Өзекті мәселелер

  • 12.09.19

    Қасымды түлен түртті. Түрткенде тіпті шектен шықты. Соңғы уақытта ащы суға үйір болды­. Таң алекеуімнен оразасын ішімдікпен ашады. Ішке түскен қызу миында қордаланған уайымын ұмыттырады. Зіл-батпан денесін жеңілдетеді. Отбасымды асыраймын, жеткіземін деп істемеген жұмысы  жоқ. Базарда арба да сүйреді. Жүк түсіруші де болды. Шеберхана ашып, аяқ киім де тікті. Жалданып жұмыс та істеді.

    ...
    Толығырақ...
  • 12.09.19

    Қалалық А.Тоқмағамбетов атындағы мәдениет үйінде өткен мемлекет басшысының «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауына арналған Қызылорда қаласының идеологиялық активі мен «Nur Otan» партиясы қалалық филиалының саяси кеңе­сінің бірлескен отырысында басым бағыттар сараланды. Жиынды қала әкімі Нұрлыбек Нәлібаев ашып, жүргізді.

    ...
    Толығырақ...
  • 12.09.19

    Алғашқы 8 айдың қорытындысы бойынша қала қазынасына 12 452,6 млн теңге түсім түсіп, жоспар артығымен орындалған. Дегенмен, салық саласында  түйткілдер тым көп. Мәселен, қала  көлеміндегі 13 базарда 1342 орын, 8 ірі сауда үйінде 915 орын жалға берілген. Базарл­ар мен сауда үйлерінде сауда жерлерін жалға алып, кәсіппен айнал­ысып жүрген азаматтар табыстарын төмендетіп көрсеткен. Бұл жөнінде Қы­зы...

    Толығырақ...
  • 12.09.19

    Облыс әкімі Қуанышбек Ысқақов осыған дейін өңірдегі алты ауданға ат басын бұрып, ауылдарын аралап қайтқаны бар. Сонау солтүстіктегі Арал мен оңтүстіктегі Жаңақорғанға дейін түгел шарлап шықты. Бірақ Ғанибек Қазантаев басқаратын облыс орталығының іргесіндегі Сырдария ауданына табан тіреген жоқ.

    ...
    Толығырақ...
  • 12.09.19

    Айжарық  СӘДІБЕКҰЛЫ

    СЕН   ӘЛЕМНІҢ ЖАНАРЫНДАСЫҢ,   АРАЛ!

    Арал атырабын жайлаған экологиялық апаттың дүние-әлемнің жанарына іліккеніне де талай жылдың жүзі аунады. Енді аманшылық болса, жиырм­асыншы ғасырды түгендеп, жаңа жүзжылдықты бастаймыз. Ең өкініштісі сол, алдағы ғасырдың табал­ды­рығынан тәуелсізді...

    Толығырақ...
ШЫҢЫРАУДАН ШЫҢҒА ДЕЙІН ҚАНША ШАҚЫРЫМ?
18.04.2019 12:12

«Бала анадан туғанда екі түрлі мінезбен туады; біреуі – ішсем, жесем, ұйықтасам деп тұрады. Бұлар – тәннің құ­мары... Екіншісі – білсем екен, көрсем екен, үйренсем екен деп талпынып, көзі көрген, құлағы естігеннің  бәрін  сұрап  тыншымау. Бұл – жан құмары...»

Абай  Құнанбаевтың

«Жетінші  қара  сөзінен»  үзінді

Жаратқаннан ұлылықты сыйға алған ұлы Абайдың осы бір сөзіне барша адамзаттың тағдырымен қоса, танымы да сыйып кететін сияқт­ы. Тіпті, әрбір пенденің бүкіл өмірінің эпиграфы секілді. Шынында да, хәкімнің айтқан аталмыш сөзінің зор мәні бар.Тән құмары мен жан құмарының ара­жігін ажыратып, айқындап беріп тұр. «Есті адамның сөзін оқып-білген адамның өзі есті болады» дейді ол алтыншы қара сөзінде. Ал, біз осы құмарлықтың қайсысына көбірек көңіл бөліп жүр екенбіз?! Міне, алдағы айтарымыздың атылар оғы да осы жаққа ат басын бұрып тұр. Сәйкесінше, «Шыңыраудан шыңға дейін қанша шақырым?» деген сауалға қалай жауап қайырар едік?!

Алдымен «шыңырау» дейтін сөздің шын мағынасын ашып алайық. Шыңырау – тереңдік һәм төмендік. Ал, сол тереңнен жоғарыға дейін қанша қашықтық? Шын мәнінде, біз осы аралықты өзіміз жасаймыз, яғни барлық нәрсе айнадағы адамға тікелей байланысты. Бақсақ, осының бәрі мақсат дейтін ұлы ұғымға саяды. «Армандар орындалады, мақсатың айқын болса». Тұспалдап келген тұсымыздың «тұмсығына» да жеткен тәріздіміз.

Адам баласы алдына арман қойғаннан кейін, оған жетудегі жолының өлшемі мақсатына байланысты. Сондай-ақ, өзіне деген сенім нық болуы шарт. Сенім – мақсаттың қолшоқпары іспеттес. Егер осы тұрғыда ойланып, соған орай жұмыс істеген болсақ, бар әлемді өзімізге қаратқан болар едік. Мәселен, АҚШ мемлекетінің қазіргі басшысы Дональд Трамптың өмір жолын қысқаша көрелік. Биографиясына үңілсек, бұл кісі де кезінде біз айтқан шыңыраудағылардың бірі болған екен. Әбден өзді-өзінен жеңіліп, биіктен секіріп құлап өлмек болғанда қолын қалтасына салады ғой, сөйтсе азын-аулақ ақшасы бар екен. Содан басына «осы ақшаға сыра ішіп барып өлейін» деген ой келеді. Дәмханада сыра ішіп отырғанда қасына бейтаныс бір кісі келіп, екеуі танысып, біраз сөйлесіп, етене араласады. Осыдан кейін әлгі кісі Трампты қол астына жұмысқа алып, ойда жоқта жұмысбасты етеді. Одан әрі кейіпкеріміз өзінше дамып, бүгінде осындай жағдайға жетіп отырған жайы бар. Бұл тұлғаның бізге мәлім тұсы – осы. Сондықтан да, біз Трампты шегі жоқ шыңыраудан шымқай шыңға шыққан шын мықты деп танимыз. Олай тануым­ызға да негіз болып тұр ғой.

Сайып келгенде, әр тұлға өз өмірінің желісін өзі құрастырады. Ал, біз сөз қылған шыңырау мен шың турасына келсек, шын сөзіміз осы болар. Біреулер сол шыңыраудан шыңға тез жетіп жатады; біреу­лер болса, кеш жетеді. Ол дара жолмен жетті ме, әлде қара жолмен бе? Баз біреулер шыңырауда жүріп шыңға шығуды қажет те етпейді. Солайша өзін шыңнан көре алады. Біреулер бар, шыңда туып, шыңда қалатын. Қыран сықылды...

Бақытжан  ӨТЕГЕНОВ,

№41 мектептің 11-сынып

оқушысы,

Шиелі ауданы

 

Пікір қалдыру


Қорғаныш коды
Жаңарту

Күнтізбе

< Сәуір 2019 >
1 2 3 4 5 6 7
8 9 10 11 12 13 14
15 16 17 19 20 21
22 23 24 25 26 27 28
29 30          

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары