Өзекті мәселелер

  • 15.08.19

    Қала әкімдігінде шаһар басшысы Нұрлыбек Нәлібаевтың төрағалығымен аппарат отырысы өтті. Бұған дейін мәжіліс залында ине шаншар орын болмайтын. Бұл жолы орын бос болды. Шамасы, ақжағалылар тамылжыған тамызда тынығуды жөн санаса керек. Жә, бастысы, ол емес.
    Аппарат мәжілісінде екі мәселе таразыға тартылды.

    ...
    Толығырақ...
  • 15.08.19

    Өткен аптада Жаңақорған ауданы, Жайылма ауылдық округінде қарбыз шырынын шығаратын цех алғашқы өнімін сынақтан өткізді. «Енді Жайылмада қарбыз кластері дамиды» дейді білетіндер. Лайым солай болғай! Естеріңізге салайық, осыдан тура 6 ай бұрын өңірлік коммуникациялар қызметінде өткен брифингте сүйінші жаңалықты Жаңақорған ауданының әкімі  Ғалым Әміреев бірінші болып жеткізген-ді. Сол кезд...

    Толығырақ...
  • 15.08.19

    Жасыратыны жоқ, қоғамда мүмкіндігі шектеулі жандардың көп нәрсеге мүмкіндігі жоқ деген қате пікір әлі де бар. Алайда әр пенденің бұйыратын өз несібесі бар. Біреудің қолынан келмеген іс екінші адамның қолынан тууы мүмкін. Сол секілді айналадағы мүмкіндігі шектеулі азаматтардың еңбекпен жетіп жатқан жұмыстарына қолдау көрсетіп, шынайы баға беруді міндет санағанымыз жөн. Сондай өмірге құштар, ...

    Толығырақ...
  • 15.08.19

    Кәсіпкерлік дамыса, еліміз де өркениетке өрлейді. Жұмыссыздық азаяды. Нарық халыққа қажеттіні қамтиды. Шағын және орта бизнесті дамыту мақсатында қабылданған мемлекеттік бағдарламалар кәсіпкерлерге қолдауды арттырды. Іскерлік мүмкіндігін молайтты. Солардың қатарында сырдариялық тұрғындар да мемлекеттік бағдарламаның игілігін көруде. Мұны облыстық кәсіпкерлік және туризм басқармасы  мен ...

    Толығырақ...
  • 15.08.19

    Сәрсенбінің сәтті күнінде өңірлік коммуникациялар қызметінде облыстық дене шынықтыру және спорт басқармасының басшысы Олжас Әкімовтың қатысуымен брифинг өтті. Бір ерекшелігі, Олжас Азатұлы қашанда өзімен бірге спорттың әр түрінде жеңімпаз атанып, ел намысын қорғап жүрген қызылордалық өрендерді баспасөз мәслихатына  ертіп әкеліп, БАҚ өкілдерімен бетпе-бет жүздестіреді, кері байланыс орна...

    Толығырақ...
БАҚПАСАҢ, МАЛ КЕТЕДІ...
02.05.2019 11:45

«Мал-жан аман ба?» деп, қорадағысын қоса сұрайтын қазақтың жануарға келгенде жағдайы мәз болмай тұр. Айдың, күннің аманында малынан айырылып қалатын ағайынның қарасы көбейді. Ауыл-аймақтың төрт түлігі барымташылардың оңай олжасына айналды. Қолда бар деректерге сенсек, биылғы алғашқы тоқсанда 121 мал ұрлау фактісі тіркелген. Оның 28-інің дерегі ғана белгілі. Қалғаны қайда кетті, кімнің қарынын тоқ қылды, кім жоқ қылды, белгісіз. Белгілісі, төрт түлікпен селбесіп өмір сүретін ағайынның айтар шағымының артқандығы ғана.

Сонымен, бұл әккі ұрылардың әрекеті қашан тыйылады?

Қазіргі барымташы да осал емес. Қарауылдан қорықпайды. Иттен именбейді.­ Басқан ізін білдірмейді. Өкініш­тісі, мал ұрлығынан алдыңғы қатардан орын алып отырған Шиелі, Жаңақор­ған, Қазалы аудандары болып отыр.

Редакциямызға қазалылық азамат хабарласты. Бір үйір жылқысы жоқ. Өрістен ұрлап кетіпті. Ақ адал малын іздеп  бармаған жері жоқ. Сонау  Шығыс­ Қазақстанға дейін сапар шеккен­. Алғашқы­да әртүрлі хабар болғас­ын табылар деген үміті болды.  Кейін үйір жылқының ізі сиырқұйымшақтанып кетті. Әлі күнге дерегін таппай­, сенделіп жүр. Ал Жаңақорған  ауданы  полиция бөлімінде   мал ұрлы­ғыны­ң 18 дерегі тіркелген. Өткен жыл­мен­  салыстырғанда  ауданда  мал ұрлы­ғы  5,9 пайызға  өскен.

- Ұрланған  малдардың 15 дерегі  өрісте жоғалған. Қалғаны  қорадан қолды болған. Жыл басынан бері  аудан әкімдігі мен ауылдық округ әкімдеріне  елді мекенде  бақташы ұйымдастыру туралы  аудандық полиция  бөлімімен ұсыныстар  жолданды.  Нәтижесінде    11 елді мекенде  ірі қара малды  падамен­ бағу жолға қойылды.  Қалған ауылдар­ да осы  бастаманы тиімді ұйымдастыра білуі керек,-дейді аудандық полиция  бөлімі  бастығының  орынбасары, полиция  майо­ры­  Айбол  Жолдасбаев.

Бұл бір ғана дерек. Облыстық прокуратураның мәлімдеуінше, өткен жылы 167  қылмыстың 112-сі ашылған.  Қалған 55  іс  күдіктілер мен жәбір­лену­шілердің  татуласуына байланысты тоқтатылған. Қылмыстық  істердің сотта­  қаралу нәтижесімен  2018 жылы 28 адам, 2017 жылы 23 адам бас бостан­дығынан  айырылған. Бұл дегеніңіз – мал ұрлығының ел арасында тым көбейіп, өршіп кеткендігінің көрінісі.

Мәселенің екінші ұшы да бар. Маман­дар мұндай  келеңсіздіктің салдары­  тұрғындардың салғырттығы дейді. Көпшілік   кешкі уақытта малын қараусыз қалдырады.  Далалық жерге бақташысыз жібереді. Жоғалған соң өздері іздейді. Таппаған соң ішкі істер қызметкерлерінің  көмегіне жүгінеді. Міне, осындай салғырттық ұрлықты өршітіп тұр. Қылмыстың дер кезінде ашылуына кедергі. Осы орайда, құқық қорғау органдары  тұрғындарды  төрт түлігіне  абай  болуға шақырады.  Мал­ды­ тұрғылықты мекенжайы бар, келісімш­арт  негізінде  сенімді азамат­қа  баққызуға  кеңес  береді.

Мал иелері әуелі барымташыларды өздері іздеп, уақыттарын жоғалтады және көп ретте малды қай уақытта өріс­ке шығарғанын, қай күні жоғал­ғанын нақты айта алмайды. Салдарынан поли­цейлер дерекқоры толық болмаға­ндықтан және уақыт жоғалт­қан­дықтан ұрыларды дер кезінде ұстай алмай­ды, - дейді  Қызылорда облыстық  прокуратурасы  қылмыстық қуда­лау­  басқар­ма­сының  прокуроры Серік Жетпісбаев.­

Сақтықта қорлық жоқ. Жергілікті полиция қызметі жүйелі түрде өңірдегі ет өнімдерін сату орындарында, яғни базар, дүкендерде мал ұрлығымен айналыс­атын адамдарды анықтауға бағытта­лған жедел-іздестіру шараларын жүргізіп келеді.

Қалай десек те, «дайын асқа тік қасық» болғысы келетіндер мен оңай олжаны жақсы көретіндердің, ұр­лықпен тірлік ететіндердің адымы алысқа­  бара  қоймас. «Ұрлықтың түбі – қорлық»  екенін  естен шығармаған­дары  абзал.

 

Пікір қалдыру


Қорғаныш коды
Жаңарту

Күнтізбе

< Мамыр 2019 >
    1 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары