Өзекті мәселелер

  • 15.08.19

    Қала әкімдігінде шаһар басшысы Нұрлыбек Нәлібаевтың төрағалығымен аппарат отырысы өтті. Бұған дейін мәжіліс залында ине шаншар орын болмайтын. Бұл жолы орын бос болды. Шамасы, ақжағалылар тамылжыған тамызда тынығуды жөн санаса керек. Жә, бастысы, ол емес.
    Аппарат мәжілісінде екі мәселе таразыға тартылды.

    ...
    Толығырақ...
  • 15.08.19

    Өткен аптада Жаңақорған ауданы, Жайылма ауылдық округінде қарбыз шырынын шығаратын цех алғашқы өнімін сынақтан өткізді. «Енді Жайылмада қарбыз кластері дамиды» дейді білетіндер. Лайым солай болғай! Естеріңізге салайық, осыдан тура 6 ай бұрын өңірлік коммуникациялар қызметінде өткен брифингте сүйінші жаңалықты Жаңақорған ауданының әкімі  Ғалым Әміреев бірінші болып жеткізген-ді. Сол кезд...

    Толығырақ...
  • 15.08.19

    Жасыратыны жоқ, қоғамда мүмкіндігі шектеулі жандардың көп нәрсеге мүмкіндігі жоқ деген қате пікір әлі де бар. Алайда әр пенденің бұйыратын өз несібесі бар. Біреудің қолынан келмеген іс екінші адамның қолынан тууы мүмкін. Сол секілді айналадағы мүмкіндігі шектеулі азаматтардың еңбекпен жетіп жатқан жұмыстарына қолдау көрсетіп, шынайы баға беруді міндет санағанымыз жөн. Сондай өмірге құштар, ...

    Толығырақ...
  • 15.08.19

    Кәсіпкерлік дамыса, еліміз де өркениетке өрлейді. Жұмыссыздық азаяды. Нарық халыққа қажеттіні қамтиды. Шағын және орта бизнесті дамыту мақсатында қабылданған мемлекеттік бағдарламалар кәсіпкерлерге қолдауды арттырды. Іскерлік мүмкіндігін молайтты. Солардың қатарында сырдариялық тұрғындар да мемлекеттік бағдарламаның игілігін көруде. Мұны облыстық кәсіпкерлік және туризм басқармасы  мен ...

    Толығырақ...
  • 15.08.19

    Сәрсенбінің сәтті күнінде өңірлік коммуникациялар қызметінде облыстық дене шынықтыру және спорт басқармасының басшысы Олжас Әкімовтың қатысуымен брифинг өтті. Бір ерекшелігі, Олжас Азатұлы қашанда өзімен бірге спорттың әр түрінде жеңімпаз атанып, ел намысын қорғап жүрген қызылордалық өрендерді баспасөз мәслихатына  ертіп әкеліп, БАҚ өкілдерімен бетпе-бет жүздестіреді, кері байланыс орна...

    Толығырақ...
БЕЛГІЛІ УАҚЫТТА БЕРІЛЕТІН КҮШ
18.04.2019 12:05

Дана қазақ «Көп жа­саған білмейді, көпті көр­ген біледі» дейді. Көп жасамадық, көпті көрмедік. Айтпақшы, «менің білге­німді өзгенің білмеуі керек» деп ақпаратты қыз­ғанатындар бар екен. Бар емес, олардың қатары қалың көрінеді. Әрине, әңгімеміз пайдалы ақпараттар мен мәліметтер турас­ында ғана. Әйтпесе, оқырман мен тыңдарманды адастыратын ақпараттың әрдайым жасырынып жүргені жақсы ғой. Хош. «Білмегені – тоқсан тоғыз» бола тұра, білген бір то­ғызын жасыратындарға қандай баға беру керек? Ойланып  көрелік...

Осыған дейін газет бетін­де танымдық «Ойлы халық жайлы ой» атты мақал­амыз жарияланды. «Қазақтың қандай бол­масын, салт-дәстүрлері­нің, жөн-жоралғыларының, ырым-тыйымдарының айтарлықтай маңызы бар. Осы орайда ойымызға «қазақ өте ақылды болған» деп бір-бірімізге мақтана айтатын сөздің орала кеткені. Одан қалды, мағы­налы мақал-мәтелдердің мә­нін ұғынғанда «дана қазақ бәрін айтып кеткен ғой» деп таңыр­қайтынымыз  бар-ды. Рас, әр сөзінің астында терең ой, үлгі-өнеге, тәлім-тәрбие, жақсылыққа на­си­хат жатыр» делінген-ді сонда. Әлгінде пайдалы һәм пайдасыз деп бастадық емес пе? Қайсысы екенін оқырманның өзі қорыта жатар, десе де қазір жай ғана ақпа­рат­тың (өтті, кетті) заманы­ екенін жоққа шығара  алмаймыз.

Біз бүгінгі ізденісімізде табиғаттың таңғажайыбы турасында ойымызды ортаға салмақпыз. Табиғатта белгілі бір уақытқа дейінгі және белгілі бір уақыттан соң берілетін күш болады екен. Сіз олармен таныссыз ба? Басыңызды изесеңіз де, шайқасаңыз да мақалаға аз-кем көз жүгіртіп өтке­ніңіз  жөн. Ол артықтық етпейді.­

Көктем келіп, ағаштар гүлдеп жатқан кезең ғой. Осы аралықта (3-5 күн) жеміс ағашын жел шайқап, біршама гүлін жерге түсі­ре­ді. Бұл – қалыпты құбылыс. Және міндетті түрде болады. Себебі, ағаш о бастағы барлық гүлді жеміске айналдыра алмайды екен. Көр­діңіз бе, бұл да болса, табиғаттың таңғажайыбы ғой. Ал, сол 3-5 күннен соң қан­ша жел, дауыл  болса да  ағаш пен гүлін ажырата алма­йды.

Бір қызықты қараңыз. Мұны қызық дегеннен гөрі, құдірет дегеніміз де жөн болар­. Ақбөкеннің лағы – құралай. Әр жыл сайын мамы­р айының аяғында «Құралайдың салқыны» деп аталатын күн райының құбылмалы кезеңі өтіп тұ­рады. Бұл күндері жаңбыр, кейде қар аралас жаңбыр жауып, ауа температурасы күрт суытып, салқын жел соғады­. Өйткені, мамыр айын­ың алғашқы жартысында киіктер 2-3 күнде лақтап болады. Балалары жерде жатады. Күн суытысымен-ақ олар ызғарлы жер­ден­ тұрып, тәлтіректеп ая­ғын басып, енелерінің соңынан ерген күйі жүруді үйренеді. «Құралайдың салқыны» – Табиғат-ананың киіктердің лағын ширатып, тіршілік етуге қа­дам бастырып, тәрбиелей­тін қатал да ізгі мінезі. Ол ол ма, осы уақытта бө­кен­дерден жағымсыз иіс бөлі­неді. Сондай-ақ, бұл – қасқырлардың ауырың­қырайтын кезеңі. Әлгі иіс мұрнына барғанда қас­қыр­лар мүлдем еңсе тіктемей­тін көрінеді. Ал, бұл кезеңде құралай әбден аяқтанып алады. Киіктің желмен жарысатындай қауқары  бары анық. Демек, аяққа тұрған құра­лайдың жылдамдықты бірнеше күнде-ақ меңге­ріп, жыртқыштар­ға бой бермей  кететіні осыдан.

Құдайдың құдіреті, табиғаттың таңғажайыбы ғой, құралай аяққа тұрамын дегенше қылқанжапырақты өсімдіктің жанында жатады екен. Екеуі­нің түсі қатты ұқсайтын болғандықтан, «қаңғып» жүрген түз тағысы оны тіске  баса  алмайды.

Белгілі уақытта беріле­тін күштің мұнымен тоқтап қалмайтынын біз жақсы білеміз. Таңданудан, таңғалудан жалықпау керек. Тиісінше, таңдандырудан, таңғалдырудан...

Рыскелді   ЖАХМАН

 

Пікір қалдыру


Қорғаныш коды
Жаңарту

Күнтізбе

< Сәуір 2019 >
1 2 3 4 5 6 7
8 9 10 11 12 13 14
15 16 17 19 20 21
22 23 24 25 26 27 28
29 30          

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары