Өзекті мәселелер

  • 10.10.19

    Мұны бәріміз де көп күттік. Жиырма жыл. Аз уақыт емес. Сөз жоқ, бұл жеңістің өзі оңайлықпен келген жоқ. Жасыл алаңда жан беріп, жан алысқан сәтті теледидардан телміре тамашалап, күйініш пен сүйінішті көрудің өзі бір ғанибет­  екен. Бұл күнге дейін не айтыл­мады, мақтау да, даттау да айтылды, бірақ біздің жігіттер жарады. Біздің айтып­ отырғанымыз – жексенбі күні елорда төріндегі «Астана Арена» ...

    Толығырақ...
  • 10.10.19

    Елбасының «Нұр Отан» партиясының ХVIII съезінд­е ұсынған «Әлеуметтік қамқорлық» жаңа әлеуметтік саясаты қоғамның барлық саласын қамтиды. Әсіресе, президент көпбалалы отбасыларға қол­дауды арттыру қажеттігіне ерекше тоқталды. Өйткені, елімі­здегі баспанаға мұқтаж азаматтар саны азаймай тұр. Сандарды сөйлетсек, елдегі үй кезегінде тұрған аз қамтылған, көпбалалы отбасылардың жалпы­  саны 28 мыңнан...

    Толығырақ...
  • 10.10.19

    Қызылорда облысында экономика саласын дамытуда мемлекеттік-жекеменшік әріптестік тетік­тері тиімді пайдаланылып келеді­. 2017 жылдан бастап мұнай өндіру көлемінің айтарлықтай төмендеуіне қарамастан, жалпы өндірістік өнім көрсеткіші бойынша оң өзгеріс байқалады. Бүгінде өңір экономикасының барлық салас­ында тұрақты өсім қамтамасыз етілуде. Тек өнеркәсіп өндірі­сінде мұнай ұңғымаларының сулану­ы ...

    Толығырақ...
  • 10.10.19

    Облыстың оңтүстігінде, қарт Қаратаудың іргесінде,  Сырдария өзенін жағалай қоныстанған, халқы – жайсаң, жері – жомарт Жаңақорған дейтін аудан бар. Батпағының өзі – бренд. Шөбі – шүйгін. Табиғи қазба байлығы талайды тамсандырған өңір. Жайылмалық жұрт жерсіндірген қарбызын алыс-жақын шетеліңіз таласып әкететіні тағы бар. Қысқасы, қазір Қаратаудың етегінде орныққан елдің бірлі...

    Толығырақ...
  • 10.10.19

    Байқоңырлық бұқараның әлеуметтік мәселелері оң шешімін тауы­п келеді­. Бұрын «Ресейдің иелігінде» деп онша иек артпайтын аумақ еді, соңғы жылдары­ екі елдің Үкіметаралық келісімдерінің арқасында «жұлдызды қалашықта» да біраз істің беті бері қарап қалды.  Түсінікті болу үшін тақырыпты тарқатайық.

    ...
    Толығырақ...
БАЛАЛЫҒЫ ДА, ДАНАЛЫҒЫ ДА БАР БАЛЖАН
20.06.2019 10:30

«...Бізге керегі шын дарындар. Мемлекет өзінің талантты ұлдары мен қыздарын, тарланбоз жүйріктерін қолдауға, қорғауға міндетті». Иә, талантты да дарынды жастар – елі­міздің бетке ұстар мақтаныштары. Оны  жоғарыда айтылған Тұңғыш президентіміз Н.На­зар­баевтың сөзінен айқын байқауға болады. Жас ұрпақтың келешекке нық қадам басуы­ – қоғам үшін маңызды да жауапты күш. Еңсесін тіктеп келе жатқан еліміз үшін да­рынды ұрпақтың орны бөлек.

Жалпы­, дарынды жастар деген кімдер? Осы сұраққа жауап іздеп көрейік. Кез келген баланың бойында өзіндік ерекшелік болады. Алайда барлығы бірдей таныла бермейтіні белгілі. Баланы уақыт талабына сай икемдеп, санасына өз заман­ының озық өнегесін сіңіру маңызды. Себебі, дарынды ұрпақ ғана халыққа көп пайда­  әкеледі.

Қоғам үшін шын талант­тарды  іздеу, оларды оқыту мен тәрбиелеу бүгінгі күні өте қажет. Дарынды бала өте сезім­тал, өзгеше ойлайтын, жылдам, ұшқыр қиялды және түсінік таным­ы жоғары болып келеді. Жалпы, оқушы бойындағы дарыны­н балалық шақтан ұштау – мектеп пен мұғалім алдын­да тұрған басты міндет. Бірақ бала бойындағы дарындылықты  анықтауда  асығыстық  танытуға болмайды. Негі­зі, талант­ты жастармен жұмыс жүргізу үшін ең алдымен оның шығармашылық ізденісін арт­тыр­у қажет. Одан соң пәнге деген­ қызығушылығын, белсенділігін жетілдірген жөн. Содан кейін түрлі интеллектуалдық сайыстар арқылы оқушының бейімділігін анықтау керек. Қазіргі таңда ұстаздар қауымының негізгі мақсаты – тәуелсіз елімізге тұлға болып қалыптасатын, талабы тау­дай ұрпақ тәрбиелеу. Сонымен қатар мектеп мұғалімдеріне, өскелең ұрпаққа жаңа заман талабы­на сай озық дәстүр  арқы­лы­ білім беру және сол білімді лайықты пайдалану секілді жауапт­ы  міндеттер  тұр.

Мінеки, бүгінгі күні осы мақсат­тар мен міндеттер ая­сында жұмыс істеп келе жатқан білім ордалары жетерлік. Соның бірі – Шиелі ауданы, Сұлутөбе ауылдық округіне қарасты №41 М.Шоқай атындағы орта мектеп. Мектепте осы бағытта атқарылып жатқан жұмыстар өз нәтижес­ін беруде. Жыл өткен сайын талантты оқушылар өсіп келеді. Сондай  дарынды шә­кірт­тердің бірі – Балжан Ералы. Әр жыл сайын үздіктер қатарынан ойып тұрып орын алатын жас жеткіншектің арманы асқақ. Қазіргі ең басты арманы – орыс және ағылшын тілінде еркін сөйлеу. Сол арқылы әлемдік деңгейдегі  сайыстарға  қатысып, бақ сынау.

- Арманым орындалу үшін аянып қалмаймын. Қолымнан не келеді барлығын істеймін, көрсетемін. Асқақ армандарымды жүзеге асыру үшін ешбір қиындыққа мойымаймын. Кез келген кедергіге қасқайып қарсы тұрамын, - дейді ол.

Бүгінгі күні 11 жасқа толған жас өрен мектебіндегі белсенділер қатарында көш бастап тұр. Қандай да болсын іс-шараларда, сайыстарда белсенділік таны­тады. Болашақта журналист болса­м  деген бала  арманы  бар.

«Өскенде телеэкран бетінен көрінгім келеді. Жай ғана көріну емес, сол салада жұмыс істеп жүрген білікті маман иесі болсам деймін» деген пікірімен де бөлісті. Кім біледі мүмкін балалық арманы жүзеге асып, өзінің сара жолын қалыптастыратын дара тұлға болар. Барлығы уақыттың еншісінде. Тек ар­манынан адаспай, мақсатын айқын­  жүзеге  асырса  болғаны.

Балжанның осы күнге дейін жеткен жетістіктері көп. Үздік оқушы, түрлі сайыстарда же­ңім­паз атанып, мақтау қағаз­дары мен дипломдарды иеле­ніп келеді. Өзінің айтуынша, өмірдегі ең үлкен жетістігі атасының «Құрметті азамат» атағын алуына өз үлесін қосқаны екен. Атасынан үлгі-өнеге алып, әр айтқан ақылын өмір­лік тәжірибе деп қабылдайтын жас жеткіншектің бағындырар белесі, алар асуы, жетер жетіс­тігі әлі алда. Білімге деген құш­тарлығының арқасында ізгілік пен батылдықты бойына сіңі­ріп, асқақ армандарының орындалат­ынына үлкен сеніммен қарап келеді. Алға қойған мақсат­тарының жолында тынбай еңбек етіп, білімі мен тәжірибесін өмір жолында пайдаланса, әлі де биік самғайтынына сенім мол.

Жақында тұсауы кесілген «Дарынды бала» айдары өзінің үшінші кейіпкерінің қыр-сырын­ аша білді. Жалындаған жас өрендердің ізденіс жолындағы еңбектерін жандандыру мақсатында ашылған бұл айдар­дың жас өнерпаздар мен ізденімпаздар үшін берері мол. Әрбір санында жарық көретін кейіпкер үшін бұл – үлкен жетістік. Ендеше, жас жеткіншектердің армандарына қанат бітіруді көздеген «Дарынды бала» айдарының келесі санын асыға күт, жас дос!

 

Балжанның  жетістіктері:

*Мадақтама, «Ата-баба мұрасын сақтаймыз және көбейтеміз» атты ғылыми жоба сайысында 1-орын, 2016 жыл;

*Мадақтама, «Ата-баба мұрасын сақтаймыз және көбейтеміз» атты ғылыми жоба сайысында 1-орын, 2017 жыл;

*Мадақтама, «Ойна да, тез ойла» атты интеллектуалдық сайыс­та 3-орын, 2018 жыл;

*Мадақтама, «Жазғы табиғат сайысы», 2019 жыл;

*Мадақтама, «Аяулы күз, алтын күз» эссе байқауы, 2016 жыл;

*Диплом, «Ақ бота» интеллектуалдық марафоны 3-орын, 2015 жыл;

*Диплом, «Ақ бота» интеллектуалдық марафоны 1-орын, 2016 жыл;

*Сертификат, «Ақ бота» республ­икалық интеллектуалдық мара­фоны, 2017 жыл;

*Сертификат, «Русский медвежонок – языкознание для всех» халық­аралық байқауы, 2016 жыл;

*Сертификат, «Человек и приро­да» халықаралық байқауы, 2019 жыл;

*Сертификат, «Кенгуру-лингвист» халықаралық байқауы, 2015 жыл;

*Сертификат, «English world» шет тілі курсы, 2019 жыл;

*Сертификат, «Мен Қазақстанды сүйемін» республикалық интернет байқауы, 2015 жыл.

 

Пікір қалдыру


Қорғаныш коды
Жаңарту

Күнтізбе

< Маусым 2019 >
          1 2
3 4 5 6 7 8 9
10 11 12 13 14 15 16
17 18 19 21 22 23
24 25 26 27 28 29 30

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары