Оқырманнан хат

Келіп кету есептегіші

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін2210
mod_vvisit_counterКеше2743
mod_vvisit_counterОсы аптада11513
mod_vvisit_counterӨткен аптада16249
mod_vvisit_counterОсы айда44676
mod_vvisit_counterӨткен айда81370
mod_vvisit_counterБәрі4031519


Өзекті мәселелер

  • 19.09.19

    Әлемдегі өте қауіпті қылмыскерлер қамалатын, қауіпсіздігі ең қатаң сақталатын «Алькатрас» түрмесінен 1963 жылға дейін бірде-бір тұтқын қашып шыға алмаған. Ел абақтыны «Рок» (құз) деп те атайды. Сыртынан қарағанда сұсты көрінетін түрме әу баста қорғаныс шебі ретінде қолданылып, кейінірек әскери түрме салып, содан соң өте қауіпті қылмыскерлерге арналған абақты ретінде пайдаланылған. Толығырақ...

  • 19.09.19

    ЖҮРЕК   ДЕРТІНЕ  ШАЛДЫҚҚАНДАРҒА  КӨМЕК

    Кеудедегі жұдырықтай жүректің қызметіне тең келер не  бар?!  Оны адам ағзасының «моторы» дейміз. Бірақ жүрек дерті жас талғамай тұр. Тым жасарып бара жатыр. «Жүрегі тоқтап қалыпты», «жүрегі ауырады»  деген сөздер бүгін­де  жасамысқа  емес, жастарға да  айтылатын  болды.

    ...
    Толығырақ...
  • 19.09.19

    Әлемнің  дамыған 30 мемлекетінің қатарына кіру идеясы жарқын  болашаққа бас­тайтын жол болуы тиіс. Жаһандану үдерісі дәуірінде еліміз өз тәуел­сіздігін орнықтырып, шекараларын айқындап, ядролық қарудан бас тартып, этносаралық және конфессияаралық келісімді сақтай отырып, әлемдік ау­қымдағы тұрақтылық, достық, толеранттылық идея­ларын негіздеуде. Және бұл мәселелер Елбасының жыл сайынғы дәстүрлі...

    Толығырақ...
  • 19.09.19

    «Мәңгілік ел» идеясының негізі – бұл біздің Қазақстан халқы ұрпақтарының алдындағы жауапкершілік, әлемдегі бәсекеге қабілетті 30 мемлекеттің қатарына ену мәртебесі белгіленген және бұйырған лайықты және ұлы Қазақстанды дамытудағы біздің стратегиямыз. «Мәңгілік ел» идеясының бастауы тым тереңде жатыр. Бұл біздің жалпыұлттық идеямыз мемлекеттігіміздің тамыры сияқты көне тарих...

    Толығырақ...
  • 19.09.19

    Айжарық  СӘДІБЕКҰЛЫ

    ОЙ   ТОЛҒАДЫМ  БІР   КЕЗЕК

    Сөз жоқ, социализмді гүлдендіріп, коммунизм ор­нат­пақшы болған қоғамды қайтадан құру машақаты бастал­ғалы сонау отызыншы жылдардан «коммунизмнің сталиндік алып құрылыс­тары» ұранымен жүргізілген шабуылдан табиғаттың тепе-теңдік заңдылығын бұзып...

    Толығырақ...
МҮМКІНДІК БАР, ӨСІМ ЖОҚ
30.05.2019 12:33

Экономика саласындағы импорт, экспорт үлесінде ауыл шаруашылығы өнімдерінің үлесі артып отыр. Қазақ халқының атакәсібі саналған мал шаруашылығының тиімділігін арттыру тұтас көрсеткіштің тармағына әсер етуі мүмкін. Әрине, жақсы жағынан. Алайда бұл саланың да өзекті мәселелері жоқ емес. Ет және  сүт өнімдерін қайта өңдеу кәсіпорындарының 60 пайыз деңгейінде қалуы саланың  аяғына  тұсау  салғанға  ұқсайды.

Одақтас елдер деп оң қабырға­мызға шығарып жүрген Ресей мен Бело­руссияда мұндай кәсіпорындардың жұмыс істеу қуаттылығы 80 па­йыздан асып отыр. Нәтижесін елестете беріңіз. Ата-бабасының салып кеткен кәсібін дөңгелете алмау салдарынан бұл екі елден Қазақстанға ет және сүт өнімдері импортталуда. Бағам­дай беріңіз. Өткен аптада Мәжіліс төрінде «Ет және сүт өнім­дерін өндіруді, қайта өңдеуді және экспорттауды дамыту перспектива­лары» тақырыбымен талқыға түскен мәселе аясында Мәжіліс төрағасы Н.Нығматулин біраз жайттың «буыны­н»  ажыратты.

- Біз жыл сайын 6 мың тоннадан астам май, 22 мың тонна ірімшік пен сүзбе, 6 мың тонна консервіленген етті жалпы құны 45 миллиард теңгеге импорттаймыз. Осы өнімдерді біздің өңдеу зауыттарымыз да шығара алады.­ Ал бізде қалай? Мүмкіндік бар, бірақ өсім жоқ, - деді ол.

Мәселені шешудің жолдары жоқ емес, шағын өндірушілерді қайта өңдеуші кәсіпорындармен байла­ныстыратын сатып алу ұйымдарының желісін құру қажет. Н.Нығматулин­нің айтуынша, сатып алу ұйымдары үшін қосымша салықты субсидиялау­дың толық механизмі бар. Айта кетейік, Мәжіліс қарауында жатқан «Агро­өнеркәсіптік кешенді реттеу мәселелері туралы» Заң жобасы шеңберінде субсидиялау механизміне өзгерістер енгізіліп, «жыл сайыннан» «тоқсан сайынға» ауыстырылады деп күтілуде.

Ауыл шаруашылығының өндірісі негізінен шағын және орта бизнес екенін ескерсек, ең алдымен бизнес­тің бұл санаттары үшін қаржылан­дырудың қолжетімділігін қамтамасыз ету мәселесі шешілмесе, бұл саланың тынысы тарыла түсері анық. Есте­ріңізде болса, Елбасы Жолдауында аграрлық өнімнің экспортын 2,5 есеге­ дейін арттыру міндеті жүктелді. Бұл табиғи таза өнімдеріміз арқылы отандық экономикамызды нығайтумен қатар, әлемдік экспортты бағындыруға жол ашады. Осы орайда, Парламентпен «Агроөнеркәсіптік кешенді және ауылдық аумақтарды мемлекет­тік реттеу туралы», «Ветеринария тура­лы», «Асыл тұқымды мал шаруашылығы» сияқты негізгі заңдар қабылданды. Сонымен бірге, ұзақ мерзімді «Қазақстан – 2050» Стратегиясында дамудың нақты  жолдары да  көрсетілген. Қазіргі  уақытта 2017-2021 жылдарға арналған арнайы бағдар­лама жүзеге асырылып жатыр. Бүгінде ауыл шаруашылығы жалпы өнімінің құрылымында мал шаруашылығы 46%-дан асады. Осыған сәйкес, еліміздің сыртқы нарыққа ірі ет экспорттауына мүмкіндіктері бар. Сапалы азық-түлік бойынша біздің еліміздің өзін де қамтамасыз ететін, экспортқа да шығаратын әлеуеті зор. Соның ішінде, әсіресе, ет, сүт өнім­дері – басымдық берілген бағыттардың  бірі.

- Қазіргі күні таза табиғи өнімдер­ді арттырудың барлық жолдары көр­сетілді. Ендігі мақсатымыз – оларды тиімді және нәтижелі жүзеге асыру. Қазірдің өзінде Алматы облысында жылдық қуаттылығы 8 мың тонна бола­тын ет өңдеу кешені жұмыс істеп тұр. Бұдан басқа, биыл жылына 5 мың тонна «Ерейментау Ақбас» ет өңдеу кәсіпорнын пайдалануға беру жоспарланған. Ал, сүт өңдеу көлемін арт­тыру үшін қуаты 23 мың тонна болатын 4 зауыт жұмыс істейтін болады. Осы орайда халықты таза ет және сүт өнімдерімен қамтамасыз ету үшін аграр­лық салада цифрландыру жұмыст­арының маңыздылығы да өте зор, - деді палата спикері.

Қозы бағып, қой өрістетіп, балапан өсіріп, тауық асырап отырған халық­тың сырттан «тасып» жегені кімді  болса да алаңдатпай қоймайды. Жалпы, біздің экономикалық одақтар­ мен сауда «керуендеріндегі» маңыз­ды орнымыз қайда? Мәселе тауар­ сатып-сатып алуда емес, қолда барды ұқсата алмай шетелден им­портталатын тауарлар үлесін жыл сайын арттыруға жол беруімізде болып­ тұр. Алаңдаушылық туғызып тұрған мәселе де – осы. Мәселен, соңғы деректерге сүйенсек, құс еті импортының үлесі 51%-дан асады. Өткен жылы ол 191 мыңнан астам тоннан­ы құраса, үш жыл бұрын ол   165 мыңнан сәл ғана асыпты. Бәрінен де өзектісі сол, тасымалданған ет және құс өнімдерінің ветеринарлық қауіпсіздігі. Мәжіліс төрағасы бұл мәселені шешу үшін отандық фермерлердің қабылдаған шараларының жетіспеушілігін атап өтті. Соңғы кезде жиі тілге тиек болып жүрген жайы­лымдық жерлердің тозуы мен құрғауы азық-түлік ресурстарының дамы­мауына тікелей әсер ететін маңызды факторлардың қатарында. Ал жайылымдық инфрақұрылымды жетілдіру үшін қолдау жетіспей тұр. Өйткені банктер ауыл шаруашылығындағы жобаларға несие беруді қаламайды. Несиелердің 96%-ы агроөнеркәсіптік насындарға, қалған 4%-ы ғана шағын және орта шаруа қожалықтарына қарастырылады. Бұл өз кезегінде салан­ың тамырына тас байлап қою­мен тең. Мүмкіндік – осы, «буыны» бекімеген салада өсім қайдан болсын?!

 

Н.ҚҰДАЙБЕРГЕН

 

Пікір қалдыру


Қорғаныш коды
Жаңарту

Күнтізбе

< Мамыр 2019 >
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары