәдениет және тілдерді дамыту  бөлімі  қыркүйек  айын­да­ «Көше Fest» сайысын өткізді. Бұл шараның негізгі мақсаты – көше тұрғындарының ауызбіршілігін арттыру, өскелең ұрпаққа ақса­қалдарды қадірлеуге шақыру, жастардың бойында иба-ізет, намыс, ар-ождан, қадір-қасиет сынды биік адамгершілік қасиеттерді қалыптас­тыру  және де  қаланың бір бөлшегі саналатын  көшенің тазалығын  сақтауға  ша...

    Толығырақ...
  • 07.11.19

    Сырдың бас қаласында сонадайдан мен­мұндалап тұратын көпқабатты тұрғын үйлер жетерлік­. Қайбір жылы Қызылорда қаласының 200 жылдығына орай солардың бірсыпырасы күрделі жөндеуден өтті. Сыртын сырлаған соң кәдімгідей түрленіп, қалаға өзгеше рең беріп, шаһардың шырайы кіріп қалды. Бұл жұмыс­тарды жүргізуге Сырдың меценат жігіттері атсалысы­пты. Енді сол шаралар легі жалғасын тапса дейміз. Өйткені ...

    Толығырақ...
Сейсенбі, 05 Қараша 2019

Кәсіпкерлер «Аға сеньорларды» енді өздері таңдай алады PDF Print Email
Жаңалықтар - Халық-хабар
06.11.2019 11:55

Бүгінде қызылордалық кәсіпкерлер «Аға сеньорлар» компоненті бойынша жұмыс істеудің тиімділігін түсініп, өз бизнесін дамытуға кеңінен қолдана бастады.

Басқарудың жаңа әдістерін енгізу, өндіріс технологиялары, құрал-жабдықтар мен персоналды оқыту мәселелері бойынша жоғары білікті шетел мамандарын тарту арқылы жүзеге асатын жобаның әлеуетін пайдаланған кәсіпкерлердің бірі – қызылордалық Айгүл Оңғарбаева.

«Алтын ине» тігін шеберханасының иесі Айгүл Оңғарбаеваға Кәсіпкерлер палатасы Қырғызстаннан арнайы маман шақыртып берді.

«Қырғызстаннан шақыртып отырған Вероника Ли – осы жылы Қызылордаға келген үшінші шетелдік сарапшы. Бұған дейін өңірімізге Түркиядан Кенан Йылдырым мен Канададан Джон Иргенгиоро келіп, кәсіпкерлерімізге қызмет көрсетті. Айгүл Оңғарбаева тігін өндірісін ары қарай дамыту мақсатында тігіншілерінің біліктілігін арттыруды көздеп, Палатаға өтінішпен келген болатын. Біз ұсынған сарапшылардың ішінде кәсіпкер қырғызстандық маманды таңдады. «Аға сеньорлар» компонентіндегі биылғы жылы жаңалық бар. Бұдан кейін кәсіпкерлер Палата ұсынған сарапшылардан өзге, керек шетелдік маманды енді өздері де таңдай алады. Мысалы, кәсіпкер өзінің саласы бойынша біліктілігі жоғары шетелдік маманды біледі, алайда шақыртуға мүмкіндігі болмаса, онда Кәсіпкерлер палатасына келіп, өтініш білдіре алады. Әрі қарай Палата сол маманды кәсіпкер үшін өңірге шақырту жұмысын ұйымдастырып береді», - дейді Кәсіпкерлер палатасының сарапшысы Гүлнұр Құрмантаева.

«Алтын ине» тігін шеберханасына келген шетелдік маман Вероника Ли әйелдер киімі дизайны бойынша модельер құрастырушы, тігін бизнесін ұйымдастыруға қатысты кеңесші. Қызылордаға сапары барысында ол тігіншілерге тез тігу әдісін үйрететін тренерлер дайындап шықты.

«Бұл сапарымда кәсіпкерге тез тігу әдісіне үйрететін тренерлер дайындап бердім. Бұл әдістің басты ерекшелігі тігін тігуді енді ғана үйреніп отырған адам базалық дағдыларды 3-4 күн ішінде игеріп шығады. Олар тәжірибелі тігіншімен салыстырғанда 70 пайыз белсенді жұмыс істей алады. Мамандарды екі апта оқыттым. Нәтижесінде аз күнде 4 тренер шықты. Олар алдағы уақытта тігіншілерді сапалы тігіс жолдарын шапшаң жүргізуге үйрететін болады», - дейді қырғызстандық маман Вероника Ли.

Жиырма жылдан бері тігін саласында еңбек етіп жүрген Айгүл Оңғарбаеваның басқа қалаға көшіп кетуіне байланысты, Қызылордадағы кәсібі бәсеңдеп қалған болатын. Ол шетелдік маманды шақырту арқылы биыл тігіншілік кәсібін қарқынды дамытуды көздеуде.

«Өндірісімді дамытып, тапсырыстарымды мерзімінде орындау үшін маған көп тігінші керек. Ол тігіншілердің өзіміздің қаладан болғанын қалаймын. Қызылорданың тауарларын өзге өңірлерге шығарсам деген жоспарым бар. Соны іске асыру мақсатында Вероника Лиді шақырттым. Шетелдік маманның бизнесіме пайдалы тұсы – тігіншілерден тренер жасауында. Бұдан кейін әр тігіншім өзіне 3-4 адамды тігінші ретінде тәрбиелеп ала алады», - дейді кәсіпкер Айгүл Оңғарбаева.

Әзірге он адамды жұмыспен қамтып отырған кәсіпкер алдағы уақытта тігіншілердің қатарын арттырып, ұлттық нақышта қамзол, бешпент, той көйлектерін, мектеп оқушыларына арналған форма тігуді жоспарлап отыр.

Айта кету керек, «Аға сеньорлар» компонентіне экономиканың басым бағыттарында өз қызметін жүзеге асыратын шағын және орта кәсіпкерлік субъектілері қатыса алады. Шетелдік сарапшыларды тарту бойынша шығындар республикалық бюджет есебінен төленеді. Аталмыш компонентке қатысты сауалдар бойынша Кәсіпкерлер палатасының маманы Гүлнұр Құрмантаеваға 8 /7242/ 40-09-81 байланыс телефоны арқылы хабарласуға болады.

Қызылорда облысы

кәсіпкерлер палатасының баспасөз қызметі

 


Қ.ЫСҚАҚОВ: «NEET санатындағы жастарды бақылауға алу қажет» PDF Print Email
Жаңалықтар - Халық-хабар
06.11.2019 09:10

Кеше «Nur Otan» партиясы Қызылорда облыстық филиалының төрағасы, облыс әкімі Қ.Ысқақовтың төрағалығымен Саяси кеңес Бюросының кеңейтілген отырысы өтті. Онда кәмелетке толмағандарға қарсы жасалған қылмыстар және оның алдын алу бойынша атқарылған жұмыстар мен жастар арасындағы жұмыссыздық, орта арнаулы оқу орындарында білім алу мәселелері туралы да айтылды.

2018 жылдың 21 қыркүйегінде ҚР Үкіметімен 18 бен 29 жас аралығындағы NEET санатындағы жастар мен 2018 жылғы түлектерді қоғамға әлеуметтендіру және жұмыспен қамту туралы Жол картасын бекіту қаулысы қабылданды. Осыған орай, Қызылорда облысы бойынша NEET санатындағы жастармен жұмыс жүргізудің Жол картасы бекітілді. Бекітілген Жол картаның орындалуы бойынша облыстық жастар мәселесі басқармасының басшысы Қ.Жанұзақов баяндады.

Аймақ басшысы NEET санатындағы жастармен жүргізіліп отырған шараларға көңілі толмайтындығын жеткізді. Бұл бағыттағы жұмыстар тікелей өзінің бақылауында болатынын айтып, нақты тапсырмалар жүктеді.

"Дипломы бар NEET санатындағы жастардың көпшілігі – бәсекеге қабілетсіз жергілікті колледждер мен жоғарғы оқу орындарының түлектері. Білім сапасы да бақылауда болуы керек. Сандық көрсеткіштермен қатар нақты жұмыстар жасалуы тиіс. Тиісті басқарма басшылары, қала мен аудан әкімдері баршаңыз NEET санатындағы жастармен жұмыс істеуге арналған нормативтік актілерді мұқият зерттеңіздер. Барлық аудандарда жастар ресурстық орталықтары бар. Жастар мәселелеріне 600 млн. теңгеден астам қаржы бөлінген. Мемлекет тарапынан қолдау жеткілікті, алайда нәтиже жоқ ",- деді облыс әкімі Қуанышбек Ысқақов.

Сонымен қатар, кеңейтілген отырыста облыс әкімі тиісті мекемелердің ақпаратын мысалға ала отырып, жастармен жұмыс істеуде ведомствоаралық байланыстарды үйлестіруді міндеттеді.

Облыс әкімінің баспасөз қызметі

 


Қ.ЫСҚАҚОВ: "КӘМЕЛЕТКЕ ТОЛМАҒАНДАРҒА ҚАРСЫ ЖАСАЛҒАН ҚЫЛМЫСТАРДЫҢ АЛДЫН АЛУ БОЙЫНША ЖҰМЫСТАР КҮШЕЙТІЛУІ ҚАЖЕТ PDF Print Email
Жаңалықтар - Халық-хабар
06.11.2019 09:00

Кеше «Nur Otan» партиясы Қызылорда облыстық филиалының төрағасы, облыс әкімі Қ.Ысқақовтың төрағалығымен Саяси кеңес Бюросының кеңейтілген отырысы өтті. Онда кәмелетке толмағандарға қарсы жасалған қылмыстар және оның алдын алу бойынша атқарылған жұмыстар мен жастар арасындағы жұмыссыздық, орта арнаулы оқу орындарында білім алу мәселелері туралы да айтылды.

Облыста кәмелетке толмағандарға қарсы жасалатын және жасөспірімдердің өздерімен жасалған қылмыстар азаймай отыр. Осыған орай, облыс әкімі ішкі істер департаментіне жұмысты күшейтуді тапсырып, облыстық полиция департаментінің бастығының орынбасары Ш.Амитовке бірқатар тапсырмалар берді.

"Жастарға қатысты қылмыстардың профилактикалық шаралары күшейтілсін, тиісті мемлекеттік және қоғамдық ұйымдармен байланыс орнатылсын. Жасөспірімдерге қатысты жасалатын қылмыстардың алдын алу және оны жою шараларына барша қоғам болып атсалысуымыз керек. Облыстың ішкі істер органдарының материалдық-техникалық базасын нығайту үшін жыл сайын қыруар қаржы бөліп отырмыз. Алайда жұмыстарыңыздың нәтижесін көріп отырған жоқпын. Аталған бағыттағы жұмыстар күшейтіліп, үш ай мерзімде орындалу қажет. Бұл мәселе жеке өзімнің бақылауымда болады", - деді облыс әкімі Қуанышбек Ысқақов.

Облыс әкімінің баспасөз қызметі

 


ҚЫЗЫЛОРДА ҚАУІПТІ АЙМАҚ ПА? PDF Print Email
Жаңалықтар - Халық-хабар
05.11.2019 17:25

Айдың күннің аманында облыста 44 адам жол апатынын қаза болған. 270 адам жарақат алыпты. Жол-көлік оқиғасы былтырғы жылмен салыстырғанда 146-дан 230-ға көбейген. Бұл жөнінде өңірлік коммуникациялар қызметінде өткен баспасөз брифингінде облыс прокурорының бірінші орынбасары Талғат Әлібаев мәлімдеді.

Ең өкініштісі, жол-көлік оқиғаларының 18-і қарсы бағытқа шығу, 33-і маневр ережесін бұзу, 28-і жылдамдықты асыру, 14-і жол қиылысынан өту, 5-еуі жаяу жүргіншілер өткелінен өту, 12-сі басып озу, 5-еуі арақашықтықты сақтамау себебінен болса, 46-сы ірі қара малының қатысумен орын алған. Аталған мәселе облыстық үйлестіру кеңесінің отырысында қаралып, уәкілетті органдарға тиісті тапсырмалар жүктелді, - деді ол.

Бұдан бөлек, құзырлы орган өкілі облыста жыл басынан бері болған қылмыс 15 пайызға азайғанын айтты. Дегенмен, алғашқы 9 айда кәмелет жасқа толмағандарға жыныстық қолсұғушылыққа қатысты 17 қылмыс жасалған. Аталған санаттағы қылмыс аймақ бойынша азайғанымен, Арал, Жалағаш аудандары мен Байқоңыр қаласында өсім алған.

Құқықбұзушылықтардың 14-і сотқа жолданса, 3-еуі бойынша тергеп-тексеру амалдары жүргізілуде. Жергілікті соттарда жыл басынан бері 12 қылмыстық іс қаралса, оның 9-ына айыптау үкімдері, 3-еуіне ақтау үкімі шығарылған. Сондай-ақ, соттармен осы санаттағы қылмыс жасаған 3 сотталушыға қатысты химиялық кастрациялау медициналық сипаттағы мәжбүрлеп емдеу шарасын қолдану туралы үкім шықты, - дейді Талғат Айтбайұлы.

Баспасөз брифингі барысында облыс прокурорының бірінші орынбасары кәмелет жасқа толмағандардың қатысумен 78 қылмыстық құқықбұзушылық болғанын жеткізді. Бұл өткен жылмен салыстырғанда 17,9 пайызға аз. Ал өңірде кәмелетке толмағандарға қарсы 44 қылмыстық іс тіркелген.

Сондай-ақ, құқық қорғау органының өкілі прокуратура саласында болып жатқан оң өзгерістерге тоқталды.

Елбасымыздың «Төртінші өнеркәсіптік революция жағдайындағы дамудың жаңа мүмкіндіктері» атты Жолдауына сәйкес қылмыстық іс жүйесі жаңартылып, «Е-Қылмыстық іс» жобасы іске қосылды. Бағдарлама қылмыстық құқықбұзушылықтарды тіркеуден бастап, қылмыстық процестің барлық сатыларын және үкімнің орындалуына дейінгі сатыны қамтиды. Жоба аясында облыстық полиция органдарына жергілікті бюджеттен 92 млн теңге бөлініп, 116 компьютер мен құрал-жабдықтар алынды. Жыл басынан бері электронды форматта 1397 қылмыстық іс тіркеліп, жалпы тіркелген 5189 қылмыстық құқықбұзушылықтардың 27 пайызын құрады, - деді Т.Айтбайұлы.

Құқық-ақпарат

 


Қазақстандықтар желтоқсан айында 12 күн демалады PDF Print Email
Жаңалықтар - Халық-хабар
05.11.2019 16:10

Egov.kz веб-сайтының ақпаратынша, аптасына бес күн жұмыс істейтін қазақстандықтар 2019 жылдың соңғы айында 12 күн демалады деп хабарлайды KAZ.NUR.KZ.

Жылдағы дәстүр бойынша, қыстың алғашқы айында Қазақстан тұрғындары екі үлкен мейрамды - Тұңғыш Президент күнін және Тәуелсіздік күнін атап өтеді.

  • Тұңғыш Президент күні, дәлірек айтсақ, оның атап өтілетін күні биылғы 1 желтоқсан жексенбіге сәйкес келгенін атап айту керек.

Демек, жексенбіден кейінгі күн де демалыс күні болады.

Айта кетерлігі, Елбасы Нұрсұлтан Назарбаевтың құрметіне арналған мереке 18 жыл бұрын, жаңа ХХІ ғасырдың басында атап өтіле бастады.

Бұл күні бүкіл қазақстандықтар Тұңғыш Президенттің мәртебесін атап өтуге арналған түрлі шаралар өткізеді.

Естеріңізде болса, осыдан 28 жыл бұрын, 1 желтоқсанда ұлт көшбасшысы Нұрсұлтан Назарбаев елдегі алғашқы президенттік сайлауда жеңіске жетіп, ел президенті болып сайланған болатын.

Сонда Елбасы сайлауда 98,7% дауыс жинады.

  • Ал биылғы Тәуелсіздік күні - 16 желтоқсан дүйсенбіге тап келеді. Мереке құрметіне екі демалыс күні: дүйсенбі және сейсенбі күндері беріледі.
 


«Егемен Қазақстан» газетінің Қызылорда облысындағы меншікті тілшісі тағайындалды PDF Print Email
Жаңалықтар - Халық-хабар
05.11.2019 13:55

«Егемен Қазақстан» газетінің Қызылорда облысындағы меншікті тілшісі болып Мұрат Жетпісбаев тағайындалды.

Мұрат Ақынұлы 1972 жылы Алматы облысында дүниеге келген.

Ол 1989-1995 жылдары Әл-Фараби атындағы Қазақ мемлекеттік Ұлттық университетінде қазақ тілі мен әдебиеті мамандығы бойынша тамамдаған. Сондай-ақ 2002-2005 Қызылорда «Болашақ» университетінде мемлекеттік және жергілікті басқару мамандығын игерген.

Мұрат Жетпісбаев ең алғаш еңбек жолын 1995 жылы Н.В.Гоголь атындағы Қызылорда педагогикалық институтының оқытушысы ретінде бастаған. 1996 жылы Қызылорда облыстық телерадиокомпания редакторы қызметінде болды. Сол уақыттан бастап баспасөз саласында еңбек етіп келеді.

Атап айтар болсақ, 1997-98 жылдары Қызылорда қалалық «Ақмешіт ақшамы» газетінің жауапты хатшысы, 1998-2000 жылдары Қызылорда қалалық телерадиокомпания редакторы, республикалық «Ана тілі» газетінің Қызылорда облысындағы меншікті тілшісі болып жұмыс істеді.

2000-2002 жылдар аралығында Қызылорда облысы әкімінің баспасөз хатшысы болып қызмет етті. 2005 жылы «Қазақстан» РТРК» АҚ облыстық филиалы директорының орынбасары қызметіне тағайындалып, мұнда 3 жыл еңбек етті. 2009-2011 жылдары облыстық «Сыр бойы» газетінің бөлім меңгерушісі, 2011 жылы Қызылорда қаласы әкімдігі жанындағы «Қызылорда медиа» ШЖҚ МКК директор-бас редакторы, 2013-2016 жылдары облыстық «Сыр бойы» газетінің жауапты хатшысы, бас редактордың орынбасары, 2016-2018 жылдары «Қызылорда-ньюс» интернет газетінің бас редакторы қызметтерін атқарды.

2018-2019 жылдары Қызылорда облыстық «Сыр бойы» газеті бас редакторының орынбасары болды.

 


ЖОҒАЛҒАН БАЛЫҚШЫЛАР ТАБЫЛМАЙ ТҰР PDF Print Email
Жаңалықтар - Халық-хабар
05.11.2019 13:40

Айдың күні аманда Аралда қос балықшы жоғалды. Екеуі де – «Бақыт» шаруа қожалығының жұмысшылары. Олар қарашаның 2-жұлдызында таң ата балық аулауға шыққан. Содан ұшты-күйлі жоқ. Құзырлы орган мамандары бұл оқиағаға күн райының күрт өзгеруі себеп дейді.

Олардың бірінің жасы – 26-да, екіншісі – 25-те. Балықшылар жоғалғалы жергілікті атқарушы органдары қайық, дрон аппараттарымен жан-жақты іздестіру жұмыстары жүргізуде. Бірақ, әлі күнге дейін екі балықшының ізі де жоқ.

- Кешегі дауылға байланысты Арал ауданында екі елді мекен жарықсыз қалды. Бұдан бөлек, Қызылорда қаласының да бірнеше мөлтек ауданында жарық бірнеше сағатқа өшіп, қайта қолданысқа берілді. Айтпағым,  оқыс оқиғаның барлығы ауа райының осындай қолайсыз тұстарында болып жатады. Тұрғындарға күні бұрын көктайғақ, жолдардың жабылуы туралы SMS-хабарлама жолданып отырады. Соған қарамастан тұрғындар алыс жолға шығады, балыққа, мал жаю секілді жұмыстарға кетіп қалады. Бұл дұрыс емес. Әсіресе қыс айларында шаруаның барлығын күн райына қарап атқарған дұрыс. Сонда өлім-жітім де аз болар еді,- дейді облыстық жұмылдыру дайындығы басқармасы басшысының орынбасары  Ғ.Жаңабаев.

Ал «Қазгидромет» РМК Қызылорда облысы бойынша филиалының бөлім басшысы Ә.Болатбекқызы облыста алдағы онкүндікте ауа райы көрсеткішінің төмендейтінін және түнгі мезгілдерде -12 градусқа дейін суытатындығын жеткізді.

Түйін. 3 қараша күні Жалағаш ауданы Есет батыр ауылының тұрғыны Н.Ақылбаев есімді азамат мал іздеуге шығып кетіп, қайта оралмаған. Артынша ауыл адамдарының көмегімен тоғайда адасып кеткен жерінен қайта табылған.  Былтыр облыс бойынша 5 балықшы жоғалып, өлі күйінде табылған. Ал 3 күннен бері табылмай жатқан 2 балықшының жай-күйі әзірге бәрімізге беймәлім. Ауа райына кінә артпас бұрын, өзімізге керек өмірді сақтауды қашан санаға сіңірер екенбіз?!

Ә.НАЖМАДИН

 


Күнтізбе

< Қараша 2019 >
        1 2 3
4 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары