Өзекті мәселелер

  • 20.06.19

    Гүлсім  ТАҢАТОВА,

    судья:

    Қап арқалаған қария. Әр сот отырысында жанынан тастамайтын кенеп қап... Оны есірткіге қатысты қылмысқа не мәжбүр етті? Тәжірибелі судьяның қылмыстық істі қараудан үзілді-кесілді бас тартуына не себеп? Бұл сауалдардың жауабын бірер айдан соң отс...

    Толығырақ...
  • 20.06.19

    АҒАЙЫНДЫ

    Екі ағайынды жігіт. Қабы да бір, сабы да бір: әке де, шеше де ортақ. Көргені де, жүргені де бір. Ішкені бірдей, жегені бір­дей... Бірақ біреуіне көптің көңілі қызығарлық ақыл қон­ған, біреуіне көптің шырқын бұзарлық арақ қонған...

    ...
    Толығырақ...
  • 20.06.19

    ЕКІ  ЕСАЛАҢ

    Ол түнімен «Нақұрыстың өмірін» оқып шықты. Автордың жан дүние­сіне үңілді. Жаңбырдан соң ауаның балғындығын бүкіл тамырымен сезі­не­ отырып, тәтті қиялға берілді. Кенет, шулаған ессіз қыздардың ащы күлкісіне жиіркене қарады. «Олар айтқан жайтта қандай күлуге тұрарлық мән бар екен» деп ой алабына  сүңгіді. Күнде теріскей жақтан­ ке...

    Толығырақ...
  • 20.06.19

    Қазақ өз ұрпағына қашанда жақсы тәлім, өнегелі тәрбие беруден жалыққан емес. Тіпті тәрбиенің бір бастауы­н бесіктен­ бастап, оның ата-анасының да жауапкерш­ілігін жүктеп отырған. Бүгінде осы ұлы мін­детті жартылай да орындай алмай жүргендер бар.

    ...
    Толығырақ...
  • 20.06.19

    «...Бізге керегі шын дарындар. Мемлекет өзінің талантты ұлдары мен қыздарын, тарланбоз жүйріктерін қолдауға, қорғауға міндетті». Иә, талантты да дарынды жастар – елі­міздің бетке ұстар мақтаныштары. Оны  жоғарыда айтылған Тұңғыш президентіміз Н.На­зар­баевтың сөзінен айқын байқауға болады. Жас ұрпақтың келешекке нық қадам басуы­ – қоғам үшін маңызды да жауапты күш. Еңсесін тіктеп келе жатқан ел...

    Толығырақ...
КИІМДІ НЕСИЕГЕ АЛАСЫЗ БА?
06.12.2018 11:35

Бір сәт аспаннан ақша жауғандай күйге еніп, мол қаржыны қайда жұмсарыңызды білмей қалған мезетте... Мұндай көңіл күйді көбіне несие алған кезде сезінеріміз сөзсіз. Ал ай сайын алатын жалақыға телміріп отырған­ қарапайым халыққа бұл аса таңсық жағдай емес. Иә, өте көп мөлшердегі қаражатты алып, қалтамызды қампайттық делік. Ары қарай қайда жұмсаймыз? Бұрындары тұрмыстық техника, автокөлік немесе баспана рәсімдейтін. Бүгінде кредитке киім алу осыншама факторлардың көш ба­сында  тұр  екен.

Ұлттық банктің мәліметінше, адамдар көп жағдайда несие­ні ойланбай рәсімдейді. Олар қатты қажеттілік болмаса да, банктен ақша алғысы келіп тұрады дейді. Аталмыш банктің қаржы меңгерушісі «Соңғы кезде­ кредитке киіну сәнге айналды. Адамдар жаппай қарызға киіне бастады» деп ақпар берген. Бұған себеп қайсы, салдары қандай? Сауалымызды әрқашан сұлулық атаулыны сүйетін, құлпырып жүруді қалайтын қыздар қауы­мына  қоюдан  бастадық.

Асыл Әскербекова, 19 жаста:

- Жеке пікірім, несиеге киім алуды қолдамаймын. Қазір таңдаған мамандығым бойынша оқу орнында білім алып жатырмын. Достарым да, қыдыратын уақыт та көп. Тек ақша ғана аз. Шәкірт­ақы аламын деп ел қатарлы неси­е рәсімдеуіме болады. Дегенмен, несиеге алған киімді қарызды төлеп біткенше емін-еркін кие алмаймын деп ойлаймын. Өйт­кені уайымдаймын. Егер қарызды  төлей алмасам, үстеме пайы­зы­ да  қосылады. Міне, сонда болады­ «қызық». Бойжеткендердің әрдайым әдемі болғаны жақсы ғой. Десе де кредитке басын­ байлап­ әсемдену дегенді құптағым  келмей­ді.

Жұлдыз Қалиева, 21 жаста:

- Менің ойымша, әрбір мүм­кіндікті дұрыс пайдалана білу керек. Өйткені, адам көркі – шүберек. Сосын қазір «киіміне қарап  қарсы алып, біліміне қарап  шығарып салатын» заман екені белгілі. Сол себепті әдемі болып жүрген дұрыс деп ой­лаймын. Мысалы, қолындағы қаржыны бірден  бере  салғанша, банк карточкалары  арқылы  бөліп  төлеген  ыңғайлы. Тек бұл жерде бір ескеретін жайт бар. Сатып алуын алып, кейін оны төлей  алмай­  қиналып жүру деген­ мәселе. Бұған қаржылық сауаттылық, өзін-өзі басқару қабілеттері қажет. Сауда жасау да, шоппинг жасап дүкен аралау да – қыз-келі­ншектер үшін үлкен жұмыс, ұнайтын шаруа. Дегенмен, жа­уап­кершілік – басты орында. Тек сапалы, жақсы дүниеге­  жұм­саса, өте  дұрыс. Мен  қолдаймын.

Байқағанымыздай, бойжеткендердің пікірі екіге жарылды. Бірі қолдаса, екінші тарап дұрыс емес деп санайды.

Биыл 2017 жылмен салыс­тырғанда несие рәсімдеген қа­зақстандықтардың саны 25 па­йызға артыпты. Бұл – Ұлттық банк таратқан ақпарат. Айталық, екінші деңгейлі банктерден алын­ған қарыз сомасы 10 трлн теңгеге жетіп жығылыпты. Оның ішінде үй салуға және үй алуға  12 пайызы кетсе, 88 пайызы ұсақ-түйектер мен киімге жұмсалыпты. Бір рет банктен қарыз алып, одан құтылу үшін екінші банкке жүгіретіндер туралы сіз де білетін боларсыз. Бұл «үрдіс» банк несие­  беруге шектеу қойғанға дейін жалғаса беретін көрінеді. Осы жерден қаржы үнемдеу немес­е қаржылық мүмкіндік­терді дұрыс есептей алмау мәселесі туындайды...

Мақсатымыз  елдің қалтасындағы қаражатты есептеу емес. Әркім өз өмірін өзі жасайды. Қымбат не арзан киімді қандай жолмен алса да таңдау құқығы бар. Дегенмен, мәселенің көлеңкелі тұсы да аз емес. Қарызданып, қауғаланып киім киген соң, оны кешіктіріп алатын жағдайда кредитті төлей алмауға немесе көп ақша шығындауға алып келеді. Ал оның арғы жағын ішіңіз сезіп отырған болар. Сіз не дейсіз?

Ж.ҚОЙШЫБЕКОВА

 

Пікір қалдыру


Қорғаныш коды
Жаңарту

Күнтізбе

< Желтоқсан 2018 >
          1 2
3 4 5 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары