Өзекті мәселелер

  • 12.09.19

    Қасымды түлен түртті. Түрткенде тіпті шектен шықты. Соңғы уақытта ащы суға үйір болды­. Таң алекеуімнен оразасын ішімдікпен ашады. Ішке түскен қызу миында қордаланған уайымын ұмыттырады. Зіл-батпан денесін жеңілдетеді. Отбасымды асыраймын, жеткіземін деп істемеген жұмысы  жоқ. Базарда арба да сүйреді. Жүк түсіруші де болды. Шеберхана ашып, аяқ киім де тікті. Жалданып жұмыс та істеді.

    ...
    Толығырақ...
  • 12.09.19

    Қалалық А.Тоқмағамбетов атындағы мәдениет үйінде өткен мемлекет басшысының «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауына арналған Қызылорда қаласының идеологиялық активі мен «Nur Otan» партиясы қалалық филиалының саяси кеңе­сінің бірлескен отырысында басым бағыттар сараланды. Жиынды қала әкімі Нұрлыбек Нәлібаев ашып, жүргізді.

    ...
    Толығырақ...
  • 12.09.19

    Алғашқы 8 айдың қорытындысы бойынша қала қазынасына 12 452,6 млн теңге түсім түсіп, жоспар артығымен орындалған. Дегенмен, салық саласында  түйткілдер тым көп. Мәселен, қала  көлеміндегі 13 базарда 1342 орын, 8 ірі сауда үйінде 915 орын жалға берілген. Базарл­ар мен сауда үйлерінде сауда жерлерін жалға алып, кәсіппен айнал­ысып жүрген азаматтар табыстарын төмендетіп көрсеткен. Бұл жөнінде Қы­зы...

    Толығырақ...
  • 12.09.19

    Облыс әкімі Қуанышбек Ысқақов осыған дейін өңірдегі алты ауданға ат басын бұрып, ауылдарын аралап қайтқаны бар. Сонау солтүстіктегі Арал мен оңтүстіктегі Жаңақорғанға дейін түгел шарлап шықты. Бірақ Ғанибек Қазантаев басқаратын облыс орталығының іргесіндегі Сырдария ауданына табан тіреген жоқ.

    ...
    Толығырақ...
  • 12.09.19

    Айжарық  СӘДІБЕКҰЛЫ

    СЕН   ӘЛЕМНІҢ ЖАНАРЫНДАСЫҢ,   АРАЛ!

    Арал атырабын жайлаған экологиялық апаттың дүние-әлемнің жанарына іліккеніне де талай жылдың жүзі аунады. Енді аманшылық болса, жиырм­асыншы ғасырды түгендеп, жаңа жүзжылдықты бастаймыз. Ең өкініштісі сол, алдағы ғасырдың табал­ды­рығынан тәуелсізді...

    Толығырақ...
ТӨРТ ТҮЛІКТІ ТҮЛЕТКЕН
06.09.2019 10:00

Жөн сұрасуды «мал-жаның аман ба?» деп бастайтын қазекең үшін төрт түліктің орны ерекше екені белгілі. Бар тіршілігі мал шаруашылығымен тығыз қабысқан атакәсіп қазіргі таңда да маңыздылығын жой­ған­ жоқ. Тоқырау тұсында тұралаған саланың кейінгі уақытта тамырына қан, өңіне нәр жүгіргенін күнделікті өмірде көріп-біліп жүрміз. Бұған өңірде атқарылып жатқан, алдағы кезеңге межеленген ауқымды жұмыс­тар дәлел болады.

Арал ауданында барлық нысандағы ауыл шаруашылығы құрылымдарында мүйізді ірі қара, қой-ешкі, жылқы мен түйеде өткен жылдың осы кезеңімен салыстырғанда өсім байқалады. Ағымдағы жылы ауданға 350 бас мүйізді ірі қараны шетелден сатып алу межеленген. Осы бағытта Жаңақұрылыстағы «Әулие төбе», Октябрь ауылдық округіндегі «Жомарт­» шаруа қожалығы 220 бас асыл тұқымды ет бағытындағы мүйізді ірі қара малын­ әкелуге жұмыс жүргізуде. Бұл үшін «Жомарт» шаруа­ қожа­лығының басшысы Қазыбек Әлібеков Ресейге сапарлап, өзіне және «Әулие төбе» шаруа қожалы­ғына жеткізілетін малды қазан айында алуға келісіп келген-ді. Аталмыш екі шаруа қожалығы «Ауыл шаруашылығын қаржылай қолдау қоры» АҚ-ның Қызылорда облыстық филиал­ы ар­қылы несие құжат­тарын әзірлеуде.

Теңіз төскейінде мемлекеттің нақты қолдауын сезініп отырған кәсіпкерлер де аз емес. Қолдағы деректе­ биылғы жылы 7800 бас қой сатып алу жоспары бекітіліп, 7 шаруашылық несие алуға құжат тап­сырға­ны жазылыпты. Соның ішінде, 2 шаруашылыққа несие беріліп, қалған­ шаруашылықтың 780 бас қой сатып алуға құжаттары комиссияда қаралуда. Мұнан өзге Жақсықылыш кентіндегі «Қази» шаруа қожалығы 180 бас қой сатып алу тұрғысында «Арал ырысы» кредиттік серіктес­тігі» ЖШС-не несие құжаттарын дайындап  жатыр.

Дана халқымызда «не ексең, соны орасың» деген сөз бар. Арал өңірінде ірі қара малының аналығын тұқымдық түрлендіруге баса көңіл бөлі­неді. Әрі арнайы жоспарға сай жүргізіледі. Мәселен, 2019 жылға 7180 бас мүйізді ірі қара малы аналығын тұқымдық түрлендіруге қа­тыс­тыру көзделген. Нақты кезеңде, 1997 бас аналық сиыр, 123 бас асыл тұқымды бұқа тұқымдық түрлен­діруге  қатысуда. Осылайша  аналық сиырлардың  тұқымдық  түрлендіруге­ түсуі 27,8 пайызды құрап отыр. Бұл қадам келешекте нәтижесін береді деп күтілуде.

Жұмабек  ТАБЫНБАЕВ,

Арал  ауданы

 

Пікір қалдыру


Қорғаныш коды
Жаңарту

Күнтізбе

< Қыркүйек 2019 >
            1
2 3 4 5 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары