Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

    ...
    Толығырақ...
  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып. ...

    Толығырақ...
КӨЛКІГЕН СУМЕН АЛЫСЫП КЕЛЕМІЗ
13.12.2018 12:56

Қала  әкімі  Н.Нәлібаевтың, Тасбөгет  кентінің  әкімі П.Шамұратовтың  назарына

Құрметті  редакция!

«Халық – Құдайдың бір аты» деген даналық, киелі сөз екенін, оның төркі­нінде қандай мағына жатқанын біл­мейтін пенде жоқ шығар деп жүреті­ні­міз  рас.

«Халық» газетінің алғашқы шыққан кезінен бастап тұрақты оқырманымын.

Оқырман ретіндегі пікірім, газетте жарияланатын мақалалардың барлығы әділдікті ту етіп, шындықты жасырмай, кемшіліктерге төзбестік рухта жазылатын ерекшеліктері көпшілікті тәнті етіп жүр.

Сондықтан да осы хатымды сіздерге жолдап  отырмын.

Ағымдағы жылдың мамыр айының соңына қарай үй іргесіндегі су жүйесінен ақау шығып, одан аққан су бүкіл көшені алып кетті. Тасбөгет кенті Ғ.Мұратбаев көшесінің бас жағында тұратын 35 үй (жұп жағында - 21, тақ жағында - 14 үй) жеті айдан бері тесілген су құбырынан аққан көлкіген суды тоқтата алмай, біресе кент әкімдігіне, біресе «Қызылорда су жүйесі» МКК-на жәутеңдеп, өтінішімізді кімге айтарымызды білмей дал болғанымыз жасырын емес.

Бұл жағдай Қызылорда қаласының 200, Тасбөгет кентінің 70 жылдығы мерейт­ойларымен қабаттаса келген­діктен, болған жайтпен іргесі ызаланып бара жатқан үй иесінен басқасының жұмысы бола қоймағаны реніш туғыз­ғаны да рас.

Тасбөгет кентінің әкімдігі 14 отбасы­ қол қойып жазған өтінішке орай «Қызылорда су жүйесі» мекемесі басшылығынан тиісті шара көріп жәрдем­десуін сұрағанымен, ақау шыққан су жүйесінің «көшенің жұп санымен бел­гіленген жағындағы су жүйесі біздің мекем­енің балансында жоқ» деп жөн­деуден бас тартқан. Мекеменің Руслан, Ғалым есімді мамандары «Су жүйесін тақ санымен белгіленген жағына қосу үшін материалдар алуға 60-70 мың теңге­ көлемінде ақша шығарсаңдар қосып береміз, мына ақауды  жөндемейміз,       15 қарашада бұл жақты жабатын боламыз» деген ескерту қағаздарын тарат­қан болды. Алайда көше тұрғындары ондай ақшаны жинай алмаған соң олар да хабарс­ыз  кетті.

Көшенің жұп санмен (2, 4, 6,...) белгіленген жағына 2000 жылы су жүйесі тартылған болатын. Ол кезде қыстақ әкімі Р.Молдашев, «Тасбөгет ГКП» басты­ғы А.Арыстанов болатын. Бұл су жүйесі 2003-2010 жылдары «Қызыл­орда су жүйесі» мекемесінің (бастығы Б.Есен­ов) иелігінде болып, келісім­шартпен ақысы төленіп келді. Ал 2010-2011 жылдары көшенің тақ жағындағы 14  үй тұратын жақтан су жүйесі тар­тылды. Жұп санды беттегі көше тұрғындарына «тақ жақтағы тартылған су жүйесін­е қосып алыңдар» деп тапсырма­ берілгенімен, көпшілік тұрғындар көшеге төселген асфальтты бұзып алудан қорқып, қоса алмай отыр.

Көшеміздің бас жағынан әрі кеткенде 150-200 метрлік су жүйесінің қазіргі кезде бір жағының (жұп жағы) иесі жоқ немесе «баланста жоқ» деген сылтаумен «Қызылорда су жүйесі» мекем­есі ешкімге бет қарататын емес. Халыққа қызмет көрсететін мекеме бола тұра «Халық – Құдайдың бір аты» деген имандылықты сезінбей отыр. Сондықтан осы мәселені шешуге ықпал етулеріңізді, үшбу хатымызды қала мен кент әкімдерінің назарына жеткізулеріңізді  сұраймын.

 

Палтай  БЕКЖАНОВА,

Тасбөгет кенті, Ғ.Мұратбаев  көшесі №16 «А»  үйдің тұрғыны,

зейнеткер, ардагер  ұстаз,

«Күміс»  және  «Алтын алқа» иегері

 

Пікір қалдыру


Қорғаныш коды
Жаңарту

Күнтізбе

< Желтоқсан 2018 >
          1 2
3 4 5 6 7 8 9
10 11 12 14 15 16
17 18 19 20 21 22 23
24 25 26 27 28 29 30
31            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары