Өзекті мәселелер

  • 21.03.19

    «Бір қозы туса, бір түп жусан артық шығады». Осы тәмсілге сүйеніп, бала басын көбейткенді жөн санайтын қазақ елінде көпбалалы отбасылар саны 400 мыңға жақындайды. Оларға мемлекет тарапынан арнайы жәрдемақылар тағайындалып, жеңілдіктер қарастырылған. Алайда нарықтың қос бүйірден қысып тұрған шағында мардымсыз қаражат бастан башпайға дейін жетпейтіні үнемі айтылып келеді. Соның салдары еліміздің ...

    Толығырақ...
  • 21.03.19

    Үкіметтен басталған ауыс-түйіс жергілікті билікке де жеткен секілді. Ескерте кететін жайт, Қызылорда қалалық әкімдігінде «ат ауыстыру» жиі-жиі болып тұрады. Тіпті, «бір жарым ай ғана басшылық қызметте отырып, өзге салаға кете салу да оп-оңай ма?» деп қалдық. Енді заңды сауал туындап отыр. Жергілікті билікте кадр тапшылығы бар ма? Егер бұлай болмаса, қала әкімі Нұрлыбек Нәлібаев бөлі...

    Толығырақ...
  • 21.03.19

    Арық адамнан гөрі артық салмағы бар адамның мұңы басым. Ал ол әйел болса, тіпті, белгілі жайт. Қыс көрпесін түргеннен қыз біткен қысыла бастайды. Қызылды-жасылды киімге сай сымбатты қалайды. Әйел затының әу бастағы сұлулыққа құштарлығы дәл осы сәтте сынға түседі. Арығудың жолында диета ұстайды, фитнес клубқа барады. Алайда  салмақтан арылу үшін  денсаулықты бәйгеге тігу дұрыс па? «Тұмар...

    Толығырақ...
  • 21.03.19

    «Болар бала он бесінде баспын» десе, басқасының отызында не дейтінін баршамыз білетін шығармыз. Даналардың «ақыл жастан шығады» деуі тегіннен-тегін емес. Дарынды балалардың көптігінен еліміздің болашағын көруге болатындай. Кешегі Мағжандар жастарға сенім артқанда сенімге селкеу түсірмейтіндердің барын білді емес пе? Үдеден шыға алмай, беті қызарақтағандарды Терек төрелер қамшымен ұрып, ...

    Толығырақ...
  • 21.03.19

    Кемпір-шал осылай күйбеңдеп жатқанда Иванов бастаған жырындықор атаймандар жұп жазбастан кер даланың шаңын бұрқыратып барып, қалың жыңғыл жынысына кіріп жоқ болды. Бұл алап оңаша. Иванов тұрақтандырған бәрінің бөксе басар ұясы. Бастары аң-құс тегіс семіретін күзге қарай бір-бірімен хабарласып, осы бекетте тоғысып тұрады. Бұрынғының адамдары аң-құсты қақпанмен, тұзақпен аулайтын. Беріде орыстар ...

    Толығырақ...
«ӨЗІ ҮШІН» НЕКЕСІЗ БАЛА ТАПҚЫСЫ КЕЛЕДІ
06.12.2018 11:43

Жалпы, өзімді жаман адам не ұсқынсыз қызбын деп айта алмаймын­. Жоғары қызметім бар. Адамдармен қарым-қатынасым да жақсы. Бір әттеген-ай дейтінім, осы уақытқа дейін екінші жар­тымд­ы жолықтырып, асыл жар атана алмадым. Жасым 34-те. Бұған дейін карьера құрып, өз жағдайымды өзім жасап алғым келді әуелі. Бір кездері мен үшін арман болған, одан соң мақсатыма айнал­ған марапаттың барлығына жеттім. Бірақ мұның бәрі «ана» деге­н ардақты атпен салыстырғанда пәлендей керемет жетістік дей алмас едім. Қазіргі ойым солай.

Бір жағынан жақын-жуықтарым, таныстарымның арасында күйеулері әйелдерін сыйламай, екінші біреумен жүріс жасағанын, әйелдерін ұрғанын, жұмыс істемей, дайын асқа тік қасық болғанын көрсем, жүйкеме тиеді. Содан үйленіп, күйеуім мен оның басқа да жақындарының қас-қабағына қарап, келін деген «ауызы жесе де, жемесе де қан» болатын «қасқыр»­ болмайын деп шештім. Себебі, келінге жақсы ат жоқ. Бәлкім бұған келіспейтіндер табылар. Бірақ менің жеке, субъективті пікірім осы. Күйеуің жаман болса да, туыстарымен араласпаса да, зиянды әдеттерге барса да келіншегінен көреді. Сонда жігіттер неге ойланб­айды? Көпке топырақ шашпаймын. Бірақ осындай мәселемен өмір бойы келе жатқан әйелдер бар. Ол жасырын емес. Сондықтан осы мәселелермен арпалысып өтпей, өзіме некесіз бала туып алсам деп шештім. Текті кісінің ұрпағы болса деймін. Оны өсіріп жет­кізуге күш-қайратым, қаражатым, ал тәрбиелеуге рухани мінезім де жетеді. Менің бұл шешімімді құптамайтындар бар. Бірақ қартайғанда қу тіземді құшақтап жалғыз қалмау үшін осы қадамды таңдадым. Күйеуге тигенмен бақытты болатыныма сенімім аз. Қазір интернет беттерінде «текті еркек іздеймін» деп хабарландыру  беріп  жүрмін. Бұйырса, тілегіме жетермін.

Аты-жөнін құпия қалдыруды жөн көрген бойжеткен осылай деп бізге мұңын шақты. Әлбетте, әр адамның тағдыры әртүрлі. Жүрген өмір жолы, жасаған ісі де. Дегенмен жастық шағын жұмысқа сарп етіп, соңын­да жалғыз қалған қыз­дардың жағдайына қоғам болып қозғау салып, жұрт болып алаңдау қажеттігі сөзсіз. Кей­бірі кейіпкеріміз секілді «өзі үшін» бала туып алуды көз­дей­ді. Бұл қаншалықты дұрыс қадам? Бала өскен соң әкесін сұрағанда қандай жауап бермек? Жалғыздықтың шешімі ретінде баланың өмірін ойынға айналдыру емес пе? Әрі некесіз әйел мен ер-азаматтың жақындасуын салт-дәстүріміз де, дін де қолдамайды. Құран кәрімде «Зинаға жоламаңдар! Ол арсыздық, лас, төмен іс, жаман жол болып табылады» (Исра 32), «Мұсылмандарға айт, харамға қарамасын және әурет жерлерін харамнан қорғасын!» (Нұр 31, 32) делінген. Ал Хадис-шәрифтерден «Аллаһтың алдында зинадан үлкен күнә  жоқ»  (Р.Насихин), «Бір жерде­ зина және риба (несие, өсім, пайыз) көбейсе, ол жердің халқы бәлеге ұшырайды» (Хаким) деп бізге жеткен.

Оң жақта отырып қалған қыздар мұндай әрекетке неліктен барады? Осы жөнінде психолог маманның пікірін сұраған едік.

- Бұл жаста гормонды фон өзгереді және әйелдер екінші жартысын іздеуге бұрынғыдай қызығушылық танытпайды. Отбасылық өмірден бас тарта бастайды,  жалғыздықты қалағаннан емес, отбасын құруға деген­ қорқыныштың болуынан. Кездесуден қорқу, үзілістен қорқу, алданып қалудан немесе қайта өкінуді қаламаудан туындайтын күй. Жан дүниесіне жаңа өзгеріс енгізгісі келмейді, жаңа адамға бейімделуге қалауы болмайды. ұзақ уақыт жалғыз өмір сүргеннен соң, сол күйге үйреніп қалады және мойнына қосымша жүк алғысы келмейді. Осылай келіп, «сәбиді өзім үшін өмірге әкелсем болды, тұрмысқа шықпаймын» деген шешімге келеді.

Әйелдің әрқайсысы махаббат пен отбасылық өмірге лайықты. Ана бақытымен қоса әйел бақытын сезіну маңызды. Адамды неліктен екі жынысты етіп жа­ратт­ы? Екі жынысты тұлға қо­сылғанда ғана отбасында гармония болады. Өмірге келген бала да толыққанды отбасында өмір сүреді. Сәбиге де ана махаббатымен қоса әке махаббатын да сезіну маңызды, -деді «Bilim Foundation» қоғамдық қорының психологы, Ұлттық мастер-тренер Феруза Рахым­қызы.

Осы түйінді түйткіл қоғамда біршама жыл бұрын да кө­терілген болатын. Әлі де өзек­тілігін жоймай келеді. Бұл жө­нінде халық қалаулылары да өз көзқарасын  білдірген-ді.

- Енді ол әйелдің шешімі ғой! Өзіме бала тауып аламын. Тұрмысқа шықпадым, отба­сылы болмадым. Енді өмірде жалғы­з болмайын деп, дүниеге баланы алып келген. Бірақ ондай­ шешімге келгенде, ол ойлану керек. Ол балаға ертең қандай тәрбие беремін, жағда­йын жасай аламын ба, жоқ па? Ол – жауапкершілік. Егер бәрін істей аламын десе, жөн! - деген­ болатын ҚР Мәжіліс депутаты Зағипа  Балиева.

Мұндай салмағы ауыр мәселе жайлы тіс жарып айту кім-кімге болмасын оңай емес. Десе де, кәрі қыздар қатарының азаймауы ел үшін маңызды. Себебі, халықтың санын көтеретін, бесікті де, әлемді де тербететін – әйелдер қауымы. Ал олардың күйеуге тиюден безі­ніп, некесіз өзгеден бала туып, оны бағып-қағуы ойлантарлық жағдай. Бір адамның тағдыры болғанымен, мұнда халықтың, тұтас ұлттың болашағы тұр.

 

Ж.БАҒЛАН

 

Пікір қалдыру


Қорғаныш коды
Жаңарту

Күнтізбе

< Желтоқсан 2018 >
          1 2
3 4 5 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары