Өзекті мәселелер

  • 15.08.19

    Қала әкімдігінде шаһар басшысы Нұрлыбек Нәлібаевтың төрағалығымен аппарат отырысы өтті. Бұған дейін мәжіліс залында ине шаншар орын болмайтын. Бұл жолы орын бос болды. Шамасы, ақжағалылар тамылжыған тамызда тынығуды жөн санаса керек. Жә, бастысы, ол емес.
    Аппарат мәжілісінде екі мәселе таразыға тартылды.

    ...
    Толығырақ...
  • 15.08.19

    Өткен аптада Жаңақорған ауданы, Жайылма ауылдық округінде қарбыз шырынын шығаратын цех алғашқы өнімін сынақтан өткізді. «Енді Жайылмада қарбыз кластері дамиды» дейді білетіндер. Лайым солай болғай! Естеріңізге салайық, осыдан тура 6 ай бұрын өңірлік коммуникациялар қызметінде өткен брифингте сүйінші жаңалықты Жаңақорған ауданының әкімі  Ғалым Әміреев бірінші болып жеткізген-ді. Сол кезд...

    Толығырақ...
  • 15.08.19

    Жасыратыны жоқ, қоғамда мүмкіндігі шектеулі жандардың көп нәрсеге мүмкіндігі жоқ деген қате пікір әлі де бар. Алайда әр пенденің бұйыратын өз несібесі бар. Біреудің қолынан келмеген іс екінші адамның қолынан тууы мүмкін. Сол секілді айналадағы мүмкіндігі шектеулі азаматтардың еңбекпен жетіп жатқан жұмыстарына қолдау көрсетіп, шынайы баға беруді міндет санағанымыз жөн. Сондай өмірге құштар, ...

    Толығырақ...
  • 15.08.19

    Кәсіпкерлік дамыса, еліміз де өркениетке өрлейді. Жұмыссыздық азаяды. Нарық халыққа қажеттіні қамтиды. Шағын және орта бизнесті дамыту мақсатында қабылданған мемлекеттік бағдарламалар кәсіпкерлерге қолдауды арттырды. Іскерлік мүмкіндігін молайтты. Солардың қатарында сырдариялық тұрғындар да мемлекеттік бағдарламаның игілігін көруде. Мұны облыстық кәсіпкерлік және туризм басқармасы  мен ...

    Толығырақ...
  • 15.08.19

    Сәрсенбінің сәтті күнінде өңірлік коммуникациялар қызметінде облыстық дене шынықтыру және спорт басқармасының басшысы Олжас Әкімовтың қатысуымен брифинг өтті. Бір ерекшелігі, Олжас Азатұлы қашанда өзімен бірге спорттың әр түрінде жеңімпаз атанып, ел намысын қорғап жүрген қызылордалық өрендерді баспасөз мәслихатына  ертіп әкеліп, БАҚ өкілдерімен бетпе-бет жүздестіреді, кері байланыс орна...

    Толығырақ...
БИЛЕР КЕҢЕСІ БАБАЛАР ДӘСТҮРІН ЖАҢҒЫРТТЫ
09.05.2019 14:20

Іс-шараға облыстық соттың төрағасы, алқа төрағалары, судьялар, отставкадағы судьялар, облыстық, қалалық мәслихат хатшылары, облыстық, қалалық прокуратура, Қызылорда ОПД, қалалық ПБ-ның қызметкерлері, облыстық ішкі саясат басқар­масы, «Nur Otan» партиясының, ҚХА-ның Қызылорда облысы бойынша хатшылығының, «Қоғамдық келісім» КММ-нің,  «Рухан­и жаңғыру» орталығының өкілдері, ардагерлер қо­ғамдық кеңесінің төрағасы, мемлекет­тік мекемелердің басшылары, жоғарғы және арнаулы оқу орындарының ұстаздары, медиа­торлар мен  БАҚ өкіл­дері  қатысты.

Шара барысында Қызылорда облысын­да құрылған Билер кеңесінің мақсат-міндеттері мен кеңестің құрамы  таныстырылды.

Дөңгелек үстел жиынын облыстық сот төрағасы Қамбар Нұрышев жүр­гізіп отырды. Сот төрағасы өз сөзінде: «Билер кеңесінің  қызметі қоғамдағы жанжалдың азаюына септігін тигізіп, азаматтар арасындағы дауларды сотқа дейінгі тергеп-тексерусіз шеше алады. Көшпелі  қазақ  қоғамының билер соты  тарих  қой­науында қалса да, оның беделі­ мен мәртебесі бүгінгі күнге дейін жалғасын тауып отыр. Билер­ соты ұрпақ жадында тәуелсіз, кәсіби және дана сот ретін­де сақталып, қазақ халқының тарихына терең із қалдырған. Өңірде беделді әрі сауат­ты  ардагерлер, өмірлік тәжі­рибесі бар, дауларды шешетін және тарапт­арды сотқа жеткізбей-ақ тату­ластыратын шешендер  бар», - деді.

Шара  барысында  облыстық соттың судьясы Нұрлыбек Қосанов, облысты­қ мәслихаттың хатшысы Наурызба­й  Байқадамов,  отставкадағы судья Молда­бек Ахметов, об­лыстық билер кеңе­сінің төрағасы, отставка­дағы судья­  Зейнолла Нұр­сейтов сөз сөйле­ді. Олар Билер кеңесі­нің атқаратын қызметі мен рөлін, билер соты төре­лігінің  құндылығын  айтып  өтті.

Отставкадағы судья М.Ахметов билер­ соты төрелігінің бітімгершілікке келтіру тәжірибелері мен қазіргі заманда­ғы медиация институтын салыстырды.­

- Біз өткенді өшірмей, ұлттық құн­дылықтарымызды жаңғыртып, салт-дәстүр, әдет-ғұрпымызды естен шығармауымыз керек. Билер кеңесінің негізгі бағыты – сотқа дейін дауларды шешу. Істі ары қарай ушықтырмай, табалдырық тоздырып жүрген адамдардың талап-тілегін қанағаттандыру. Даналық сөздермен олардың татуласып, бітімге келуіне мүмкіндік жасау. Кеңес ісіне сәттілік тілеймін, - деді отставка­дағы судья М.Меңлібайұлы.

Ал, судья Н.Қосанов татуластыру рәсімдерін дамытудың артықшы­лықтары туралы айта келе, негізгі мақса­т – сотта қаралатын дауларды, шиеленісті жағдайларды азайту, қоғамда­  адамдардың  бір-біріне деген сыйластық, өзара  келісім мәдениетін арттыру  екенін  жеткізді.

Іс-шараны қорытындылай келе, Қ.Нұрышев Қызылорда облысында құрылған Билер кеңесінің ережесі, негізі мақсат-міндеттері және кеңес құрамымен таныстырды. «Қызылорда облысының Билер кеңесі дауларды соттан тыс реттеу, қоғамдағы тұрақ­тылықты сақтау, дауларды бейбіт жолмен­ шешу жөніндегі ата-баба­мыз­дың дағдыларын жаңарту арқылы қоғамдық сананы жаңғырту  мақсатында  құрылды», - деді.

Билер кеңесін отставкадағы судья Зейнулла Нұрсейтов бас­қаратын болады. Жалпы, кеңес­тің құрамы – жеті адам,  олардың қатарында қалалық ардагерлер кеңесінің мүшесі, зиялы қауым мен отставкадағы судьялар және облыстық әділет, қаржы, атқарушылық органдарының ардагерлері, қоғам қайраткерлері бар.

Шара соңында қатысушылар Кеңес­тің қызметін реттейтін Ережеге қатысты пікірлерін білдіріп, билердің жұмысына бірқатар ұсыныстар мен кеңестерін  енгізді.

 

Пікір қалдыру


Қорғаныш коды
Жаңарту

Күнтізбе

< Мамыр 2019 >
    1 2 3 4 5
6 7 8 10 11 12
13 14 15 16 17 18 19
20 21 22 23 24 25 26
27 28 29 30 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары