Өзекті мәселелер

  • 16.10.19

    Тәуелсіздік күні қарсаңында «Шіркейлі» арнасындағы көпірдің ашылу салтанаты өтеді... «7-20-25» бағдарламасы бойынша тұрғын үйлер халық игілігіне пайдалануға беріледі... Жыл басынан бері сәулет-құрылыс саласындағы заңнама талаптарын бұзған тұлғаларға 16 млн 822 мың теңге айыппұл салынған... 2019-2021 жылдары газдандыру жұмыстарына 22 млрд теңге қаржы бөлінеді...

    ...
    Толығырақ...
  • 16.10.19

    «Алтын дән – 2019» мерекесі қалалы­қ ипподромда ат бәйгесімен жалғасын тапты. Мұнда шабан­доздар тай, құнан, тоқ, аламан­ бәйге сынды 4 түрінен сынға түсті. Бәйгенің ең ұзағы (аламан) 25 шақырым болса, тай бәйгеде шабан­доздар 4 шақырымға шапты.­

    Облыс әкімі Қуанышбек Ысқақов шараға қатысып, диқандардың жеткен жетістігіне тоқталып, облыс­тағы ат спортына бөлінген көңіл турасын­да  айтты...

    Толығырақ...
  • 10.10.19

    Мұны бәріміз де көп күттік. Жиырма жыл. Аз уақыт емес. Сөз жоқ, бұл жеңістің өзі оңайлықпен келген жоқ. Жасыл алаңда жан беріп, жан алысқан сәтті теледидардан телміре тамашалап, күйініш пен сүйінішті көрудің өзі бір ғанибет­  екен. Бұл күнге дейін не айтыл­мады, мақтау да, даттау да айтылды, бірақ біздің жігіттер жарады. Біздің айтып­ отырғанымыз – жексенбі күні елорда төріндегі «Астана Арена» ...

    Толығырақ...
  • 10.10.19

    Елбасының «Нұр Отан» партиясының ХVIII съезінд­е ұсынған «Әлеуметтік қамқорлық» жаңа әлеуметтік саясаты қоғамның барлық саласын қамтиды. Әсіресе, президент көпбалалы отбасыларға қол­дауды арттыру қажеттігіне ерекше тоқталды. Өйткені, елімі­здегі баспанаға мұқтаж азаматтар саны азаймай тұр. Сандарды сөйлетсек, елдегі үй кезегінде тұрған аз қамтылған, көпбалалы отбасылардың жалпы­  саны 28 мыңнан...

    Толығырақ...
  • 10.10.19

    Қызылорда облысында экономика саласын дамытуда мемлекеттік-жекеменшік әріптестік тетік­тері тиімді пайдаланылып келеді­. 2017 жылдан бастап мұнай өндіру көлемінің айтарлықтай төмендеуіне қарамастан, жалпы өндірістік өнім көрсеткіші бойынша оң өзгеріс байқалады. Бүгінде өңір экономикасының барлық салас­ында тұрақты өсім қамтамасыз етілуде. Тек өнеркәсіп өндірі­сінде мұнай ұңғымаларының сулану­ы ...

    Толығырақ...
ТОТ БАСПАҒАН АСЫЛДАР
10.10.2019 09:50

Дінді апиынға теңеген Кеңес өкіметінің солақай саясатының ызғары ишан-мақсым, қожа-молдаларды, жалпы, дін өкілдерін қаншама қуғын-сүргінге ұшыратса да, есімдерін халық санасынан өшіре алған емес. Мәселен, ел зердесінде әулиелігі, көріпкелдігі, емшілігі, айрықша қасиетімен сақталған «Қара молда» атамызды еске түсірейікші. Қит еткенді қиып түсетін компартияның кезінде де Аллаға сыйынып, әулие атамыздан сырқатына шипа іздеп жан-жақтан жеткен халық нөпірі толастаған жоқ.

Көп жыл бұрын, шаруашылықта жүргенде құрылыс бригадасын бастап барып, Сайқұдық учаскесіндегі қырқым пунктін жөндеуден өткіздім. Қайтар жолда Жекен ағамыз «Молда атаға сәлем берейік» деп бәрімізді атаның үйіне ертіп апарды. Аппақ мамық төсектің үстіндегі жылы жүзді даңқты әулиеге қос қолымызды ұсынып, жүрексіне сәлем бердік. Атағы сонау қиырдағы әулие Ванганың өзіне дейін жеткен  баба өте қарапайым, мейірімді адам болып шықты. Именшектеп тұрған бізге жылы шырай танытты. Мақтадай жұп-жұмсақ қолын ұстағанымда қатты тебірендім. Ортамыздағы жасы үлкен Жекен ағамыздың әкесі, танымал зергер Муса көкемізді молда ата жақсы біледі екен. Аманшылығын, хал-жағдайын сұрап жатты. Дастарқан жайылып, дәмнен ауыз тидік. Осылайша атақты әулиемен жүздескеніміз өмірімдегі айтулы оқиғаның біріне айналды.

Сондай халқы қастерлеген киелі адамның бірі – Тілеулес ишан Нұрсейітұлы. Біршама уақыт бұрын Келімбет атты ағамыздан естіген төмендегі оқиғаны көпшілікпен бөліссем. Ағамыздың айтуынша, Тілеулес Нұрсейітұлы атамыз көп ағайынды болыпты. Болашақ ишанның әкесі Нұрсейіт ержете келе түс көріпті. Түсінде қалың нар қамысты қақ жарып келе жатса, әдемі жасалған, тоғыз жұмыртқа жатқан ұяны көзі шалады. Ішіндегі біреуі алтыннан соғылған, айрықша жарқырап тұр екен дейді. Ертеңіне түсін танымал биге жорытқанда «Тоғыз перзент сүйесің. Біреуі қасиетті, ғұлама болады» депті. Аруақты жанның айтқаны айнымай келіпті. Бұхара, Хорезмде ұзақ жыл дәріс алып, Көкілташта дәріс берген Тілеулес 40 жасында ишан атанады. Қуғын-сүргін кезінде Тілеулес ишан Қазалының түрмесіне қамалыпты. Намаз уақытында дәрет алуға рұқсат сұраса, шолақ белсенділер келіспепті. Кенет... Құлыптаулы есік сарт етіп өзінен-өзі ашылыпты. Мұндай көрініс бірнеше мәрте қайталанған. Айдауылдардың сөзіне сенбеген түрме бастығы бұл тылсым жағдайды көзімен көріп, қайран қалыпты. Көп ұзамай ишан қапастан босатылыпты. Жанындағы камералас жас жігітке ишан тері сіңген беторамалын беріп, «жаныңнан тастама, қиындыққа босама» деген лебізін білдіріпті. Түрмеден ақталып шыққан ол жігіт кейін Ұлы Отан соғысынан да аман оралыпты. Өзі «мені ажалдан құтқарған Тілеулес ишанның ниеті» дегенді өмірден өткенше аузынан тастамапты. Тілеулес ишан үзілгенде денесін жуған су төгілген жердің шөбі желтоқсанның аязында жап-жасыл күйінде сақталыпты деседі. Аруақты бабалардың қасиетіне қалайша таңданбассың?!

 

Жұмабек  ТАБЫНБАЕВ

 

Пікір қалдыру


Қорғаныш коды
Жаңарту

Күнтізбе

< Қазан 2019 >
  1 2 3 4 5 6
7 8 9 11 12 13
14 15 16 17 18 19 20
21 22 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары