Өзекті мәселелер

  • 15.08.19

    Қала әкімдігінде шаһар басшысы Нұрлыбек Нәлібаевтың төрағалығымен аппарат отырысы өтті. Бұған дейін мәжіліс залында ине шаншар орын болмайтын. Бұл жолы орын бос болды. Шамасы, ақжағалылар тамылжыған тамызда тынығуды жөн санаса керек. Жә, бастысы, ол емес.
    Аппарат мәжілісінде екі мәселе таразыға тартылды.

    ...
    Толығырақ...
  • 15.08.19

    Өткен аптада Жаңақорған ауданы, Жайылма ауылдық округінде қарбыз шырынын шығаратын цех алғашқы өнімін сынақтан өткізді. «Енді Жайылмада қарбыз кластері дамиды» дейді білетіндер. Лайым солай болғай! Естеріңізге салайық, осыдан тура 6 ай бұрын өңірлік коммуникациялар қызметінде өткен брифингте сүйінші жаңалықты Жаңақорған ауданының әкімі  Ғалым Әміреев бірінші болып жеткізген-ді. Сол кезд...

    Толығырақ...
  • 15.08.19

    Жасыратыны жоқ, қоғамда мүмкіндігі шектеулі жандардың көп нәрсеге мүмкіндігі жоқ деген қате пікір әлі де бар. Алайда әр пенденің бұйыратын өз несібесі бар. Біреудің қолынан келмеген іс екінші адамның қолынан тууы мүмкін. Сол секілді айналадағы мүмкіндігі шектеулі азаматтардың еңбекпен жетіп жатқан жұмыстарына қолдау көрсетіп, шынайы баға беруді міндет санағанымыз жөн. Сондай өмірге құштар, ...

    Толығырақ...
  • 15.08.19

    Кәсіпкерлік дамыса, еліміз де өркениетке өрлейді. Жұмыссыздық азаяды. Нарық халыққа қажеттіні қамтиды. Шағын және орта бизнесті дамыту мақсатында қабылданған мемлекеттік бағдарламалар кәсіпкерлерге қолдауды арттырды. Іскерлік мүмкіндігін молайтты. Солардың қатарында сырдариялық тұрғындар да мемлекеттік бағдарламаның игілігін көруде. Мұны облыстық кәсіпкерлік және туризм басқармасы  мен ...

    Толығырақ...
  • 15.08.19

    Сәрсенбінің сәтті күнінде өңірлік коммуникациялар қызметінде облыстық дене шынықтыру және спорт басқармасының басшысы Олжас Әкімовтың қатысуымен брифинг өтті. Бір ерекшелігі, Олжас Азатұлы қашанда өзімен бірге спорттың әр түрінде жеңімпаз атанып, ел намысын қорғап жүрген қызылордалық өрендерді баспасөз мәслихатына  ертіп әкеліп, БАҚ өкілдерімен бетпе-бет жүздестіреді, кері байланыс орна...

    Толығырақ...
ЖАСТАР ШЕКАРА АСУҒА НЕГЕ АСЫҚ?
18.04.2019 12:00

Осыдан екі жыл бұрынғы ақпаратты айтайық. Ең алғаш естігенде есеңгіреп қалдық. Елімізде 2017 жылы 110 мың адам жоғары оқу орнын бітірген. Тек олардың мамандық бойынша жұмысқа орналасқандар саны – 7-ақ пайыз. Мұны мәжіліс депутаты Мұрат Бақтиярұлы баяндад­ы. Бұл ретте бітіруші түлектердің қалғаны қайда деген заңды сауал туын­дайт­ыны рас. Мәжіліс депутаты «КТК» арнасына берген сұхбатында жастарға қатысты нақты статистиканың жоқтығын және оның бұрмаланатындығын жеткізді. Демек, бұл тұрғыда біздің елде проблема шаш етектен. «Жығылғанға жұдырық» дегендей, ашық ақпарат көздерін­е сүйенсек, қазақ жастарының 45 пайызы шетелге кетуге ниетті екен.

Биыл «Жастар жылы» деп бекітілді. Жергілікті билік «жүрдім-бардым шаралардан арылып, нақты жұмыстармен айналы­самыз» деп уәде етті. Жақында облыстық жастар саясаты мәселелері басқар­масы алдағы жоспарларын жариялады. Байқағанымыз, олар қызы­л­орда­лық бүгінгі буын өкілдерін бизнеске бейім­деуді басты назарға алған тәрізді. Бұл бағытта бірқатар жоба жасаған екен. Әсіресе, ауыл жастарының әлеуетін арттыр­уға күш салған секілді. «Ауыл жаста­рын әлеуметтендіру жобасы аясынд­а 84 елді мекен қамтылып, жобаға 20  мыңнан астам жас тартылатын болады­. Жоба барысында аудандарға қарасты елді мекендерде кәсіби бағдарлану бойынша кездесу, құқықтық сауаттыл­ықты арттыру және мемлекеттік бағдарламаларды насихаттауға арналған семинар-тренинг, жастарды қоғамдық қабылдау, Жастар жылын атап өтуге арналғ­ан мерекелік кеш және спорттық сайыстар өткізіледі» деп облыстық жастар­ саясаты мәселелері басқармасы фейсбук әлеуметтік желісіне жариялады. Алғашқы сөйлемін оқып, «бәрекелді» дегенб­із, сөйтсек, соңғы жағы әдетте­гідей мемлекеттік бағдарламаларды түсіндіру мен семинар-тренингке ұласатынын көріп, көңіліміз су сепкендей басылды. «Құлдан да бір тілек» демекші, бұл шарлардың барлығы «өтті-кеттімен» шектелмесе дейміз. Сондай-ақ, басқарма осы жылы Жаңақорған ауданында ауыл жастар­ының слетін және Түркі тілдес елдер­ жастарының халықаралық фестивалін  ұйымдастыруды қолға алғалы отыр. Сонымен қатар мүмкіндігі шектеулі жастар­дың қолөнер орталығын ашуды да ойластырған екен. Айтпақшы, 3500-ден аса студентке қоғамдық көлікте жеңіл­дікпен жүруге жәрдем жасалмақ. Әрине, мұның бәрі облыс көлемінде атқары­латын жұмыстар ғана. Ал еліміз бойынша ше?

Расы сол, «Жастар жылы» деп жарияланса да, қазіргі  қоғамдық көңіл күйдің басқа  жаққа  ауғаны  сөзсіз.

Енді әу бастағы тақырыбымызға оралсақ­. Біздің елдегі ең үлкен проблема – жұмыссыздық. Қазақстандық 4 миллион жастың 1 миллионы ауылдық жерлерде тұрады. Ауыл демекші, осы ретте Мұрат Бақтиярұлының сөзіне тағы да бір көз жүгіртсек.

– Екі жақты қарауымыз керек. Біріншіден,  мектептен  басталатын үгіт-насихат жұмысы аз. Екіншіден, ата-ана бала тәрбиесіне немқұрайды қарайды. Үшіншіден, арнаулы кәсібін меңгергеннен  кейін  «жұмыссыз  қаламыз  ба?» деген­  қауіп бар. Мектеп бітірген түлекте­рі­міздің  барлығы  жоғары  оқу  орнын  бітіруі шарт емес қой. Солай емес пе? Көп­теген дамыға­н  елдерде  мектеп­  бітірген азаматтарының 15-20 па­йы­зының  ғана жоғары білімі бар. Ал бізде  керісінше,  80 пайызы жоғары білім алуға тырысады. Мысалы, қазір елімізде 127 оқу орнында 500 мыңға жуық азамат жұмыс істейді. Тәуелсіздік  жылдарында 2 жарым­  миллионға  жуық  азамат ЖОО-нын бітір­ді. Соның бәрі жұмыспен қамтылды деп айта  алмаймын, - деді ол.

Мәжіліс депутатының сөзінің жаны бар. Бүгінде ата-аналардың көпшілігі көштен қалмай баласының білімін жетілді­руді ғана көздеп отыр. Дұрыс-ақ! Бірақ  «қазіргі нарыққа қандай мамандар қажет?» деген сауалдың жауабын іздеген­ емес. Қазір қос-қостан дипломы бар  педагогтер мен заңгерлер қаптап жүр. Дей тұрғанмен, олардың бәріне бірдей  жұмыс қайда?

Сөз басында еліміздегі жастардың  45 пайызы шетелге кетуге ынталы екен­дігін айттық. Көпшілігі сонда білімін жетілдіргісі келеді. Кейіннен қалып қоюды армандайтын көрінеді. Мұның да өзіндік себептері бар. Осы төңіре­гінде белгілі журналист Нұрбек Әмиша өткенде өз пікірімен бөліскен еді. «Болашақ» бағдарламасымен оқыған ол шетелдегі білім сапасы мүлде бөлек екенін жеткізді. Білім сапасы­ біздің елмен салыстырғанда әлдеқайда­  жоғары  көрінеді. Бірақ алған тәжірибеңді іске асыруға елімізде мүмкіндік жоқтың қасы дейді. «Болашақ» бағдарламасымен оқыған жас­тардың біразы шетелде білімін жетіл­діреді  немесе  бизнеске барады. Қалғаны мемлекеттік қызметке араласады. Бүгінге дейін ел қазынасы есебінен  15 мыңнан аса жас шетелде оқыған көрінеді. Қалғаны­ қайда? Қайсысы ғылымға­ үлес қосып, инновациялық жобалард­ы  іске  асырып жатыр?

Қоғамды қозғаушы күш жастар екені даусыз. Әйтсе де, соңғы жылдары олардың елден кетуге ниеті нені білдіреді?

Қозы  Көрпеш   ЖАСАРАЛҰЛЫ

 

Пікір қалдыру


Қорғаныш коды
Жаңарту

Күнтізбе

< Сәуір 2019 >
1 2 3 4 5 6 7
8 9 10 11 12 13 14
15 16 17 19 20 21
22 23 24 25 26 27 28
29 30          

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары