Өзекті мәселелер

  • 12.09.19

    Қасымды түлен түртті. Түрткенде тіпті шектен шықты. Соңғы уақытта ащы суға үйір болды­. Таң алекеуімнен оразасын ішімдікпен ашады. Ішке түскен қызу миында қордаланған уайымын ұмыттырады. Зіл-батпан денесін жеңілдетеді. Отбасымды асыраймын, жеткіземін деп істемеген жұмысы  жоқ. Базарда арба да сүйреді. Жүк түсіруші де болды. Шеберхана ашып, аяқ киім де тікті. Жалданып жұмыс та істеді.

    ...
    Толығырақ...
  • 12.09.19

    Қалалық А.Тоқмағамбетов атындағы мәдениет үйінде өткен мемлекет басшысының «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауына арналған Қызылорда қаласының идеологиялық активі мен «Nur Otan» партиясы қалалық филиалының саяси кеңе­сінің бірлескен отырысында басым бағыттар сараланды. Жиынды қала әкімі Нұрлыбек Нәлібаев ашып, жүргізді.

    ...
    Толығырақ...
  • 12.09.19

    Алғашқы 8 айдың қорытындысы бойынша қала қазынасына 12 452,6 млн теңге түсім түсіп, жоспар артығымен орындалған. Дегенмен, салық саласында  түйткілдер тым көп. Мәселен, қала  көлеміндегі 13 базарда 1342 орын, 8 ірі сауда үйінде 915 орын жалға берілген. Базарл­ар мен сауда үйлерінде сауда жерлерін жалға алып, кәсіппен айнал­ысып жүрген азаматтар табыстарын төмендетіп көрсеткен. Бұл жөнінде Қы­зы...

    Толығырақ...
  • 12.09.19

    Облыс әкімі Қуанышбек Ысқақов осыған дейін өңірдегі алты ауданға ат басын бұрып, ауылдарын аралап қайтқаны бар. Сонау солтүстіктегі Арал мен оңтүстіктегі Жаңақорғанға дейін түгел шарлап шықты. Бірақ Ғанибек Қазантаев басқаратын облыс орталығының іргесіндегі Сырдария ауданына табан тіреген жоқ.

    ...
    Толығырақ...
  • 12.09.19

    Айжарық  СӘДІБЕКҰЛЫ

    СЕН   ӘЛЕМНІҢ ЖАНАРЫНДАСЫҢ,   АРАЛ!

    Арал атырабын жайлаған экологиялық апаттың дүние-әлемнің жанарына іліккеніне де талай жылдың жүзі аунады. Енді аманшылық болса, жиырм­асыншы ғасырды түгендеп, жаңа жүзжылдықты бастаймыз. Ең өкініштісі сол, алдағы ғасырдың табал­ды­рығынан тәуелсізді...

    Толығырақ...
БИЫЛ 86 МЫҢ ГЕКТАРҒА КҮРІШ ЕГІЛЕДІ
04.03.2019 18:18

Биылғы жылы Қызылорда облысында 178,6 мың гектарға егін егу жоспарлануда. Оның 85,8 мың га күріш, 93,5 мың га дәнді дақылдар, 7,2 мың га майлы дақылдар, 60,7 мың га азықтық және 17,2 мың га көкөніс пен бақша дақылдары егіледі. Бұл туралы бүгін облыс әкімі Қ.Көшербаевтың төрағалығымен өткен көктемгі дала жұмыстарына дайындық және жылыжай шаруашылығын дамыту туралы мәжілісте белгілі болды.

Мәжілісте облыс әкімі Елбасының агроөнеркәсіп кешеніндегі еңбек өнімділігін және ауыл шаруашылығы өнімінің экспортын 5 жылда 2,5 есеге арттыру тапсырмасына байланысты аймақта тиісті жұмыстарды өз деңгейінде атқару қажеттігін атап өтті.

«Биылғы жылы да ауылшаруашылығы саласында ауқымды шаралар атқарылуы тиіс. Нақты айтқанда, биыл агроөнеркәсіптік кешенінде 10 пайыз өсім қамтамасыз етуіміз қажет. Алдымызда еңбек өнімділігін 22 пайызға, экспорт көлемін 20 пайызға арттыру межесі тұр. Осы мақсатты көрсеткіштерге қол жеткізу қазірден бастап атқарылатын шаралардың сапалы және өз мерзімінде орындалуына тікелей байланысты»,-деді аймақ басшысы.

Қызылорда облысының ауыл шаруашылығы басқармасының басшысы Бақыт Жаханов көктемгі егіс жұмыстарына дайындық барысы туралы баяндады.

«Ағымдағы жылы өңірімізде 178,6 мың гектарға егiс егу межеленіп отыр. Оның ішінде күрiштің көлемі - 85,8 мың гектар, дәндi дақылдар - 93,5 мың, майлы дақылдар - 7,2 мың, мал азықтық дақылдар - 60,7 мың, картоп, көкөнiс, бақша дақылдары - 17,2 мың гектарды құрайды. Облыс бойынша  2019 жылдың егісі үшін 22 629 тонна  «Маржан», «Янтарь», «Лидер»,  «Фаворит», «Каз Ер-6», «Новатор», «АйКерім», «Сыр Сұлуы» сорттарының күріш тұқымы құйылды. Қазіргі таңда шаруашылықтар тарапынан минералдық тыңайтқыштар мен гербицид сатып алынды. Облыста көктемгі егіс және дала жұмыстарын жүргізу үшін  арзандатылған дизель отыны бөлініп отыр»,-деді Б.Жаханов.

Өз кезегінде, Қызылорда қаласы мен аудан әкімдері егіс науқанының әзірлігі жайлы жауапты мекеме басшылары облыстағы суармалы су қоры туралы айтты.

Сондай-ақ, жиында өңірдегі жылыжай шаруашылығын дамыту мәселелері талқыланды. Аймақ басшысы бүгінгі таңда жылыжай шаруашылығының жергілікті өнімдегі үлесі өте төмен екенін атап өтті. Халықты жеміс-көкөніс өнімдерімен қамтамасыз ету үшін облыс орталығының өзінде 120 жылыжай қажет. Өткен жылы 70 жылыжайды іске қосқанымен, оны одан әрі пайдалану мен қалған 50 жылыжайды іске қосу бойынша нақты шаралар қабылдау керек. Бүгінде өңірде 87 жылыжай 72 Қызылорда қаласында  және  15 аудандарда  (4- Жаңақорған ауданында, 3-Шиелі ауданында, 2-Қармақшы ауданында, 2-Жалағаш ауданында, 4-Қазалы ауданында) жұмыс істеп тұр.

Облыс әкімі мәжілістің  қорытындысы бойынша жауапты мекеме басшыларына егіс жұмыстарына уақытылы және сапалы дайындықты қамтамасыз етуді және әр ауданда шағын жылыжайды дамыту бойынша жыл сайын кемінде 5 жобаны іске асыруды, суармалы судың қажетті көлемін уақтылы беруді қамтамасыз етуді, Қызылорда қаласы мен аудан әкімдеріне, облыстың ауыл шаруашылығы басқармасына өсімдік шаруашылығын әртараптандыру бойынша жұмыстарды жалғастыруды тапсырды. Оның ішінде майлы, азықтық дақылдардың, көкөністердің және бақша дақылдарының өнеркәсіптік егістіктерін 10 пайызға көбейту керектігін атап өтті.

Ауыл шаруашылығы саласының тиімділігін арттыру үшін ғылыми жетістіктерді, инновациялық жобаларды, сандық технологияларды өндіріске енгізу, оның ішінде ауыл шаруашылығы техникаларын бақылау, өнімділікті жоспарлау, нақты егін шаруашылығын жүргізу  жүйелерін енгізу және барлық аудандарда биыл кем дегенде 10 га жеміс жидектер, жүзім, шие, алма, өрік ағаштарын егу, барлық мектептердің аумақтарында алма бақтарды ұйымдастыру тапсырылды.

Сондай-ақ, аймақ басшысы И.Жахаев атындағы күріш ғылыми-зерттеу институтының жаңа директоры Бақытжан Дүйсенбековті таныстырып, екі апта мерзімде облыстың егін шаруашылығының еңбек өнімділігін ұлғайту үшін институттың алдағы 3 жылдық іс-қимыл жоспарын әзірлеп ұсынуды тапсырды.

 

Облыс әкімінің баспасөз қызметі

 

Пікір қалдыру


Қорғаныш коды
Жаңарту

Күнтізбе

< Наурыз 2019 >
        1 2 3
5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары