Өзекті мәселелер

  • 12.09.19

    Қасымды түлен түртті. Түрткенде тіпті шектен шықты. Соңғы уақытта ащы суға үйір болды­. Таң алекеуімнен оразасын ішімдікпен ашады. Ішке түскен қызу миында қордаланған уайымын ұмыттырады. Зіл-батпан денесін жеңілдетеді. Отбасымды асыраймын, жеткіземін деп істемеген жұмысы  жоқ. Базарда арба да сүйреді. Жүк түсіруші де болды. Шеберхана ашып, аяқ киім де тікті. Жалданып жұмыс та істеді.

    ...
    Толығырақ...
  • 12.09.19

    Қалалық А.Тоқмағамбетов атындағы мәдениет үйінде өткен мемлекет басшысының «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауына арналған Қызылорда қаласының идеологиялық активі мен «Nur Otan» партиясы қалалық филиалының саяси кеңе­сінің бірлескен отырысында басым бағыттар сараланды. Жиынды қала әкімі Нұрлыбек Нәлібаев ашып, жүргізді.

    ...
    Толығырақ...
  • 12.09.19

    Алғашқы 8 айдың қорытындысы бойынша қала қазынасына 12 452,6 млн теңге түсім түсіп, жоспар артығымен орындалған. Дегенмен, салық саласында  түйткілдер тым көп. Мәселен, қала  көлеміндегі 13 базарда 1342 орын, 8 ірі сауда үйінде 915 орын жалға берілген. Базарл­ар мен сауда үйлерінде сауда жерлерін жалға алып, кәсіппен айнал­ысып жүрген азаматтар табыстарын төмендетіп көрсеткен. Бұл жөнінде Қы­зы...

    Толығырақ...
  • 12.09.19

    Облыс әкімі Қуанышбек Ысқақов осыған дейін өңірдегі алты ауданға ат басын бұрып, ауылдарын аралап қайтқаны бар. Сонау солтүстіктегі Арал мен оңтүстіктегі Жаңақорғанға дейін түгел шарлап шықты. Бірақ Ғанибек Қазантаев басқаратын облыс орталығының іргесіндегі Сырдария ауданына табан тіреген жоқ.

    ...
    Толығырақ...
  • 12.09.19

    Айжарық  СӘДІБЕКҰЛЫ

    СЕН   ӘЛЕМНІҢ ЖАНАРЫНДАСЫҢ,   АРАЛ!

    Арал атырабын жайлаған экологиялық апаттың дүние-әлемнің жанарына іліккеніне де талай жылдың жүзі аунады. Енді аманшылық болса, жиырм­асыншы ғасырды түгендеп, жаңа жүзжылдықты бастаймыз. Ең өкініштісі сол, алдағы ғасырдың табал­ды­рығынан тәуелсізді...

    Толығырақ...
240 ОТБАСЫ БАСПАНАЛЫ БОЛАДЫ
06.09.2019 10:15

ДЕПОЗИТ –  БАСПАНА   КЕПІЛДІГІ

Әлеуметтік мәселенің бастысы – баспана мәселесін шешуд­ің түрлі бағыттары қа­растырылуда. Тіпті, арнайы бағдар­ламалар тетігі де жеткі­лікті. Мәселен, «Нұрлы жер» – көппәтерлі үйлер құрылысы мен жеке тұрғын үй құрылысын дамыту аясында халықты қолжетімді баспанамен қамтамасыз етуге арналған мемлекеттік бағдарлама. Бұл бағдарлама аясында «Тұрғын үй құрылыс жинақ банкі» АҚ салымшыларына қойылатын талап та көп емес, тек тұрғын үй бағасының 20 пайызын депозитте жинау керек. Содан кейін баспананы жылдық 5 пайыздық мөлшерлемемен сатып алу мақсатында жеңілдетілген несие ұсынылады. Бұл ретте салымшылар арасында «Нұрлы жер» бағдарламасы ар­қы­лы баспаналы болу үшін не істеу керек?» деген заңды сауал қойылады. Жауап қандай?

Сала  мамандарының айтуынша, кез келген жеке тұлға банкке нарықтан бастап­қы тұрғын үй сатып алу үшін же­ңілдетілген  несие алу  үшін ипотекалық қарыз алуға құжаттарды және субсидия алуға өтініш беру тиіс. Ішкі құжаттарымен белгіленген процедураларға сәйкес банк төлем қабілет­тілікті және ұсынған кепілдікті бағалайды. Ипотекалық қарыз беру туралы оңтайлы шешім қабылданған жағдайда банк 3 жұ­мыс күні ішінде Қазақстан ипоте­ка­лық компаниясына субсидия беру туралы қолдаухат жолдайды. Ипотекалық компания 5 жұмыс күні ішінде құжаттардың бағдарламаның талаптарына сәйкестігін  тексере­ді және субсидиялау туралы шешім қа­былдайды. Шыға­рылған шешімнің негізінде банк қарыз алушымен банктік қарызы, төлеу кестесін, ипотекалық келісімін жасасады. Жеке құрылыс салушылардың субсидияланған несие алу арқыл­ы  салынған тұрғын үйден пәтер алу үшін жеке тұлға Қазақстанның «тұрғын үй құрылыс жинақ банкінің» салым­шысы ретінде депозит ашып, қаражат жинап, белгіленген бағамен баспана сатып ала алады. Тағы бір нұсқасы, өз қаражаты есебінен нарықтық бағамен сатып алу мүмкіндігі бар. Ал жергілікті әкімдік салған несиелік тұрғын үйлерге ие болу үшін баспанаға мұқтаж адамдар «Тұрғын үй құрылыс жинақ банкінің» салымшысы болуы немесе әкімдіктердің есебіне кезекке тұрып, сонымен қоса банкте депозит ашуы тиіс. Бұл ретте олар ҚР азаматтығына немесе оралман ста­тусына ие болуы, төлем қабі­лет­тілігін растауы және иелі­гінде  жылжымайтын мүліктің болмауы негізгі шарттардың қатарында.­

 

СОЛ   ЖАҒАЛАУДАҒЫ ҮЙЛЕРДІҢ  ҚҰНЫ ҚАНША?

«Тұрғын үй құрылыс жинақ банкі» арқылы бағдарламаға қатысудың үш жолы бар. Бірі – жекеменшік құрылыс компаниялары салған көппәтерлі үйден баспана алу, екіншісі – жергілікті атқарушы органдар арқылы сатылатын нысан­дардан пәтер алу, үшіншісі – әкімдік арқылы кезек бойынша берілген жер теліміндегі жекем­еншік жер үй сатып алу. Банк салымшылары аталмыш бағдарламаға белсенді түрде қатысып, baspana.kz порталына арқылы ұнаған нысан мен пәтерді таңдап, өтініш беруі қажет. Құжаттар тек 2019 жылдың 11 қыркүйегіне дейін қабылданады. Осы ретте «Тұр­ғын үй құрылыс жинақ банкі» АҚ Қызылорда облысы бо­йынша­ филиалы қаланың сол жағалауындағы еңселі үйлерді салымшыларға таныстыру мақсат­ында арнайы баспасөз турын  ұйымдастырды.

- Банктің негізгі мақсаты – өз салымшыларын қолжетімді баспанамен қамтамасыз ету. Бұл – біздің үнемі әрі тұрақты жұмысымыз. Және бұл жұмыс­тарға жергілікті әкімдік қызметкерлері мен құрылыс компаниялары өкілдері де көмек көрсетуде. Нәтижесінде банк өзінің салымшыларына шаршы метрі 140 мың теңгені құрайтын 240 пәтерді ұсынуда. Өздеріңіз білетіндей, Сырдария өзенінің сол жағалауындағы жаңа қаладан да көрікті көпқабатты тұрғын үйлер бой көтеруде, - деді «Тұрғын үй құрылыс жинақ банкі» АҚ Қызылорда облысы бойынша филиал директорының мінде­тін атқарушы Ілияс Жұрынов салымшылармен кездесуінде.

Сол жағалаудағы тұрғын үй кешендерінің барлығы да тиянақты, еңселі етіп салынған. Баспана құны жинаған ақшаңыз болса, басқатырарлық қымбат емес. Мәселен, аумағы 57 шаршы метрді құрайтын  2 бөлмелі пәтердің құны 7 млн 980 мың теңгені құрайды. Оның бастапқы 20 пайыздық жарнасы – 1 млн 596 мың теңге,­ ал 8 жылға ай сайын 44422 теңгеден, қалған 11 жылында 36708 теңгеден төленеді. Егер бұл пәтерді отбасыңызға лайық көрмесеңіз, кө­лемі 67 шаршы метрді құрайтын 3 бөлмелі пәтердің1 млн 876 мың теңге жарнасын жинақтасаңыз жеткілікті. Ол кезде 8 жыл бойы 52 мың теңгеден, одан кейін 43125 теңгеден пәтер құнын төлеп оты­расыз.

 

БАСПАНА  БАЛЫ  ҚАЛАЙ ЕСЕПТЕЛЕДІ?

2017-2031 жылдар аралығын қамтитын «Нұрлы жер» бірыңғай тұрғын үй құрылысы бағдарламасы аясында рес­публика  бойынша 15 жылда 1,5 млн қазақстандық отбасы жаңа пәтер иесі атанады деп жоспарланған. Бағдарламасының басты ерекшелігі де сол, халықты тұрғын үймен қамту жұмыстарының тиімділігін жан-жақты арттырған. Соның бірі – екінші деңгейлі банктерді субсидиялау арқылы ипотека­лық несиелеуді қолдау. Екінші деңгейлі банктер бұған дейін ең көбі жылдық 17% үстемемен несиелендірсе, алдағы   7 жылда мұның 7%-ын мемлекет өз мойнына алуы мүмкін. Сонда ипотека алушы 10%-дық сыйақы мөлшерін ғана төлей­тін болады. «Нұрлы жер» бағдарламасы  аясында  салымшыларға берілетін тұрғын үйлер­дің шаршы метрі Алматы мен Нұр-Сұлтан  қалаларынан өзге өңірлерде 140 мың теңгеге арзандатылды. Қазіргі таңда нарық­тағы пәтердің бір шаршы метрі 260-280 мың теңгеге бағаланып отыр. Бағдарлама бірнеше бағытты қамтиды, жинақ ақшасы бойынша несие­лік баспана алу, үй сатып алуға халықтың әлеуметтік әлсіз топтары үшін үйді жалға беру бағыты және жеке тұрғын үй құрылысын дамыту бағыты бойынша жер тілімін сатып алу. Бағдарламаның «Несиелік баспана салу» бағыты бойынша жаңа үйлерді салуға жергілікті әкімдіктер жауапты. Бағдар­лама аясында салынған пәтерлердің кем дегенде 50%-ы жергілікті  әкімдікте  тұрғын  үй кезегінде тұрған азаматтарға үлестіріледі. Ал қалған пәтерлер салымшыларға тиесілі. Бағдарлама басталған 2017 жылы 11,1 млн шаршы метр немесе 100 мың 8 тұрғын үй, 2018 жылы – 12,5 млн шаршы метр немесе 113 мың пәтер, 2019 жылдың алғашқы жартыжылдығында 5,7 млн шаршы метр немесе 48 925 тұрғын үй еңсе тіктеген. Мемлекеттік бағдарл­аманы іске асыру жылдары барлығы 262 мың тұрғын үй салыныпты. Жыл басынан бері еліміз бойынша тұрғын үй құрылысына 605,7 млрд теңге инвестиция тартылды. Жыл соңына дейін тағы да 118 мың тұрғын үй салу жоспарда бар.

Тағы бір қуанышты жайт, «Тұрғын үй құрылыс жинақ банкі» салымшыларының саны 1,3 млн адамға жетті. Республика бойынша жарты жылда     5,7 млн шаршы метр тұрғын үй пайдалануға берілсе, көшбасшы өңірлердің қатарында Қы­зылорда облысы да бар. Бұл – тұрғындардың «Тұрғын үй құрылыс жинақ банкіне» сенімділігі мен бағдарлама бағытын­а  белсене  қатысуының нәтижесі. «Нұрлы жер» бағдарламасы бойынша баспаналы болғысы келетіндердің көпті­гіне байланысты пәтерлер балдық­ жүйе бойынша бөліне­ді. Үй сатып алушылар пулына ең көп балл жинаған адамдар кіре­ді. Балл саны депозитті толтыру жиілігіне және оның мерзіміне байланысты. Яғни, салымшының шоты неғұрлым ертерек ашылып, тұрақты түрде толықтырылып отырса, онда оның балл саны да соғұр­лым жоғары болады. Баллды есептеу процесі автоматтан­дырылған әрі айқын түрде жүргізіледі.

Н.ҚҰДАЙБЕРГЕН

 

Пікір қалдыру


Қорғаныш коды
Жаңарту

Күнтізбе

< Қыркүйек 2019 >
            1
2 3 4 5 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары