Оқырманнан хат

Келіп кету есептегіші

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін2217
mod_vvisit_counterКеше2743
mod_vvisit_counterОсы аптада11520
mod_vvisit_counterӨткен аптада16249
mod_vvisit_counterОсы айда44683
mod_vvisit_counterӨткен айда81370
mod_vvisit_counterБәрі4031526


Өзекті мәселелер

  • 19.09.19

    Әлемдегі өте қауіпті қылмыскерлер қамалатын, қауіпсіздігі ең қатаң сақталатын «Алькатрас» түрмесінен 1963 жылға дейін бірде-бір тұтқын қашып шыға алмаған. Ел абақтыны «Рок» (құз) деп те атайды. Сыртынан қарағанда сұсты көрінетін түрме әу баста қорғаныс шебі ретінде қолданылып, кейінірек әскери түрме салып, содан соң өте қауіпті қылмыскерлерге арналған абақты ретінде пайдаланылған. Толығырақ...

  • 19.09.19

    ЖҮРЕК   ДЕРТІНЕ  ШАЛДЫҚҚАНДАРҒА  КӨМЕК

    Кеудедегі жұдырықтай жүректің қызметіне тең келер не  бар?!  Оны адам ағзасының «моторы» дейміз. Бірақ жүрек дерті жас талғамай тұр. Тым жасарып бара жатыр. «Жүрегі тоқтап қалыпты», «жүрегі ауырады»  деген сөздер бүгін­де  жасамысқа  емес, жастарға да  айтылатын  болды.

    ...
    Толығырақ...
  • 19.09.19

    Әлемнің  дамыған 30 мемлекетінің қатарына кіру идеясы жарқын  болашаққа бас­тайтын жол болуы тиіс. Жаһандану үдерісі дәуірінде еліміз өз тәуел­сіздігін орнықтырып, шекараларын айқындап, ядролық қарудан бас тартып, этносаралық және конфессияаралық келісімді сақтай отырып, әлемдік ау­қымдағы тұрақтылық, достық, толеранттылық идея­ларын негіздеуде. Және бұл мәселелер Елбасының жыл сайынғы дәстүрлі...

    Толығырақ...
  • 19.09.19

    «Мәңгілік ел» идеясының негізі – бұл біздің Қазақстан халқы ұрпақтарының алдындағы жауапкершілік, әлемдегі бәсекеге қабілетті 30 мемлекеттің қатарына ену мәртебесі белгіленген және бұйырған лайықты және ұлы Қазақстанды дамытудағы біздің стратегиямыз. «Мәңгілік ел» идеясының бастауы тым тереңде жатыр. Бұл біздің жалпыұлттық идеямыз мемлекеттігіміздің тамыры сияқты көне тарих...

    Толығырақ...
  • 19.09.19

    Айжарық  СӘДІБЕКҰЛЫ

    ОЙ   ТОЛҒАДЫМ  БІР   КЕЗЕК

    Сөз жоқ, социализмді гүлдендіріп, коммунизм ор­нат­пақшы болған қоғамды қайтадан құру машақаты бастал­ғалы сонау отызыншы жылдардан «коммунизмнің сталиндік алып құрылыс­тары» ұранымен жүргізілген шабуылдан табиғаттың тепе-теңдік заңдылығын бұзып...

    Толығырақ...
БІР ЖАРЫМ САҒАТТА ЖЕТІП КЕЛДІ
30.05.2019 12:00

Әлгі «Алдараспан» театрының «Жедел жәрдем» деген қойылымы бар ғой. Әйелінің толғағы қысып, жолдасы жедел жәрдемге қоңырау шалады. Сонда дәрігердің «Құдай қаласа, бір жарым сағатта кіріп барамыз» дейтіні бар. Әзіл де болса, ащы шындық.

Әнеугүні жақыным сырқаттанып, кешкілік «103»-ке қоңырау шалдық. Телефоннан «осындай да осындай, мынадай адресте тұрамыз. Үлкен кісі ауырып жатыр. Жүрегі қысылып, ыстығы көтеріліп тұр» дедік. Телефонның арғы жағынан «Науқастың есімі кім? Қай жылғы? Ауырып жатқанына қанша уақыт болды? Есепте тұра ма?» деп тергеудің астына алғанын қайтерсіз? Сөйтсек, ереже бойынша соның бәрін сұрау керек екен. Қысқасы, диспетчермен 3 минуттай тілдестік. Содан терезеге телміріп отырмыз. Ақ халаттыларды аңдып. Ал, туысымыздың тынысы тарылып, одан сайын қиналып барады...

20 минут өтті. Жедел жәрдемнің көлеңкесі де көрінбейді. Болмағасын, қайта қоңыраулаттық. «Ау, айналайындар, қашан келесіздер? Науқастың жағдайы қиындап барады ғой» десек, диспетчердің мұндай жайттарға еті үйреніп кеткен-ау, жұлып алғандай «Шыдаңыздар! Автокөлік жетіспей жатыр. Қоңырау көп» деп тұтқаны қоя салды. «Жазған құлда шаршау бар ма?».

Дәрігерлер келем дегенше қазақы ем-домның сан түрін жасадық. Құдай-ау, не істемедік? Адыраспанмен аластадық. Үйдің іші көк түтін болды. Өзімізше ем-дом жасап жүріп, бір сағатты да артқа тастаппыз. Жедел жәрдем әлі жоқ. Тағы да хабарластық. Бұ жолы диспетчер бағанағы жауапты айна-қатесіз қайталады. Туысым да тілден қағынған адам еді. Ол:

– Жедел жәрдем жеткенше, ауруымды ұмытып қалатын шығармын,- дейді.

Кенет, есік алдына көлік тоқтағандай болды. Бақсақ, ақ халаттылар екен. Анау-мынауларын асынып, үйге кіріп келді. Сағатты қарасам, диспетчерге алғашқы қоңырауым тура бір жарым сағат бұрын соғылған екен.

Мәліметтерге сүйенсек, облыстық жедел жәрдем стансасына күніне 1 мыңнан аса қоңырау түсетін көрінеді. Қыстыгүні бұл сандар көбейеді екен. Аталған орталықтың техникалық базасы 75 пайызға жаңарыпты. Дегенмен, шұғыл шақыртуға бір жарым сағатта жетіп келген жедел жәрдем стансасының жұмысы «жақсарды» деп айтуға бола ма?

 

Асан   ДӘУЛЕТ

 

Пікір қалдыру


Қорғаныш коды
Жаңарту

Күнтізбе

< Мамыр 2019 >
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары